香港目前真正擁有全段網絡都係自己嘅 ISP 其實有幾多間？

本帖最後由森仔於 2024-9-2 16:22 編輯

小弟最近研究緊香港嘅固網通訊網絡，想分享下以下見解。

互連互通

眾所周知，除咗HKT，香港嘅固網通訊網絡（固定話音/固定互聯網）一直都存在幾個ISP之間互相租線嘅情況（OFCA介定為「固定網絡互連批發市場」或「批發接達」），因為一間ISP唔可能做到每間大廈都有自己嘅網絡覆蓋，所以同一棟大廈有ISP為咗可以向住戶提供家居電話/家居寬頻服務，會透過「互連」租約向已於該大廈鋪設網絡嘅供應商租線，以提供服務。

當中以家居電話租線情況較為普遍，但租線唔一定成功或者唔一定能夠一直使用 ——

某一年曾發生商有HGC新客戶因為所在大廈「和記」沒法向PCCW/HKBN租線，導致無法履行服務承諾。
某一年，HKBN因為與HKT嘅合約完結，需要取消住宅電話銅線服務。

根據通訊事務管理局資料，香港截至2024年2月，有多達29間固網通訊供應商，但實際根據2019年4月17日嘅公開資料及其他資料可以分析出，直至香港寬頻收購「WTT 滙港電訊」前，當中只有4間實際具備全「核心網絡和接達網絡」，分別係 ——

Hong Kong Telecommunications (HKT) Limited（「HKT」）
HKBN 香港寬頻
HGC 環球全域電訊有限公司
滙港電訊 - 前九倉電訊 (WTT HK Limited)

而事至今日，香港實際具備核心網絡（上遊段）和接達網絡（下遊段）的，只有以下三間大企業 ——

Hong Kong Telecommunications (HKT) Limited（「HKT」）
HKBN 香港寬頻

香港寬頻網絡有限公司 (HKBN)
香港寬頻企業方案有限公司 (HKBN Enterprise Solutions Limited) - 由收購的「新世界電訊 (New World Telecommunications Ltd.) 」易名而起
香港寬頻企業方案香港有限公司 (HKBN Enterprise Solutions HK Limited) - 由收購的「滙港電訊 (WTT HK Limited) 」易名而起

HGC 環球全域電訊有限公司

當中較為有趣嘅就係「i-Cable 有線」，作為九倉旗下嘅公司，一直與同為九倉旗下「九倉電訊」互相租線（錯綜複雜）。例如 ——

「九倉電訊」曾經透過「i-Cable 有線」嘅「混合光纖同軸電纜 (Hybrid Fiber Coax)」網絡向用戶傳輸「寬頻電話/數碼電話」嘅訊號，但後期九倉曾經多次調整集團架構，變成「九倉電訊」以商業客戶為對象，「i-Cable 有線」以住宅用戶為對象。
同時喺呢段「錯綜複雜」嘅期間，九倉曾經大規模擴展其網絡覆蓋，但期間九倉似乎並無特別鋪設一段屬於「i-Cable 有線」自己嘅上游段網絡。
所以事實上，「i-Cable 有線」無論係電話、收費電視定寬頻上網嘅部分，都一直係依賴「九倉電訊」嘅上游段骨幹網絡提供服務。只有「混合光纖同軸電纜 (Hybrid Fiber Coax)」或後期嘅「光纖入屋段（機樓至住戶）」下游段網絡先屬於自己所有。
換言之，在2016年「九倉電訊」賣盤時，即2016年至2019年間的「滙港電訊 (WTT HK Limited)」，都係「i-Cable 有線」嘅上游段「批發接達供應商」。
（但亦有人曾經指出，九倉在賣盤前曾經為「i-Cable 有線」留下部分完整嘅「核心網絡 (上游段) 」嘅骨幹網絡，但亦不排除只是在賣盤時給予了「i-Cable 有線」暫時性嘅專屬線路使用權，擁有權亦然歸屬收購方所有。）
所以由第一天九倉電訊賣盤開始，「i-Cable 有線」事實上已不屬於擁有全段網絡（核心網絡和接達網絡）嘅公司（之前因為與九倉電訊同屬九倉，所以可以歸類為擁有完整骨幹網絡嘅供應商）。
而事至今日，「i-Cable 有線」為客戶提供嘅各種服務都係透過今日嘅「香港寬頻企業方案香港有限公司 (HKBN Enterprise Solutions HK Limited)」（即原九倉電訊骨幹網絡）光纖骨幹網絡作為上游段，再透過自己嘅下游段網絡提供服務，包括但不限於光纖寬頻、家居電話。
後來「i-Cable 有線」推出咗與NTT合作嘅商業寬頻服務，即屬於另一個故事了。

轉售商

除咗「三間全段網絡供應商」及「一間下游段網絡供應商」，香港喺固網通訊網絡市場仲有2間供應商以租借現有4間網絡供應商嘅線（無論只租上游段或下游段或全租）提供服務 ——

SmarTone 數碼通電訊集團
CMHK 中國移動香港

除咗租用全段網絡外，亦可以只「單純租用線路」（類似於單純租用暗光纖），而網絡發送終端係由自己設計及提供

CMHK所提供嘅長期$78元plan光纖寬頻使用的是「i-Cable」（但唔排除有些大廈沒有i-Cable訊號而改用HGC甚至HKBN，以i-Cable優先）
SmartTone提供嘅$88元/98元1000M多數由HGC提供，而$100元或以上嘅1000M則由HKBN提供
透過分析供應商網站嘅API Call，可以看出SmartTone會喺輸入地址後同時檢查HKBN、HGC、i-Cable是否有覆蓋你所在嘅大廈，以沙田某高級住宅為例，可以見到SmartTone提供嘅$148元1000M是由HKBN提供嘅——

附件: 您需要登錄才可以下載或查看附件。沒有帳號？註冊