alanhippo

即係 grand-cmax right? 前年年尾佢係香港出個陣有睇過, 尾個 2 個位真係連小朋友都坐唔到...

黑仔

我同事有, 唔錯, 好力
佢唔係用 Powershift, 德國造, 比日本車硬淨
我開過, 都幾好開
但躺門係有點重的
同埋空間會比日本車細

PS. Sienta 完全冇力, 唔好諗!

worldcat

之前試過車。
唔諗耐用，只講表面問題。
上斜手趟，老婆都要好出力先閂到門。雖然可能係因為鋼水好，但香港地山多平地少，上車閂門唔方便真係幾大問題。
後座比日本細七更細，大仔120cm未用booster座後排都頂腳，後座實用性偏低。大仔座朋友wish /senita / freed 都唔會頂腳。

poopies

利申：租過Grand C-MAX titanium一次 + 前c-max(1st gen)車主 + Honda Freed車主

Grand C-MAX同級黎講操控好出色, 係英國行B road, 過灣好比到信心我。
同樣路段如果係Freed我就絕對唔會5-60咪咁行。overall以駕駛者角度，對比日本車呢一點無得輸。

1.6 EcoBoost 無想像中咁細食，我之前就做到15 KM/L，不過路況同香港唔同, 純粹參考下好。至於樓上話咩著火問題, 我身邊極多同事朋友都用緊Ecoboost引擎，我自己上一部車都係Fiesta 1.0 Ecoboost, 無問題。

因為係其他地方出問題 我唔敢講Ford耐用, 但歐洲零件易搵，我自己有車房有地方自己整，所以問題不大。香港的話就直係要考慮清楚。雖然我部Freed小問題都唔少，但比我之前部Fiesta個大問題好

Ford有n種配置, 我唔清楚香港賣邊隻spec, 所以內裝我唔評論。但前座glove box前所未有咁大, 極度方便。中排闊落, 但尾排完全係坐地下, 真係5 + 2 配置。

如果平時做五人車多, 非常間中先要坐滿的話, Grand C-Max尾箱完勝Freed。因為佢最後兩個座位可以完全收落地台, 開左尾門推重野入去非常方便。中排亦都可以訓低, 成架車變van仔一樣，搬屋一流

monster2016

利申：租過Grand C-MAX titanium一次 + 前c-max(1st gen)車主 + Honda Freed車主

Grand C-MAX同級黎講操控 ...
poopies 發表於 2017-8-23 16:08

    Ching 香港版是1.5 Eco bost 150匹，大多數時間都係2-3人，係有時假期突然車6個，同去的地方都是平路落車。
操控同車架完勝日本車，至於維修，買得新車就吾會諗，未買先諗維修未勉太辛苦。
不過車龍真係好大，買花買野，都好方便搬返屋企。
Ford仲有架Focus，可惜代理已吾入1500cc，迫你買RS版。Focus新改款真係吾錯。

monster2016

如果吾計7人車，VW架Golf Sportvan貴1萬，但內龍都吾差,尾箱都好大。

神奇嬰兒.

冇電趟門，如有小朋友就唔好諗

無知一問，斜路向下停車，個趟門會唔會自己關埋？

via HKEPC Reader for Android

黑仔

冇電趟門，如有小朋友就唔好諗

無知一問，斜路向下停車，個趟門會唔會自己關埋？

via HKEPC Reader for A ...
神奇嬰兒. 發表於 2017-8-26 17:20

唔會, 開到盡佢會 lock 住的

blkbd5

唔好話新車唔洗整，太冷門，聽天由命，
我之前部Ford，死冷氣，無得整，要成副換，只好焗桑拿，
死半自動波箱，要成副換，只有劏，一壞就要返代理，乜都要返代理先有零件，
其他配件更加唔洗諗，

我鄰居，包拗頸，買Renualt全新車，不停返代理修小問題，最大濟要返廠二個月，要件零件由歐洲運過黎

siacelestar

Ford本身唔算多野壞，只係街邊好多車房唔識亂整搞到一鑊粥就賴落架車度。

波箱油風油軚油水箱水要跟spec落，呢樣係歐洲車基本野。試過勁多次揾油對緊spec班友話油就油邊有人跟足，我次次都答'本田波箱又唔見你咁講試下唔入Z1/HMMF'.....

Ford零件唔算難揾，做小小功課大部分消耗品基本野都轉到有。