[開箱] 我和我的鼠墊 ♥ (18張鼠墊的評測)

本帖最後由 raisin 於 2014-6-4 11:27 編輯

我和我的鼠墊 ♥

買埋N咁多張鼠墊，係時候總結一下。使用滑鼠：Roccat Savu, Logitech G500, Razer Salmosa Asia Pro。使用環境：League of Legends，辦公室應用，上網

鼠墊一覽: 1. QcK mini, 2. 飛燕 mid, 3. 紫電改XSoft, 4. 4HD, 5. Steelpad 5L, 6. I-2, 7. 零 XSoft, 8. 疾風, 9. 雷電 mid, 10. 飛燕VE, 11. Zowie P-TF Speed, 12. Goliathus Speed, 13. Goliathus Control, 14. Taito, 15. AirPad Pro III, 16. T哥磨砂, 17. Steelpad 4S, 18. CM Storm HS-M Battle Pad SSK

由於只係一個概括的總覽, 如果對邊幾塊鼠墊想知詳細D, 或者想比較某D野, 都可以留言同我講, 我會盡量提供~

另外，由於咁多鼠墊用唔晒，試完晒後亦會放幾塊出黎賣 ~~(所以呢個post其實係幫自己賣廣告的)~~。

更新歷史:
第一話 - 小結!? 已開箱的鼠墊!! - 出咗D之前開咗箱既mousepad做個小結先~ (29/10) QcK, 飛燕, 紫電改, 4HD, 5L, I-2, 零
第二話 - 唔要咁多隻眼!? SS的代替品!! (Zowie篇) - 為咗解決大家唔想再見到SS隻眼既問題, 我決定偷步講咗呢塊墊先 (Zowie P-TF Speed)。 (29/10)
第三話 - 唔要咁多隻眼!? SS的代替品!! (Airpad篇) (30/10) Airpad Pro III
第四話 - 蛇の使者! Goliathus兄弟 (31/10) Goliathus Control & Speed
第五話 - Taito, Taito, Roccat Roccat Taito!! (1/11) Taito
第六話 - 又係飛燕!? 好紅的飛燕VE (2/11) 飛燕VE
第七話 - 唔要咁多隻眼!? SS的代替品!! (T哥篇) (6/11) T哥磨砂玻璃墊
最終話 - 疾風x雷電x最速純布墊 (7/11) 疾風, 雷電
後記 - 十六塊鼠墊的總結 (10/11) 總結, 評分
番外篇 - 鋁鼠墊，Inevitable (23/11) Steelpad 4S
番外篇 - 翻版SOTA? CM Storm的合金塗層硬墊 (28/11) CM Storm HS-M Battle Pad SSK

---------------------------29/10 第一話 - 小結!? 已開箱的鼠墊!!---------------------------

1. QcK mini, 2. 飛燕 mid, 3. 紫電改XSoft, 4. 4HD, 5. Steelpad 5L, 6. I-2, 7. 零 XSoft

1. Steelseries QcK mini

用這塊鼠墊之前，只用過隨XXX附送免費的鼠墊。果D鼠墊俾我感覺就好似海綿同布既混合體，加上大大個廣告，原全沒有意欲使用。另外以前只用過幾十蚊的辦公室mouse，劣質鼠腳其實用係枱面反而比較適合。

QcK mini係我第一塊｢正式｣鼠墊，連埋G500一齊買的。初嘗禁果感覺十分爽滑，令人興奮莫名。當初的感想已經發表過了: http://www.hkepc.com/forum/viewthread.php?tid=1824621

1. 其實如果唔玩FPS又唔用低DPI, 我感受唔到大pad既用處... QcK Mini我都係用得唔夠一半
2. 急停比枱面容易
3. 靜止摩擦力好細, 連隻HP mouse都可以起動自如
4. 捲得多, 平放枱面都有少少拱起, 不過唔影響使用
5. 未同其他mousepad比較過, 上面呢D講黎都嘥氣

對佢既評價之後已經變為｢廉價泛用外帶墊｣了。泛用係因為我用三隻mouse (G500, Savu, Salmosa Pro Asia) 個感覺都好接近，都係好順的，唔似得有D墊Savu就好鬼順，但Salmosa就會好刮腳，G500變得慢。另外便宜加上易捲，對於成日帶裝備去網吧既用家就好適合了。

我眼中佢既缺點係磨擦力較強，比起其他大部份鼠墊都慢 (順但不滑)，但停定性能亦非頂尖。直接比較的話，Artisan的零XSoft及飛燕Mid都比它快，而停定性能亦較高。

然而，由於泛用性高同埋細塊易搵位放，QcK mini間中都仲會拎黎用的。

2. Artisan 飛燕 Hien Mid S

連同紫電改，之前出過評測的: http://www.hkepc.com/forum/viewthread.php?tid=1850671

簡單來說，係一塊摸落好粗，但用落又順又幾快既鼠墊。出乎意料的快、滑，加上很堅挺的橡膠層，對當時的我來說，可以話係驚為天人的一塊鼠墊。Artisan的另一個特點，就係防滑做得十分出色。最愛鼠墊之一。

後來先知，摸落粗定滑，同佢快唔快，係無關係的。不過而家仍然覺得佢好好用的一塊鼠墊，在快/滑及操控之間有很好的平衡，對手腕也不錯。最近仲添置了一塊酒紅色的飛燕VE~

需要一提的是，飛燕的縱向操作的阻力比橫向操作的為大，好處係橫掃時的上下移動夠少，壞處就係手感不夠均勻 (我打LOL但唔覺好大問題)。

順帶一提，Artisan鼠墊不同軟硬度之間的分別：
滑度／速度　：硬　＞　軟
急停　　　　：軟　＞　硬
承受滑鼠重量：硬　＞　軟
舒適度　　　：軟　＞　硬

一般鼠墊的膠大概有Artisan Mid 至 Hard之間的硬度吧，但Artisan的膠是很Q很"彈牙"的類型，而且厚薄均一，很舒服的~

3. Artisan 紫電改 Shiden Kai XSoft S

連同飛燕，之前出過評測的: http://www.hkepc.com/forum/viewthread.php?tid=1850671

令人又愛又恨的鼠墊，用在Savu之下，的確係超滑，主觀上從靜止到移動的阻力係用過的鼠墊中最低的。急停都唔係大問題，因為用了XSoft中層的關係。恨的是起始阻力太低，變得好飄好難控制，好考功力。可以想像一下原子筆同墨水筆的分別。

另外同G500配搭的話又鞋又慢，配Salmosa Asia Pro又多咗刮腳的感覺 (雖然係快)。

唔常用，一來驚佢好快殘 (上網睇過唔少紫電死亡照)，二來太易郁到mouse，不習慣。

4. Steelseries 4HD

某日行開地獄，心血來潮想買塊硬墊去做評測的Reference，於是入手了。連同5L及I-2，之前出過評測的: http://www.hkepc.com/forum/viewthread.php?tid=1862575

雖然4HD作為樹脂硬墊係比較粗鞋，但快同靈活，同埋我果三隻mouse係4HD上面既工作高度都好低 (明顯比其他墊低)。缺點係條邊刮手，同埋難收掣，另外自己覺得手腕於係硬墊上無咁舒服。貌似樹脂墊的紋理用久了會磨蝕。

我覺得4HD係一塊操手感好(除了難收掣的缺點以外)+追踪性能好，但不及布墊舒適的鼠墊。由於未用過其他出名的硬膠墊(Razer Scarab/Destructor, Zowie Swift等)，未能比較同類型的鼠墊。另外好像不夾PTE感應器。

用大面積鼠腳會比較靜，而Salmosa的小鼠腳就好刮，不過三隻滑鼠的表現十分接近。

5. Steelpad 5L

Impure師兄的收藏，連同4HD及I-2，之前出過評測的: http://www.hkepc.com/forum/viewthread.php?tid=1862575

有coating的布墊，一方面有布料的順滑，另一方面有膠面的速度，手感一流。五層設計令人嚮往，不過實情也只是比紫電多了一層，就是橡膠下的硬膠層。但說到面層的順滑度，雖然比紫電改稍遜，但亦是十分平滑，而且G500及Salmosa這兩款較難服侍的鼠腳都能應付自如。最愛鼠墊之一，可惜停產已久。

缺點是只有一個大小選擇，超大塊，並非人人合用，而且難以儲存。另外，布的邊緣用久了應該會披口，鼠墊底部的防滑亦較差。

6. Steelseries I-2

EXK師兄的收藏，連同4HD及5L，之前出過評測的: http://www.hkepc.com/forum/viewthread.php?tid=1862575

Edit: 幫滑鼠貼咗Teflon Tape後, 呢塊鼠墊得到重生! 之前對I-2既壞印象一掃而空，刺耳既聲音無晒，唔會再因為有塵/頭髮而有怪聲現變成愛用鼠墊之一

磨砂玻璃的誘惑，另一塊令人又愛又恨的鼠墊 (這塊比較多恨)，感係無塵既時候十分之好, 係磨砂玻璃上面輕輕掃過, 又順又滑, 感覺一流... 但作為日常使用mousepad就太過delicate了, 成日用用下就會出現刺耳刮玻璃聲, 有時係頭髮飄到鼠腳底, 有時係唔近睇都見唔到既塵, 刮完之後鼠腳就多咗一道傷痕。即時無塵的時候，仍然係好傷鼠腳的。

對我來說，由於不能避免手汗及塵/頭髮，又磨鼠腳，所它是一塊不能在日常中使用，只能用來收藏的一塊鼠墊。

7. Artisan 零 Zero XSoft M

出過一篇詳細評測: http://www.hkepc.com/forum/viewt ... 4365&highlight=

總括來說，手感係類似QcK般的順，但比QcK稍快，起始阻力稍低及較易急停。如果鍾意QcK的話，好大機會會鍾意零多於QcK。缺點，同QcK相比，係size及圖案選擇較少，同埋無咁易捲埋。另外，在高DPI時光學mouse的抖動比正常大，應該用Avago 9500的sensor會比較好。

至於點解我用QcK mini唔用佢? 主要係因為我的枱面無位，Mousepad位成日都要清空做其他事，而QcK mini真係好軟皮蛇，隨處丟都唔心痛 XD

更多鼠墊陸續有黎.... つづく

第二話 - 唔要咁多隻眼!? SS的代替品!! (Zowie篇)
第三話 - 唔要咁多隻眼!? SS的代替品!! (Airpad篇)
第四話 - 蛇の使者! Goliathus兄弟
第五話 - Taito, Taito, Roccat Roccat Taito!!
第六話 - 又係飛燕!? 好紅的飛燕VE
第七話 - 唔要咁多隻眼!? SS的代替品!! (T哥篇)
最終話 - 疾風x雷電x最速純布墊
後記 - 十六塊鼠墊的總結
番外篇 - 鋁鼠墊，Inevitable
番外篇 - 翻版SOTA? CM Storm的合金塗層硬墊

附件: 您需要登錄才可以下載或查看附件。沒有帳號？註冊