eded

等咗七年先有得玩十幾個鐘主線？好似少咗啲啲，都係睇定啲先...
rugo 發表於 2024-2-2 16:15

  上網睇到資料唔係... 故事之後有真END, 再重有真真END

rugo

玩咗一個鐘，畫面好靚，唔知點解玩落覺得麻麻地，放低手掣食個飯後，冇再想開game玩既動力。
諗諗下，開頭第一幕係飛船上，我第一個動作就係跑向船邊跳船。點知對住船邊撞空氣牆跳唔到落去有一種失落感，腦中響起一句係：zelda 真係害人不淺！

暴走呆喵

回覆 42# rugo


    你沒錯覺....就是這麼平庸....

bobocar

玩咗一個鐘，畫面好靚，唔知點解玩落覺得麻麻地，放低手掣食個飯後，冇再想開game玩既動力。
諗諗下，開頭 ...
rugo 發表於 2024-2-3 23:20

咁你又誇咗啲...正如 FF7 係咪可以跳火車 ? 伊蘇 X...開始都係無得跳船 ..

rugo

咁你又誇咗啲...正如 FF7 係咪可以跳火車 ? 伊蘇 X...開始都係無得跳船 .. ...
bobocar 發表於 2024-2-3 23:55

買咗未？未買就要快啲買

Getchu

如果有玩個夢幻之星年代嘅人
會覺得呢隻game好垃圾

你話任務會爆機之後會開啟更高難度
唔好講 正統夢幻 ...
暴走呆喵 發表於 2024-2-3 16:39

有冇唸過你完全搵錯左類形來比較
relink好明顯係MH類型,有個正常故事就已經偷笑
戰鬥系統,以第一次整來講仲想點,話就話最初係白金負責整動作

以七年制作期來講,叫做真係埋到尾啦
每個角色都有少少特別操作,保持到多樣性

你要講故事性,好多人會搵ff16 boss戰個迫力來比較
但有玩過ff16就明,成隻野除左係某部分角色隱藏得好深
只係章節結尾嘗試引導你估佢係某個人
成個故事都係無咩特別,後期王各種智商插水
如果唔係ff15遊車河太差,ff16叫救返下,根本都唔合格

你搵虛空幻界來比
成隻game都係刷刷刷,刷刀開緋吹雪,刷片手開雙刀
ps4同switch我爆左兩次,唔知你有冇刷神器同玩千層迷宮
尾期惡頂度仲慘過MH你想刷齊全部珠

我明sao感覺上真係似係online game
唔同職業/武器刷熟練度,
打王之前點兩打buff
但relink明顯唔同類型

要搵sao來比較,都係拎畫面差唔多伊蘇8來講
故事性同戰鬥都爽快,sao除左幻界拎得出街講
之後既都係垃圾,最新兩集翻炒話幻界團隊,結果交左咩出來

要講地圖差設計,唔知你有冇玩過異度神劍
但relink又唔算開放式世界,基本都係一直線咁行
而且仲有隻野引導你,唔整小地圖好明顯係有意為之
等你要四圍行開寶箱同收集螃蟹
你唔係追白金其實唔收集都無咩所謂...

如果你搵MH來比較,relink好明顯無咁傷肝
兩三星期應該都可以全人物畢業,難度比MH來講算低

點解突然有種老sea food事隔多年復出打機既感覺
同動漫一樣,好多標準不知不覺已經大降左
當年插四天王>肉 番叫差
有冇唸過之後會發展到異世界向,異世界都算,仲要帶部手機就起行
到今時今日畫多兩個畫面,都已經話要外判,戰鬥打得幾十秒已經叫燒經費
今集打得多左,下集就要畫返文戲填數,仲要各種畫面崩壞
以前要畫就去畫,邊會考慮咁多野

你要拎relink同各種日系RPG,我只會話佢比上不足比下有餘
(基本上都係比係頂級差少少,樣樣都係一線水準仲想點)
比起亂整開放式世界,日系除左艾爾登同zedla,有邊隻開放世界叫合格?

白金近年開放世界代表作都係Nier,bayonetta3,但都係以細世界為主
清楚知道自己整地圖係為咩
突顯到唔同角色既玩法差距
我無玩過碧藍任何game,正係睇左兩季動畫
我覺得成隻game好多野都已經清楚交代明白
好似每個角色會叫你去命運章節到睇返介紹,睇完會獎勵返能力值比你
主線就係普通打星晶獸同打王,同DQ都一樣套路

老sea food想玩劇情向日系RPG
建議都係玩伊蘇8>DQ11>伊蘇10>異度神劍2/3>聖劍傳說3啦
容量方面,你肯定未見過最新個兩集SAO,上一集講緊係90幾GB,但係地圖完全係空洞
(我知PC relink有災情,主機有時個價值就係度,廠商好明顯係針對主機開發)

暴走呆喵

有冇唸過你完全搵錯左類形來比較
relink好明顯係MH類型,有個正常故事就已經偷笑
戰鬥系統,以第一次整來講 ...
Getchu 發表於 2024-2-3 20:55

其實我唔係話用sao同佢比
用Sao比 佢係個系統真係好唔完善
垃圾Sao都有Map 尼隻沒 即係Hea做啦...
我初頭玩到第二章已經好頂唔順
成隻game要教到最光亮度先叫到睇到路 我唔暈3D既 但尼隻Game比我嘔吐感覺
系統好多不足之處 例如講我講冇地圖啦 如果新玩3d嗰啲人真係多謝佢唔少

佢整到又好似mmorpg 咁樣我用類似嘅遊戲去比較唔會奇怪啩
定係而家風氣係咁樣? 唔怪知得現在啲遊戲唔好玩啦 來來去去只有畫風...
所以我就叫呢隻game空洞囉 打爆曬所有boss 打爆曬所有難度仲有咩做 佢個育成我真係得啖笑囉....
我可以話成隻game每個角色嘅武器會很少
就算分別都係攻擊力嘅誤差 同1x多個角色分別啦....

第二好多嘢可以發揮例如換裝 佢竟然乜都冇.....
2024年我真係接受唔到呢樣嘢 冇理由呢個年代一個角色只得一套服裝 去做一隻遊戲㗎 佢仲要以畫面嚟做招來喎
我知佢賣DLC 但係食相難看...
第三 控制器設定係完全唔可以改動嘅 邊個智障諗出嚟 你估個個鍾意佢預設嗰個設定呀
第四 字幕同音量細到pk 到而家update1.04都冇改善

總結:
講真呢隻game如果講當打boss game嚟講就幾好玩
不過玩多幾次會覺得好無聊
呢個唔係老sea food嘅問題
係而家啲遊戲很多冇內涵 冇遊戲性
全部係快上手 快完結嘅遊戲 根本就同手遊差唔多 即係速食文化
玩得多你會好快悶  育成佔幾多 你自己心中有數
今日你覺得好玩 玩多半個月你都唔想練
因為純粹玩輸出 爽完之後 你就無聊 因為入面係空洞嘅打寶都冇
所謂嘅打寶就係打boss..
我玩到第八章結完結  我都有一直玩一直改批評
所以我個感受就係打王遊戲就係咁簡單

佢浪費咗個大地圖 如果整迷宮打寶
好似第六章成個地圖咁大得個小貓三幾隻怪
之後打隻機械人王 感覺係幾生穎嘅 但浪費曬個地圖囉 呢啲boss 打多兩次你都覺得悶啦
有遊戲性嘅話 咁我就唔會這樣批評佢囉

你話我係老seafood我承認㗎
近呢十年啲遊戲有幾多好玩呀 你話畀我知
Sao 我冇話佢好玩 我邊一忽話佢好玩?

你講嗰啲game 我完全都唔想玩
遊戲廠商無論日系,乜嘢都好同以前比較 真係兩回事
你接受到而家個風氣 因為你仲玩緊而家嘅遊戲
我就已經戒咗成十幾年 我係用我嘅觀點嚟講啫
我講嘅嘢都係事實㗎 你唔接受咋嘛
Granblue 佢個系統寫得好 我就唔會講嘢啦 我昨天入手 玩到一直"?" 是去到第6章才改觀些
以上四點改過曬嘅話 唔~~就算改1,3,4
呢隻都算係好遊戲

近年出既StarOcean The second story R 完全超好玩 我重玩左二次 好Game就係好 又唔見我批評?


仲有 唔好一講就老seafood咁冇禮貌 你都會有老嘅一日

eded

回覆 46# Getchu


對Ching的評價表示讚好, 對很多Game同一些漫畫的認知同了解作評鑑, 十分欣賞
以前電視街機1-2人4人玩, 到online game多人連線/對戰
我相信任何一隻Game都沒可能全面性
個人未買, 睇左唔少YT同資料, 感覺佢想以MH連線多人為主, 個system打RANK上, 連行路有GUIDE都似MHW
現代太多手機網頁PC同Console GAME選擇, 玩的時候都SKIP曬D對話同故事, GB relink故事性不強唔知係咪有關係, 如果要比MH, Capcom表示：什麼是故事
不過玩唔玩, 怎評論都好個人的, 因為每個人都有自己鐘意同唔鐘意的, 都係自己選擇同絕對係主觀的

我都係想知有沒人玩想一齊玩 Discord下
有可Re或DM

chihim2468

隻game 場景地圖細到死，冇乜方比你探索，有隻野引導；根本唔洗地圖啦
同埋一早講左隻野就係MH Diablo 類主線短，打完就係刷刷刷，刷材料整武器，刷材料升武器，刷材料突破，刷因子(技能詞彙)  ,好多任要過主線先出黎，不過D怪都係換皮怪，同MH 果d一樣難度提升但個樣一樣，主要比你共鬥，唔鍾意玩MH diablo 都應該唔鍾意玩relink ,但relink 有樣好，戰鬥夠爽二次元人設好，boss 戰好有迫力
作為cygames 第一隻開發o既家用機RPG game (VS 唔係第一隻開發係後來先上),又唔係賣得貴(HKD408) 都收貨了，可以打住等FF7

Pppk

鍾意無双個啲咪好玩囉,一早就唔玩無双....