[保養相關] crucial mx500 ssd 保養求問

dorinhk

我喺 2023 年 喺 Jumbo Computer 買咗塊 Crucial MX500 1TB SSD，前幾日發現完全冇反應。印象中全寫入次數得 9 次，懷疑係 controller 死咗。

上網搵到話保養係由 LOBCOM HK LIMITED 處理，佢哋嘅辦公時間好奇怪：星期一至五 11:00–18:00，午飯係 16:00–17:00，週末同公眾假期休息。即係朝 11 點開工，4 -5點食午飯，6 點收工，每日得 6 個鐘，好似舒服過歐美咁。比錢買果陣就星期一至七都開， 壞咗要整就銀行寫字樓office hour, 非常之咁香港地道味

我下午 3:50 去到青山道 534–548 號半島大廈，佢哋話要 網上預約。我問係咪要返屋企再預約先可以再返嚟，佢哋話"係"。跟住我喺佢哋嗰個所謂「網上預約系統」填晒資料按送出，系統顯示資料已儲存，但之後完全冇任何回覆。呢個預約系統係咪真呢?

我真係好想知 LOBCOM 係咪真係有做保養。多年喺香港買電腦配件，對本地售後服務真係好失望：你一句「唔保」仲好，慳返時間唔好再搞。我已經受夠， 而加我已經開始網上買電腦嘢，網購會先查清楚係咪香港人開既香港店，香港店一律列入黑名單。總括嚟講，喺香港買電子產品，「有保養」好多時等於「無保養」。總之售價要mark up 得夠高！

p.s. 剛發現原來有自己兩張512g sd card 都係呢間 LOBCOM HK LIMITED 做保養。。。。。。

我最後想講一句：我由intel 486 dx 到 P II ,P III,p4 年代都係深水埗，旺電等買嘢，什麼remark cpu , 水貨當行貨，七日之內壞咗唔認數，又話咩底板氧化，靜電short 咗實在經歷過唔少。
而加深水埗，旺電果D變死場， 班老細就無謂再呻慘喇， 你哋心知多年嚟自己做緊D乜，唔求你服務態度， 連件貨都係唔清唔楚，有生之年我都絕不會再幫襯香港舖。

佢份人小氣

問下可唔可以寄過去啦

dorinhk

問下可唔可以寄過去啦
佢份人小氣 發表於 2026-3-21 14:29

    題外話香港特式：
你浪費錢寄過去既結果：
1。 覆你收唔到，無收過。
2。 寄上門。 拒收。
3。收到。但私底下加工。之後覆你人為損壞。

所以師兄你話"寄過去"， 係香港呢個地方並不適用，我甚至信大陸既tb多過香港班。。。賊?

佢份人小氣

回復 3 #dorinhk

親身試過定係聽講？

via HKEPC Reader for Android

john_linux

回覆 1# dorinhk


我都有隻Samsung 8TB SSD搵過佢哋保養，唔使一星期搞掂換咗全新。
btw漢「4」同廣「洲」行先係極品，其中一間夠膽死一隻4TB SSD要搞8星期先至換畀我，仲要市面上有現貨賣緊都話無

john_linux

雖然我上Lobcom都無預約，不過預約制的確唔值得幫。

Miipp

所以屋企隻 mx500 4TB 係 amazon 拍
  
cpu 就由 9 代開始網購

dorinhk

回覆  dorinhk


我都有隻Samsung 8TB SSD搵過佢哋保養，唔使一星期搞掂換咗全新。
btw漢「4」同廣「洲」 ...
john_linux 發表於 2026-3-21 17:42

呢D 我好彩過你係人生中又是常出現，保養要講運氣既話你覺得係好事?
我有單有據。遇到情況就係咁，我唔會用諧音字去驚咩誹謗。
之前有人話叫我寄比佢，非常荒謬！ 我親身上去都比人趕走，你覺得我浪費郵費寄過去會有好下場??
梗係止蝕為原則， 千辛萬苦去求個保養? 我買之前佢又唔講清楚幾年保養係咁既意思?!
假如你叫跪係度三個鐘先換比我。呢個係公司規矩，唔通我又跪咩?

信任唔係一朝一夕建立， 係咁先喇！

john_linux

回覆 8# dorinhk

呢D 我好彩過你係人生中又是常出現，保養要講運氣既話你覺得係好事?

師兄，我認同你喎，冷靜d啦。
我講真實經驗，喺呢間代理無事，喺另外幾間代理受氣，所以整體上香港售後=受氣。
而家我都網購咗唔少嘢，而且我無認同過要有運氣先至可以用售後服務。

我有單有據。遇到情況就係咁，我唔會用諧音字去驚咩誹謗。

提醒你注意板規A2條，喺EPC提及各公司嘅時候可能會用花名（例如煙條/小小星），係板規保障嘅權利。
更何況我都有單有據，間鋪喺7日內試都唔試就話唔換畀我，聲稱無電腦幫我check（USB lan都無嘢check到？btw呢間係comdxx）。

之前有人話叫我寄比佢，非常荒謬！ 我親身上去都比人趕走，你覺得我浪費郵費寄過去會有好下場??

我諗你要問返佢，句嘢唔係我講。

梗係止蝕為原則， 千辛萬苦去求個保養? 我買之前佢又唔講清楚幾年保養係咁既意思?!

建議cap低佢保養條款搵消委會/海關搞，課「suck」出板社（賣Raspberry Pi嗰間）都試過頂唔順，原本企硬最後都要同意退款。

假如你叫跪係度三個鐘先換比我。呢個係公司規矩，唔通我又跪咩?

建議你報警

信任唔係一朝一夕建立， 係咁先喇！

唔明，如果信任唔係一朝一夕建立，唔通畀廣告費請打手一夜間建立？

發表主題及回覆文章之權責如下 ：
A2.禁止任何不負責任／失實的言論（包括對品牌／代理／公司的惡意、不明改稱／無理據的指控等）如避免廣告、懷疑事故的情況，可用 ? 代替，花名或約定俗成不在此限

blackkh

我喺 2023 年 喺 Jumbo Computer 買咗塊 Crucial MX500 1TB SSD，前幾日發現完全冇反應。印象中全寫入次數 ...
dorinhk 發表於 2026-3-21 13:41

這間，真是自求多福，我通常買的都會看一看是那間保，mx500我買過很多隻，大多選建達，亦上過去保養，即場測試，在我屋企有問題，上到去沒問題，但他們都幫我收了隻mx500他們說問一問台灣廠換不換，幾星期後就換隻新給我，好像asus router我多選漢4保養

via HKEPC Reader for Android