昨晚發了一個怪夢: JAM Project

ronald

雖然係一個夢, 不過場景同場景之間唔知點樣駁埋一齊, 尤其醒左之後更加記唔起.

Part 1: 街頭小食

我去到一間賣街頭小食既舖頭, 見到JAM Project既男成員 (睇唔到三個定四個)賣魚蛋燒賣.
我買了一串燒賣, 企在原地食.
同場見到大量fans, 但是沒有起哄; 反而隔離賣game既, 電視一播SRW片段, 大家就起哄, 仲唱埋出黎.

Part 2: 合照

突然他們話可以合照, 大家當然開心.
到我影既時候, 怪親戚在搞破壞:
他坐在街燈上, 揸住舊濕海綿滴水落黎.
在我身邊的遠藤正明都有不滿/眼色, 最後都影到相.

Part 3: 打邊爐

我走到一張長餐桌打邊爐, 已經見到北谷, 遠藤, 福山, 奧井坐左o係度, 三個男人著住GO! GO! GOING白色tee
(按: 我醒左之後才知件tee係冇白色既 )
見他們附近有空位, 我想坐埋去時, 才見到那個位係留畀長老/エド (>x<)
我一路向後行, D位係留畀家屬, 去到張枱中間才有位畀我.
我和ronald妹一齊坐. 我和他們四人用日文對答如流 - 雖然我唔知講緊乜
到奧井問我們想飲乜, ronald妹就講左一個四字既奶製品牌子. 奧井就讚她good choice.

Part 4: 演唱會

終於到演唱會, 因為之前訂左商品, 要拎通知信去攞貨.
不過原來我未印出黎, 就和家人話要回家印.
等車時找來找去才知自己冇帶銀包, 跟住就嚇醒左.

今次係第二次發JAM夢, 第一次見到真人.