正所謂便宜莫貪，最近 FB 出現好多賣卡的新專頁，叫人畀錢然後落腦場拎卡，通常呢 D 專頁都係新開，然後 D 價又要超平，大家唔會覺得好可疑架咩 ? 更重要係佢地會聲稱係某代理、某舖頭嘅合作伙伴。

貧僧收到風話漢科同 Synology 搞填網上問卷調查，抽 Synology RT 2600ac Router (共 3 台) / Apple iPad 10.2" 128GB Wi-Fi 版 (共 2 台)，個問題係關於 Google Photos 不再無限免費，大家會唔會用 NAS 自建私有相片雲端，記得去參加抽獎.... 快。

相信有玩開機械鍵盤嘅，你一定唔會唔識德國 CHERRY 🍒，好多出名嘅電競品牌例如 Logitech、CORSAI、RAZER 都有用 CHERRY 嘅機械軸，絕對係信心保証，但其實 CHERRY 🍒 自已都有出機械鍵盤，終於等到德國 CHERRY 🍒 有香港正式代理啦，Felton 宣佈拎左呢隻元袓級機械鍵盤品牌翻來做，包括電競、文書及商業全線系列，又多個好選擇畀大家揀啦。

FeverSound 國仁兄今日發文表示，如果你用緊 QNAP NAS 同時安裝了 Roon Server 串流套件的話，快盡快移除，可能出現安全隱患，未知是否與昨日 Music Union Kin C Han 兄被 eCh0raix 加密勒索攻擊有關連，但大家最好留意吓。

據國仁兄在貼文中指出，ROON 寫給 QNAP NAS 的 Roon Server 的 Web UI 版本存在安全漏洞，但寫給 Synology 的沒有 Web UI 版本則安全沒問題。

現時，QNAP 套件中心仍能下載 Roon Server，但預期好快會被落架，Synology 早前已將 Roon Server 落架。

貧僧收到昨日報案的 OverPower 苦主回覆，警方今日介入調查事件，將 OverPower 負責人帶署協助調查，經調解後 OverPower 向警方表示會陸續將款項退還。

昨日報案苦主表示，已收到退款並消案不作追究，HKEPC 就此事向警方查詢，警方証實 CSW RN 21015038 案件已和解，警方已密切留意事件，如有其他懷疑受騙者請報警求助。