標題: 工信部徵求擕號轉網的公衆意見，想mnp一卡兩號香港號碼但又想保留内地號碼？快去畀意見 [打印本頁]

---

作者: czbchn    時間: 2019-7-31 22:03     標題: 工信部徵求擕號轉網的公衆意見，想mnp一卡兩號香港號碼但又想保留内地號碼？快去畀意見

之前問CMHK，我一卡兩號要轉上臺，被告知内地號碼無得保留。可以mnp香港號碼，但内地號碼走唔到。

今日（7月31日），工信部向社會徵求内地號碼mnp的管理規定，如果希望一卡兩號的内地號碼可以保留，快去畀意見。如果可以實現，可能有一日香港一卡兩號兩個號碼都可以帶走。

http://www.miit.gov.cn/newweb/n1 ... 229249/content.html


公开征求对《携号转网服务管理暂行办法（征求意见稿）》的意见

发布时间：2019-07-31  来源：信息通信管理局   

根据国务院《政府工作报告》在全国实行携号转网的工作要求，我部结合前期实践经验，形成了《携号转网服务管理暂行办法（征求意见稿）》，现向社会公开征求意见，截止日期为2019年8月14日，欢迎社会各界提出宝贵意见建议。

联系方式：电子邮箱：sqs@miit.gov.cn

附件：携号转网服务管理暂行办法.doc





工业和信息化部

2019年7月31日

---

作者: jetflyer    時間: 2019-8-1 11:26

有0 月租啲都唔關事了

via HKEPC Reader for Android

---

作者: Andyios    時間: 2019-8-1 11:55




    一卡兩號無可能轉走

---

作者: pgts1230    時間: 2019-8-1 12:52



你唔俾意見, 咪冇可能囉

---

作者: pong2000    時間: 2019-8-1 12:52

2047之前工信部都管唔到CMHK，你要表達意見麻煩搵OFCA

---

作者: Botti    時間: 2019-8-1 13:27

本帖最後由 Botti 於 2019-8-1 13:37 編輯

回覆 1# czbchn

其實呢樣野遲早爆鑊 - 個大陸號係 "副" 號，縛左上面金融，就不能停用 中移/聯通(香港)  的香港 "正" 號。對消費者非常不利。

呢個係灰色地帶 - 個炸大陸"副" 號，擁有人到底係 "香港" 定  "國內"  ? 即是管轄權係上面定香港 OFCA ?

CMHK 同 CMCC 都係一個大老細，但法律上是兩個不同法定組織，上面工商管唔到 CMHK,

aka 上面工商局管唔到香港公司，OFCA 管唔到上面 MNP 事宜   

當然亞爺下令又唔同講法，但你首先要攪清楚CMCC 後台係咩人

不過你去反影下，睇下佢咩回應都係好事，記得cc騰雞華問埋佢

利申 : 我已放棄左 CMHK 個大陸號。

---

作者: mouseman    時間: 2019-8-1 14:12

洗乜咁煩, 以後香港台加多3個位係前面

即係+85291239123 = +8620191239123

全部自動送

---

作者: czbchn    時間: 2019-8-1 17:04

回覆 5# pong2000


    唔認同，只要CMHK向用戶提供内地號碼，工信部就有權干涉。當然，工信部可就CMHK在内地號碼管理上向號碼原屬營辦商CMCC發出命令，而無權直接向CMHK發出。

    CMHK必須透過CMCC才可獲得内地號碼並向用戶提供服務，如CMCC有責任保證ＣＭＨＫ完整落實工信部的政策。

---

作者: czbchn    時間: 2019-8-1 17:22

回覆 6# Botti


    +86開頭的號碼，擁有者屬“國家”，内地通訊商獲工信部分配使用，内地通訊商有權將號碼直接分配畀最終用戶使用，亦可以同ＣＭＨＫ或者３合作，提供一卡兩號服務。

　　CMHK曾出聲明　https://www.hk.chinamobile.com/sc/realNameNotice.html　　“由於本公司提供的「一咭兩號」及「一咭多號」業務中的中國內地號碼（包括儲值卡及月費服務計劃的內地號碼），均由內地電訊運營商提供，由本公司代理”

　　工信部向社會徵求意見，我見並未考慮跨境一卡多號的情況，如大家一齊提供意見，可能會因應内地副號終歸係按照内地制度管理，如設計好制度后，内地副號可以轉走，則香港主號便可同副號分離。

　　試想，如ＣＭＨＫ用戶可以透過内地擕轉轉走内地號碼，香港聯通會否聯合廣東聯通，在香港實現ＣＭＨＫ一卡兩號同時轉至香港聯通？值得期待

　　我持有ＣＭＨＫ一卡兩號廣東版，個個月１５

---

作者: Botti    時間: 2019-8-1 18:27

本帖最後由 Botti 於 2019-8-1 19:05 編輯

回覆 9# czbchn

千祈不要忘記 cc 騰雞華局長

你張卡，15HK$ 月費是靚價，無記錯在香港是無限分鐘免費接收廣東省來電
不過 CMHK 唔俾佢上 4G，而好多人亦因為免費接聽廣東來電呢樣野而唔肯轉 $6 月費的 3/4G 一卡雙號。

帶號轉其他台月費肯定唔止 15，在港漫遊接收國內話重要俾長途電話費添。

我已不是 CMHK 一卡雙號的客戶
無權參與你發起的活動
不過精神上會無限量支持你

---

作者: czbchn    時間: 2019-8-1 19:40

回覆 10# Botti


    你記錯，於香港接聼打往廣東號碼電話6毫。

    由於内地的攜號轉網政策會對香港、澳門一卡兩/多號服務產生長遠影響，内地號碼可以獨立成一卡一號，相信用戶的選擇性會大大增加，通訊商很難再無所顧忌。

---

作者: Andyios    時間: 2019-8-2 00:27


工信部都講左，有部份字頭做唔到mnp
包括188 ，所有虛擬號17x字頭

---

作者: leonhartx    時間: 2019-8-2 00:33

何方刁民，在此尋釁滋事！

---

作者: pgts1230    時間: 2019-8-2 01:08


香港一咭兩號唔係呢D號碼

via HKEPC IR Pro 3.5.1 - iOS(2.4.1)

---

作者: Botti    時間: 2019-8-2 08:33

回覆 12# Andyios

188 (中移)個號有咩特號唔俾 MNP ? 因為中移高價投到 ?

170/171 (最新165/167) 係雞肋號，俾 MNP 都無用，已深入民心，邊個見到個呢 d no 都即 cut 線，用左變無朋友。
而家廣電用來發短訊。

198 (電信)出未 ?

---

作者: Botti    時間: 2019-8-2 08:34

呢張卡



2016 年停產，當年一度炒上高價，月費$15 ，HK收HK電話免費，廣東省內收國內號免費(去年已無用)，加上只能2G，無4G，變雞肋。

同我 #6 所諗的上台客用副號一定要縛主號情況唔同。

樓主之後先講清楚佢的情況，
佢可能有個靚/老號想轉走.，或者想幫被上台合約縛的版友，想搵大家幫個忙。

---

作者: k20031102    時間: 2019-8-2 09:23

本帖最後由 k20031102 於 2019-8-2 09:29 編輯

有鬼用,工信部根本都管唔到香港電訊商
要記住香港電訊商出既大陸號永遠屬於電訊商,而唔係屬於你

---

作者: czbchn    時間: 2019-8-2 09:36

回覆 16# Botti


    我並非發起任何行動，而係因應自己正在使用一卡兩號服務，覺得内地號碼在使用相當一段時間后，好難話捨棄就捨棄，如用戶僅能繼續使用唔再中意的資費方案甚至服務營辦商，目的係保留使用一卡兩號副號，感覺會非常無奈。

    現時，内地正在就内地號碼擕號轉網徵求公衆意見，香港用戶既然有可能會使用又或者正在使用内地號碼，當然應該捉住機會在制度内去發聲，尋求最有利香港用戶的安排。可以講，目前内地制度已經安排好99.9%，唯獨未考慮香港一卡兩號内地副號這種情況，而這種產品幾乎不會影響内地用戶。香港的内地號碼用戶，唔借内地咨詢公衆的機會發表意見、建議，日後想擕號轉台時發現行唔通，無法轉台。

---

作者: czbchn    時間: 2019-8-2 09:51

回覆 17# k20031102


    香港通訊商提供的内地號碼，來源於内地通訊商，需受内地規定制約。中國聯通（香港）及中國移動香港之前分別發公告説明，

可參考 https://www.hk.chinamobile.com/tc/realNameNotice.html

    倘若“工信部根本都管唔到香港電訊商”，爲何香港營辦商又要求儲值卡用戶實名内地號碼，並將個人資料轉移至内地 (a) 總部設於中國內地的中國移動通信集團公司 (「中國移動集團」)中國移動集團、其附屬公司、關連公司，或由中國移動集團所持有或與中國移動集團其同屬一家控制公司的公司或聯營公司或承辦商(如適用)；及 (b) 中國內地政府及其授權的機關。

可參考 CMHK的聲明 https://www.hk.chinamobile.com/t ... s/realnamepics.html

---

作者: pgts1230    時間: 2019-8-2 11:22


支持師兄，我都用左聯通兩號好多年

Send左意見過去了

via HKEPC IR Pro 3.5.1 - iOS(2.4.1)

---

作者: pgts1230    時間: 2019-8-2 11:25


Logic問題，工信部話唔轉得，香港所有電訊公司都唔會轉得
工信部話轉得，電訊公司係咪提供呢個服務

via HKEPC IR Pro 3.5.1 - iOS(2.4.1)

---

作者: czbchn    時間: 2019-8-2 11:56

回覆 21# pgts1230


    目前的狀況是，工信部話内地號碼可以向所屬通訊商要求提供擕轉授權碼，然後向新通訊商提出擕轉。問題係，號碼係CMCC提供畀CMHK 又或者中國電信提供畀中國電信澳門分配予用戶使用，用戶同CMCC或者中國電信無直接接觸。

    工信部話内地號碼可以擕轉，用戶向CMCC提出，CMCC便告知與用戶並無服務關係，需向CMHK提出。而CMHK應該不會處理與内地擕轉有關的問題，因而用戶被兩邊推。我曾經向CMHK提出，將一卡兩號廣東版的内地號碼登記使用人改爲家人，CMHK表示無法處理該申請。

    倘若内地徵求意見，大家提供意見並被採納，以後所有人都可以按照程序辦事。但如果放棄發表意見，又或者意見不被採納，以後想擕轉内地號碼，内地公司幫係人情唔幫係道理，通常都會多一事不如少一事。

---

作者: pgts1230    時間: 2019-8-2 12:25


對，所以工信部如果有指令俾國內供應商必須處理，佢哋就會有辦法搞啦

via HKEPC IR Pro 3.5.1 - iOS(2.4.1)

---

作者: edwardlee    時間: 2019-8-2 12:25



CMHK 唔幫我地攪. 或者係故意唔幫我地攪. 想當年中港通一卡二號收皮時都可以申請轉為中國聯通一卡一號用返個碼.

---

作者: lasally    時間: 2019-8-2 13:25



中港通個大陸號原先根本就屬於聯通囉，中港通唔玩之後返返去聯通係正常，除非當時有得可以簡去中移就話啫

---

作者: k20031102    時間: 2019-8-2 14:21


香港轉台事宜應該比返香港電訊商自行處理,如果工信部要管埋完全係踩過界
香港電訊商真係未必做到大陸號碼轉台,香港又管唔到大陸號

---

作者: k20031102    時間: 2019-8-2 14:47


可以話只限中國大陸地區同公司,因香港分公司係海外公司,佢地管唔到
香港電訊商到底有冇法律基礎可以處理大陸號碼都係一個問題

---

作者: pgts1230    時間: 2019-8-2 15:02


唔係由香港電訊商處理，係俾個途徑香港電訊商同內地電訊商聯繫，由內地電訊商處理

via HKEPC IR Pro 3.5.1 - iOS(2.4.1)

---

作者: czbchn    時間: 2019-8-2 16:15

回覆 28# pgts1230


    根據CMHK之前的通告，“本公司提供的「一咭两号」及「一咭多号」业务中的中国内地号码（包括储值卡及月费服务计划的内地号码），均由内地电讯运营商提供，由本公司代理”，而個人資料收集后又向内地中移動提供，因此中移動理應確實掌握由代理商——中國移動香港發展的一卡兩號及一卡多號的用戶資料。

    因此，我覺得香港發展的一卡多號用戶中内地副號，如希望按照内地制度進行擕號轉網，需向内地運營商提出，禁止内地運營商以各種理由（包括認爲用戶為香港地區通訊商發展之用戶）拒絕或者推回香港。

    但另一方面，香港通訊商既然代理内地運營商之號碼，在處理擕號轉台上應遵從内地之制度，為用戶提供更多元化的選擇。故而也應將轉網要求轉交内地號碼所屬運營商進行處理。而如果香港其他通訊商有心爭客，自然可以代理内地運營商辦理擕號轉網事宜，使用戶足不出港即可將原一卡兩號的内地號碼擕轉到另外一家香港通訊商作内地副號，最終實現主、副號一同攜號轉台。當然，倘若用戶希望將内地副號轉網成一卡一號，香港通訊商不願意出力，用戶可能需要入一入内地。

    工信部管理始終係内地號碼，不論係内地運營商發出的號碼，定係香港通訊商透過代理這個法律關係發出的内地號碼。現時，工信部已經規範好内地運營商的擕號轉網事宜，遺漏了香港代理商發出的内地號碼，香港用戶不提意見，可能要等實際遇到阻礙之後再提修訂，轉網就要等幾年。

    香港通訊商可以以失去内地號碼作爲手段留客，内地營運商可以實際受益，不可能為香港用戶擕號轉走而盡心盡力，屆時内地通訊商可能形成默契，唔處理一卡兩號用戶副號擕號轉台要求。

---

作者: k20031102    時間: 2019-8-2 19:43

本帖最後由 k20031102 於 2019-8-2 19:48 編輯

大陸其實有冇完整資料,幫你做轉台都可能成問題
你永遠唔知香港電訊商只係存檔或只交部分資料比大陸
不見得香港會特登整一套系統做大陸電話轉移
大陸就算可以同你做,香港電訊商都未必有系統或唔願意配合,唔好忘記個張係香港卡

---

作者: czbchn    時間: 2019-8-2 20:20

本帖最後由 czbchn 於 2019-8-2 20:21 編輯

回覆 30# k20031102


    香港會唔會做一套系統，在乎香港人有無需求，有無利可圖。香港競爭激烈，相信有公司會有興趣。

     “大陸就算可以同你做,香港電訊商都未必有系統或唔願意配合”，就係發表意見的原因。倘若香港通訊商唔配合用戶實現内地號碼擕號轉網，可直接要求號碼的原屬運營商實施擕轉。屆時，香港卡就自動失去内地副號。

---

作者: mdws2002    時間: 2019-8-3 08:23

轉台呢樣嘢，會唔會又係有身份證先有得玩，其他就無得玩呢？

---

作者: Andyios    時間: 2019-8-3 10:25

本帖最後由 Andyios 於 2019-8-3 10:26 編輯


我相信香港公司無興趣做

大陸副號收你幾錢啊，18，28？
而家乜都唔使做，直接鎖你一世

要記住，唔係大陸電訊商直接比號碼你地，要透過香港電訊商的。
暫時工信部識飛都管唔到香港電訊商

---

作者: Andyios    時間: 2019-8-3 10:38

大陸版一卡兩號，香港號可以帶走？
大陸號碼香港副號服務，香港號又可以轉台？

---

作者: czbchn    時間: 2019-8-3 12:01

回覆 33# Andyios


    我都覺得大公司會無興趣做，但係細公司可能會以一卡兩號或者多號做賣點。譬如用戶原來有大公司號碼，又有廣州聯通號碼用開，可能細公司會聯同内地虛擬商，將廣州聯通號碼擕轉至内地虛擬商，之後再提供一卡兩號服務，稱“自擕國内號碼開通一卡多號”。

    對於大陸號碼而言，香港電訊商係大陸運營商代理，大陸運營商提供服務係經香港電訊商收錢，由香港電訊商代理的用戶終歸係大陸運營商的用戶。

    至於工信部管唔管香港電信商？我就見到香港所有電訊商，在提供内地號碼時，都要求用戶提供用戶資料登記，如果用戶唔登記就停止提供内地號碼服務。香港電訊商係純粹出於自己考慮而要求儲值卡用戶登記個人資料？

---

作者: czbchn    時間: 2019-8-3 12:14

回覆 34# Andyios


    我見到澳門提供的港澳一卡多號，香港副號可以擕號轉台

https://www.1888.com.mo/help/detail?tabCode=LDYFJHB

    至於大陸，本身未實施擕轉，大陸版一卡兩號香港副號究竟可否擕轉未有明確資料。

    如果香港號碼，由香港電訊商提供予大陸運營商開展一卡多號服務，用戶依香港制度擕轉，大陸運營商唔放，歸OFCA定係MIIT管？如做mnp時，職員問現號碼屬於何電訊商，應該回答X記定係廣州X通？

---

作者: pgts1230    時間: 2019-8-3 13:47


只要工信部規定國內電信商必須要有攜號流程，先可以批號俾香港做一咭兩號，咁香港就要跟啦

via HKEPC IR Pro 3.5.1 - iOS(2.4.1)

---

作者: Andyios    時間: 2019-8-3 16:34




    Ofca 都規定左香港號可以轉台

大陸一卡兩號，香港號可以帶返香港台咩？

---

作者: Andyios    時間: 2019-8-3 16:36




    工信部都講左虛擬號碼無mnp,
除左香港聯通，香港電訊商拎既係虛擬號碼

---

作者: Andyios    時間: 2019-8-3 16:37




    實名登記係國家安全策略，mnp 唔係喎

---

作者: czbchn    時間: 2019-8-3 16:51

回覆 39# Andyios


    工信部之後又講，與虛商之間的mnp稍後就會實現。

    如有通訊商在大陸同香港都有牌照或者合作夥伴，屆時可以兩邊都mnp去，之後提供一卡兩號服務。

---

作者: pgts1230    時間: 2019-8-3 17:19


你覺得工信部有牙力，定ofca有牙力？

via HKEPC IR Pro 3.5.1 - iOS(2.4.1)

---

作者: Andyios    時間: 2019-8-4 08:26




    你呢條問題實在好怪，工部管唔到香港，ofca亦管唔到大陸。

---

作者: pgts1230    時間: 2019-8-4 09:32


主要係指內地電信商必須聽話，有指令就執行，但香港的業界，出左指引都可做可唔做

via HKEPC IR Pro 3.5.1 - iOS(2.4.1)

---

作者: Andyios    時間: 2019-8-4 10:18




    有邊個台可以唔理ofca mnp 政策？
工信部唔係大晒架，十年前已經話要做mnp,結果拖到而家仲未得。

實名政策都搞左好幾年，要習帝上台才可強制執行。
全國統一降費亦係吹左幾年，要總理開聲先搞掂。

---

作者: Andyios    時間: 2019-8-4 10:20

樓主問題等同問緊 大陸版一卡兩號，大陸卡新增香港副號等等。
香港號碼可以係大陸電訊商做mnp?
帶返香港做mnp 又得唔得？

---

作者: Andyios    時間: 2019-8-4 10:27

工信部管唔到香港電訊商

工信部可以要求所有大陸號碼做mnp,但只限在大陸三間公司mnp .

好多人想張香港電訊商提供大陸號碼，帶去另一間香港電訊商。
問題係，工信部用咩法例去規管香港電訊商必須執行？
佢最多比你帶返去大陸卡，無可能比你係香港內轉。

---

作者: czbchn    時間: 2019-8-4 12:01

回覆 47# Andyios



    你係話，工信部對大陸運營商的管理權只及三間公司？如果工信部向第四間公司發出牌照，工信部有無管轄權？

    工信部將號碼交畀一家運營商，而運營商將其中一部分號碼交畀香港通訊商使用，號碼係租借畀香港通訊商，定係割讓？香港通訊商管轄内地號碼的權力來源，應該要先搞清楚。

    倘若内地運營商，不論係咩原因，喪失交畀香港通訊商用於提供一卡兩號服務的號碼使用權，香港通訊商可以點？原因可能有好多，譬如之前中國聯通將CDMA 網絡售予中國電信，133號碼全部歸屬中國電信；又或者法律改變，賦予用戶決定運營商的權利。

    工信部未必要管香港電信商，但係工信部政策實施的效果可能會對香港通訊商的服務產生影響，香港通訊商跟，服務得以延續，但感官覺得工信部管咗香港通訊商；香港通訊商唔跟，可能服務game over。再打個比方，内地電話號碼升位；170、171號碼改號；提供號碼畀香港通訊商的内地虛擬商清盤，號碼由中國聯通全部接收。

    内地運營商同香港通訊商，基於合作關係共同提供一卡兩號服務，當然有責任配合合作方去承擔所在司法管轄區内的法律責任。至於係香港内轉，倘若一卡兩號服務的合作方可以提供支撐，無需離港即可將内地號碼由内地運營商或者其他香港運營商的内地合作方轉移至自己的合作方，無理由話唔得。

---

作者: Andyios    時間: 2019-8-4 15:03

本帖最後由 Andyios 於 2019-8-4 15:10 編輯



    你有無試過，大陸卡開香港副號（增值服務）跟住返香港做mnp？

香港ofca有無權要求，內地電訊商提供既香港號碼，可以在內地電訊商內做mnp?

---

作者: czbchn    時間: 2019-8-4 15:54

回覆 49# Andyios


    幾年前我揀一卡多號服務時，曾經考慮過内地版。當時我詢問廣州公司香港號碼mnp時，職員問咩係擕號轉台？仲話個號碼係香港公司畀廣東公司提供予用戶使用，用戶不再使用由廣東公司回收。當時我曾向通訊辦查詢，依稀記得當時通訊辦電郵回復，内地提供的一卡兩號香港號碼，在本港mnp時如核對資料不成功，便無法mnp。

    我相信“香港ofca有權要求，內地電訊商提供既香港號碼，可以在香港電訊商內做mnp”

---

作者: Andyios    時間: 2019-8-4 18:17

本帖最後由 Andyios 於 2019-8-4 18:20 編輯



    但系ofca无权要求大陆电讯商，在大陆内做mnp去另一间大陆电讯商

樓主似係希望香港電訊商提供大陸號mnp服務

---

作者: czbchn    時間: 2019-8-4 19:04

回覆 51# Andyios


    OFCA無權要求大陸運營商，在大陸做香港號碼mnp去另外一間大陸運營商，我同意。但香港亦無禁止内地運營商將另外一家内地運營商提供的香港號碼mnp到自己的合作方，進而提供一卡多號服務。

    我根本無希望香港電訊商提供内地號碼的mnp，你理解錯，但我樂見其成。我係認爲，内地工信部正在徵求意見的規則存在忽略一卡兩號大陸副號的情形，在實施時會由於用戶必須事先取得通訊商的同意后方可擕轉，用戶究竟應該取得香港通訊商的同意抑或内地運營商的同意並不清晰，容易被用於阻礙用戶擕轉。倘若香港通訊商永遠不會同意用戶擕轉内地副號，又或者無系統處理，用戶擕號轉網的權利即被剝奪。在徵求意見階段，用戶提出規則的不足，進而對一卡兩號内地副號有更清晰的規定，有助於減少用戶的轉網困難。

    當一卡多號副號轉網規則清晰后，香港通訊商自然可以從自身利益出發，聯同内地合作方共同開展一卡多號服務，屆時遵從既定規則就可以將用戶正在使用的其他香港通訊商的内地副號以及主號分別轉網，達到主副號都擕轉的目的。

    如果有香港通訊商出於競爭考慮，推出一卡兩號主副號都擕轉的服務，必然會對目前正在提供一卡兩號服務的通訊商壓力，過去睇死用戶唔肯放棄内地號碼硬食，以後可能不敢再有恃無恐，從而提高服務質素，大家受益。