秒速2,000mb！RAM X SSD 極速傳說 - Plextor M6 Pro

vigiloconfido

秒速2,000mb！RAM x SSD 極速傳說 - Plextor M6 Pro

TL;DR: 要速度又要穩定同長年期保養，唔駛再考慮其他SSD，買Plextor M6 Pro。

除OS碟以外，Plextor M6 Pro尤其有用在：
1. 攝影發燒友，或家庭回憶，照片長期儲存
2. 音響玩家儲存無損檔
3. 骨灰級電競玩家追求既讀寫速度
4. 專業影音應用

前言

利申：自己大機同開工機用開Plextor M5 Pro，M5S，M6S；Cruci@l同S@ndisk就做二碟(我承認我係hardware追求穩定安全方面係執著到痴線既)，Inte|就擦身而過。

個人買SSD有幾個要點：

誠信：所以你見到我只用Plextor/Cruci@l/S@ndisk。雖然每間廠都會出事，但負唔負責、經營方針都會好影響成個消費經驗。相信大家都記得之前0CZ既白片事件同K!ngston既換餡事件，哩d係大是大非既問題，信譽一舖清。而S@msung雖然測試雖然好似好快，但個人用佢地其他產品既經驗都好差，所以都skip。

穩定：只買Marvell。早期既SSD大概只有兩條路揀，雖然Sandforce好似快d，但穩定性同長期速度都令人卻步。現時用Marvell既SSD都可以做得好快，個人覺得無需要再特別追Sandforce。

寫入速度：讀的話一般都無咩特別問題，寫細file先係最大挑戰。

基本思考進路

我會將SSD分做三大類

1. 高階：Plextor M6 Pro、Cruci@l M550或S@ndisk Extreme Pro、以及各高速優良M.2/PCIe SSD等階屬此級。
2. 一般優質SSD：Plextor M6S、Cruci@l MX100等等，一般黎講都夠用。
3. 唔應該用既SSD：唔好同自己既Data玩，TLC、雜牌子同玩踩地雷無咩分別。

當然，如果錢唔係問題的話，就乜鬼都用曬高階SSD。假如各位同我一樣都係凡人的話，盡量OS用SSD之外，保貴既Data都用高階SSD：例如，珍貴既相片係幾百幾千都買唔翻的。以實際使用黎講，高階SSD + Enterprise HDD 1:1既Redundant storage可以話係最安全既方案。

但實際上黎講，其實高階SSD既基礎都係差不多的優質MLC，唯一差別在點樣係特別構造、軟體上令使用速度更快。雖然以現今的實際使用黎講，未必時時刻刻都有特別幫助(因為已經好快)，但係實際的長期使用以及極端情況，就需要多多考慮。

Sandforce我個人不考慮，現時好似唔太覺有好多SLC+MLC既玩法存在，所以好似Plextor M6 Pro用RAM黎頂住既做法真係主流，而個人覺得哩個亦係長遠黎講最正路既做法。而其中，用部機既RAM黎頂既做法，潛能真係無限大，比多些少錢買Plextor M6 Pro既software配套，個人黎講絕對值回票價。雖然有玩家單純比較硬體上既數值，但實際謂SSD既結構而言，軟體同操作流程都同樣重要。所以講到尾，願意比多少少錢但保平安的話，一定係Plextor M6 Pro。

開箱






真正壕金應該係純金配紅
香檳金配黑色係靚，字體選擇亦然

Benchmark
急不及待，立即開始


無開PlexTurbo既速度，都已經係神臺級了

以下開外掛(PlexTurbo)，哩套software簡直係作弊


讀寫秒速2,000mb+

問：「點解小明跑得快過架火車？」
答：「因為佢真係跑得好快。」

個4k(細file)寫入速度係痴線的

題外話，點解唔一樣用CrystalDisk黎做PlexTurbo後reference?
因為Sequential測到秒速7gb，我覺得哩個應該唔太準sosad(我部腦16gb RAM，background用左8gb左右，剩低7gb所以就秒速7gb！？好奇32甚至128/192既師兄會唔會去到秒速百幾GB sosad)

結語
真心推薦各位用Plextor M6 Pro，好可能係現存最好既高階SSD。至少用係OS碟，穩定唔會出事。
容許的話，我推薦 Plextor M6 Pro 對 Enterprise HDD做一比一既儲存碟。假如各位有影開相既，求奇一支鏡已經成皮野黎緊，但係回憶無價，真係值得做長線投資。


附錄一：有關資料儲存方案的想法

由於盞鬼而趣怪既原因，有師兄對於儲存資料方面作出意見，特別就價格作出疑問。

既然難得，就不如趁此機會順道回顧一下現時各種儲存方案。但在此以前，有關儲存的民間智慧依然適用：

1. 世上沒有完美的儲存方案。
2. 願意付上更高成本的話，就可使用更優質的硬體及軟體。一分錢一分貨。
3. 經濟原因，實際操作及環境原因，會令到理論上「最完美」的方案無法普遍實行。

假若需要最保險的儲存的話：請使用SAS制型的碟，不論是hard error或者是silent data error(SDC)，SAS都遠比SATA安全。儘管如此，對比企業級的SAS，消費級SATA硬碟遇上hard error的機率高100倍，而(近)企業級的SATA/SAS則是10倍。

但是，由於使用SAS硬碟的各種門檻，一般消費者根本不會考慮使用。因此可以說，基於現實的考慮，妥協地使用大量便宜的「儲存用硬碟(SATA)」就是最合乎經濟考慮的選擇。但理論上這一定不會是最安全的方法。

然而，假若資源方面許可的話，又可以作出甚麼嘗試呢？想要速度和穩定並存的話，又可以怎樣拼配呢？

因此本文主張，使用優質SSD作快速抄錄，同時以企業HDD作1:1的Mirroring，是最可行的方案。雖然有一系列的原因，但個人覺得最重要的是攤分風險暴露(Risk Exposure)：利用SSD與HDD的不同特性，在同樣環境的情況下，避免因為一個因素而全面崩壞。當然，這裡已預先假設系統穩定，不然怎樣的SSD和HDD也無法安全運行。

也許應該另開一個討論，看看如何以最強的糾錯元件及硬件，砌出最安全的儲存裝置。使用電流穩定的火牛，ECC RAM，Xeon... 等等，以盡量避免真實存在的SDC；這裡有相當多需要逐一探討的課題。當然在風險分擔上，off-site的儲存同樣重要。

歡迎師兄賜教，提出更完善的方案。



有關本附錄的參考文本，詳細可參閱：

http://www.enterprisestorageforu ... sas-vs.-sata-1.html
http://www.snia.org/sites/defaul ... orage_Systemsv4.pdf

另外可思考的文章：

https://storagegaga.wordpress.com/tag/silent-data-corruption/

附錄二：影響Benchmark的因素依然未知

因為#16樓師兄的啟發，而修改的最後deadline未到，順道再使用CrystalDisk測試


Limiter解除

觀察1： 測試期間並無特別佔用RAM


到底是甚麼因素會影響CrystalDisk的數值之謎，依然解不開
秒速7.6/9gb看起來好像很漂亮就是了

觀察2：較優的硬體設置，可能會對數值有影響

以同樣的1,000mb寫入，速度比該師兄快了50%，是因為SSD size還是甚麼原因呢？

雖然再次進行了測試，但是帶出的問題更多，假若有機會的話，也真的想高人指點謎津

但我在這裡很肯定地再次對大家講：
用Plextor M6 Pro唔會死錯人

支持Micron!!!

Cooler大師

九唔搭八[[[照片長期儲存]]]求奇買隻普通HDD都儲存到啦,吹到呢隻Plextor M6 Pro好似天上有地下無咁.

vigiloconfido

九唔搭八[[[照片長期儲存]]]求奇買隻普通HDD都儲存到啦,吹到呢隻Plextor M6 Pro好似天上有地下無咁. ...
Cooler大師 發表於 2014-12-30 15:27

師兄實在有所不知
我真係衰過太多獲
為數不少既牌子/產品線都用過，都出過事

唯一可以較為保證到自己d相安全的話，有幾個進路

1. 用多幾個唔同方案/地方儲存
2. 比多少少錢，risk真係會低d

個人真係做緊哩樣野，我所有Hardware都係以Enterprise & 24/7黎做標準

Cooler大師

回覆 3# vigiloconfido
咁如果照你所講咁有經驗買1隻Plextor M6 Pro 1TB可以夠錢買幾多隻普通HDD做BACK UP??

Cooler大師

回覆 3# vigiloconfido
照你咁講話唯一可以較為保證到自己d相安全的話，有幾個進路
咁點解你無提到用NAS行RAID去放DATA??
放相又得放影片又得

vigiloconfido

回覆 4# Cooler大師

電子相的話，我影左十幾年，夾埋都係 ~350-400gb only

Plextor M6 Pro 1TB ~4,700
WD RE4 4TB ~2,100

減翻之後，兩者都重有好多位，至少未來5年內，甚至10年，我都想像唔到會爆，係的話到時再買新

回憶無價，任何一個試過storage死的師兄都應該可以明白，點解寧願一開始比多少少

當然，哩個係價值觀既問題。有人覺得儲到野就ok，但個人重視照片，尤其係同屋企人既相，所以再貴都肯比。

Cooler大師

回覆 6# vigiloconfido
咁講到最尾呢咪又係一味吹噓Plextor呢隻M6 Pro.
你頭先又話我有所不知,而家又話回憶同價值觀無價.
而且你話試過storage死的師兄!!!
咁我諗都應該知道買定幾隻HDD BACK UP呢個都係常識.
唔通我野野BACK UP用幾千蚊去買隻SSD去BACK UP??
咁你既價值觀同一般既師兄係高既

大和雅也

我都想知道你話除OS碟以外，Plextor M6 Pro尤其有用在呢幾樣野<<
1. 攝影發燒友，或家庭回憶，照片長期儲存(關攝影發燒友咩事??照片長期儲存<上面有師兄講左)
2. 音響玩家儲存無損檔(要放無損檔我買普通HDD一樣放到啦,無損格式係佔容量更大,咁我點解唔買普通HDD放仲化算呢??)
3. 骨灰級電競玩家追求既讀寫速度(呢個我有打機,追求讀寫速度我可以理解係合理,但係一定要骨灰級先追求得??)
4. 專業影音應用(呢個我就唔識去理解咩係專業影音應用??)

vigiloconfido

回覆 7# Cooler大師

Plextor M6 Pro真係好，哩個係有客觀事實支持既

當然，師兄你可以覺得唔值，覺得買多幾隻HDD就可以解決到你既問題， 香港係自由社會，大家專重大家既選舉。
   
但多幾隻HDD其實亦都有佢既問題，例如機箱溫度及通風。而唔同既硬碟又有唔同既溫度表現。

又再題外話的話，其實要資料安全，火牛都好緊要，BUDGET都要預哩度。實際上有好多野要平衡，無話絕對。

所以，我到最後既結論，係假若願意又負擔得起的話，買Plextor真係唔會衰得去邊。我三套機都Plextor。

Cooler大師

回覆 3# vigiloconfido
仲有你一味係到話其它牌子唔係咁好,咁點解Plextor M6 PRO 1.01個單野你又無講既??