【真．SSD】 Plextor M6S 256GB 用後報告

sunruki

首先緊係要多謝HKEPC比個機會我地，係呢到向大家發表下自己對Ｍ6S既感想．
其實呢隻牌子既SSD我一直都有留意，爬文睇親d人都話呢個牌子係出名靚料同埋穩定，同埋都好好奇個True Speed技術係咪真係咁堅．(次次用親d SSD唔洗半年就失速 )
之後我就見佢出左新既SSD所以即刻狗衝,不過其實我都曾經考慮過去買ADATA,Transcend，但係我都係比較想試下呢種係Plextor先獨有既技術．


以橙色和黑色作為主色的包裝，彷彿就像Ｍ6S以他的光芒照耀著我們這些SSD的使用者，這是多麼的偉大，多麼的美好~

出生日期就係14年既3月,夠哂新鮮，應該係第一水貨．而佢係身份証號碼就係p02413110797.MADE IN 寶島

我諗要搵你地既機會都唔係幾大，Plextor既SSD出哂名穩定，仲邊洗要修理．

大家就可以係呢到睇到Plextor係幾咁考慮到使用者既感受．Plextor為左令到大家都可以清清楚楚咁樣睇到有關既說明，完全清除左所有多餘既花紋，令到字體更加清晰．而且可以發現當中既用色係別有用心，因為透過橙色既底色，令到黑色既文字更加明顯，為客人在閱讀既時候可以更加舒服．而且當中仲設有多種語言黎講解，可見Plextor係會為所有使用者設想．



一見到隻SSD個樣都覺得金屬髮絲紋設計既面又真係幾特別，摸落又幾過引，兩隻字講哂冇得頂．

SSD既背脊，當中清楚列明很多有關使用佢既提示，大家都不要忘記看看喔．

Marvell 88SS9188主控SATA III 6Gbps介面

比起上一代既M5S，新既呢隻M6S更加薄，只有7MM．更加岩比notebook用．


大家睇下，放隻M6S係個機箱到直頭好似將成部機都upgrade左咁，仲要增添左一份既高尚又時髦既感覺．

著左機後記得確定係AHCI 既SATA MODE
今次測試 會將隻M6S插Intel Z87 原生SATA 3
測試平台:
CPU:        Intel I5 4440
MB:          ASUS MAXIMUS VI GENE ROG Series Z87
Ram:       ADATA 8GB 1600MHz x2
SSD:        Plextor M6S 256GB
OS:        Windows 7 Ultimate 64Bit
OS2:      Windows 8.1 Pro 64Bit


原廠一開完箱就一定係要DOWN番佢原廠既監測軟件，個樣睇落都幾靚仔．
果然冇買錯，好健康下隻SSD.格式化完有238GB．唔錯唔錯

可以用呢套監測軟件 升級Firmware 宜家出廠既M6S 已經係最新既Firmware (1.01)

用耐左之後 可以間唔中測試下隻SSD既讀寫 以確保資料安全


好啦，根據呢個Benchmark所提供既詳細資料，測到出黎既結果雖然同官方出既數據有d出入，但係我諗應該當中應該有好大既因素係i5 4440累事，換粒i7應該會解決．係呢到我地都可以睇到個SSD係有4K對齊．
係張圖入面可以睇到個Write冇啦啦跌左，但係我係之後再跑多幾次都冇再發生同樣既情況，所以我諗隻SSD應該係冇問題!!!!


我地又可以係幅圖入面睇到條curve，都幾斜下．亦都姐係佢上速既速度都幾快下，係128KB既時候已經可以上到峰值，講到1999咁，唔好意思．總而言之呢隻SSD係好野，我分別用左Win7同Win8.1黎測隻SSD，分別都唔大．

SSD跑分又點可以小得呢個CrystalDiskMark．我又更係要用番Win8.1同7黎試下，睇落好似同之前差唔多咁，但係原來係個4k qd32到，Win8.1係好明顯咁樣比呢個Win7優勝，唔通隻SSD對於Win8.1有優化????????

好啦，到最後，我想分享下我對Plextor既感覺
無錯，M6S的而且確係比相同容量既SSD貴大致一至兩成，
但係M6S在寫方面好明顯係比其他既牌子優勝．仲有我都好鐘意佢既TrueSpeed技術，
因為佢唔會好似其他SSD咁一開始就用得好爽，但係慢慢就會變慢，
相反Plextor M6S會比到你爽既感覺直到你唔再用佢，而去換另一隻Plextor既SSD．
而且，佢可以比到你好好既用戶體驗，即使你係喺到讀緊佢既用戶教學，
你都可以感受到Plextor對呢件產品既認真同埋用心．Plextor，我諗我有少少鐘意左你．