用家熱論 Samsung Galaxy S20 屏幕「突然死亡」! 慘變白或綠屏顯示不能

bennylcn

買得旗艦級智能手機，就當然是想盡享視聽之娛，不想有任何軟件或硬件問題出現。可是近日網上有多名外國用家分享 Samsung Galaxy S20 屏幕「突然死亡」個案，提到有個案的手機 mon 會出現不明掃描線，意味屏幕即將損壞，而最壞的情況更是屏幕會慘變白色或綠色，不能顯示任何資料。

近日網上有多名用家分享 Samsung Galaxy S20 屏幕「突然死亡」個案
用家表示當手機 mon 出現不明掃描線時，意味屏幕即將損壞
最終用家的屏幕會慘變白色或綠色，不能顯示任何資料
【相關報道】Samsung Galaxy Z Fold3 5G 規格曝光 起用屏下前置拍攝鏡頭【下一頁】

近日網上有多名外國用家分享 Samsung Galaxy S20 屏幕「突然死亡」個案，最早的一個個案是可以追溯至今年 5 月。當中有個案反映是手機 mon 會出現不明掃描線時，這樣就意味屏幕即將損壞，而最壞的情況更是屏幕會慘變白色或綠色，不能顯示任何資料。以上情況除會發生於 Galaxy S20 外，亦會出現於 Galaxy S20+ 和 Galaxy S20 Ultra。暫時未知香港版的 S20 系列有否出現此情況。

雖然 Samsung 官方論壇提到，如用家遇上以上屏幕「突然死亡」的情況，是可試以安全模式啟動裝置，之後再進行 factory reset，可是有試過這解決方案的用家都表明無效，唯一解決方法是換 mon 了事。之不過問題來了，就是如果手機已過保養期的話，維修費用將會十分高昂。到底維修還是直接換新機，都真令用家們感到費煞思量。現時 Samsung 未就此事發表任何回應。

https://ezone.ulifestyle.com.hk/ ... A%E4%B8%8D%E8%83%BD

買得***，就當然是想體驗完善既維修服務啦

jeffylong

早一個月部note20 ultra變綠，隔左30分鐘好番，早兩日又再出事，攞左去維修

風十三

我早個月，都有3位朋友，S2x系列屏幕「突然死亡」，
但3位同時都話，上去代理要等零件成個月。

law_chiw

十年前已享受過cs對待，無零件等一個月囉，你唔鐘意就去投訴我

Hippo

之前部S9+年零就係咁樣死mon, 去原廠換咗新mon, 年零又再同樣死法

starcube168

之前有個post我講過，我部S10+ 都係咁。

D人話係AMOLED嘅特性做成，唔一定部部機都有，不過一出現就死証嚟，冇得救。如果仲有保養就快D拎去換個塊mon。過咗保養就要比2千幾蚊，唔值囉。

我上網睇咗好多話work嘅方法初頭好似得，後尾又係變返灰屏。始終硬件問題，死証冇得救。

最後我响XDA論壇download咗叫「PWMFree」嘅app，效果幾好，而家唯有頂住先

Hippo

三星mon品質問題都好出名, 而且歷史悠久
之前部 S7edge 又係有墨屎, 之後激光劍都出埋

starcube168

如果你部機係啱啱出現呢個問題快D拎去放咗佢，唔好等。

Hippo

回覆 8# starcube168

放乜鬼, CXL 個mon有粒pixel黑點都話唔收, 其他大鋪當壞機肯收都賤價
二手就無謂害人了

jeffylong

唔係掛成個月