|
|
搵到把風扇仔, 好似唔錯, 唔知大家有無興趣
部機又開始用得番 (不過得番單頭), 由於之前個巴黎鐵塔反轉再反轉印出黎唔係好掂, 決定加把風扇仔試下.
本來想去淘把番黎, 已經搵左把好似幾好既.
剛好有 D 事要出鴨記, 無無聊聊又去搵下, 見到把現成既, 即係入左兩把番黎, 睇下大家有無興趣.
1) 首先....價錢勁吸引, 淘寶見既, 人仔都要10-12蚊, 仲未計時間同運費, 家陣只係 10蚊港紙
size 大約係 45x40, 出風果邊約 45, 度過閃鑄既機頭剛好夠位, 打孖兩隻剛剛好.
2) 呢隻大陸叫鼓風機既物體, 由下面長方口出吹, 前面唔需要好多位, 甚至垂直裝都可以.
由於我地加左罩, 如果件野好大既, 有可能要印到好前位置, 如果一般風扇打斜裝, 可能會碰到前面既窗.
不過都有少少缺點, 佢本身條線係風口旁邊出, 如果下面要吸個罩引 D 風去噴咀, 可能有點煩. 而且下面出線都唔太好.
3) 好在, 呢件野個殼唔係成件啤出黎, 折開螺絲好簡單就可以轉番去上面. 成隻係金屬殼, 感覺好似高級 D.
4) 佢本身有彈弓膠頭, 好似上 CPU 風扇果 D, 一推入個窿自己 lock 死, 只要後面印塊板開窿就可以裝落去, 螺絲都唔駛, 要換又容易.
家陣萬事俱備, 只欠一個架, 裝上個頭同埋引導 D 風. 試下自己對住個風扇設計.
有個少問題, 其實吹既風, 有無特別要求會好 D?
1) 要集中對住個噴咀出口 (即係圍個圈出風, 或者四個口出風易印D) - 諗緊點畫
2) 單方向吹住噴咀出口 - 簡單點, 一個曲頭再收窄
3) 有風吹埋去就得 - 呢個最簡單, 度好位缺個曲頭就得
之後就係諗點樣 mount 上個架, 唔知有無 ching 有個架既模型, 可以比我打印一個出黎慢慢試位.
又或者有無 ching 做左個用呢類風扇既架, 可以比我抄呢用. |
|
|
|
簡體版
訂閱頻道
訂閱電子報
發表於 2013-10-26 22:16
| 
