清洗冷氣機後續 (奇聞)

夢中見1983

話說師傅來到, 搬開窗口位冷氣機後, 同我講, 換唔到去水喉同埋去水盤, 因為隻手唔夠長, 如果要做, 要將冷氣機外圍整個框拆下先至得. 佢話間廠多數唔會幫你做, 你可能要搵街外人做. 最奇特係佢提供另一個方法: 直頭唔使換喉, 可以解決滴水問題. 就係用啲"錫紙膠紙", 封咗冷氣機底部個窿即可. 我問佢, 如果咁樣, 個底部積水流曬出嚟點算,佢話唔會, 因為冷氣機啲發熱線會蒸發曬啲水...
佢仲話有好多大廈冇去水喉啲人用冷氣機都係咁做, 講完搬走架機返廠就走咗, 聽到我一嚿雲, 真係長知識, 其實咁樣行唔行得通?

HK2046

圖片??

HK2046

封左個窿 儲水直至高過一吋機底
一樣係 後面滴返曬落街

你畀相片我哋係同冧計

2024HC

唔好咁老土啦,2024都就過,仲玩傳心師,影相好難咩?

hon829

有啲機設計的確係可以靠扇葉兜起底盤水潑向冷凝器作蒸發水份的

doggiestyle

蒸發係指 80度以上先會發生既野
但係查雪種資料就會發現
以前 R22 臨界溫度係 96度
宜家 R32 臨界溫度係 78度
散熱片有冇可能高溫過雪種 有冇相關職業既人知道
＝＝＝＝＝＝＝＝＝＝＝＝＝＝＝
補返 D常識
原來任何溫度變水汔都可以叫蒸發

liyee

師傅嘅意思，係將積咗嘅水，用後邊散熱嘅風扇葉兜啲水，打去散熱位置，令水蒸發消失……

唯一唔好處，瞓覺聽到有撥水聲音，同埋機件容易生銹

raymondchan338

廿幾年前我裝第一部日立冷氣機。嗰時嘅師傅同我講，話唔使做去水，佢會自己揮發曬。點啲過咗兩年就漏水漏到爸爸聲！唔知係咪穿咗底。

via HKEPC Reader for Android

Ian_Seabourne

散熱排上熱力令打上去嘅水揮發，唔係蒸發。
10幾年前大廈未有冷氣去水喉前，裝機果位師傅都話唔駛抆個塞。有兜水的話，扇葉會打上散熱排。

結果呢，果部機，底盤儲水，生銹穿底，風扇支架蝕斷，散熱排都腐蝕到碎晒。連壓縮機個腳位都穿底，盛唔到壓縮機，扇葉打到框，一著機震到轟轟聲。


L 形鋁條及不銹鋼 L 碼係自己加上去，為斷肢接肢續命的。

vtrchan

回覆 1# 夢中見1983

如果係一匹樓下嘅機，以前係有人會咁做，但通常係新裝機時唔拆個去水膠塞，而用膠紙封就難講啦。
你條喉係塞左定穿左呀？塞左嘅話，通一通佢就得，我自己都係做。我估你可以係洗完機，師父上嚟裝機時你唔「識做」，所以先至提供D免費方案俾你