作者: dorinhk 時間: 2026-3-21 13:41 標題: crucial mx500 ssd 保養求問
本帖最後由 dorinhk 於 2026-3-21 13:53 編輯
我喺 2023 年 喺 Jumbo Computer 買咗塊 Crucial MX500 1TB SSD，前幾日發現完全冇反應。印象中全寫入次數得 9 次，懷疑係 controller 死咗。
上網搵到話保養係由 LOBCOM HK LIMITED 處理，佢哋嘅辦公時間好奇怪：星期一至五 11:00–18:00，午飯係 16:00–17:00，週末同公眾假期休息。即係朝 11 點開工，4 -5點食午飯，6 點收工，每日得 6 個鐘，好似舒服過歐美咁。比錢買果陣就星期一至七都開， 壞咗要整就銀行寫字樓office hour, 非常之咁香港地道味
我下午 3:50 去到青山道 534–548 號半島大廈，佢哋話要 網上預約。我問係咪要返屋企再預約先可以再返嚟，佢哋話"係"。跟住我喺佢哋嗰個所謂「網上預約系統」填晒資料按送出，系統顯示資料已儲存，但之後完全冇任何回覆。呢個預約系統係咪真呢?
我真係好想知 LOBCOM 係咪真係有做保養。多年喺香港買電腦配件，對本地售後服務真係好失望：你一句「唔保」仲好，慳返時間唔好再搞。我已經受夠， 而加我已經開始網上買電腦嘢，網購會先查清楚係咪香港人開既香港店，香港店一律列入黑名單。總括嚟講，喺香港買電子產品，「有保養」好多時等於「無保養」。總之售價要mark up 得夠高！
p.s. 剛發現原來有自己兩張512g sd card 都係呢間 LOBCOM HK LIMITED 做保養。。。。。。
我最後想講一句：我由intel 486 dx 到 P II ,P III,p4 年代都係深水埗，旺電等買嘢，什麼remark cpu , 水貨當行貨，七日之內壞咗唔認數，又話咩底板氧化，靜電short 咗實在經歷過唔少。
而加深水埗，旺電果D變死場， 班老細就無謂再呻慘喇， 你哋心知多年嚟自己做緊D乜，唔求你服務態度， 連件貨都係唔清唔楚，有生之年我都絕不會再幫襯香港舖。
作者: 佢份人小氣 時間: 2026-3-21 14:29
問下可唔可以寄過去啦
作者: dorinhk 時間: 2026-3-21 14:47
問下可唔可以寄過去啦
佢份人小氣 發表於 2026-3-21 14:29
題外話香港特式：
你浪費錢寄過去既結果：
1。 覆你收唔到，無收過。
2。 寄上門。 拒收。
3。收到。但私底下加工。之後覆你人為損壞。
所以師兄你話"寄過去"， 係香港呢個地方並不適用，我甚至信大陸既tb多過香港班。。。賊?
作者: 佢份人小氣 時間: 2026-3-21 16:58
回復 3 #dorinhk
親身試過定係聽講？
via HKEPC Reader for Android
作者: john_linux 時間: 2026-3-21 17:42
回覆 1# dorinhk
我都有隻Samsung 8TB SSD搵過佢哋保養，唔使一星期搞掂換咗全新。
btw漢「4」同廣「洲」行先係極品，其中一間夠膽死一隻4TB SSD要搞8星期先至換畀我，仲要市面上有現貨賣緊都話無
作者: john_linux 時間: 2026-3-21 18:00
雖然我上Lobcom都無預約，不過預約制的確唔值得幫。
作者: Miipp 時間: 2026-3-21 18:01
所以屋企隻 mx500 4TB 係 amazon 拍
cpu 就由 9 代開始網購
作者: dorinhk 時間: 2026-3-21 23:21
回覆 dorinhk
我都有隻Samsung 8TB SSD搵過佢哋保養，唔使一星期搞掂換咗全新。
btw漢「4」同廣「洲」 ...
john_linux 發表於 2026-3-21 17:42
呢D 我好彩過你係人生中又是常出現，保養要講運氣既話你覺得係好事?
我有單有據。遇到情況就係咁，我唔會用諧音字去驚咩誹謗。
之前有人話叫我寄比佢，非常荒謬！ 我親身上去都比人趕走，你覺得我浪費郵費寄過去會有好下場??
梗係止蝕為原則， 千辛萬苦去求個保養? 我買之前佢又唔講清楚幾年保養係咁既意思?!
假如你叫跪係度三個鐘先換比我。呢個係公司規矩，唔通我又跪咩?
信任唔係一朝一夕建立， 係咁先喇！
作者: john_linux 時間: 2026-3-22 01:24
本帖最後由 john_linux 於 2026-3-22 01:57 編輯
回覆 8# dorinhk
呢D 我好彩過你係人生中又是常出現，保養要講運氣既話你覺得係好事?
師兄，我認同你喎，冷靜d啦。
我講真實經驗，喺呢間代理無事，喺另外幾間代理受氣，所以整體上香港售後=受氣。
而家我都網購咗唔少嘢，而且我無認同過要有運氣先至可以用售後服務。
我有單有據。遇到情況就係咁，我唔會用諧音字去驚咩誹謗。
提醒你注意板規A2條，喺EPC提及各公司嘅時候可能會用花名（例如煙條/小小星），係板規保障嘅權利。
更何況我都有單有據，間鋪喺7日內試都唔試就話唔換畀我，聲稱無電腦幫我check（USB lan都無嘢check到？btw呢間係comdxx）。
之前有人話叫我寄比佢，非常荒謬！ 我親身上去都比人趕走，你覺得我浪費郵費寄過去會有好下場??
我諗你要問返佢，句嘢唔係我講。
梗係止蝕為原則， 千辛萬苦去求個保養? 我買之前佢又唔講清楚幾年保養係咁既意思?!
建議cap低佢保養條款搵消委會/海關搞，課「suck」出板社（賣Raspberry Pi嗰間）都試過頂唔順，原本企硬最後都要同意退款。
假如你叫跪係度三個鐘先換比我。呢個係公司規矩，唔通我又跪咩?
建議你報警
信任唔係一朝一夕建立， 係咁先喇！
唔明，如果信任唔係一朝一夕建立，唔通畀廣告費請打手一夜間建立？
發表主題及回覆文章之權責如下 ：
A2.禁止任何不負責任／失實的言論（包括對品牌／代理／公司的惡意、不明改稱／無理據的指控等）如避免廣告、懷疑事故的情況，可用 ? 代替，花名或約定俗成不在此限
作者: blackkh 時間: 2026-3-22 09:22
我喺 2023 年 喺 Jumbo Computer 買咗塊 Crucial MX500 1TB SSD，前幾日發現完全冇反應。印象中全寫入次數 ...
dorinhk 發表於 2026-3-21 13:41
這間，真是自求多福，我通常買的都會看一看是那間保，mx500我買過很多隻，大多選建達，亦上過去保養，即場測試，在我屋企有問題，上到去沒問題，但他們都幫我收了隻mx500他們說問一問台灣廠換不換，幾星期後就換隻新給我，好像asus router我多選漢4保養
via HKEPC Reader for Android
作者: harddick 時間: 2026-3-22 11:29
crucial ssd 係xander 保用五年
用左唔到一年就壞 去到代理有貨即換新
作者: wind29 時間: 2026-3-26 15:34
見好多間賣SAMSUNG都係LOBCOM貼紙
作者: 留白兄 時間: 2026-3-27 08:13
本帖最後由 留白兄 於 2026-3-27 08:16 編輯
有小小唔明樓主作為客點解要介意人地公司working hour短
掉轉諗
午飯時間4-5咪幾好
就到正常打工仔lunch hour上去
你話如果開11-6
午飯時間12-1
呢種就真係麻麻地 擺明唔想你上去
作者: verynothing 時間: 2026-3-27 12:43
我去過一間直情地址都搬埋,
搬左去一間賣成衣批發公司,
等左30mins , 好彩即場一換一.
作者: penay 時間: 2026-3-27 13:06
我有隻512應該等到佢壞嗰陣都過咗 保養 ... 嗰陣用消費券好似買咗280蚊
N年前壞咗隻40gb hd山長水遠拎到觀塘 仲要等一星期
作者: dorinhk 時間: 2026-3-27 16:02
本帖最後由 dorinhk 於 2026-3-27 16:20 編輯
補充
我好記得係旺電jumbo computer 買果陣佢叫我留單留盒有保養，五年之內一換一，幾年前點解我會記得?
因為我有問番佢剩係留單唔得咩? 咩而加要留埋盒?? 佢大大聲同我講：係呀。佢哋認張鐳射貼紙。
hkepc 既玩家都知道出邊既存儲裡硬件加哂價(倍數加）。所以我先至諗住換隻1TB, 出邊1TB 估計賣過千。
不過crucial mx 系列我估就算換咗又係好快打柴，當初買都係貪平。。。
而家就算喇。費時谷氣。用a.i幫手補充外國網購 硬件既資料。香港就bye 9 bye!
作者: 觀星是答案 時間: 2026-3-27 16:53
買最平個間，全部當無保，壞左買隻新既
時間車錢同心機都有價值，唔肯即場一換一仲要去多次
甚至搞幾個星期答你人為損壞無得換，仲勞氣
作者: dorinhk 時間: 2026-3-27 17:59
本帖最後由 dorinhk 於 2026-3-27 18:17 編輯
你講啱咗一半啦。其實深水埗，旺電果班賊賣同樣既貨品，價錢唔會相差太遠(幾十蚊之內），
問題係呢班人用港式走精面既做法。 自己充大頭去扮代理做保養，好多台灣廠商只求散貨，根本唔會理你香港咩情況。
呢班賊睇準而加嘅電腦電子嘢好少壞，返修rate（RMA） 極低，所以夠膽搏用低價入水貨/死貨/問題貨去扮代理話自己係行貨，到你真係搵佢做保養就千方百計留難你，耍走你，因為無人會知，無人會講，咁就長做長有啦。
歸根究底係香港咁多年嚟都無法例保障消費者，特別係購買呢d電子產品，消費者只能以班賊自己定既地下規則去deal.
所謂既香港消委會係無實際權力，分分鐘上東張仲好過搵消委會。
更荒謬既係為何要加重苦主既成本去搵消委會呢? 班賊見你想攪大件事，先叫你再親身去搵佢。成本又再加，有無攪錯?? 我比錢買嘢呀！
既然無保養，我為何身水身汗親身去受佢氣比錢佢賺?
我講個例子咩叫受氣：
幾個月係係旺角行吓X澤（呢次真係唔開名喇），無聊買隻藍芽耳機玩吓啦，件貨有防盜扣Lock住，我搵個店員A叫佢拎比我，
點知佢又叫個yo 妹拎比我，個yo妹玩住手機話唔得閒，唔理佢，之後店員A又叫佢，佢又唔應，又叫佢，佢又唔應。我企咗係度真係皺哂眉頭，心諗你哋攪咩，到最後店員A喝佢，個yo 妹先行過嚟，然後好唔客氣咁同我講：咁你要邊個呀！
呢d就係香港實體店購物經驗喇！