ken9999

回覆 20# kbpaul

香港好似叫腕管炎之類……之前去醫院睇過下不過已經唔記得左，大多都係過度使用轉動手腕、姆指做成，當要俾姆指發力下按時就會痛，要俾手腕條筋休息先可以慢慢好，如果唔係就要做小手術割一刀

所以我唔係好明點解用trackball要用款操勞手指公既設計

kbpaul

回覆 21# ken9999

香港叫腕管綜合症

trackball用指公控係為左初轉用者可以用同mouse差唔多既手指位操控

ntony

我姆指比大部份人短好多，但我鍾意用姆指trackball，比用Slimblade穩定。但姆指ball通常都係好細粒，DPI唔夠高。但仍然比Slimblade精準，可能要姆指短先反而啱用。
人類手指關節個結構，應該係比手腕更加適合精巧同細微動作。（有相關專業知識嘅師兄師姐請指正）
姆指應該係咁多手指之一最大活動幅度嘅，亦係最好力，因為連接手掌嘅肌肉組強大好多。所以姆指trackball其實都好合理。

ntony

回覆  ken9999

完全同意

不過都有人用到腱鞘炎
kbpaul 發表於 2022-10-21 17:59

佢個解釋都合理，因為只得一隻手指負責長期活動，如果工作要成日移動個cursor真係會勞損。任何呢類勞損都係長期不停重覆同一個動作。不過如果佢有咁嘅情況，換做用mouse又好，用中指trackball又好，死得重快。

dls2046

我都係長期用中食指搓波，指公搓波太集中一隻手指。勞損問題好多時係太集中同太重複。同埋感覺上中食指控 trackball 嘅鍵位會較合理，有時食指要移去按鍵時，甚至可以改為中指同無名指控球。我習慣 set 埋 ctrl, enter, backspace, delete， ctrl+c, ctrl+v, ctrl+s 幾個 key 去隻 trackball 度，如果係指公控球，好多時都幾攰，但中食指搓波，就可以將所有工作分散晒去唔同手指。

hopkins

我用緊Elecom Deft, 有無過來人講下值唔值得換Deft Pro?
現在日馬平左唔少。
我平時會用Elecom Deft, 電腦我都係用嚟玩多，所以無咩複雜動作，Drag 去Select文字時，用Deft Pro係無用Mouse咁易，我覺得呢隻trackball唔夠順滑, 短距離精準移動有啲難。
打機都係Mouse易啲。

via HKEPC IR Pro 3.6.1 - Android(3.3.1)

ntony

我都係長期用中食指搓波，指公搓波太集中一隻手指。勞損問題好多時係太集中同太重複。同埋感覺上中食指控 t ...
dls2046 發表於 2022-10-21 22:30

可能我過往嘅體育訓練關係，我姆指力量同握力都唔細。可能咁樣無咁易勞損？
不過如果個ball夠滑，同埋唔係打機咁不斷快速移動，應該唔係咁易勞損㗎喎。

ntony

我用緊Elecom Deft, 有無過來人講下值唔值得換Deft Pro?
現在日馬平左唔少。
我平時會用Elecom Deft, 電腦 ...
hopkins 發表於 2022-10-22 00:34

日本會唔會有地方可以試齊咁多款？我都幾後悔去咁多次日本，都無去搵地方試齊全部Elecom trackball。我從來都無試過用呢個牌子。

hopkins

日本會唔會有地方可以試齊咁多款？我都幾後悔去咁多次日本，都無去搵地方試齊全部Elecom trackball。我 ...
ntony 發表於 22-10-2022 01:39

以前銅鑼灣世貿有專門店。

via HKEPC IR Pro 3.6.1 - Android(3.3.1)