Lucky sim MNP集中貼（20251106update) 免費換eSim，另Lucky eMaster $50

TE7489 發短消息加為好友 TE7489 當前離線 UID 336940 帖子 6199 精華 0 積分 6199 EPC Dollar 6199 註冊時間 2017-2-1 最後登錄 2020-9-29 Banned	**211^# 跳轉到 »** 發表於 2020-4-2 20:33 \| 只看該作者提示: 作者被禁止或刪除內容自動屏蔽

	TOP

TE7489 發短消息加為好友 TE7489 當前離線 UID 336940 帖子 6199 精華 0 積分 6199 EPC Dollar 6199 註冊時間 2017-2-1 最後登錄 2020-9-29 Banned	212^# 發表於 2020-4-2 20:34 \| 只看該作者提示: 作者被禁止或刪除內容自動屏蔽

	TOP

sojoke

中級會員

Rank: 2 Rank: 2

213^#

發表於 2020-4-3 01:00 | 只看該作者

(1) 咁又唔駛一年半載，EPC烈士多的是，兩、三個月左右就會有測速報告。
到時就知有無問題。如果上下載速 ...
TE7489 發表於 2020-4-2 20:32

其實我就轉晒hello同用緊屎年卡，所以呢張不幸卡對我嚟講暫無吸引力，今年年尾張屎年卡用完再諗啦！我同你一樣，見呢度做乜有幾條友話呢張不幸卡咁落力，同埋我見KK ching 個朋友苦況，直情諗返起當年同西面佬買咗鬼卡，結果周旋於pccw同佢嘅血淚史啫！就係呢件事，我就明白到，儲值卡呢樣嘢，根本無客戶服務嘅！

當年買咗十幾張全功能卡，大部分用咗，三張未到期擺咗一段時間，相差應該半年內，跟住有機會想用埋佢，佢哋明明未到期，我發覺用唔到，即打去pccw客服熱線，佢話卡開咗已過期，我話三張卡成張新嗰喎，剛剛打開你同我講開咗仲過埋期！咁點算先！佢叫我去搵返賣俾我嗰個去處理，佢哋知點樣做！噢，大鑊了，原來出問題時嘅客服，就係賣俾你嗰個！咁我咪返去西面佬搞囉，佢緊係耍你啦，叫你打電話上去囉！即係大家射波啦！咁我咪直情踩上去pccw客服中心，諗住當面對質點都會有解決方案啩。上到去無乜人，撳飛仔然後埋位，客服姐姐聽完話幫我唔到，只可以幫我打俾客服熱線，我內心一沉，咁無結果嗰噃，姐姐話只可以咁做，好，又同內地口音熱線客服講一大輪，都係叫我搵返賣卡嘅！如果唔係對面個客服姐姐，我真係直情爆粗，但我都好火咁喺電話話搵經理嚟聽！好，經理聽咗我個case，應該香港人嚟，聽得明問我想點，我話你查過張卡一毫都無用過，我只係想你俾返我用啫，佢二話不說就安排同我換，搵方便我嘅舖，換我手上三張卡。全程對面個姐姐都好無奈，齋坐幫唔到手又做唔到第二個客，幸好無乜人，我話你個位幾好做，齋坐有人工逗，愉快地離開。成件事當時我係傻仔，依家梗知點解張卡會鬼咗啦，賣卡嘅實知啦佢有份搞出嚟。咁曹操都有知心友，賣咗咁耐卡仲生存，總有班西面客，同佢買吓卡同埋上嚟報吓價！我都係西面客，不過以後唔會同佢買！喂pccw都叫做到嘢喎，我講咗大半個鐘都無結果，唔係發爛搵經理，講咗張卡一毫子無郁過嘅重點，相信結果仍然損失三張卡！搵重點係同客服周旋嘅要訣，一句magic key word，俾講半個鐘有效，所以後嚟同聯通周旋，搵到佢個key word，百戰百勝！

呢單嘢我明白到，就算大台都好，有乜事，門市幫你唔到，客服中心都幫你唔到，打熱線上網都只會叫你搵賣卡嘅換！即係其實賣卡嘅明知有途徑換卡，但如果張卡有鬼，咁你就係咁先。所以我明KK ching個朋友點解咁火，因為我經歷過，遇上如此情況係幾咁無助！呢單嘢我都喺呢個區講過了。

所以買卡嘅民間智慧係，搵真係信得過嘅舖，或是即場開卡囉，有事即場換囉！至於話個客服點點點，pccw係咁樣，3仔儲值卡咪連壞卡都無得換，無客服可言，店大欺客喎！係食蕉做到嘢，抵佢上市搵水！pccw咁差，咁我又咪照將號碼入hello，因為正常唔需要動用客服吖嘛！鬼叫佢平！喂呢間不幸公司仔，啲卡鬼過喎，所以我係食花生等報告囉，年尾佢仲生存時，再考慮都未遲，可能到時食蕉又出招，再入手萬能都未定！不過我睇見KK ching個朋友同我當年咁鬼似，俾人射嚟射去，等我諗返當年苦況，而呢度又有人又知內情又點齊齊帶住嚟抽，一睇哦一陣西味，咪入嚟講多幾句囉。

開頭我以為金幫有份添，有得搞mnp，不過原來仲有其他指定舖有做，所以無再懷疑佢，不過我估佢大約知針住佢嘅係咩人嚟，不過佢費時呢度講咁多，主力講返張卡嘅嘢。佢係少數係人都知佢賣卡嘅，你對佢都好尊敬吖。不過佢都唔算賣得平，我又唔住近屯門，買卡買券都唔會幫襯了。其實你上嚟咁耐，邊啲人一陣西味都唔覺？

TOP

simdot