流動WiFi機

sailoralan

【本報訊】「機會，唔係等運到，你可以去創造！」才剛滿25歲的王嘉汶（Carmen），說起這句話來，字字鏗鏘。當同齡少女，每天只懂拍拖扮靚，她已創立事業小王國，出租流動WiFi機，開業兩個月便回本，旺季月賺10萬元，難怪小妮子躊躇滿志，「趁後生搏一搏，輸咗贏經驗都係值得！」
記者：潘婉玲

踏入王嘉汶位於尖沙嘴的辦公室，一位五官標致，身形高瘦的年輕女孩迎來，讓人眼前一亮；誰料到，這小妹妹竟是公司老闆。

文字角力三個月獲接見
Carmen的公司，專營出租流動WiFi機，國家包括韓、日、台、中國大陸，去年8月才開業，「頭兩個月冇放過假，連新年都照開工」。初生之犢不畏虎，沒有後台的小妹妹，主動向韓國電訊商叩門，結果碰得一鼻子灰，「一句email reject（拒絕）你：『唔好意思我哋冇啲咁嘅服務』」。樣子甜美的Carmen，性格卻硬朗得很，轉而向龍頭LG埋手，「瞓醒牙都未刷就開電腦，朝早9點起身，做到夜晚一兩點！」文字角力持續三個月，LG最終答允接見，不諳韓文，竟膽粗粗隻身飛到當地，「特登買特價機票，下晝去朝早返，傾到嗰刻我想尖叫！」一分耕耘一分收穫，公司兩個月已回本，月營業額達六位數字。遇上旺季，手持的500部WiFi機全數租出，淨賺逾10萬元。
年紀輕輕創業，你以為她含着金鎖匙出世，非也！十年前，母親撒手塵寰，Carmen跟隨比她年長九年的哥哥生活，一家四口居百多呎的套房，靠哥哥每月8,000元收入餬口。窮人的孩子早當家，Carmen中七畢業後便投身社會，到瑜伽中心當sales，日做十二三小時，當時只有18歲，「要使一筆錢讀書，不如我搵咗錢先啦！」

辭職棄高薪遊韓變創業
一年後，Carmen加入電訊盈科廣告部，替旗下的黃頁、now電視台，爭取廣告客戶，主攻美容、化妝等企業，客人動輒百萬元宣傳。而Carmen從客戶服務主任，晉升至經理，只花了短短九個月，月入最高逾10萬元，當時22歲。年紀輕輕，攀上事業高峯，Carmen卻選擇辭職出走，拿着二三十萬元積蓄，原本準備往加拿大working holiday，但往加國前的一次韓國之旅，就讓Carmen步上創業之路，「雖然咁多香港人去韓國，但原來當時喺香港係冇得租WiFi」。
才剛滿25歲的Carmen，事業愛情兩得意，與男友拍拖三年，感情穩定，「佢都係工作狂，咁幾好，唔使拍拖，哈哈！」  

sailoralan

其實咩係流動WiFi機?
係咪share 4g,3g果D?
d人唔識用手機share出黎?
唔係就去腦場或者鴨記買
又唔係貴
上淘寶買又得
做咩要同佢租?

PC147

水份十足

upsagel

我覺得條女好叻，但叻過頭的係咁高調公開沒技術成分的賺錢門路，一下子就比人複製，你信唔信？

金比

其實咩係流動WiFi機?
係咪share 4g,3g果D?
d人唔識用手機share出黎?
唔係就去腦場或者鴨記買
又唔係貴
上淘 ...
sailoralan 發表於 2014-5-5 19:38

佢地租既係連埋 sim
你有機冇sim去到日韓都上唔到網

千葉涼平

我覺得條女好叻，但叻過頭的係咁高調公開沒技術成分的賺錢門路，一下子就比人複製，你信唔信？ ...
upsagel 發表於 2014-5-5 20:18

其實好多人都做緊 我網上果時見到個廣告
租機好貴 自己買一台仲平

naxingxiao

即管放長雙眼睇吓玩到幾耐！

kwongoc_1016

其實咁樣講出黎，唔怕俾人抄？