Price.com iPad Pro 2024平成千，其實佢有咩可以出古惑？

網上一出呢類post，如果有人話去細舖買，就會俾人當狗咁鬧。一係話你窮就咪學人用Apple，一係就話你差幾舊水都要去冒險。差幾舊水去冒險，呢句講得啱！不過就最好企起上水站月臺，向住班北上食玩買嘅人指住佢哋個鼻講。然後向佢哋每人派幾舊水叫佢哋過對面月臺返轉頭留港消費。（利申：小弟唔起香港，但亦唔係起前中主國嘅任何一個屬地。）

好，言歸正傳。小弟睇緊iPad。好奇之下睇全世界Apple嘅官方售價。發覺點計都好，連日円之前有低匯率優勢下，港版Apple產品都係平絕全球。
再好奇之下，上Price睇發現呢堆竟然不論行貨水貨都可以平過官方。尤其iPad Pro可以平成千。連水貨都有得平。明明香港好似係已經賣得最平，可能美國再平少少？。小弟心諗，尤其佢哋可以出咩古惑先可以做到咁樣都有水位呢？

出於好奇，小弟諗過佢哋可以用以下方式出術。
1. 假機
2. 二手機扮新
3. 舊款機扮新
4. 換內臓
5. 上臺機拆出來
6. 賊贜
7. 炒家蟹貨

但小弟諗呢堆古惑有無咁易呢？

1. 假機好易俾人即場開機就試到，除非買嘅笨到唔即場開機，又或者佢可以假機都唔認。咁係唔係應該問佢有無得拍住片咁買賣？不過Price有個功能係「安心訂購」，呢個到時一嘈係唔係可以做證明？唔啱就打去海關或者報警拉佢呢？

2. 二手機扮新，呢個都係睇下有無即場拆機，但就比較難爭辯。你見佢貼紙撕過、有手指模、有花痕。佢可以話係你自己開盒做成嘅。又係要拍住片去買賣先有得爭辯，不過就算拍住片都好難嘈。除咗拎去驗指紋。我蘿友痕，用Price上面個Chat問其中一間好似有Price出面endorse嘅舖，係唔係可以先睇盒嘅serial number上Apple官方查過未啟動先俾錢，佢一口答當然可以。

出乎我意料，我以為佢會話要先俾錢再check，又或者唔應呢個問題。照咁計，都幾難出術。除咗佢係由華強入嘅科學怪人機。又或者俾完錢，開完機，但入面部機內嘅serial number係唔同嘅。咁又係要拍片為證。

3. 舊款機扮新，都係同一個原理去處理。基本上都係要即場開機，加埋拍片為證。

4. 換內臓利學怪人，呢個真係無敵。即場開機可能都無乜用，但佢自己個成本都似乎唔係低。

5. 上臺機拆出來，邊有咁多水位呢？如果佢網上報個價係真，佢比官方價比成千有多。唔係班網上扮富貴嘅LiHKG仔笑緊人哋慳嘅幾舊水呀。我唔係好信佢哋今時今日重係月入十皮未連花紅呀。除非佢哋職業係特權部隊啦。

6. 賊贜，呢個條數就真係最合符經濟效益。但上官方網查serial number有無機會check到呢？

7. 炒家蟹貨以前iPhone炒風興盛時期就話有啫，而家重邊有咁多蟹貨執？蟹極都無人會蝕千幾離場啦……人哋唔識上拍賣網蝕八舊放機咩……叫埋買家去你屋苑門口有看更睇住交收都得啦。

熟粹好奇同鍾意分析埋芝麻綠豆嘢，希望版主唔好認為離題啦，亦希望各位Apple友唔好認為係幫某平臺曲線廣告。我真係無錢收，千祈唔起睇完上去嗰度買嘢，我唔想益佢。

希望各位有興趣研究嘅Apple友一齊集思廣益，研究下究竟香港人可以有幾古惑。

0

0

bun1080

中級會員

Rank: 2 Rank: 2

2^#

發表於 2024-8-17 21:40 | 只看該作者

網上一出呢類post，如果有人話去細舖買，就會俾人當狗咁鬧。一係話你窮就咪學人用Apple，一係就話你差幾舊 ...
ntony 發表於 2024-8-17 20:09

聽人講過serial number好似都可以做假的

via HKEPC IRF 5.1.14 - iOS(5.1.1)

TOP

ntony

進階會員

Rank: 3 Rank: 3 Rank: 3

3^#

發表於 2024-8-17 22:08 | 只看該作者

聽人講過serial number好似都可以做假的

via HKEPC IRF 5.1.14 - iOS(5.1.1)
bun1080 發表於 2024-8-17 21:40

個Serial Number如果上到Apple個網去check就應該造唔到假啦。
我有諗過佢造假可以自己印張貼紙，用一部肯定唔會啟動嘅真機Serial Number印，貼盒再包返膠。等你用盒面個Serial Number去check，以為係正常未開嘅機，搏你拎走咗先。

TOP

GIS

中級會員

Rank: 2 Rank: 2

4^#

發表於 2024-8-17 23:11 | 只看該作者

如果PRICE >COM 既通常都實體店
實體店直接賣假野好快收工
正路計二手當一手賣機會高D 因為始終都係新機
另外仲有機會係番修機不過唔知番修機 APPLE 有無直接SHOW 個資料出黎
依方面真係要問下熟行情既人
但係熟路既無咩必要出黎斷人財路

TOP

ntony

進階會員

Rank: 3 Rank: 3 Rank: 3

5^#

發表於 2024-8-17 23:27 | 只看該作者

先達實體咗廿年啦，我都唔記得佢邊一年開喇。咪又係奉旨呃人兼成個黑幫搵食場咁。當然唔係話入面無正經生意啦，但明目張膽嘅騙子舖兼黑幫式靠嚇做法，一直都係咁做。近幾年係咩光景，小弟唔知啦。
但我起Price問嗰間「好優質」嘅舖，佢夠膽話可以check完Serial No.先再俾錢。已經唔係我以前見識過嘅細舖玩法。再咗錢先check，當然精少少嘅就當然即走人啦。

當然，網上問係一回事，現場佢係唔係咁，又係另一回事。已過保嘅機入返盒當新機賣呢招，似乎耍唔出。

TOP

GIS