[鍵盤] 準備大陸特價買keyboard同大陸軸，請問有無邊隻值得留意？

ntony

最近屋企用緊兩塊Keychron，同事介紹用Keychron嘅。換咗用開嘅兩塊Niz Plum，因為無熱拔插。
Keychron K8 Pro（G-Pro紅軸），同埋K1 Pro（Gateron 2.0茶軸）。

K8 Pro配G-Pro紅軸，感覺幾好打。
K1 Pro配Geteron 2.0茶軸（矮），感覺唔好打。起公司試打同事嗰塊唔知點解又感覺OK喎……唔知有無記錯佢當時俾我試嘅軸。

打算買多塊放起公司用。唔知除Keychron外，重有邊隻好用嘅可以起淘寶買到。
外加想想一堆軸試玩下，因為塊Keyboard有熱拔插就手痕。有無邊隻推介？

我知呢類嘢各人喜好唔同，但自從Cherry專利完結後，實在太多款爆發式推出。揀唔切，我諗當中應該有好多係可以直接skip嘅。所以倒不如睇下有無師兄師姐推介。