LL SS聖巡

stephenlau

背景：

我甚少為聖巡而去旅行，今次只係乘賞櫻之便順道一巡，話說三年前水團彈起時已初步巡過一次（傳送門：https://www.hkepc.com/forum/viewthread.php?tid=2337297）

前言：

此動畫基本上係將成個沼津聖地化，根本無可能一次過巡曬，再者計劃行程時無意中發現大小姐實家家道中落，又撞正電擊3月號揾咗大小姐做cover girl，故此決定以大小姐為重心做一次location hunting.

體驗大小姐生活：

誠如上文提及大小姐實家「淡島酒店」破產可能好多LLer都略有所聞，因此抱著唔住可能無機會住嘅心態去book房，一search之下發覺大小姐身價果然零舍唔同，一晚淨房價已經過三萬羊，若果針對LLer嘅房價仲去到五至六萬羊以上（只係送d LL SS item比你而已），自問真係住唔起，本來已經打定輸數，但皇天不負有心人比我係最後關頭揾到執雞價先可以有機會一窺內裏環境。

大小姐屋企要駁船好多人都知，去到碼頭有專人幫你攞行李上落船同直送上房，接送嘅當然係Aqours丸。

船艙入面可以見到姐姐嘅簽名。


終於到達傳說中嘅大小姐屋企 （好明顯下面Ohara Hotel係為咗LL SS加裝上去 ）


Check-in完後有專人帶你上房，一打開房門完全feel到大小姐嘅氣派，已經book最細間房但面積仲大過自己間屋！
可以望住富士山浸泡泡浴（有大小姐陪浸就更加好 ）


露台一樣望到富士山 （右下方噴泉睇過動畫OP實認得 ）


未到晚餐時間在lobby行個圈，可惜劇場版登場嘅concert hall閂咗門睇唔到


Shiny！


過埋隔離淡島水族館，即係果籃嘅實家（酒店住客免入場費）


大量LL SS相關item




晚餐係法國料理（要着jacket入座）、鐵板燒同和食三揀一，我揀咗和食


聖巡啓動：

第二天朝早享受完自助早餐後就開始探索大小姐屋企週邊，食飽最好行吓山

補充水份要緊，有水團嘜頭即刻水喉水都變聖水，真係要夠愛先買得落手


一於向高位淡島神社進發


路途唔遠不過爬升幅度頗急


好多LL SS繪馬，其中唔少係海外嘅，唔知有無你嘅呢？





落返嚟就環島一週，已經看到熟悉嘅場景






Check-out後就開始週邊探索，大量場景任你發掘，最緊要係你有時間，既然揀咗大小姐就去佢做主角嘅場面先

伊豆之國Panorama Park








西伊豆Skyline土肥駐車場




呢套嘢基本上係跟住實景作畫，我就試吓用劇場版7分鐘OP睇吓可以揾到幾多個場景



















就算係single PV都係參照實景作畫

二單  伊豆三津Sea Paradise


四單  芹沢光治良紀念館



動畫與現實：

淡島酒店隨着加盟美國酒店集團即將改名，與LL SS聯乘會否有變化有待觀察。酒店職員都好清楚間酒店同LL SS嘅關係，亦知LL SS故事內容。

動畫二期第十集大小姐做柴可夫車曬所有人上山向流星許願，動畫內駕駛路線場景同現實一致，不過大小姐真係勁，由千歌屋企去到山頂要成四十五分鐘車程，後半段仲要係無街燈嘅山路冬天隨時跣胎，新牌仔嚟講都幾夠薑。

劇場版OP場景基本係由浦女去到沼津市中心，絕對無可能七分鐘內去到。 （坐車都唔得）


聖巡以外：

畢竟隨着動畫完結水團人氣已過尖峰，可見將來隨着新一代LL登場好大可能跟隨貓屎步伐舉行Final Live將此代畫上完美句號。對沼津嚟講，在LL SS登場無可否認帶來了一定嘅旅遊收益，但焗限係LL週邊嘅商品或服務，其他在地商業活動卻未能受惠（日本當地已有相關報導）。對Sunrise嚟講LL嘅號召力肯定對於選擇合作方處於優勢，會否做成新一代LL故事設定落户邊度係商業因素主導需要拭目以待。（當然唔排除LL SS已經行緊呢套）

Comhk

正！
我上次去沼津幾日都冇住淡島同安田屋
如果以後去個陣仲未執既一定要去住下
Thank you!

stephenlau

啱啱公佈咗Tokyo Dome開6th Live，既然新一代LL已經籌備中，睇吓係咪真係同貓屎一樣係嗰度埋尾（再創天價炒飛神話）？

Comhk

今次再睇個post第一次睇芹沢光治良紀念館特別有感覺
Thank you

已我所知Dome Tour應該未有公佈地點
5th無去，6th真係想去！有時間順便巡巡就Perfect