[開箱] Vivo Xplay 3S 開箱 (加左評語) - 28/3 加入代碼#331

本帖最後由 mcflurry 於 2014-3-28 11:44 編輯

開盒照

近鏡

機背

全家褔

屏幕2K MON 真係無得輸，全部人見過個MON 都認同非常清同仔細，睇1080P 片用1080P MON 同用2K MON 睇，係完全唔同感覺。
另外個MON 足6寸，無左海帶條，不論播片玩GAME都用盡個MON，呢點十分重要。

系統
一般使用十分順暢，但開FOLDER 有微疾，可能系優化好，唯有等更新。
呢個系統同魅族個 FLYME 一樣都係深度訂制，用慣GOOGLE BASE的會唔習慣，但係一D都唔難用。
雖然係深度訂制但系統做得十分出色，冇REBOOT，冇突然FC 跟魅族做白老鼠係兩回事。
TIMELINE 介面，一個創新的介面，起初用好唔習，但用用下發覺好好用，上下掃就揾到做過咩，好方便好體貼。
GOOGLE FRAMEWORK 已經內置，裝返GOOGLE PLAY 已經用得。其他GOOGLE軟件按自己需要安裝。不過唔知點解，GOOGLE NOW同語音輸入(FC，唔用語音輸入完全冇事) 用唔到，即使已經定位左係香港都唔得，要等更新。
順帶一提，3S 都有KNOCK ON。

自帶軟件
實景導航幾得意，但我無揸車，試唔到十分清楚。其他未點試。

指紋辯認
算認得準，解LOCK 基本可以一次搞掂。最搞野係佢分到手指，可以SET 用唔同手指來開訪客指式，好體貼。

語音助手
認聲好準，我D超爛國語佢都認到，係我見過除SIRI外最準，基本同SIRI有得揮。可惜只支持普通話/國語。

音量
鈴聲十分大，雙喇叭冇得輸，好正。

音樂
外放音質已經好好，用耳筒有HI FI 音效，更正。我用左G2 送的兩首送的FLAC做比較，G2明顯給比下去，3S 人聲清脆明亮，而且冇咩底燥，G2 人聲都可以，但底燥好大，珠玉在前,G2的音質真係差左一皮。
題外話，送的XE800 音質好好，人聲音效好立體，係咁話電話耳筒中最好。

電量
今日返大陸做野，重度使用，今朝6點幾出門，中途打機睇片，電郵上網打電話，短信不停，玩到下午五點幾仲有28%電，我先插尿袋。

大細、重量
個尺寸非常好揸手，雖然單手操作困難D，但因為邊框窄，所以好多操作都可以單手完成。
SPEC 話有172克，但係揸上手完全唔覺，我個人覺得只有150左右。

總結
呢部機系我近幾年最滿意的手機，估唔到之前無咩名氣的步步高係咁OK。

附件: 您需要登錄才可以下載或查看附件。沒有帳號？註冊