關於iphone 16 plus突然磚機一問

wingsky116

事源今朝訓醒拎起部電話
禁極都冇反應 琴晚記得仲有6,7X%電
強制重開冇反應 插線駁電腦入itunes強制重開都檢測唔到
充電果陣feel到機背有少少發熱 但過幾分鐘就涼返
然後畫面都係冇apple圖案 禁靜音制冇震動 即係熄機狀態
部機冇跌過冇入過水 2024年10月跟電話plan出既

大概半年前有一朝都係咁 當時強制重開就用得返
今次係直頭點整都開唔返 book左後日拎去apple度睇咩事
但主要係粒電池由上年12月中使用次數224 已經99%
之後唔知幾多次開始掉到96% 但後尾就冇再跌
壞機前一日定兩日睇過充電次數已經28定29X
都係96%健康度 我查AI佢話唔似燒底板 似舊電晶片BMS有事
因為我睇返又真係唔似底板燒 如果燒左我照理充電應該會持續發熱先岩

出文都係想睇下有冇師兄都遇過咁既情況
老實講已經好錫住用部機 突然咁樣黎獲勁既超麻煩
好彩舊果部I11仲用得到 如果唔係都幾頭痕
內文有啲長 麻煩曬各位師兄俾啲意見 ~

aib

回復 1 #wingsky116

最正路去Apple Store問“天才”！

via HKEPC

jacktsui

買中機皇, 無辦法㗎嘞...

wingsky116

最後冇拎去apple天才問
取消左booking
拎去維修鋪度問 佢拆開左話舊電冇事
係雙層底板下面果層 一傳輸電入去就有漏電情況
所以要訂零件焊返下面燒左果粒野 好似係咁
師傅話係小問題 亦唔係人為整成咁 只可以講唔好彩
報價$1700 都好過apple俾4,5千蚊換部新既
整唔到唔收費 不過最快都要聽日/後日先拎到機
當買個教訓 之前一部I6 一部I11都未試過用壞機 SAD !

k20031102

最後冇拎去apple天才問
取消左booking
拎去維修鋪度問 佢拆開左話舊電冇事
係雙層底板下面果層 一傳輸電入 ...
wingsky116 發表於 2026-6-1 18:06

呢間食水都好深,華強北整可能200都唔洗,仲可以即日拎機

jacktsui

千幾蚊係換MON價黎

MSI_R9_280_Gami

老母機Samsung A51 6GB 128GB尋晚自己熄之後boot唔起，搞左輪又冇事

jacktsui

老母機Samsung A51 6GB 128GB尋晚自己熄之後boot唔起，搞左輪又冇事
MSI_R9_280_Gami 發表於 2026-6-2 14:46

你部算長命
幾年前買M32老豆機, 兩年左右就打柴

MSI_R9_280_Gami

S20 ultra 16GB RAM 512GB ROM，2020年買仲用緊，最近半年變左綠光戰士，冇殼冇套得塊mon帖跌過好多次落地冇乜事，電池脹大頂開左底蓋，應該亦膠水乾

wingsky116

回覆 5# k20031102

最慘都唔係錢既問題
整唔整得返先係重點
但係售後服務整到我好燥
之前兩部iphone 一部6一部11從來未壞過

呢部機2024年11月開機既 用左一年半多啲
突然咁樣磚機 個師傅檢測完就話下層底板燒左
整到漏電 要焊返粒野先得 小case黎
咁就算啦 報價$1700 但同我講又要留一晚機
留都唔係問題喇 第二日就話整完可以拎機
當時留夜原因係話拆機要時間冇咁快
跟手又話要訂零件 而且要拆雙層底板
總之工藝繁複啦 再加我又唔係好識呢啲巧手野

點知整完機 我都趕時間 趁食晏走去拎機
初步檢查完 鏡頭冇事 上到網
對過code號冇異樣 又冇話顯示咩原廠零件不符
後尾走到半路 望一望螢幕 唔對路 mon貼劃花左
有一條劃痕係mon貼右上角
唔深但肯定我交機果陣一定冇呢樣野 我超錫機既

轉頭返去搵個整機師傅問 佢用水抹左一抹望左眼
就話可能整機果陣 旁邊太多工具劃花左都未定
咁我都幾肯定當時佢答左句 可以幫我換返mon貼
但真係太趕時間 而我當時都覺得mon貼換一塊又唔係乜野錢
所以當下就冇同佢仔細拗呢樣野 佢承認左有可能整到就算喇
講真你唔係整到我部機既 剩係mon貼我都費事同你計

咁就返屋企啦 熄mon再發現劃痕旁邊又有兩撻野
初頭以為係啲膠水跡或者其他野啦 用野抹左之後
發覺抹唔甩 望真啲原來係類似兜圈咁劃既劃痕黎
唔知係吸咀定乜野工具整到啦 mon貼就一定俾人劃花左架喇

跟手今日打左去問個師傅 琴日你係咪講左句可以幫我換mon貼
佢又話我冇應承你免費換喎 因為我地鋪唔係賣mon貼
咁我就反問一句啦 你地公司有cam架麻
你講過乜其實都可以睇返架麻 係咪 ?
佢就彈一句 我真係冇講過喎 我講過乜野我都會記得
我都完全表明 你有鏡頭有證據 睇返咪得囉
佢又話 如果咁樣既話 我自資定唔知乜幫你換塊mon貼喇
又唔係乜錢 我夠知唔係乜錢啦 我俾唔起咩 $1700都係咁俾啦

我介意既係 你講過乜唔認唔緊要 你公司裝個cam就係拎黎睇架麻
你又唔睇又要話自己冇講過 你睇完係我屈你既你咪屌返我囉
屌你老母你又唔撚睇 又講到好似我屈你咁
唔通我為左張幾十蚊既mon貼同你拗咩 ?

我執著既位係 留機俾你一晚黎整
整返我都多謝你既 但我都有俾錢
不過冇諗到你整花左我個mon貼
你自己最初都承認左有件咁既事
有"可能"係工具太多整花左
即係間接默認左啦 我冇屈你架麻

咁你整花左係咪照理要賠先 ?
唔想免費賠都唔緊要喇
仲要勁唔耐煩咁答我呢樣果樣
我介意既位係mon貼見到有劃痕姐
點知mon底有冇事架 ?
咁我都費事小事化大喇
問清楚佢一句 你除左拆雙層底板黎整
有冇整過個mon先 佢答實左一定冇架喇

之後我都唔想再拗落去
就話你確定冇整過mon就得喇
我自己又係一個完美主義者黎既
部部機我都一定好錫佢 唔跌唔入水既

如果唔係貪佢觀廣近我 就算拎去apple check
咁樣開唔到機就一定收幾千蚊回收舊換新架喇
我又真係太多資料要用到先咁急整
間野就唔開全名啦 XXXXPRO

即係講真一句 我留得部機係你地鋪整既
你地自己都有責任睇真啲部機有冇乜事
同返個客表明 你而家交機係有啲咁既問題
到時俾返部機你 有額外既損傷就係我地公司責任
但你地又冇做呢樣野架喎 我整機又唔係乜細銀碼
大拿拿都千幾蚊唔係細數啦 小小保障都冇架咩 ?

總之就貼錢買難受啦
裝個cam又唔撚睇都唔知有乜撚野用
後尾個師傅就話睇返cam都唔係好難姐
屌你老尾一開始你話check返cam咪唔撚洗拗囉
係都要我夾撚到你燥你先話去睇 唔係心虛仲有乜撚野原因 ?

以後買蘋果機寧願俾多少少錢加個apple care 穩陣
今次就經一事長一智啦
希望整完部機可以陪多我一年半載就算喇
純粹呻下 要插隨便

PS : 另外漏左提樣野 我唔抆走張mon貼黎check
係因為我雖然見到劃痕 但真係唔深
用左成晚黎睇片打機都冇話有咩異樣
純粹自己真係太完美主義 見到就有啲煩咁樣囉
而且mon貼同電話一樣都係消耗品
賭佢mon貼既問題唔影響到個mon囉
之後有乜事既都係自己而家唔處理造成既 怪唔到邊個

另外就係整完部機我都有問返個師傅
有冇換到新既防水膠 佢就話冇換喎
不過佢地公司既page就寫明整完機就一定換返新既防水膠
但唔知點解去到我部機就冇左呢樣野啦
只係我都會考量一件事 如果佢真係換左防水膠既
第時拎去apple trade in 人地一眼就見到換過既
有乜問題呢 最終又係我蝕架姐
反正我又唔拎部機去浸既 就真係冇計較喇
但好明顯呢間鋪呢 係完全冇對客有任何保障既
講一套做一套啦 希望有人提防到啦