ntony

原帖由 尹天仇 於 2009-7-22 21:43 發表

晒氣,你用出依個post既時間已經夠check單有餘,每個月check下張單係好正常亦係用戶既責任!
打少陣機,玩少陣msn已經夠時間check單
唔好大on指意佢唔會陰你,如果你用緊網上行仲要c ...

呢位師兄既邏輯真夠特別，不過想同你講句，唔係人人似得師兄咁得閒打機玩MSN。
check單係好正常，至於呢個係唔係責任，我可以講係我對自己個荷包付責任，睇下自己洗左幾多錢。但我既責任唔係去check住服務供應商有無亂咁扣我月費，而家件事好似我錯晒咁喎。

一養米係飼百樣人0架喇，而家到唔到你0黎教訓丫？咁得閒你去教下雷曼班苦主丫，佢慘過我好多呀，我都係俾3 HK扣多幾舊水0者，我追都係為啖氣。

你自己習慣係點同3 HK有無錯，同佢應唔應該亂咁扣人錢，應唔應該退返錢俾受影響用戶無關架喎。呢個係服務供應商操守既問題，唔係同用戶習唔習慣check單既問題。每個月去慢慢check，個個月叫打上去一次等佢CS接電話，幫手cut service，waive返D月費，我咪好唔得閒？我D時間做乜要咁樣俾呢D操守低劣既公司浪費呀？師兄你時間多，可以咁做，小弟就無得咁多得閒時間打機玩MSN睇漫畫喇。 可能你係老闆，日日返到公司R腳趾，大把時間查下呢張單，又check下果張單啦。

都話香港多花生架啦，人地起度問問題就有人抽水表達一D：係啦，你唔check單，抵你死啦。


同其他師兄傾返先，小弟正話打左上去，初頭佢話只能夠waive到兩個月收多左既費用，但經過兩分鐘講道理之後，位CS服務員已經幫我攪緊waive返D扣多左既錢，我又再一次要佢地唔好再俾我無要求過既value-add service同宣傳電話SMS等。(呢D野我上台時鄭重要求過一次，上完台通左電話之後又打上去CS講一次cut晒所有value-add service，包括送既，以後我唔要求都唔好送俾我)今次又講多次，希望3 HK唔會再攪呢D野，若果再有，呢世都唔洗旨意我再用3 HK。

toro

就算吾系用iPhone plan普通3G plan都久吾久會無啦啦多收幾蚊至幾十蚊,打上台問下就話電腦出錯吾出聲就會比3仔屈左錢 ,一個客三幾十條數計落都不知幾和味

sureone

你上得尼問,不如直接打比3好過啦
你死話唔比,佢一定會幫你check~佢兇你話告你既話,搵蘋果/乜周幫你

ryan_cheung

我試過俾3扣 2500+ 一個月
情況如下 :
2009-3-17 開始轉plan, 轉無限度月費 (100Mb Gprs)
佢2009-4-15 號打電話黎
問一輪資料後, 同我講話我無轉過個plan
你個plan 無GPRS, 要比 2400 gprs 收費
跟住我即時hold 線上網check
我係用緊呢個plan
同佢講佢竟然話個web site 錯
跟住我忍唔住同佢講唔好浪費時間
我係唔會比呢舊錢, 跟住問佢employee number 同其他資料, 跟住第二朝有人打黎道歉
痴線

ntony

我打上去要佢waive返D錢俾我，本來佢都唔肯，後來我說話狠返D。（態度無差，都冇無理取鬧）後尾佢都幫我waive返晒D扣多左既charge。

呢個台咁鍾意無啦啦塞人亂食service，竟然仲有無講到個客唔check單就大條道理俾人扣錢咁。好野！
我之前用咁多年Peoples、Sunday、Orange、Smartone都用過，老母話十幾年來都未試過俾台咁樣呃月費，係我自己要買iPhone去左3HK先咁樣中招。（以前D電話費乜費物費都係集中一位家人管 + 我之前未用過和記）

好地地一個問師兄師姐有無俾3 HK亂扣過錢既post變成一個俾人教訓我唔經常check單既post。我register左收email statement喇，多謝晒教訓我果位師兄。我以前個個每都會見到張單啦。

話說有人都幾熟3HK：
http://www.hkepc.com/forum/viewt ... &extra=page%3D1

[ 本帖最後由 ntony 於 2009-7-25 02:35 編輯 ]