請教有關多件打印既問題

Super169

雖然網上睇過, 話一次打印幾件, 無乜著數, 反而要個頭走黎走去.
但係一次打印多幾件, 一覺訓醒就多幾件成品, 唔駛下下睇住佢打一舊折一舊.

最近打件 vinsoncheng 個超級靚靚保護罩, 當中幾多細 parts, 諗住夾埋一次過打印.
點知印出黎發覺佢計出黎既 path, 並唔係單單當兩件野, 好多地方睇成係一件.
其實出黎個樣都無問題, 只係兩件野中間既面, 會明顯睇得出無劃條外框, 佢好似係由一件打橫印, 橫到邊位就收起個頭, 跳去另一邊印.  兩件野對住既地方, 個面唔係好平, 好多膠支飛左出黎.

唔知有無方法, 令到兩件打印既 path, 好似番兩件獨立打印既一樣, 每層每件都圍個靚框, 印完一件至飛去另一件度印?
如果因為一次過 gen gcode, 佢會睇哂幾件野, 唔知可唔可以分開 gen gcode, 然後夾番埋.

唔知大家多多唔一次打印幾件野, 有無類似既問題?

Super169

自己找到答案了, 原來是我調教平台時, 比較針對左邊的噴咀.
今次是用右邊的噴咀打印, 兩個噴咀的高度有參差, 左邊剛好時, 右邊太緊了.
如果只是一件打印, 就是在該件的外牆之內打印, 沒有問題.
但如果是多件打印, 印完一件就要跨過外牆走到另一件, 跨出的時候, 有機會因為噴咀太低又或噴咀番有少量膠尾而碰到外牆, 做成面向另一件的一邊出現很多向外的故出位.

把平台高度再針對右邊調教一下, 問題就解決了.

不過, 因為兩個噴咀高度的問題, 會導致兩色打印時, 噴咀有可能碰到已打印的成品, 之前就試過了.  如果把噴咀設定得太高, 就很容易會貼不穩.  現在只好先針對單色吧.

請問大家在雙頭打印時, 如果解決雙頭高度不一致的問題? 是否針對比較低的一個為準?