免費電視廣播最新發展討論區

rchmn

最近討論區似乎有許多跨頻道的討論及分享，大家可以在這集中討論免費電視廣播最新發展。以下為部分討論議題：

無綫電視最新頻道發展：TVB+定位、過渡期間安排、現時85台播放安排等

港台或其他公司轉播內地/中央電視台：頻譜安排、技術操作、哪些頻道、TVB轉播等

騰空/未來懸空頻譜安排：香港電視娛樂申請多一條頻道？播放甚麼（332免費化？）港台用作轉播中央電視台？開設新頻道（如體育頻道/英語頻道）？

未來電視廣播構想：一些現時未發展的電視廣播議題，如會否有4K/超高清廣播、明年奧運轉播、三所免費電視台發展等

一些拋磚引玉問題：
1. 如果TVB/港台轉播內地頻道，你最想轉播甚麼頻道？
2. 如果ViuTV申請多一條頻道，你最想播放甚麼內容/轉播哪個頻道？
3. 對於現時奇妙電視定位有何意見？

Tonynck

我堅持反對J2同財經資訊臺合併做TVB+，因為J2同財經資訊臺根本係做唔同觀眾，J2係做本地年輕人，財經資訊臺係做新來港人士（指NDS同輸入人才）。我想像唔到合併之後嘅TVB+可以點定位，唔通每個鐘嘅00-30做本地年輕人，30-00做新來港人士啊？
觀眾話J2做得差，吸引唔到目標觀眾，咁大臺係應該改善J2管理模式同製作方針（至於點改善法，相信你哋比我重識得提出建議），令J2可以符合返佢自己嘅定位，但唔係就咁完全放棄囉！

rchmn

回覆 2# Tonynck


    早前睇到分析，指J2意外受到中產人士歡迎，與85台目標觀眾相同，所以合併。

tonysiu

回覆  Tonynck


    早前睇到分析，指J2意外受到中產人士歡迎，與85台目標觀眾相同，所以合併。 ...
rchmn 發表於 2023-12-4 17:57

其實不意外，因為J2現在不斷的縮減外購劇集，動畫，將年輕人勸退。

williamC2023

回覆  Tonynck


    早前睇到分析，指J2意外受到中產人士歡迎，與85台目標觀眾相同，所以合併。 ...
rchmn 發表於 2023-12-4 17:57

TVB "本地年輕人"嘅definition大家都知
合併咗之後堆清談節目都好難留低，唔知仲有咩節目可以留呢班觀眾?

rchmn

回覆 5# williamC2023


    「TVB+還將作為實驗性內容和形式的試驗平台，超越我們翡翠台節目的傳統模式。」可能就係透過「實驗性內容」，但我估都係可能同原本清談或綜藝節目不相伯仲。

williamC2023

回覆  williamC2023


    「TVB+還將作為實驗性內容和形式的試驗平台，超越我們翡翠台節目的傳統模式。」 ...
rchmn 發表於 2023-12-4 18:39

嗰日TVB仲話要cut邊緣時段節目，擺明指緊呢堆節目啦
啲所謂"實驗性內容"未必會啱傳統J2/TVB觀眾

jactkwn

我堅持反對J2同財經資訊臺合併做TVB+，因為J2同財經資訊臺根本係做唔同觀眾，J2係做本地年輕人，財經資訊臺 ...
Tonynck 發表於 2023-12-4 17:48

可能想執靚盤數等XX(自己意會下）

Tonynck

另外，我唔希望J2同財經資訊臺合併，另外一個原因係因為我反對大臺喺翡翠臺黃金時段播大陸劇。
（以下只係個人觀察，未有足夠證據支持）根據我睇到嘅網絡留言，喺香港，支持大臺自製劇集嘅同支持大陸劇嘅根本唔係同一班人來。翡翠臺喺每晚黃金時段，唔計《愛回家》，就得兩線劇集。翡翠臺一線播大陸劇，一線播自製劇，咪會每線劇集都會損失另一半觀眾囉！所以我建議翡翠臺每晚黃金時段淨係播純自製劇集，大陸劇改為喺財經資訊臺黃金時段播，同時賺晒兩邊觀眾嘅收視。同樣道理，我建議J2每晚黃金時段20:00-20:30、20:30-21:30同21:30-22:30播放總共三線非大陸外購劇集，20:30-23:30播放一線由「77工作室」完全本地製作嘅青年向劇集。
特別係翡翠臺要喺廣東省轉播，廣東省觀眾會睇翡翠臺，就係為咗睇大臺嘅自製劇。準確啲來講，係為咗睇（廣東省觀眾所謂嘅）「香港土味」嘅劇。佢哋真係要睇廣東話配音嘅大陸劇嘅話，佢哋都會選擇睇珠江臺多過翡翠臺啦！因為珠江臺嘅配音係廣州口音，相比起大臺嘅香港口音，對廣東省觀眾更加有親切感。
至於大臺同大陸合作嘅合拍劇，好明顯大臺係想賺大陸同東南亞嘅國語市場為主，風格都係按大陸網絡劇來拍，基本上唔會預咗有本地或者廣東省（廣東話）觀眾睇，真係有都只會係bonus來。所以合拍劇喺香港喺myTV SUPER上架就夠，唔使霸佔免費電視頻譜。

死宅男@XC

另外，我唔希望J2同財經資訊臺合併，另外一個原因係因為我反對大臺喺翡翠臺黃金時段播大陸劇。
（以下只係 ...
Tonynck 發表於 2023-12-4 21:45

有錢做呢啲嘢就唔洗減台 發完夢未