貧僧收到風，ASUS ROG Chariot RGB 電競椅會係 4 月下旬到貨，今日上到 HKEPC 見到實物，真係想打刧佢翻屋企啊，大大隻「敗家之眼」就知唔慌平，賣街 HK$4,299、限量發售，今日開始接受 Pre-Order 會加送禮物，大家可以搵中田、正刀、宇宙、海鮮舫、CMAX、SE、2千分、OMG 果幾間落訂喎。

如果你是無 RGB 不歡的玩家， CORSAIR「iCue LS100 Smart Lighting」智能燈條將是你的心頭好，他可以將 RGB 燈效伸延至 PC 之外，打造房間的環境燈光與其他 iCue 週邊進行同步， 亦可放置在顯示器背面將畫面的色彩實時延伸至屏幕之外，令進行遊戲或播放電影時更具臨場感，Starter Kit 套裝包括 2 條 450mm 及 2 條 250mm 燈條，合共 84 顆可單獨編程的 LED 顆粒，讓萬物皆可有 🌈 RGB 燈效。

今日翻左 XPG Prime ARGB 🌈 延長線，ATX 24-pin、PCIe 8-pin 都係賣HK$399，一套買就 HK$680，連其他野一齊買就HK$649，採用光纖套管導光技術、高密度編織網保護及理線梳，質感完全媲美 Lain Li 新個隻 Strimer Plus 喎，可以一戰。

Lian Li 第二代「Strimer Plus」ARGB 🌈 延長線翻貨啦，ATX 24-pin 賣街 HK$370、PCIe 8-pin 賣街 HK$310，線長分別增至20cm、30cm，LED 顆粒總數高達 120 顆、108顆，相較舊版更光亮，喜歡光害快課金。

GELID Solution 推出 Zentree 2.0 復克版充電底座，承繼舊代鐘乳石般的支柱設計，讓用家自由擺放智能手機、平板電腦、智能手錶及無線耳機等數碼產品，升級提供 QC3.0 及 PD3.0 充電技術，提供總數 60W 快速充電輸出，內殼空間收藏充電線擺脫桌面上的凌亂線材。