Rank: 1

1^# 跳轉到 » 倒序看帖

打印

字體大小: tT

發表於 2015-1-8 21:32 | 只看該作者

[開箱] 2015年頭炮...新手終於上水...[低質相注意] （Finished)

本帖最後由 GentleSilenT 於 2015-1-21 21:55 編輯

本POST低質相片請小心護眼

特別鳴謝肥鴨平價轉讓毒物及技術指導+PCS順風車，亦多謝曾經給予我意見既水區師兄

由我第一次係水區開POST請教上水以黎....都已經有年半...至今終於實行了

因為實在太多野阻礙左我落毒海既路...一黎當時仲係中學生

(各位師兄見笑了)...要搵工儲錢唔係容易...
二黎係想搬左屋先下海...如果唔係搬果陣都幾麻煩...但如今都係等唔切(其實係屋企冇聽我意見先咁耐都未搬得

)...

終於都到我上水喇~~~~毒王們請手下留情....

廢話講完....以下落黎入正題...

先黎全家福....

三位一體-合體前(電硬都係睇呢三樣姐...其他既...睇落去自然會見到...

)

開波就洗排先啦...

吹呀吹~讓這風吹~

吹乾後塞番住啲窿然後上機...

前置240係用flex-bay mount....請無視個白色框...只係暫時性痴住PVC filter...

話說而家Alphacool排轉左LOGO我個人覺得好過舊果個...如果轉埋啲plug唔係銅色你話幾好

由於薄排同XSPC排得兩個窿...所以只有兩個Alphacool可以插呢兩樣野...

今日做到一半先醒起我冇M4短螺絲...事關肥鴨轉讓既排有隻改左M4牙...我就索性將佢轉讓俾我既排改晒M4牙...
雖然肥鴨俾左幾廿口M4X35MM俾我....但有啲位要用短螺絲...

咁唯有買左螺絲先可以裝排落機箱...又要停工喇...

```

12-2-2015 update~

終於買左螺絲...繼續動工...
首先係鑽窿上水箱...XSPC photon270...

鑽左好多窿都先至成功mount上去...背後既辛酸同心痛...

開始準備執線同裝埋啲週邊野(因為唔想係動工期間冇電腦用所以目前係將MB tray當裸跑架用)

俾電去風扇同埋調速既分線PCB....總共5個~

水流計...時間關係已經自行包左網...

水樽出入水口...出水口加左filter...遮住左既後面有temp sensor同一粒LED燈

BP放水...

裝晒啲SSD同硬碟上hard drive cage...SSD用SSD mount~

hard drive cage我研究左好耐點樣裝把風扇而唔影響個hard drive cage裝上機...最後都搞唔掂唯有用索帶

水流計同fan control駁線同執線...

同埋駁定部分喉...

黎多張水流計

下面呢個位係機頂兩個排過水果條喉...因為個位好窄同埋冇諗過條喉原來比想像中硬身好多...所以費左全身既力搞左粒幾鐘先駁到

同上...都係好窄既位...240排番水樽果截管有少少折曲左...但實在冇辦法只有咁樣駁...

剩係搞上面呢兩個位都搞左幾粒鐘...而且開始駁喉前發生左小插曲...我俾把喉剪界爆左左手手指公

...滴左一地血...可惜冇時間亦都冇手影低...急急止血...所以亦令進度拖得更慢...

黎到呢度又再停工...因為之前買呢批物資果陣冇留意分線PCB俾電個插頭需要用到特別既線

...而家搵人做緊...連埋模組線...所以下次更新會等到啲線到齊再繼續...希望聽日之前可以到啦(雖然機會好微),特登攞左6日假搞呢壇野...剩番今日同聽日乍

...
上block亦會等所有野ready先上...廢事到時做到一半又停冇電腦用~

0

0

GentleSilenT

初級會員

Rank: 1

2^#

發表於 2015-1-8 21:33 | 只看該作者

本帖最後由 GentleSilenT 於 2015-1-21 22:22 編輯

21-1-2015 update

話說要等最後果少少線材到，如果我假已放完，要靠番工前／收工後既少少時間整埋手尾先有得更新個post...
亦因為假放完左，平時冇乜時間慢慢搞，為左盡快完成部機所以係試水果程冇乜點影相....各位師兄見諒

廢話講完~繼續獻醜

開始之前,改一改水流計既安裝...主要係換一換接口...因為同hard drive cage有少少太親近...硬上怕佢會漏

然後上block...呢度唔好意思喇...剩係記得影GPU...CPU同三位一體合體照都唔記得左

水泵現身...隻箱送到之前已經包左網,裝左pump top...上機前唔記得影相

...
泵底用左D5 Pump Foam Mounting Pad黎避震...so far so good

上番hard drive cage...

駁埋剩底既喉同埋駁線(叫駁線唔叫走線因為我走線能力極弱

)

做埋最後檢查...確保所有fittings扭實之後...準備毛巾,廁紙同蒸餾水

入水試水了

等佢排泡...好快趣兩隻pump都已經好安靜...(圖中廁紙包fittings方法新手唔好學...真係漏時唔好怪我

)

由佢行左成個鐘，冇發現漏水，以為大功成，於是就安心出門口番工。點知凌晨收工番到屋企見到張櫈有水跡，心諗呢鋪奶野！
再望一望機箱前面板下面已有一細攤水

再拎電筒照一照箱入面...MB area下面有一攤水...迅速抹乾之後又檢查邊到出事

最後發現前置240駁去PSU side果個接口滲水...還好係好慢好慢咁滲，可以即刻救亡，放晒啲水然後第朝起身再搞（夜已深，又眼訓）

第朝起身重新入左兩次水，第一次係換左粒fittings涕，但發現同樣有滲漏...
當下覺得隻240出事，所以又放晒啲水，索性拆左隻240出黎唔用...駁番水路...重新入水...又再排泡...

問過肥鴨後目前有兩種可能導致漏水：　
１. 我扭fittings果陣扭裂左接口
２. 呢個接口位駁去PSU side條喉撐到fittngs同接口之間有空隙所以滲水
肥鴨叫我入水落隻240上番plug搖下佢睇下有冇滲但佢冇滲...目前暫時將240閒置，下次拆野先再試一試佢咩事漏
因為而家都算搞掂好部機～而今次排泡用左好耐時間...排到夠鐘番工都未搞掂，唯有等第二朝繼續排。

又到第二朝...
隔左十幾二十粒鐘，再次檢查過今次真係冇漏水喇