標題: 明年向立法會提交禁止轉售已實名登記的電話智能卡 [打印本頁]

---

作者: notcool    時間: 2024-10-23 10:03     標題: 明年向立法會提交禁止轉售已實名登記的電話智能卡

>>商務及經濟發展局表示，為進一步完善電話卡實名登記制，當局會在明年向立法會提交禁止轉售已實名登記的電話智能卡的法例修訂建議。

师兄们发功,導致修例?可能咁樣能夠加重刑罰起碼減少來源.不過唔知減幾多

---

作者: denden88    時間: 2024-10-23 10:33

賣電話號碼舖仔要拿拿林沽貨, 如果唔系蝕到變一埋數字

---

作者: tp380    時間: 2024-10-23 10:40




據我理解，賣號碼同賣卡係兩回事。

正確來講而家實名都實張卡而唔係實個號碼，所以無號的都要實名。

---

作者: lolai    時間: 2024-10-23 10:56



唔駛速沽！

客人要咪先比錢，即除名。
隨後客人自己再實名！

---

作者: peterK321    時間: 2024-10-23 10:56

按字面解釋，似係唔准市民用買返黎 / 借返黎 既第3者已實名電話卡
捉到係咪當借銀行戶口咁要坐監。咁屋企人幫親人或家族成員實名，只係方便統一處理又屬唔屬括免情況呢?

但好似而家SOSIM，LUCKY 果隻你先解除左自己實名，再轉名實第2個應該係冇問題

BTW...而家佢地鐘意想點就點，去到最後取締儲值卡佢地應該都做得出

---

作者: SYW    時間: 2024-10-23 11:01

禁止轉售 =/= 禁止轉讓





圖片附件: 186464336_910920792812353_5384741940412116864_n.jpg (2024-10-23 11:01, 66.75 KB) / 下載次數 71
https://h1.hkepc.com/forum/attachment.php?aid=2448484&k=36b90664878026ffc4c8ad546910d8e6&t=1781791712&sid=JnLtesoF6i

---

作者: hkmand001    時間: 2024-10-23 11:05

笑死，換另一個角度玩，你唔比錢，係我店裡可以用錢換積分
積分可以換禮物

---

作者: 椰仔    時間: 2024-10-23 11:42

提示: 作者被禁止或刪除 內容自動屏蔽

---

作者: w__w    時間: 2024-10-23 12:28

同依家問題一樣無變: 實名前

---

作者: ten時    時間: 2024-10-23 14:15



屋企人幫手實名，並不構成轉售，除非真係賣卡畀屋企人

---

作者: deadduck    時間: 2024-10-23 15:40

上咗台既一樣可以借俾人用
駛唔駛又立例禁止

---

作者: 莊神弄鬼    時間: 2024-10-23 16:35



你都話上咗台
有哂資料, 地址
俾人拎嚟做犯法野
自然有其他罪俾人起訴
咁咪唔駛立多法管制

---

作者: LaMancha    時間: 2024-10-23 18:43



咪玩啦，放便統一管理都係一個理由。

---

作者: LaMancha    時間: 2024-10-23 18:47



你係用現在的運作去猜想。如果立法。可以實名後禁止除名再實名。如果客戶不用這張卡的話。只能取消。已可以防止轉賣

---

作者: peter_chan    時間: 2024-10-24 11:48

如何保障市民﹐確保不會 "被" 登記電話卡?

[youtube]AiPNwX06r2I[/youtube]

---

作者: NeTZoO    時間: 2024-10-24 11:50



你真係需要深造下個條款，居然用埋上台卡比較🤣

---

作者: NeTZoO    時間: 2024-10-24 11:52

估唔到買賣別人已實名既卡係唔犯法
要特別提出嚟立法🤔

---

作者: landfi    時間: 2024-10-24 15:19

本帖最後由 landfi 於 2024-10-24 15:23 編輯

呢個之前唔係話買賣他人實名電話卡, 就已經是犯法咩?
還要再立法? 加重刑罰?

---

作者: peterK321    時間: 2024-10-24 16:14

回覆 14# LaMancha


    明既明既，睇你過去留言，你一向都係想管到最嚴嫁啦，
玩到連已除名既儲值卡都唔比轉賣。其實一張已除名既卡同你係鴨記就咁買張新卡，兩者係冇分別

按你思維，係咪應該連儲值卡都應該取締左佢。

---

作者: peterK321    時間: 2024-10-24 16:18



而家106AI 電訊(登記用户識別卡)規例 冇講唔比轉售，所以班官而家要加料
但心照啦，最應該要有一個系統好似積金易咁，一個登入睇曬所有實名咗既卡
咁先可以自我檢查知有冇比人盜用到身份黎開卡

---

作者: soho888    時間: 2024-10-24 19:52

立例SIDE GAS .....

直接全部儲值卡從新登記過一次( 必須門市實名) .......

限期後( 例如3個月)  未登記直接停用.......

你立法有人唔遵守,未又係廢!

---

作者: kinkong80    時間: 2024-10-24 20:37

只係麻煩守法既人，
騙徒話之你

---

作者: soccerhk    時間: 2024-10-24 21:40

唔係香港轉售 點計

via HKEPC IR 5.1.14 - iOS(5.1.1F)

---

作者: FT907    時間: 2024-10-25 08:35

本帖最後由 FT907 於 2024-10-25 08:39 編輯



    邊有轉售呀? A(道友)  登記咗張卡畀阿B (社團人士)用,  (咁樣冇犯法喎).
之後AB 雙方反目成仇   大家互不聯絡   亦都搵唔到大家., B就繼續用張儲值卡..........(你懂我講乜嘢的)
咁樣唔係轉售喎.

---

作者: FT907    時間: 2024-10-25 08:36




    老豆開畀阿仔用  咁得唔得先? 阿仔係咪第三者?
呢條法例根本好多漏洞, 兼夾非常擾民!

---

作者: soccerhk    時間: 2024-10-25 08:56

咁即係現在無犯法?

via HKEPC IR 5.1.14 - iOS(5.1.1F)

---

作者: LaMancha    時間: 2024-10-25 09:04



我一向唔係要求嚴格管制. 我只係堅決反對啲人借實名制冇效. 要政府出錢攪個什麼系統去自查自己名下有什麼電話號碼. 當然我不反對推呢個系統. 如果是用者自付原則之下.

---

作者: peter_chan    時間: 2024-10-25 09:47




    都係一句﹐先確保不會有 "被" 登記的情況。

同埋﹐市民有方法﹑便利地可以check到名下有幾多個number。


至於法例點寫﹐可以加入有家庭關係就可以轉借使用。
都係睇下點寫。
但係﹐只要仍有機會 "被" 登記﹐有起事上來﹐一定有無辜市民受罪。

---

作者: peter_chan    時間: 2024-10-25 09:55




    根本成件事起因﹐就係當初政府唔想攪上身﹐唔肯攪中央登記﹐交由不同電訊商各自各處理。

其次﹐登記要求/過程太過粗疏﹐有傳煤界更加試過用假資料都可成功登記啟動。


講真﹐中央平台只係建立成本高﹐之後運作成本就唔係高。
第一炮就由所有電訊商+政府夾錢﹐之後就由所有電訊商夾錢成立基金去日常運作 (eg. 由政府牌費徵收之類)。


所以﹐係要撥亂反正﹐就要由登記先著手﹐加強把關。
最簡單就係要去電訊商的門市﹐由職員見到真人才可登記啟用儲值sim。

其次﹐係要有方法供市民一口氣睇晒名下有幾多登記。

---

作者: notcool    時間: 2024-10-25 10:57

大家可以有興趣睇下阿爺有啲乜嘢功能.

国家反诈中心APP

“国家反诈中心APP”为官方手机防骗保护软件。
当用户收到涉诈电话、短信或登录涉诈网址时，及时进行预警提示。
当用户发现涉诈线索时，可以一键举报
用户还可通过APP对可疑网友的真实身份、社交账号、交易账号进行涉诈风险验证，大大降低网络交易风险。
APP每日发布不法分子的最新诈骗手法，剖析典型案例，协助用户学习防骗知识、了解诈骗套路。

96110预警劝阻专线
96110预警劝阻专线是反诈专用号码。
发现群众正遭遇电信网络诈骗或属于极易受骗人员，警方将通过该专线及时预警劝阻；
遇疑似电诈活动，群众可拨打96110咨询；
发现涉诈线索，群众可通过该号码举报。
若接到“96110”号码来电，说明机主本人或其家人正遭遇电诈，请一定及时接听并耐心听取民警的劝阻提示，避免上当受骗。

12381涉诈预警劝阻短信
12381涉诈预警劝阻短信系统是工信部联合公安部于去年7月14日推出的，首次实现对潜在被骗用户的短信实时预警。
12381系统可根据公安机关提供的涉案号码，利用大数据、人工智能等技术自动分析发现潜在被骗用户，并通过12381短信端口第一时间向用户发送预警短信，提示用户可能面临“贷款”“刷单返利”“冒充公检法”“杀猪盘”等9类高发电信网络诈骗情况。

若收到来自12381的预警短信，说明很可能遭遇电诈，要保持高度警惕，牢记“三不一多”原则：未知链接不点击、陌生来电不轻信、个人信息不透露、转账汇款多核实，谨防上当。

全国移动电话卡“一证通查”服务
针对部分群众身份信息被诈骗分子冒用办理涉案电话卡等情况，工信部推出全国移动电话卡“一证通查”服务。
“一证通查”服务打通了93家省级基础电信企业和39家移动通信转售企业相关数据，群众只需要使用自己的居民身份证，即可通过线上线下多种渠道查询本人名下持有的全国移动电话卡数量，专用短信端口10699000将在48小时内向预留手机号反馈结果，真正实现了全国移动电话卡的统一便捷查询。

云闪付APP“一键查卡”
为解决群众对于跨行银行卡账户查询的诉求，人民银行去年12月指导中国银联股份有限公司联合商业银行基于银行业统一APP云闪付试点“一键查卡”功能。
打造统一查询途径，向公众提供银行卡数量、每张卡的银行名称、借贷记属性、脱敏卡号等信息的查询，在确保信息安全的前提下，便利公众直接掌握个人名下银行卡信息，强化自身银行卡管理。

---

作者: PN420    時間: 2024-10-25 12:58

本帖最後由 PN420 於 2024-10-25 13:06 編輯


「一證通查」（可配合智方便）這個功能，在現時實名登記無法做到滴水不漏甚至粗疏的情況下，就顯得格外重要。

---

作者: PN420    時間: 2024-10-25 13:09



如我樓上講，一證通查十分重要；

但如果還要用者自付，經濟不理想的人就不願意去用，這會減低反詐騙的效果。

就像VoLTE，在3G也開始退網的情況下，如突然間你要跟銀行醫院溝通，或有重要來電，沒有VoLTE分分鐘可將你一鑊撬起。

---

作者: LaMancha    時間: 2024-10-25 15:34



講呢講去. 我覺得只係一小撮人需要. 我識嘅朋友. 好多可能未聽過. 就算有呢個系統. 我估不多過5%的人會經常去查閱. 如果唔係經常去查閱. 又有什麼作用. 同埋都係個句. 點解要其他人資助一小撮人嘅需要

---

作者: lauming    時間: 2024-10-25 15:50

無用開儲值卡嘅人,根本唔知會比人盜用身份,所以要更多宣傳,等D人可以不時去查下,
杜絕非法使用 詐騙電話.

---

作者: notcool    時間: 2024-10-25 15:56

回覆 33# LaMancha


    我理解一證通查都係會話返畀你知你有幾張卡,係邊個營運商.但就唔會話畀你知號碼係乜.
我都覺得不會多人用. 反而加強實名把關,會比較好. 但係騙案金額太吸引,騙子搵人願意實名都係成本一種.

---

作者: peter_chan    時間: 2024-10-25 16:33

本帖最後由 peter_chan 於 2024-10-25 16:35 編輯



    其實中央登記資料(系統)係做得好﹐就應該係要配合埋上台客的資料 or 自己提交資料(包括授權電訊商提交)。

全新用家 - 即人生第一次用自己名登記使用電訊服務 :
必須親身去電訊商做登記﹐包括儲值卡。

已有手機號碼的用家 - 包括上台客 或 儲值卡 :
無需親身去電訊商做登記﹐凡有新登記/取消登記﹐系統自己發SMS去名下的手機號碼。

** 因此﹐淨用上台服務的人﹐就要自己提交 或 投權電訊商﹐把資料提交去中央系統。
否則﹐ "被" 登記儲值卡都唔會輕易得知。

更理想﹐市民可以設定只容許親身到電訊商做儲值卡登記。

一日未做到中央系統﹐一日都無法杜絕 "被" 登記的問題。
未有系統可以杜絕 "被" 登記的問題﹐市民自己根本無得防犯。


而家﹐你想查有無被盜用登記。
首先係你要知道全港有幾多間電訊商﹐之後再逐間電訊商找職員幫手。
仲要係職員肯幫手處理﹐無用方法耍走你。

---

作者: LaMancha    時間: 2024-10-25 17:03



成日講都被盜用身份證資料去做實名登記好嚴重. 如果係的話. 東張西望我估都報導咗. 仲有個中央資料系統. 有幾多人會用. 仲有用嘅人. 係咪日日都去查閱. 唔係的話. 咁你一個星期冇查. 比人登記咗. 乜嘢壞事都做咗啦

---

作者: peter_chan    時間: 2024-10-25 17:07

本帖最後由 peter_chan 於 2024-10-25 17:09 編輯



    sorry﹐東張西望真係報導過﹐仲要被登記十幾張sim。

事主都係買入新卡想做登記﹐才發現爆左10張上限才知道身份被盜用。

事主去電訊商門市﹐仲要比職員耍﹐跟住又話有登記左十幾張sim(超出同一電訊商的上限)。

最後﹐電訊商回覆東張西望﹐話係門市查到的資料﹐係幾間子公司組合出來的﹐實際上係無超出10張的上限。

---

作者: PN420    時間: 2024-10-25 22:40



身分被盜用，每個人都有可能發生，
所以唔應該只係一小撮人去一證通查 ，
所以如果系統設計左出黎，每個人久唔久都應該去通查一下。
想穩陣d就登記埋收alert，一有新卡實名即知。

---

作者: LaMancha    時間: 2024-10-26 08:43



點解唔係源頭解決問題。如果實名必須親身戓用智方便（當然唔係只係去智方便取資料，要核實認證）。再加埋人臉辨識。根本就唔使除褲放屁。攪個系統出來擾民。要人天天去查自己有冇被人盜用身分證實名登記電話

---

作者: LaMancha    時間: 2024-10-26 14:23



其實我唔明有些人咁想有查號碼系統。如果騙徒取得某人身份證。在系統到這個人名下有什麼號碼登記。咪仲大誘因去實名這個人未登記嘅名額。況且90%以上的人，都唔會查自己有什麼電話實名。咪仲更多人受害

---

作者: PN420    時間: 2024-10-26 14:29



你講既我認同，但而家結果係正虎唔肯聽你支笛呢。
咁除左叫正虎做套通查系統，等大家有多一分保障之外，仲可以點？

---

作者: darkbear    時間: 2024-10-27 11:23


但CHEAP精CLUBSIM個D唔比，你一除名，成張卡包括現有服務都作廢，我試過啦

---

作者: darkbear    時間: 2024-10-27 11:26


其實不如叫佢地整返個改名功能囉，強迫要轉售/出售已實名既用戶在轉售前必須要先把現有實名資料去除，網絡公司配合比佢地可以改另一個人去實名而唔會改動佢地現有服務，之後買家必須要先實名才可以繼續使用…如果唔跟就一直用唔返服務…咁咪可以迫佢地要實外，但又唔會害死個D賣NUMBER既人

---

作者: fungyinho    時間: 2024-10-29 20:56

當局稱不少不法用途電話卡經網上登記　考慮收緊登記渠道及數量
https://news.rthk.hk/rthk/ch/component/k2/1776713-20241029.htm

---

作者: 趙元暢    時間: 2024-10-29 21:38

就算點收緊都好，只要詐騙電話係用電腦打出，來電顯示號碼係可以隨意更改，
都係嗰句，電話咭實名制根本唔係為咗杜絕詐騙電話。

---

作者: hkmop    時間: 2024-10-29 22:01

愈實名愈多電騙
點解無記者問D官點解?

---

作者: 肥＿仔    時間: 2024-10-29 22:08

[youtube]LgforLMFVwg[/youtube]
歡迎大家回顧年半前佢出片強調手續有幾簡單

---

作者: LaMancha    時間: 2024-10-29 22:32



幾時講實名制只係用來防止詐騙. 而係也防止有人用別人身份的電話. 不論他用別人身份的目的為何

---

作者: LaMancha    時間: 2024-10-29 22:33



又係個句. 你有什麼數據作出呢個結論. 愈實名愈多電騙

---

作者: crossfire0083    時間: 2024-10-29 22:41

實名登記可以唔止一次

---

作者: fuc113190    時間: 2024-10-29 23:10

根本宜家個實名就嘥氣，電訊商冇心搞，政府唔識管
明明2022年果時我張hello卡已經係門市實名左，跟住2023年就無啦啦話我實名有問題取消左我實名，要我再搞過
但搞完之後，直程連網上check實名都入唔返，話"SIM 卡記錄不正確"，試晒電話號碼同SIM卡都入唔到，不過張卡就仲用到，仲成日收到堆垃圾電話同SMS

via HKEPC Reader for Android

---

作者: FZEU    時間: 2024-10-29 23:59



TVB新聞話唔畀網上登記? 咁肯定大部分MVNO都執得
大型電訊商可能又會玩嘢，要指定去咩客戶服務中心先至做到，仲要加埋畀職員盜用資料嘅風險
越搞就越衰

---

作者: PN420    時間: 2024-10-30 00:08

本帖最後由 PN420 於 2024-10-30 00:09 編輯


鴨寮街買左電話卡，未必要去客服中心咁絕，但就可能要去北河街四大電訊商其中一間既門市做實名豋記。

---

作者: fungyinho    時間: 2024-10-30 01:30

回覆 53# FZEU

無話唔比網上實名登記，係收緊實名登記方法，估計很可能只限用智方便實名登記，
取消現時只影身份證實名。個人登記數量限額一定減少，估計最多3-5張

---

作者: FZEU    時間: 2024-10-30 01:57




    https://news.tvb.com/tc/local/67 ... C%E8%B2%A9%E8%B3%A3

「還考慮收緊容許網上登記的做法，以及限制每人可登記電話卡的數量。」TVB新聞咁寫，咁應該我理解錯咗

如果要防電騙，分開有電話號碼同埋無號碼齋上網嘅SIM卡已經幫到唔少忙，不過當初都係因為啲大家都知嘅原因，所以先至大包圍撈埋一齊管

---

作者: FT907    時間: 2024-10-30 09:00

仲話要分析打出電話號碼  頻密程度等等  , 斷定你係咪詐騙電話,  決定停唔停你台!
我電話卡用嚟打去診所book位睇醫生㗎    梗係不停咁打啦,  (就係因為你香港政府醫療服務太差先搞成咁) 咁你有冇照顧到呢啲人既需要? 我哋係要不斷不斷打電話去同人爭位㗎

---

作者: LaMancha    時間: 2024-10-30 09:15



如果好似你咁講係啲職員盜用資料. 咁就上台客都會被盜用. 咁你是否支持全部電話都唔應該給資料電訊商

---

作者: LaMancha    時間: 2024-10-30 09:17



做得進階會員. 唔會唔知有HA GO呢個APP. 仲要打電話. 個APP我估好過打電話

---

作者: peter_chan    時間: 2024-10-30 09:48




    真心講﹐HA Go 唔係萬能的。

經驗係電話成功率係高D的。

公務員診所無得用HA Go 預約。


而且﹐問題唔一定係book 睇醫生。
仲可以係不同政苦部門/銀行/公營機構/私營機構的﹐你打電話去問題﹐一直hold 你條線﹐你可能要收線再打過﹐不停loop﹐都係有機會觸發佢地個警號而被暫停服務。

---

作者: peter_chan    時間: 2024-10-30 09:54




你 concept 有錯   

你要打出電話﹐你首要有一張active的電話卡。

你連電話卡都active唔到(or 被停服務)﹐你有技術去改來電顯示都無用﹐就係用唔到電訊服務撥打電話。


所以﹐理論上收緊登記上限 + 登記手續﹐加強去捉不當轉讓sim卡﹐係可以減少詐騙電話的。
不過﹐你有張良計﹐佢有過牆梯﹐只係睇下又有新破解/新漏洞出現。

---

作者: 趙元暢    時間: 2024-10-30 09:57


咩叫黑客

---

作者: LaMancha    時間: 2024-10-30 10:27



咁仲有乜好講. 咁不如全部取消儲值卡或上台登記制. 全部不記名算啦.

---

作者: figo100    時間: 2024-10-30 13:08




    收緊到道友唔可以實名？佢都唔驚會比人告

---

作者: peter_chan    時間: 2024-10-30 14:20




    如果佢會驚轉讓sim 咪有效囉。

所以﹐我咪講明係 "理論上" 囉。



但可以講﹐真係把關嚴﹐真係會捉人非法轉讓﹐真係捉到後高調講捉到人。
對於詐騙電話﹐理論上係有幫助的。

---

作者: FT907    時間: 2024-10-30 15:44




    我試過, 打電話   多數打好多次就得,   ha   go從未試過得!

---

作者: FT907    時間: 2024-10-30 15:44

本帖最後由 FT907 於 2024-10-30 15:50 編輯



    冇錯   用過你就知     打電話機會    係成功率高啲.
我哋呢啲經常用家就會知,
你醒呀,  知到公務員籌就係冇得用ha go   一定要打電話

---

作者: FT907    時間: 2024-10-30 15:49


根本行唔通  我舉個例你就明.
道友A, 實名登記張sim卡   跟住畀咗朋友B用 (咁樣就冇犯法喎, 亦非轉讓).
之後雙方反目成仇, 互不理睬,   雙方都搵唔到大家, 而朋友B就繼續用張sim卡, 而道友A亦無法取消張sim卡(因為好似要收sms  定係login入去咁), 所以冇符.

---

作者: LaMancha    時間: 2024-10-30 16:08



呢啲等如話實名後仲多咗詐騙案一樣. 都係冇得證明. 我就試過打電話預約. 因為經常唔成功. 所以用APP. 個APP可以REFRESH. 同埋會推薦附近有位預約的診所. 當然預約都知有橋妙.

---

作者: LaMancha    時間: 2024-10-30 16:11



你咁講. 就算上台咪一樣. 自己登記咗比人用. 一樣會出現咁嘅情況.

---

作者: FT907    時間: 2024-10-30 16:55




    系呀  所以咪話,  行唔通囉.除非強制登記者    同使用者   係要同一個人    否則根本係白做

---

作者: ten時    時間: 2024-10-30 16:56

其實要收緊實名方法或者數目，做嘢既係電訊商。
但是要加強執法捉人，做嘢既係。。。
有得你揀，你揀邊樣。

呢度都唔係法庭，有咩樣樣要證據。

---

作者: LaMancha    時間: 2024-10-30 17:07



依家唔知法例會點寫. 但起碼借比人用同販賣係唔同. 你借比人用. 都知道使用者是誰人. 可以追查. 但販賣就是賣給身份不明的人.

---

作者: soho888    時間: 2024-10-30 19:37

本帖最後由 soho888 於 2024-10-30 19:41 編輯

你比人用...出事未追究你LAW!   禁簡單道理......等於你銀行户口比人用一樣子\!

現在問題是你比人假冒你身份開卡,出左事,找麻煩係找你.....

現在係網上實明登記有漏洞....

---

作者: peterK321    時間: 2024-10-31 15:45

本帖最後由 peterK321 於 2024-10-31 17:25 編輯

其實我都唔知樓上某人咁堅持唔贊成有中央平台系統一鍵快速睇到你有幾多張卡個理由係咩?  話會更易令不法盜用份子登入知你有幾多張卡?
你個system做得好，用智方便數碼簽署認證埋登入，有幾困難。而家垃圾極積金局都有個登入睇到你有幾多個個人戶口

而家擺明政府就係唔想你地一個人有咁多個號碼，根本你睇下小紅書，大量大陸人手渣住幾個香港電話號碼。話要防騙，咪只准香港人買卡實名囉，其他人只可以買冇號碼既數據卡。再唔係所有儲值卡唔附送通話分鐘，唔准用增值卷，買任何通話分鐘必需通過與實名制同姓名既信用卡或銀行戶口增值。又或者所有儲值卡到期，不論係30日定年卡，必須再實名，實名系統要引入人面辨識等等。
根本政府話限每人持卡上限就係廢既
咁就唔用腦數出黎lucky, (mysim / 鴨仔), IMC, 中港通FM STATION, HKMOBI, VALUEGB, sosim, 3萬, DIY, ABC, YOUR mobile, 中聯通，CSL，中電信，比你減到每人最多3張好未，我最盡都仲可以開到42個號碼

---

作者: LaMancha    時間: 2024-11-1 14:45

本帖最後由 LaMancha 於 2024-11-1 14:57 編輯


咁我就對號入座回答你嘅問題.
首先係我唔反對設立查號平台. 原則上只要唔係其他納稅人資助一小撮有偏好的人. 如果佢哋喜歡, 我讚成佢哋成立基金去找電訊商建構平台. 或者仲可以收錢給其他有需要的人. 不失為一門賺錢生意.
另外我係質疑呢個平台成效. 首先我自己就唔擔心有人盜用自己身份去實名. 就算有呢個平台. 我都唔會經常去查閱. 如果要錢的話. 更是免問. 另外以我觀察. 應該有95%的人和我一樣. 對呢啲科技不認識或感興趣. 仲有係你要查閱嘅頻率要多少. 如果一個月查一次, 是否有用. 中間一個月都唔知可以被人盜用作多少犯法的事. 就算一日一次. 呢呢一日你估唔會被人盜用.
如果政府要減少個人持有的電話數目, 我是中立. 反正我覺得一個人幾張已經很多. 如果有其他需要, 是有盈利用途. 咁就應該自己成立公司. 咁就要幾多有幾多

---

作者: ten時    時間: 2024-11-1 15:03



其實改少少思路，呢個平台係push，而唔係等人pull咁就得啦。

反正加呢個功能唔會多好多錢