其實我唔係話用sao同佢比
用Sao比 佢係個系統真係好唔完善
垃圾Sao都有Map 尼隻沒 即係Hea做啦...
我初頭 ...
暴走呆喵 發表於 2024-2-4 05:32 
我唸你理解錯左,我都係老seafood,真正新世代00後
我相信70/80/90後,你想搵個共鳴/讚同點都無...直頭唔知點對話
連問佢有咩好,自己都答唔出,點解好過XX,其實XX都無接觸過,唔係我個年代,完!
只係想表達,唔好一彈出來就拎以前點點點
完全skip左中間,得頭(自己個時代),同尾(插緊個套作品)
同高達一樣...一講Seed/00,UC粉就係地核潛返上地面
有冇唸過已經係近現代佳作,要數舊時代缺點
好多時一句以前個時代科技限制左,係咁架啦就完
但係插緊個套作品,短板個位無限放大,因為新時代所以應該做得比我地個時代好
仲有得吵已經算好,都叫有得溝通
再新一代我相信連吵都廢事
順路想推介下動畫(遊戲類),16bit的感動/高分少女,睇完就明時代洪流,時代變遷
好多唔係你想接受,只係你覺得差,有冇唸過比佢更差都有
堅持做到落去已經抵讚
好多老作,動漫/遊戲都好,都會有自己個時代加成係入邊
近十年日系RPG你問我
我個人會推薦伊蘇8>艾爾登>bayonetta3>Nier>Zedla BOTW>DQ11>伊蘇10>異度神劍2/3>聖劍傳說3
個表都係有自己私心,好似bayonetta3咁,你會見證1同2,個時代進步,但係維持到自己作風
第三集玩完會有種Marvel復仇者告一段落既感覺
StarOcean唔知你有冇玩最新5,6啦
5係比人閙到上天花板,6係睇得出佢有心去制作同救返個系列
講返碧藍,正如我想講,小Map咁普通都唔整,好明顯有意為之
係唔整小地圖情況又唔影響探索
好似zedla BOTW,點樣係唔整小地圖情況,去引導你,任記選擇左用燈塔形式
即使你漫無目的咁樣行,最終都係前往塔方向
碧藍都係普通過版式,只係想收集控四圍行開寶箱同收集螃蟹
你唔探索直接沖皇都唔影響
如果係速食文化,就唔會浪費七年時間都堆單套作品
仲會開發單機已經算有心,好過手機呃錢,出半年就執
由白金到自己完全接手,好多人以為根本爛尾,就算有日話中止開發都唔意外
第六章沙漠戰打機械人,你有玩過Nier自然會明
以前舊時代PS1/2,日系大型怪物戰
好似戰隊遊戲咁,其中一個特色來
地圖咁廣闊,最初我都認為無咩意義,迫你場頭行到場尾
最後打完隻王,你會發現,哦,原來大地圖係咁樣用
其中一點比較少人講,我個人比較欣賞碧藍既地方
過場3D,場景入邊NPC 動作,好多都好細緻
好似小朋友係度練木劍,主角群之間,表情/動作/手勢互動
我都係第一次係3D遊戲入邊見做得咁細膩
(櫻花大戰,事隔多年再開機,都重現唔返舊時代感動,3D生硬)
至於你講打boss打多幾次會悶,我都講左係MH類型
如果你話悶,咁MH都係刷刷刷,打王都係五六個動作變化
好多時都係較高隻怪血量,高傷來整長個時間
唔同武裝應對,唔夠打你直接砌裝用你認為輕鬆去"叮"隻怪就得
咁樣MH係唔係同樣都係無內涵 冇遊戲性?
Relink根本完全同MH一樣,你去刷因子/刷技能點/刷素材
就係想你花時間去農好一個角色
每個角色有唔同特色,雖然有部分角色比較弱
但係成功還原到每個角色個原作設定,仲想點?
一隻game可以玩到半個月仲唔夠?
日系RPG或者一隻遊戲點為之"神作" "佳作"
我個人有個簡單結論
好多時就係睇遊戲時數,好似五十個鐘入邊,你只要係enjoy,無重覆
不知不覺就玩到五十個鐘,爆機完工,好似伊蘇8/DQ11
你會feel成隻game係充實 "佳作"
但係"神作",就會有好似minecraft一樣,有可重覆遊玩原素
時長可能係隨便上百小時zedla botw/艾爾登法環
開放式世界,原本就應該係咁,但實際上好多開放式世界都利用唔好個大世界
當然你有心要插,可以話故事比較弱,表達得都無傳統遊戲咁直白
GTA又好,zedla,艾爾登同樣,只係時間長就叫神作?
zedla,艾爾登你要講故事表達直接係弱,全部都唔係直接講
都係扮深度,要你係遊戲入邊慢慢推理返個故事出來
但係碧藍做到傳統式表達,就好似DQ11一樣,傳統日系,勇者救世界
每隻星晶獸既實力,場景同特效都完全表現到出來
以前既作品有邊套可以表現到個種迫力
不如我問返你玩過邊隻係可以眾合各方面好過Relink
如果relink 100分值80分,我想問有咩遊戲可以值90分?
你舉例既遊戲好多只係得50/60分,要舉果堆短板既更加隨便數到
其實比人叫seafood有咩所謂,好似relink咁樣
你清楚理解佢長短處,如果第時真係有你認為超越佢既作品面世
咁你咪上水分享下,大家咪討論討論,睇下有冇超越relink資格
假如到時討論區還建在,人還建在
人大左,仲會有時間/心力去接觸動漫/遊戲已經好好
好多昔日既戰友/朋友都已經消失到無影啦,仲係地核搵到個人影都已經算好了
有時接觸70後/更早既,聽完佢地分享,咪試下傳教下現代少少作品囉
但如果正係專注係自己個時代作品,人地講完新時代
你又完全唔去接觸,咁樣好難講落去
最起碼接觸過,發現係伏/自己真係接受唔到
無接觸過連對話條件都唔成立,雞同鴨咁
好似我之前同一個快65既大前輩講起遊戲,佢又唔想玩太複雜
咁咪推介下佢玩VR,點知佢又真係完全沉淪左落去,仲沉迷過我
一星期可能就係得一兩個鐘心力打機,又明顯感受到佢唔太想花時間去理解遊戲系統
家陣見到面咪吹下VR AV同VR遊戲,大家搵到個共嗚點咪吹下水囉 |
簡體版
訂閱頻道
訂閱電子報
發表於 2024-2-4 14:17
| 
