警察有執法, 呢d叫彈性執法.
正如見你泊係路邊, 叫你走, 一樣係執法. 執法唔係下下抄牌既. ...
mcdull 發表於 2012-3-23 16:23 
所以咪搞出左三個鍾所謂禁固事件 唔抄牌唔知點解過唔到婦人果關,
係咪P仔講過D難聽既說話, 又可能婦人日日番到家下面,傷殘位都被非傷殘者車輛霸佔谷左好耐,
一定要俾個教訓佢咁呢? 大家都唔知 所以咪要理智D去睇囉
轉貼其他論壇一位輪椅人士佢既睇法
作為一個前 26/46 人, 現任 輪椅人, 對呢件事我咁睇.
1. 對於一個健全人, 行多一百幾十公尺, 完全唔覺有乜問題, 但是對於腳部傷殘者, 不論單腳or雙腳, 用單叉 or 雙叉, 行多十幾二十公尺都辛苦. 辛苦既唔止腳, 連手, 膊頭, 腰 都辛苦. 案中女傷殘者楂私家車, 好可能系用叉行路, 而o個車位可能系離佢屋企最近者.
2. 全港九新界, 所有路邊泊位, 公眾/私人停車場, 政府機構停車場 全部加埋, 每500個車位都唔知有無一個傷殘車位! 1000個路邊泊位都唔知有無一個 傷殘者上落車位! 而呢D車位/上落位, 有90%時間系被 非傷殘者車輛 佔用! 尤其是 傷殘者上落車位 好多時被貨車/van仔佔用, 因為該處為方便輪椅上落而在路面同行人路之間設有斜坡, 亦最o岩佢地推車仔. 到夜晚, 呢D位更加系 100% 被非法佔用. 我自己就試過幾次搭復康巴在 傷殘者上落車位 落左車之後因為被D違泊者阻住上唔到行人路而要兜大圈先返到屋企!
3. 如果我問你, 頭先你行過o個路口, 行人路落馬路有無斜坡, 你一定唔知, 但是對輪椅人來講, 就非常重要. 無斜坡的路口, 電輪or 無照顧者的 手輪 根本過唔到 ! 所以我地要死記邊D路口過唔過到. 對於未去過or無把握地方, 我會事先查看google地圖.
4. 但是偏偏就有好多司機好鍾意將架車對住個過路斜坡位泊到正一正, 完全封住過路位斜坡! 對健全人, 行過些少, 落一級, 甚至跨欄就可以過馬路, 但對輪椅人 或者 用叉人, 可能系 死路一條!
5. 以上情況, 健全者系完全唔覺, 但是輪椅人每日都會遇到幾次. 已經系好煩惱! 呢D車, 多數無人, 或司機不在. 如果系無得兜路走, 唯有系度死等. 隨時准備等幾個鐘, 落雨or大太陽晒仲慘! 等到個司機返來, 佢會完全唔覺有乜問題, 眼尾超下你, 開車走人! 佢可能心諗:隻傻佬唔知响度做乜!
6. 最混帳有次, 架貨van封住過路位, 但是車前後都有幾呎空位, 司機在裡面睇報紙, 我哎佢 唔該前少少我過, 佢望下我 繼續睇報紙, 有途人幫我同佢講, 佢就拴埋窗玻璃. 唯有報警. 好彩當時個阿sir無酌情處理, 系來到即抄牌, 唔使解釋, 無情講.
7. 案中違泊架車, 如果之前未見過佢違泊該位, 而且當我講明因由就即刻 say sorry 開走, 我覺得系無心之失, 或一時貪方便, 無須追究. 但系如果系經常性為貪免費而泊該處, 就一定要俾個教訓佢.
我諗案中傷殘司機可能就系因為成日都遇到呢的不知所謂的麻煩, 已經好煩惱, 一下爆哂出來. |
簡體版
訂閱頻道
訂閱電子報
發表於 2012-3-23 16:22
| 
