認真想知win8有咩抵玩，個人玩後感分享

a39g99

見到開左個新區就用VM係度玩下win8
玩左成十分鐘。
只係得出左以下結論
無話咩感覺到快左既感覺。可能慣左一直都係硬件就軟件。
只係覺得介面好唔慣，但係做人就係咁，咩都要摸下。
摸完之後都明明地點玩，但係只想說比起我windows轉去摸mac機仲難
個介面簡潔左，其實這算是系統提升速度的原因嗎。真係裝完以為自己退化左...
其實透明，即係aero咪好好地，但係win8好吧我真的感到慘痛。如果我用的是平板可能都算不錯...
但是我現在用的是桌上吧...
個個新Metro，認真咁講，還是回去平板吧。
真係自己用rainmeter仲令過佢同實用過佢。
可能係我什麼都以美為前題，在我眼中這種簡潔，我看來只是樣衰吧。你睇下關閉同放大同縮細個幾個制。係win7好順眼
但係win8我真的感覺太樣衰。
世界都在向透明進發，這時才玩回三原色什麼 我真的不識欣賞了...
唯一一個覺得係唔錯，竟然真係得工作管理員。理由大家都明白吧。
說實最初win8其中一個賣點就係快過win7 特別係系統上佔用更少資源同開機。
開機我就無測， 但係認真原來電腦都仲有人鬥開機速度。
想開機快直接整隻SSD 唔夠玩多隻raid 0。
所以我一直覺得呢個賣點真係唔多似賣點。
之後其實呢個係優點，不過可能真係習慣左硬件就軟件。
換上了i7的我。16GB RAM (雖然上唔到32GB )但係一般用唔搞VM真係都夠用。
而且最主要唔係效能上有大提升...佢話就話善用左CPU...但係真係....
係系統上來講真係對我無咩意義。(當然你可以話我用vista同win7都係無分別，可以話係。我最初都係貪win7介面令過佢。)
從來呢家大家CPU都係夠用，永遠都係顯卡唔夠用。 更加顯出win8既賣點唔再成賣點...
其實microsoft想sell apps。但我個人覺得無意義。人地mac就話迫往要用，好好地仲咩又要抄人地唔好既野，win phone唔得。
所以想硬來搞得佢 好明顯更加唔得吧。apps store係平板同phone就有用。但係電腦都搞多個真係...
用得電腦仲邊有人玩低能既apps game。真心就算比隻angry bird你玩。你都去玩bf3啦 搵鬼去玩你既低能apps
如果想消閒，但係求其玩下flash都有趣同多過你吧 所以我覺得你係windows平台推apps真係行唔通。
最後我覺得win8如果推出。我真的意欲不大。
唔好話我玩，如果出果陣真係咁樣。我覺得win8真係唔得。我指的是電腦呢個平台。唔係咩平板什麼，因為我覺得用係平板都應該有得做。但係如果你係電腦出既話。我只能說一定唔得。
如果win8打手出現的話。我只能說世界上邊有人唔要令要樣衰
好認真咁講。如果介面仲係咁推出市場唔方得，優化是好了。但是使用跟介面都改變太大。
mac機係亞洲市場唔係好得就係因為上手難，同埋用唔到windows既野。
如果上手一個新系統都要要慢慢摸。新系統不是帶來方便而是不便。那樣新系統還有意義嗎?
好似我牙爺咁樣 學識左用電腦。xp轉去win7佢都識關機。但係你呢家要佢左摸又摸唔知點關機
你玩佢咩，我知平板係唔洗關雞...但係呢隻係桌上 好彩我係玩VM，如果唔係我要關機又搵唔到，真係關總制咩
好啦，巴打們真係想指點...win8有咩理由直得我由win7上去8
你xp上去win7都話係因為硬件根本唔支援
而你vista係因為本身系統都存在問題。win7只係基於佢修改一下。
但係win8呢 認真無咩理由值得我升上去。
利申:我沒說他介面什麼不好。我只能說它改革了的感覺都是不合用,不實用。
而且更加無必要廢時間上手一個新系統咁樣...唔通貪win8先有IE 10咩。
起馬對上網有要求既人都唔用IE吧 要令要插件玩firefox。要快就用chrome
愈講愈覺得microsoft好似就要步緊柯達同nokia條路咁樣。龍頭大哥變到呢家咁樣

sochai

同意 如果係平板到用應該OK

grxgr

巴打幾乎講哂我心聲~
M$實在太在...統一化佢D系統+炒APPLE搵錢方法
但事實上要統一係無咩可能...
平版要食電細又要輕,咁X86既CPU一定無行,即係平版用唔到電腦軟件
大家見到有D廠出ATOM黎裝WIN7當平版賣,但實質吸引力有目共睹...
當用得電腦軟件時,大家又會同返台機比較...結果往往返去玩返電腦,因為順+舒服
整個市場在變,但唔應該係自己大地盤上做出一D破天荒選擇...
XP->VISTA,失敗,WIN7成功救回,但...WIN8,我用VM初時裝好黎玩時,仲心諗有得係一開始揀返舊介面,點知無,連關機我都唔知點關...
所以,還好現在仲係測試階段,望佢BETA時可以分返開咩係兩種UI黎比大家選用~

Phil_123

見到開左個新區就用VM係度玩下win8
玩左成十分鐘。
只係得出左以下結論
無話咩感覺到快左 ...
a39g99 發表於 2012-3-3 21:23

    你九成九冇睇 Windows 8 Consumer Preview 發佈會, 亦唔知道 Metro 設計概念頂啦.
http://cdn-smooth.ms-studiosmedi ... ENTATION_022912.mp4
http://ux.artu.tv/?p=179

Metro 圖案既設計概念, 係出自瑞示式路牌及印刷設計, 用最簡單及唔搶眼既圖案去引導用家接觸資訊. 電腦就係電腦, 唔需要模仿死物, 唔駛扮玻璃, 唔駛扮書架, 唔駛扮有地心吸力等等.

你有睇 Windows 8 Consumer Preview 發佈會片段既話, 就會知道 Windows 8 點樣先進過依家既 iOS 及 Android, 亦可知道 Windows 未來呢十幾年都係向緊一個新方向進發.

以前見到個得意網頁, 用戶要人手 copy 條 link, 再自己去某個通訊地方度 paste 條 link 黎 send 俾人,
但係 Windows 8 只要各界都有寫 Metro apps, 用戶用緊個 browser 睇到個得意野, 一 click share, 再揀個 app 及接收對象已經 send 到俾人.

又或者要 send 一堆相俾人, 如果有 d 擺左係自己部機度, 有 d 擺左係自己 Facebook 度, 有 d 擺左係自己個 SkyDrive 度, 有 d 擺左係人地個 SkyDrive 度, 想一次過 send 晒俾人, 以前就要自己開個 folder download 晒 d 野落黎, 但係 Windows 8 Metro apps 可以直接去接觸埋其他雲端服務既檔案, 仲要因為有 Windows 8 做中介, 個 app 並唔駛好似依家其他平台既 app 咁要刻意支援某幾個服務.

Windows 8 係一個革命, 但需要 Metro apps 配合, 依家唔去睇 Metro apps, 只困自己係 Desktop 操作既話, 的確係睇唔出 Windows 8 有乜好過 Windows 7 既, 除左 USB3.0, mount ISO, PDF reader, Storage Spaces, 全新 printer stack, 更慳資源, 更快速度之外

Phil_123

巴打幾乎講哂我心聲~
M$實在太在...統一化佢D系統+炒APPLE搵錢方法
但事實上要統一係無咩可能...
平版 ...
grxgr 發表於 2012-3-3 21:58

    明明 Windows 比 Apple 行先幾步, 領先佢起碼幾年將平台統一化, 唔明你點樣得出 Microsoft 抄 Apple 呢個結論.

平板要食電細又輕, x86 都可以做到, 呢個係 Windows 8 及 Intel 都有著手做優化既事. 所有 Metro 程式唔係用緊果陣, 就會被 suspend, 該程式耗電量就同電腦入左 sleep mode 一樣, 係少至又少. Windows 8 亦有一個 connected standby 模式, 原理就好似電話熄左 mon 都仲可以收發電話訊號一樣, Windows 8 只保持最低限度既通訊硬件繼續運行, 其他野全部 sleep, 呢兩點都係 Windows 8 慳電技術之一.

Windows 8 Consumer Preview 發佈會亦講得好清楚, Windows 8 就係要打破傳統電腦就一定係工作型, tablet 電腦就一定係玩樂型呢 d 硬性規範.

Windows 8 做到既野, 你開個 VM 當玩具咁玩, 唔認真去試係試唔出佢做到既野.

Windows 8 Consumer Preview 已經等同以前既 Beta.

killuazaoldyeck

講真那句，平台有了，都要很多周邊要配合上去，恐怕到Win8剛出來時未來得切。
更何況要將「信息主導」這種崇高理想在傳統多工作業，多視窗分佈的Desktop上實現。
現在 Metro UI 肯定還有不少地方需要改進，特別要注意不過分犧牲原有以 Mouse 操作習慣的情況下達到這個目標。 MS 是有這方面的努力(例如用屏幕四角)，但很明顯功力未夠。

grxgr

明明 Windows 比 Apple 行先幾步, 領先佢起碼幾年將平台統一化, 唔明你點樣得出 Microsoft ...
Phil_123 發表於 2012-3-3 22:27

我係指佢想炒APPLE賣APP個方法~
而佢個X86...無錯佢係致力搞好,無耐地已被APPLE+ANDROID搶左好多地盤...
後勁...難料,但只係想講,佢搵DESKTOP黎做MOBILE既先驅,真係有D本末倒置
大家最大個問題始終都係個UI迫入DESKTOP度,仲要專登HIDE左個舊UI(網上有教學整得返出黎)
呢一點先係最CONCERN既
學埋你講,呢隻版本基本上已叫BETA,咁仲得人驚...
一起手叫D公司跟呢隻UI...真係令人退之而後行...用返WIN7算
佢效能上係快左,我都好佩服~係有進步~~

mlyu

我覺得 windows 8 真係好似上面講做 tablet ok, 但係做 desktop pc 個 metro 真係唔係好得

唔好同我講咩可以用返 desktop mode o個o的o野
因為 win 8 喱次個重心係想轉 metro, 要用返 desktop mode, 咁點解我唔用返 win7 好過?

如果因為 win8 而要換過o的o野, 但係上完 win8 用落唔就手, 咁 win8 真係為出而出 only

also, win8 理念睇o黎似做返 simple o野, 真係用落 tablet 都仲 ok
但係用落 desktop, 唔方便, 都係o個句, 如果要做o野而要用返 desktop mode, 真係不如用返 win7 好過, 唔用得著 win8 o的新 feature/UI

我真係好想睇用 metro UI o既 office tools, 睇o下用 metro UI 點一次開幾個 word/ppt/excel 做o野... 而家好多人返工做o野日日對住係 doc/xls/ppt, 有幾可咁理想化淨係對住o的 "資訊" 睇兩睇, 覆兩覆?

ms 真係用到 metro UI 整 office 又方便做o野o既話, 先會再諗長用 win8 做o野

mlyu

講真那句，平台有了，都要很多周邊要配合上去，恐怕到Win8剛出來時未來得切。
更何況要將「信息主導」這種 ...
killuazaoldyeck 發表於 2012-3-3 22:30

而家有平台, 但同樣 style o既 iOS 同 android 已經發展成一個生態系統
ms 而家搞成唔成功真係要睇有冇人寫 metro UI o既 apps, 仲要夠多, 同做o野方便

so far 我仲未睇到 metro UI 有邊個地方係佢o既 killer apps/killer features

Phil_123

我係指佢想炒APPLE賣APP個方法~
而佢個X86...無錯佢係致力搞好,無耐地已被APPLE+ANDROID搶左好多地盤...
...
grxgr 發表於 2012-3-3 22:42

    OS, browser, 辦工軟件, 遊戲機, Microsoft 從來都唔係第一個整, 但結果都成為後起之秀, 呢方面唔駛擔心.