比錢人包月抺車係咪不智？

yelosuga

聽人講話一桶水洗全場，幾個月後部車就會花晒，係咪真係咁跨張？ 照計至少要兩桶水掛
但佢開400晚晚抺又真係煩少好多...

有冇用家講下？

love19901109

回覆 1# yelosuga
深夜凌晨同你抹 就算唔係一桶水都唔會同你慢慢抹 邊個知.. 更何況兩桶水你估輕
我收工就係深夜時份 見到好多渣單車果個水桶細到不得了  個場無水就用佢果桶
除非你架車新或者一D花都無  唔係既話都呃到下人   就算出面比人洗都會整花你架車

jazz2014

不唔不智就兩睇

1）好錫車既應該唔會咁做

2）照顧頭家 爸爸車 冇時間自己洗 或 揸去比人洗

3）分分幾廿萬上落既人士， 大老闆  車呢d野 一件工具  唔好有pat烏 米田共就算 太陽紋 花左 凹左 who care , 壞左揸第二部

mo9394

停車場捉洗車捉得嚴, 自己都只能抺車, 最近夜晚水喉都鎖埋, 自己由屋企拎水去都幾麻煩
有小朋友, 無咁多時間打理部車
我呢邊二百四, 一星期抺三次
開頭怕佢花, 但抺左兩三年又唔覺好明顯, 你部車款新舊款, 比起架車花唔花, 一般人睇款多過打理(除非你部古董車, 不合理地打理得勁靚). 但如果好大塵就真係唔好睇


我頭幾年自己洗自己抺, 都幾享受. 不過當部車開始舊, 屋企開始忙, 停車場唔方便洗之類. 睇住架車封塵, 預佢星期六要用, 咁星期四/五要抽時間去抺車, 就覺得二百幾抵俾

即係你自己買對皮鞋會唔會自己成日走去自己打腊咁. 我識人會咁做, 靚鞋, 自己去上堂學打腊.  我自己就求其現成野抺兩下算

max.chow

回覆 1# yelosuga


  如果自己住既屋苑，會唔會問下有用開包月既車主comment？
事關包月真係好睇嗰個人，如果你用幾個月唔用佢，撞口撞面又會面阻阻。

之前有同事就係，覺得抹車條友馬虎，用咗幾個月咪唔用佢囉，之後成日冤家路窄，俾哂說話我同事聽，話佢無錢又養車咁。

jazz2014

回覆  yelosuga


  如果自己住既屋苑，會唔會問下有用開包月既車主comment？
事關包月真係好睇嗰個人，如 ...
max.chow 發表於 2020-3-20 08:43

   我以前個屋苑 都有個姐包月 理鬼佢 泊左1年 一星期都攝一張卡片，我一開車飛走佢
完全冇面左左...我仲要個個星期6/日 去洗車位自己洗  個呀姐都唔係到住架啦
係個停車看更 夜晚 開比佢入黎炸嘛..

vassilihk

回覆 5# max.chow

佢俾哂說話你, 你都可以俾返說話佢

backspace-hk

聽人講話一桶水洗全場，幾個月後部車就會花晒，係咪真係咁跨張？ 照計至少要兩桶水掛
但佢開400晚晚抺 ...
yelosuga 發表於 2020-3-20 01:39

睇下其它有比車場啊姐洗既車有無花到就知, 當你係2桶水但條毛巾都係百人斬, 每部車5-10分鐘洗完, 唔好預有咩質素, 一係比多少少出去洗車屋買套票, 洗車連吸塵内外都洗晒.

ckmakit

上次見人係車場抹...
見到佢塊玻璃多左層反光物體....

mo9394

回覆  yelosuga


  如果自己住既屋苑，會唔會問下有用開包月既車主comment？
事關包月真係好睇嗰個人，如 ...
max.chow 發表於 2020-3-20 08:43

我呢邊唔係阿姐自己接, 有公司管, 抺多幾架, 阿姐多左野做未必收多D 人工, 未必開心.