[開箱] 擁有過最貴既淘寶耳機 - Moji Monica Alpha

本帖最後由 jordanchow725 於 2020-9-1 09:21 編輯

Moji Monica Alpha

真正既靜電耳機想試好耐，一直都過唔到淘寶耳機4000關口，呢隻耳機我都諗左好耐，但最後都忍唔住，主要係比佢個包裝配件既誠意打動，尤其係DDhifi 既轉插，想買好耐。
包裝係好特別，好似大廠，可以話係豪華。如果包裝全英文，真係以為外國出品。

兩靜電+兩動鐵+一動圈
好多靜電耳機都係咁上下配置。但點解我揀呢隻，我同個店主傾左好耐，始終好貴，但佢ok謙虛，冇話打過萬元耳機。

耳機，2.5mm線，好特別既皮盒，ddhifi 轉插
櫃桶式既開盒好有神秘感。
我一開始就用M11pro 2.5直接推，感覺係好正，但冇感覺到好誇張既高頻。耳機係以平衡穩重調音為主，唔易推。 moji Monica 呢隻耳機唔係一隻比你日常聽歌既耳機。你要喺屋企，好認真細味，就發現好多平時聽唔到既野佢都比到你，樂器分離度高，分析力好高但唔衝。低頻結實有力，粒動圈做到野。
三頻平衡係呢隻耳機最大賣點。平時既平價耳機，好多都以三頻平衡做賣點，因為感覺上好似咩都聽到。但今次隻耳機係平衡得黎乜都比到你。個種收斂型既高分析力我唔知點形容。

耳機腔體比我想像中細，我估計佢用盡哂所有位。tri i3係一隻我好滿意既耳機，大鳴大放，而呢隻就相反好有特色。

頭先講過耳機唔易推，而我中意呢種唔易推。呢隻耳機就好似聽hifi,要細味，所以我加個alo膽擴推，用佢粒ddhifi 轉番3.5聽。 CLS，係一種新境象，內斂性格變得開放少少。令我更享受當中。

耳機貴，比我之前買過既都貴好多，但我終於感受到貴耳機既分別。平價耳機好玩抵玩，聲音有自己既character。但買一隻貴可以成為自己既指標。

Btw 我希望佢之後再出既耳機可以揀要Mmcx or 兩針