標題: 不如大家係度分享下自己套影音組合 [打印本頁]

---

作者: bbgirl223    時間: 2024-10-30 19:15     標題: 不如大家係度分享下自己套影音組合

本帖最後由 bbgirl223 於 2025-6-24 21:04 編輯

請各位高手手下留情
始終聽咩音樂各有所好，又要講配搭，又要講空間講擺位
我一般聽流行曲為主，中文同英文歌都聽，亦會開HiFi睇電影睇演唱會，交響樂同爵士樂就肯定唔聽
自己平時都會DIY一些音響器材同配件，或者做翻新等等
音源主要聽CD，Youtube，Spotify，全部由PC做晒，我諗所謂既CAS
地方所限，器材簡單，PC＞DAC(pre-amp)＞Power Amp ＞Speaker

咁當然仲有好多線材，電源濾波等等，希望各位高手交流下

---

作者: jimswong    時間: 2024-10-31 09:57

Roon > Esoteric N-05XD > Accuphase E-370 > PMC twenty5.21i

---

作者: bbgirl223    時間: 2024-10-31 13:56



CHING聽咩歌為主？聆聽環境有幾大？

---

作者: jimswong    時間: 2024-10-31 17:16

我主要聽Jazz，舊廣東歌。
幾十呎廳仔，無乜位喇叭都要好貼牆下...

---

作者: bbgirl223    時間: 2024-10-31 19:27



舊廣東歌我一直都聽，亦都係我用黎試音用
用 Roon Server加Esoteric N-05XD聽串流，你對訊源都很高要求，一般係自己Rip CD定係網上購買，通常係咩格式？
Esoteric既CD機我去朋友屋企聽過，分析力高，音場深，亦係我喜愛類型之一。
訊源方面我係用Nas，電腦用Foobar加decoder轉DSD ，音質比PCM 192khz會好少少，電腦既CD盤聽講話用Pioneer會好聲d，所以特別買部可播4k藍光碟既就方便而且又慳左位，當然同CHING既無得比

---

作者: jimswong    時間: 2024-11-1 10:12

我之前都係用電腦Foobar聽自己Rip的碟和download的，格式通常係Flac，而家用Roon出街聽歌都無帶Player好耐。
同埋轉咗訊源之後真係唔同世界，聽返之前啲歌可以當新歌咁聽。

---

作者: 1個閒人    時間: 2024-11-1 11:26

本帖最後由 1個閒人 於 2024-11-1 03:48 編輯

年紀大, 經常耳鳴, 冇乜心機玩..得返兩套,
客聽:
電腦, 安卓盒子, 天龍入門級AV AMP, 前面3件入門級JM LAB , 後置1對JBL PRO3, YAMAHA超低音.

書枱:
電腦, TOPPING USB DAC, 淘寶LM3886 擴音機, 1對入門級 JM LAB

床下底:
古董前後級

---

作者: bbgirl223    時間: 2024-11-1 18:34



有道理，訊源唔靚再放大就更加唔靚，亦當然一分錢一分貨
我係換左DAC(pre-amp)之後感覺簡直天淵之別，當然唔係講部Audiolab M-DAC+有幾正只係佢果部後級幾抵玩，我用兩部做mono mode 480W推對二手買返黎既JBL 12吋3路喇叭就幾夾
不過之前買二手喇叭就捉左蟲，未睇清楚亦未試清楚就買，後來用左幾個月翻新，先聽得返之前聽過既聲

---

作者: bbgirl223    時間: 2024-11-1 18:56

本帖最後由 bbgirl223 於 2025-3-2 22:35 編輯


可能我年紀唔會少過你上左年紀已經變成木耳，不過仲學人玩電源濾波玩電源線，幾百蚊淘個返黎拆晒裡面d料重新砌過，整完心安理得，完全聽唔出有咩分別 咁咪當一個多插座既拖排用

你忠情JM Lab喇叭係咪有過人之處 CHING用黎聽咩音樂為主呢？看到你話用Denon既AV amp都推到，唔知聲底如何?

---

作者: 1個閒人    時間: 2024-11-1 21:01

本帖最後由 1個閒人 於 2024-11-4 02:06 編輯



    當年為了睇LD, 而集齊一套的JM LAB, 貪佢高音夠響, 金屬聲夠突出.

更正: LD年代係AC3, 當時用天朗DC200同軸喇叭,
          到用DVD的杜比5.1時, 才轉換JM LAB.

---

作者: bbgirl223    時間: 2024-11-1 22:24

本帖最後由 bbgirl223 於 2025-6-24 21:05 編輯

想當年LD年代我聽過JBL 4425睇星球大戰果種震撼，一直都記得
但我始終鐘情3路分音，早幾年就搵到對當時年代既喇叭，結果得不嘗失，木箱收水現象要重新訂制木箱，單元由美國訂零件，線圈，紙盆，喇叭邊等等，再加埋淘寶接線柱，用左幾倍價錢砌返呢對喇叭

---

作者: alextsang_tt    時間: 2024-11-1 22:46

本帖最後由 alextsang_tt 於 2024-11-1 21:27 編輯


據啲師兄講...金屬掁膜興起初期...因頻應高(相比當時)...同時都自帶金屬毛刺聲(可能平嘢先會)...睇戲會幾過癮...聽歌就愈聽愈刺耳...以前領過嘢...入一入hifi鋪運桔...就比個sell屎水咗我...莫名其妙就買咗人生中第一對屬於自己嘅喇叭...tannoy m15...雖然都係入門級別...90年代頭咁上下啩..都差唔多3千銀(成個月人工)...果時啲組合都唔係聽歌...只係啲第一代AV AMP同LD機...啲聲唔知點咁...完全係不似預期...愈聽愈無心機

---

作者: alextsang_tt    時間: 2024-11-1 22:52

本帖最後由 alextsang_tt 於 2024-11-1 19:21 編輯


師兄真心勁...recap recone...甚至rebuild箱體都一概難你唔到(怕且連分音器都摩埋)...我乜都唔識...都係見人講DIY喇叭最易玩但最又難玩得好...我都有對4412...不過早年寄存喺朋友家中...濕水搞到箱體有啲爆...雖然想過換箱...但似乎會好貴...都係繼續收埋喺床下底
開頭見師兄第一幅相諗咗好耐...見個dust cap同箱體...仲以為L100 CLASSIC果啲新喇叭..但望見中音外框又唔似...原來係DIY...箱體好靚仔
請問師兄個DIY箱過程係點架？最後又點解決...

---

作者: 1個閒人    時間: 2024-11-1 23:57




    當年後生, 金屬掁膜覺得夠哂搶耳,
現在年紀大, 聽歌覺得高音剛剛好

---

作者: bbgirl223    時間: 2024-11-2 18:51

本帖最後由 bbgirl223 於 2025-6-24 21:05 編輯

果時由於疫情期間屈係屋企無所事事，咁就決定搵野搞下
JBL4412，4311，4312我都聽過，對4311，4312低音鋼琴邊出既低音唔係咁滿意，而4412就改左Ti做高音，就好似師兄所講金屬味，我曾經玩過L112，對佢既聲比較啱聽，奈何想搵對平放既喇叭咁就搵左對4411
DIY喇叭首先出圖紙按照1：1比例，將裝單元面板部份加厚左一倍，由於高音單元安裝方法唔同，從箱內向外安裝，所以高音單元附近要開圓形凹位減少厚度，而中音單元原來係有個密封圓筒套住，咁就唯有訂做埋圓形木箱係裡面，後面接線位亦跟手改埋
既然所有圖紙已準備好，就開始搵祖國做喇叭箱既廠家，搵到一家開價近4千人仔其餘好多唔肯跟足圖做，膽博膽就訂左，等左半個月再加500運費，終於收到新喇叭箱

拆箱睇下靚唔靚先

咁就開始拆舊喇叭搬過去新箱

---

作者: bbgirl223    時間: 2024-11-2 19:08

本帖最後由 bbgirl223 於 2025-6-24 21:06 編輯

另外我鐘情JBL原汁原味，所以分音器無壞就乜都唔改。

後來發覺原裝既線比上手用家換左金銀線，唯有走去配返Belden線(用返美國線 )

而果時既JBL接線柱真係接受唔到

跟住發覺單元有問題

---

作者: bbgirl223    時間: 2024-11-2 20:50

本帖最後由 bbgirl223 於 2025-6-24 21:07 編輯

首先發覺對低音單元爆邊，然後有隻中音單元拆聲
既然洗濕左個頭，上網搵下有無二手單元賣先，搵左成個月都無，就決定上ebay訂零件返香港，由低音單元換邊開始搞
咁當然換埋喇叭接線位

至於中音難搞好多，因為紙盆穿令到拆聲，一定要連線圈一齊換，重要換一對

高音反而無事，真係上天保佑，因為真係無線圈震膜換
終於全部搞掂晒

再上偉大既祖國淘返個Logo先

師兄知道我點解要對喇叭放入櫃呀
對喇叭煲左幾個月d聲先返黎

---

作者: bbgirl223    時間: 2024-11-2 21:02



後生果時真係覺得高音搶耳正d，不過我要求低音多d
但我從未買過AV amp用，唔知數碼解碼前級算唔算

---

作者: bbgirl223    時間: 2024-11-2 21:32

本帖最後由 bbgirl223 於 2025-6-24 21:07 編輯

喇叭線一直用Monster Powerline 2 plus，後來年紀大就轉下口味，想聽返d細致野，所以走去地庫換線。

其實換左感覺未必有怪獸線咁好，話晒果時買仲貴過而家既古河線

---

作者: jimswong    時間: 2024-11-4 09:50

回覆 17# bbgirl223

睇到師兄修復對JBL有心有力，真係好佩服，有貓貓可能要落埋貓網穩陣啲。

---

作者: bbgirl223    時間: 2024-11-4 22:26


不過而家幾隻貓都大晒咯，而呢套音響已經入晒盒，因為我又搵到我既JBL dream speaker
而為左呢對喇叭，把心一橫決定全部換晒去

---

作者: derekchan    時間: 2024-11-6 21:23

提示: 作者被禁止或刪除 內容自動屏蔽

---

作者: bbgirl223    時間: 2024-11-6 22:57

本帖最後由 bbgirl223 於 2025-6-24 21:08 編輯

Sorry，我從未玩過AV amp，而電子嘢只知一點皮毛
但好似很多AV amp講每聲道輸出都幾大，而且又會有好多聲道，咁一般好難做到晶體管全對稱推動每個聲道，或者推前主喇叭會有機會，至於係class AB唔算難做，咁當然牛靚濾波電容(水塘)夠大對AB類影響都幾大，我諗其餘聲道有機會用IC power，至於每間廠設計點擺位都各有各好處，最緊要係散熱方面，盡量走線最短。
後生時都砌過擴音機玩，只知基本用VR做衰減訊號控制音量，McIntosh做法好似有少少唔同，可能佢有組fix output，唔經volume制同EQ

---

作者: derekchan    時間: 2024-11-7 14:57

提示: 作者被禁止或刪除 內容自動屏蔽

---

作者: bbgirl223    時間: 2024-11-7 21:34


McIntosh­個Volume唔會顯示-(幾多)db，而Audiolab M-DAC+就會由-80db開始，不過當接電腦用ASIO，就算關到最細都聽到喇叭有細細聲，咁姐係佢設計上個電子衰減器做得麻麻而McIntosh關到最細只顯示0%，但喇叭係完全無聲，當然一分錢一分貨，唔可以用貴10倍價錢做比較
我無用過藍牙連去DAC前級，我幾部DAC都無藍牙功能，只有TV用藍牙連接Soundbar
好奇問下你音樂檔係咩file？經藍牙會唔會好聲過PC用usb連接呢？平時用咩訊源去anthem mrx740推對JBL 4309？定主要用黎睇AV？另外你部anthem mrx740有好多hdmi 2.1輸入，有無hdmi eArc入DAC？
之前有位師兄用Roon>DAC話係兩個世界，反而我想知同一個format既file由PC經usb去DAC會相差幾遠

---

作者: alextsang_tt    時間: 2024-11-16 04:06

本帖最後由 alextsang_tt 於 2024-11-16 11:47 編輯


果位師兄可能想表達以佢N05XD(STREAMER/DAC)喺不同訊源比較，電腦usb(usb mode)／ROON(network mode)，不過見啲師兄通常都會講...電腦USB比較乾冷硬...分析力差少少...LAN比較好聲啲靜啲之類

其實兩者中間都仲有一大爛餐嘢搞...簡單舉例如usb filter/光隔/DDC/專用rounter/專用switch/hifi music server/usb線...lan線/每件device又上個lps...

我自己用
nuc(keces lps19V)USB(acoustic revive usb 1.0sp triplec)>ifi micro iusb 3.0(keces lps5V＋ipowerX9V)>teac ud701n(cg-10m clock)>金仔aslc>violectric v550>abyss diana phi(電源線電處一概無搞過...  )
foobar2000有使用teac asio device...preferences同windows registry都有跟教學略為修改過
pc安裝minimserver(UPNP server)接手機(lumin app)，network全部嘢乜都無搞過...
相同檔案(FLAC 16bit 44.1)比較，聽落居然差唔多......可能我係head-fi...而聽開嘅又只係香港舊pop song...

---

作者: bbgirl223    時間: 2024-11-17 10:29

本帖最後由 bbgirl223 於 2024-12-26 09:24 編輯


CHING你咁既玩法都几复杂
我反而想知STREAMER既原理系咪同一部PC加一个NAS咁，将储存既音源file经usb去DAC？或者系经lan出去DAC？如果系经lan出去DAC又好似重复左咁，中间又要有只switch之类既
我见有厂家出NUC做music server，其实系咪等于一部mini pc？有lan port又有内置硬碟或者ssd，如果好似Lumin咁，系咪经lan过file然后直接经内置DAC转音频出前级呢？小弟有些疑惑未搞清楚
请师兄指教
现有Nas ：Synology DS-918+
路由器：Netgear RS-700s wifi 7
PC : 10G Intel lan
Network cable : Sanwa Cat8 (全部接路由器 )
Nas内储存左2TB华语歌曲，全部系DSD64 (SACD DSF)，唔知换左STREAMER音质会有几大分别呢

---

作者: derekchan    時間: 2024-11-17 15:02

提示: 作者被禁止或刪除 內容自動屏蔽

---

作者: alextsang_tt    時間: 2024-11-17 16:49

本帖最後由 alextsang_tt 於 2024-11-17 14:20 編輯


人玩我痕又試吓，可惜似乎係無野搵嘢嚟搞...我應該算玩得比較簡單果啲...而且都係亂嚟...無乜理論支持

以我粗淺見識...多數streamer都係串流兼解碼，甚至前級...串流mode受訊方式係網絡...而亦有係純transporter/bridge(應該兩者都係同樣嘅嘢)，即係好似純CD盤無解碼咁...自己有靚解碼當然選擇後者



貴嘢未有幸見識過...多數streamer都係兼任埋DAC角色(亦有前級果份都做埋)，可以選擇唔同受訊mode工作，例如(usb/optical/coaxial/network/wifi/bt)


有啲更加有埋hdmi(arc)/aes呢啲介面

或者咁諗...最後識講人話(analog)果個一定係dac...淨串流果部份當佢仲係講梗外星語言(digital)...

有興趣師兄可以搜尋一吓roon ready/roon test嘅dac參咩一吓model...不過個list似乎幾outdate...連我部兩三年前model都無...

仲有啲品牌有內置儲存裝置型號，有部份型號buit-in cd reader或可以接外置做rip碟，外置/內置設計會唔會好聲啲就唔知，至少可以省郤唔少煩惱，品牌如ROSE/aurender/auralic...又或者近年cd兼streamer都有...marantaz 30n

至於其他CAS問題...我亦只係門外漢一名...有待其他師兄解答

---

作者: bbgirl223    時間: 2024-11-17 18:20



未曾研究過，可否講多些少

---

作者: bbgirl223    時間: 2024-11-17 19:21


CHING對CAS比起我知道既更多，至於提及既streamer都係串流兼解碼，甚至前級...而我已經有解碼同前級，意思上已經無須再添置(先唔講邊隻音質靚d)，另外講既純transporter/bridge就等於係一個network receiver接收檔案再交俾DAC，而呢類產品可以兼容咩format既檔案，例如WAV,FLAC,DSD,DSF就能設定好交去DAC？因為我發覺唔同既file係電腦都要做設定再去DAC，咁DAC才能正常運作，唔知CHING有無遇過咁既問題
又或者會唔會呢類產品唔會出現呢個問題，因為只係一個係網絡中接收左就交出去，所有Native PCM or DSD都靠DAC辨釋？我反而對呢類產品有興趣，不過去音響鋪好似唔覺有

---

作者: bbgirl223    時間: 2024-11-17 21:23


簡單睇左roon既原理，以下係我對roon初步理解，有錯勿插
roon其實算係一個軟件，可以裝係唔同既電腦，Mac,Window,ios or andriod,主要搜尋自己網絡上設備同音樂檔案，利用自己平台設定音樂庫介面，會搜尋音樂封面圖片及其內容，同時亦可到付費平台聽音樂(TIDAL)，如果不想付費就需要用家有網絡儲存器或電腦儲存音樂檔，操作上係你既網絡上經過NAS或者PC既usb輸出去DAC連接左既HIFI，當然網絡上不分客廳飯廳廁所都能擺放音響設備，至於roon出售既硬件只有兩個型號，我猜測應該屬於NUC之類，因為有提及CPU之類既野，內部儲存兼容2.5吋SSD或硬碟(唔包)，而佢個軟件好似唔係免費既，有限期試用，­唔知我有無理解錯或者有CHING可以抖正下
另外佢有提及可兼容768kHz/32-bit PCM and DSD512 (stereo and multi-channel) in WAV, WAV64, AIFF, FLAC, ALAC (Apple Lossless), DFF, DSF, OGG, MP3, and AAC，亦有剛才位CHING提到既bit-perfect，佢會檢查你既硬件作出適當調較以配合器材使用，亦相當於ASIO or WASAPI，唔知有無CHING裝過試用版玩過先唔講佢個介面同功能，係PC上用Roon同Foobar 2000音質分別有幾大呢

---

作者: bbgirl223    時間: 2024-11-17 23:52

嘗試上Roon安裝試用版，原來要登記地址同信用卡，14日後會自動扣錢，每個月俾us$14.99，但唔登記根本無得試用，完全係搵笨

---

作者: derekchan    時間: 2024-11-18 16:25

提示: 作者被禁止或刪除 內容自動屏蔽

---

作者: derekchan    時間: 2024-11-18 16:27

提示: 作者被禁止或刪除 內容自動屏蔽

---

作者: alextsang_tt    時間: 2024-11-18 19:30



以前見買斷港幣3千幾...而家唔知仲有冇買斷定還事加哂價...

如果我玩大機同多device都會買...不過部機喺正我面前就無謂搞咁多嘢

---

作者: alextsang_tt    時間: 2024-11-18 19:44

本帖最後由 alextsang_tt 於 2024-11-18 12:24 編輯


師兄電腦播file時會用乜player？

---

作者: bbgirl223    時間: 2024-11-18 21:31


除左用Chrome上Spotify同YouTube聽歌，通常都係用foobar2000，components就只係裝左ASIO，SACD，DSD processor，電腦長期用USB接DAC前級，其餘所有音頻輸出全部關晒，因為我部電腦唔會用黎打機，我要部腦唔熱，CPU長期得幾個% 不過張10G network卡就好熱

---

作者: bbgirl223    時間: 2024-11-18 21:47


曾經試過將4K blu-ray幾十GB既戲轉過落電腦，畫面唔會靚過上網download remux檔，如果係4K片源我會直接用電視內置player(DS Video)，用MPC+MadVr加張RTX-2080Ti都唔夠電視靚（好多年前已比較過），至於壓縮音樂檔就更加唔會咁做，因為有NAS做儲存，爆左就升級轉8 bay

---

作者: bbgirl223    時間: 2024-11-18 22:14


AV amp同很多擴音機開機有噠一聲，應該係喇叭保護，係部機未正常工作時候防止出直流燒喇叭，一般著機兩三秒後繼電器才開。
其實每隻decoder chips分別應該係分析力，大家既取樣頻率唔同，音質都係靠旁路音頻放大，所以有些廠家用膽，有用OP amp IC，取決於音質取向，貴既亦未必啱自己口味，所以我對純analog既無乜興趣，黑膠唱片點搞都有雜音又洗碟又會有靜電，玩膽機又話有交流聲有hung聲，每次著機又要煲膽又話加地盒，小弟唔識欣賞，敬請勿插，純屬個人觀點

---

作者: 十六夜    時間: 2024-11-18 22:32

其實 D 玩開黑膠同膽機的, 反而可能會覺得玩 PC-HIFI, CAS 等複習又麻煩, 但其實聽CD 先最簡單直接.

其實我覺得玩CAS都係麻煩, D人又要聽digital玩出analog 味, 又要搞一大堆 電腦丫, NAS丫, 軟件丫, 重要HIFI 網路丫, 又話WIFI都會影響到 CAS 網路啊, 搞個rounter switch 光隔 連全屋 lan 線可能都要10幾萬 ~ 擇個source又一大堆學問, 都唔好講RIP CD.

主要懶, 貪方便聽串流同file的新手路過.

---

作者: bbgirl223    時間: 2024-11-18 22:51


其實師兄講得啱，小弟真係懶，亦可以咁講係貪方便
聽CD要換碟都覺得麻煩，香港地方細，一個NAS可以儲存成千上萬隻CD都得，屋企真係放唔到但好似我幾十歲搞咁多野都係聽唔出有分別純粹係度學下交流下，HKEPC都靜左好耐啦

---

作者: 十六夜    時間: 2024-11-18 23:10

本帖最後由 十六夜 於 2024-11-18 23:16 編輯

其實我認為, D人玩咩 (i.e., 黑膠, CD, 定係CAS) 主要都係睇佢地聽開D咩音樂, 同咩年紀.

有D人聽開D音樂都會出黑膠碟
有D人儲埋廿幾三十年幾櫃CD又唔係咁識搞CAS, 咪聽返CD 攞
有D人熟電腦的 (版上的師兄大神), 咪可以搞CAS囉

好似我咁, 我都唔係唔想試玩黑膠和CD, 但我聽開的流行曲唔好講黑膠, CD都未必有/咁快有, 所以都冇辦法. 都係聽串流 RIP 碟 買file 最好.  

但...其實我都係聽youtube music多 www
我都係搞咁多野都未必聽得出有明顯分別, 會去到我接受唔到的人
我的接受程度都好低 www

---

作者: jimswong    時間: 2024-11-19 10:13

回覆 41# 十六夜

師兄講得啱，而家好似係兜一大個圈，要你洗好多錢，然後還原基本步咁...

---

作者: 1個閒人    時間: 2024-11-19 10:21

我都係, 先到youtube搵歌睇下,
啱聽才去串流音樂平台, 搵到隻歌就放入私人LIST內.

---

作者: alextsang_tt    時間: 2024-11-19 10:57

本帖最後由 alextsang_tt 於 2024-11-19 03:27 編輯


***因為我發覺唔同既file係電腦都要做設定再去DAC，咁DAC才能正常運作，唔知CHING有無遇過咁既問題***

我PC主要都係foobar...檔案主要CD(wav/flac)，就算SACD ISO/DSF，唔需要反覆調較，最多試過播放DSD 22.6MHZ以上就唔支援(我部機最多只支援到22.5MHZ)

有少少好奇.......師兄個問題大概係點？

spotify我鐘意用翻佢個軟件，貪佢介面做得FIT啲同有啲嘢玩，歌詞/spotify connect(唔同device連動)/排序...我唔係premium
[attach]2452475[/attach]
不過我部機支援spotify connect...選擇介面變咗由手機/平板app...聽感比較電腦好聲少少

---

作者: alextsang_tt    時間: 2024-11-19 16:24

本帖最後由 alextsang_tt 於 2024-11-19 09:01 編輯


有損壓縮唔使試都知畫質下降，壓縮比率仲要咁大，試嚟都無謂，況且都唔啦更

反而無想像過電視內置player(DS Video)，居然會靚過MADVR搭2080TI，MADVR都係我隱患...不定時都仲會有多少痕痕哋，一直都無玩靚電視...假如下部換咗OLED，都應該會再試吓

---

作者: alextsang_tt    時間: 2024-11-19 16:53

本帖最後由 alextsang_tt 於 2024-11-19 10:25 編輯


想向師兄請教吓，我無電子知識...但都想試吓為部head amp換OP amp，多年來見其他師兄換得好開心，都想試吓，打算換嘅位置係輸入(唔知叫乜嘢位置)嘅兩粒Ti ne5532，同埋放大(都係唔知叫乜嘢位置)四粒Ti ne5534，另外見人講vol buffer都有一粒(唔知換嚟有冇作用)，諗住換burson v7...雖然無同樣機型換上嘅report，但見同廠啲兄弟機都有人上過，音質如何我就無法求証，但至少見人都無炒車，雖然咁講太空泛，唔知師兄有冇乜嘢意見可以比小弟

---

作者: bbgirl223    時間: 2024-11-19 17:16


幾年前已經比較過，用DS Video 就可以plugin 字幕，比起電腦點搞都靚唔過佢，用張啱啱出既RTX2080Ti係MadVr set到盡都輸俾部電視，電視內粒chipset專俾影像，但果時張卡貴過部4k電視，用平卡又行唔盡MadVr，終於玩到投降。之前諗住轉LG OLED，奈何無得裝DS Video, 只能用DLNA先用到內置player ，就等到舊年三星先出OLED，就第一時間換左，就好似另一位師兄講既兩個世界點解唔係電視度裝另外一些player ，因為電視內置個player 真係最靚，同DLNA直攞file畫質一樣無分別，只係4k電影唔兼容字幕而且又用緊佢既NAS添

---

作者: bbgirl223    時間: 2024-11-19 17:26


其實想了解多啲streamer（無內置DAC)既構造，同電腦usb輸出邊個會靚聲啲
另外我用foobar 點set都播唔到Native DSD512，但我部前級明明話出到，有無其它師兄幫到手呢

---

作者: alextsang_tt    時間: 2024-11-19 17:58

本帖最後由 alextsang_tt 於 2024-11-19 10:34 編輯


foobar應該都係跟driver...你部機其實會唔會有專用drvier,而你又無上?

其實我都有啲疑問,我見所謂DSD512(22,579,200 Hz),同埋22.5mhz/22.6mhz係咪同一樣嘢，我本身無咁高規格嘅file，只係用下面嘅sample(dsd512/22.6mhz)試，但我部ud701n聲稱支援DSD512/22.5mhz，但喺foobar2000就無法播放...lumin app果邊未試...

我自己無呢啲file，只係去網站搵sample試
https://samplerateconverter.com/educational/dsd512

---

作者: bbgirl223    時間: 2024-11-19 20:41


有樣同師兄相似地方就係Youtube先有我想聽既英文流行曲，可能比較另類，後來果間唱片公司先將d歌放上Spotify，所以我就係Spotify聽咯，又係唔見佢有出實體CD碟
所以聽聽下就想搞好聲d，結果又愈玩就愈大，不停追求音質，換喇叭，換後級，換呢樣換果樣
未知師兄而家用緊咩音響器材聽Youtube，感覺如何？

---

作者: bbgirl223    時間: 2024-11-19 21:44


呢樣由我90年初買左一部LUXKIT後級之後就開始轉變，之前只會買當時幾隻牌子既電子組件，返屋企用辣雞慢慢銲黎玩，出到聲就叫成功
砌部LUXKIT後級係我最花心機，當時對電子常識只是皮毛，只知道某些電子零件專做音頻，Holco電阻，WIMA電容，Rubycon Blackgate，Enya Cerafine，OP amp用BurBrown NE5532，內部電線用鍍銀線，記得當時買兩個Blackgate 10000μ水塘都買唔起，唯有買Cerafine，果時都要八舊水OP Amp其實用普通幾蚊粒都得，但一聽到BurBrown NE5532係軍用級別又走左去買講到呢到其實師兄可以上網搵下每樣電子零件個spec，就知道係咪有需要換，先唔講音質，最起碼真係襟用好多，好唔好聲我只可以講係好左1至2%，但每樣就為左好1至2%，追求音質就係咁玩
我個人提議先從喇叭著手，一對喇叭完全表現唔同聲音特性，搵啱自己鐘意既聲音先，其餘先慢慢配搭，如果你好滿意而家既聲，就真係無謂去換OP amp IC，等於你話換左條usb A to B既線會好聲左幾多

---

作者: 十六夜    時間: 2024-11-19 22:28

本帖最後由 十六夜 於 2024-11-19 22:30 編輯

回覆 52# bbgirl223

其實我HIFI齡比較淺(?). 以前冇乜講究, 都只係用AV AMP推超舊(20年) 不明坐地喇叭睇電視聽歌.

上2年無啦啦工作上接觸佐少少HIFI野, 開始好奇比較正經的HIFI器材D聲會係點, 就先加佐隻超入門大陸解碼, 換過D大陸土炮超粗喇叭線, 發覺原來對20年不明喇叭D聲都可以差幾多, 咁就開始入坑了.

上年先開始換D比較入門(?) 的2CH all-in-one AMP 同喇叭, 聽佐1年多(即係到早幾個月)...不幸個2CH all-in-one AMP壞佐...因為冇歌聽, 一不做, 二不休, 又成套買過...廢話完了.

簡單來說, 器材我而家用緊 Esoteric N-05XD > Esoteric S-05 > B&W 805D4
(註1: 聆聽環境100尺唔夠)
(註2: 其實我本身想買TEAC UD-701N)

前面Source 就:
1) Youtube: 電視 > Optical > Esoteric N-05XD
2) Tidal: iPad (Tidal direct) > Network > Esoteric N-05XD
3) Qobuz (日區): iPad (Esoteric Sound Stream Apps) >Network > Esoteric N-05XD
4) Files (買或者RIP碟): NAS > Network > Esoteric N-05XD
5) Youtube Music: 電話 > Airplay > Esoteric N-05XD (好隨意...www)

所以我而家個系統其實好簡單...

短時間內,
a) 加返隻iFi LAN iPURIFIER Pro, 加佐心理上好似好D
b) 應該會買Roon用, 到時Tidal, Qobuz, 同NAS d files 都可以統一用Roon 播
c) 應該會買Mac mini M4 (2024) 玩Roon + HQ Player

中期目標,
d) 加隻Clock: Esoteric G-05
e) 加多隻AMP 玩mono AMP: Esoteric S-05 (謎之聲: 你加多隻AMP只係推B&W 805D4會有用嗎???)
f) 加電處之類的

以上

---

作者: bbgirl223    時間: 2024-11-19 23:37


­原來師兄先係高手，有眼不識泰山
睇黎Esoteric真係好多捧場客同埋亦好捨得付費平台聽歌，師兄可否透露下你講既Network到底係咩呢？同埋電視 > Optical > Esoteric N-05XD音質如何？出唔出到Dolby？
我之前都係用Optical去DAC，而家用hdmi eARC發覺好聲d
買Roon會連硬件買嗎？感覺收費平台太多，又Netfix睇韓劇，Youtube同Spotify又係
B&W我由90年代開始聽，當時財力只能買對DM-17FS，保存左十幾年終於都賣左，果時802 Matrix 2真係好正，跟住之後既B&W喇叭走高清路線，亦可能配合數碼年代，連聲底都跟趨勢變左，再唔啱我呢類老鬼聽我個人比較念舊，有錯勿插，純粹交流下

---

作者: bbgirl223    時間: 2024-11-20 00:08



driver已經裝左，foobar 亦搵到，咁都係同師兄同一問題，廠家話支援DSD512但又係出唔到，真係唔知到底係設定問題定點

---

作者: 十六夜    時間: 2024-11-20 00:13

本帖最後由 十六夜 於 2024-11-20 00:37 編輯

回覆 55# bbgirl223

首先我一定唔會係高手, 只係相對地比較捨得使錢 (以入坑時間計?).  呢個post 都唔少人用Esoteric (加埋TEAC).

付費平台其實計埋計埋每個月都真係好金 (e.g. Youtube Music, Tidal, Qobuz, 計埋Netflix丫, Viu丫, 台灣動畫瘋, 重要加埋VPN, 大陸果D串流平台....下略), 但要用嘛, 都冇辨法. 所以真係唔可以訂埋Spotify...但...等佢真係出Spotify HiFi先再諗 cut 邊個.

另外我上面講的network 冇乜特別, 其實只係經wifi同lan射落Esoteric N-05XD, 因為有人係會用ipad 駁usb去dac聽歌?  

電視 > Optical > Esoteric 聲音都還好, 但Esoteric N-05XD 唔support Dolby 的吧.
我都想駁HDMI eARC, 但Esoteric冇 (我之前果部All-in-one AMP先有), 我都覺得駁eARC好, 最緊要係可以用電視搖控control volume.

黎緊買Roon 唔會連硬件買啦, 一係裝係NAS, 或者裝係mini PC唔關機.
其實我想想買新果部Mac mini M4 然後裝Roon 同HQ Player落去 (拎佐海關批文(?), 但重未捨得買)

最後其實都好似聽過好多人都話而家的B&W口味唔同曬.
你話B&W D聲話特別好嗎? 比B&W好的都有唔少.
你話B&W的性價比高嗎? 其實到D4系列真係相對來說性價比唔高.
但, 佢個樣好睇, 大品牌, 容易入屋嘛 (i.e., 容易拎入屋批文), 買玩具好多時都要係價錢, 質數, 同外觀來拎個平衡 (以個人標準計).

最後順便一提, Esoteric 系列其實都好靚仔.

---

作者: 十六夜    時間: 2024-11-20 00:21

本帖最後由 十六夜 於 2024-11-20 00:25 編輯

回覆 56# bbgirl223

回覆 51# alextsang_tt

我冇用過foobar 落Hifi, 但上網睇一睇, 見有人提過 (2021年的post):
"foobar要支持DSD256及以上, 必須用另外一套插件, 原來的foo_dsd_asio不支持高碼率"

唔知關唔關事, 但可能你地都試過?

---

作者: bbgirl223    時間: 2024-11-20 08:57


Esoteric 真係好靚仔夠時代感，外殼用全鋁合金cnc制作，成套配搭埋B&W 805D4應該好襯，可否發幾張照片睇下師兄套玩具？
另外提及係NAS度裝Roon，好似話可以用usb就直出去DAC，期待師兄既測試效果如何咁係咪要將NAS同音響放埋一齊？
師兄講既連接串流平台，係咪用手機或平板經Network 連接Esoteric 就能控制連接上任何平台聽歌，當然要登入帳號啦，如果係咁樣真係幾方便，如果係仲有需要用Roon？目的就為左整合串流平台同NAS？又或者Roon話support DSD檔，就能夠經Network 過俾Esoteric 直播？
Foobar 呢幾日要重新深入研究下先，之前睇過幾個網站，但都唔夠詳細教設定，亦搵過HQ player可support DSD in & out,應該可以兼容Native DSD，但未有時間試玩

---

作者: derekchan    時間: 2024-11-20 16:03

提示: 作者被禁止或刪除 內容自動屏蔽

---

作者: marklau    時間: 2024-11-20 17:03



你好呀, 我用緊金仔e270,
想問下e370夠唔夠推PMC twenty5.21i?
對pmc幾有興趣, thanks

---

作者: alextsang_tt    時間: 2024-11-20 20:13

本帖最後由 alextsang_tt 於 2024-11-20 19:58 編輯


喺未改plug-in前都試埋network mode又播放到dsd512,正納悶之際,見到回覆
雖然師兄無玩過，但都比師兄一語道破問題
改用foo_out_asio+asio已可以正常播放dsd512/22.5mhz
總算喺自己套嘢體驗過吓最高規格嘅音樂格式，大概可以聽得到啲乜嘢聲，對比多年來聽開果啲舊歌錄音音質，直接比較下係天差地別(就好比畫質嘅720/4k)，突然有啲意興闌珊之感......

roon都想玩...暫時都試吓免費嘢先...除咗minimserver...啱啱再試咗twonky...覺得twonky似乎比minimserver好聲啲,唔知師兄有冇試過...
操作介面係咪都係lumin app最好?

---

作者: bbgirl223    時間: 2024-11-20 22:30

本帖最後由 bbgirl223 於 2025-6-24 21:09 編輯

我都終於搞掂
爬左成日點set最好，最後上埋foobar自己既討論區，終於裝左foo_out_asio+dsd呢個就搞掂

而家聽另類既英文流行歌都出到DSD512 終於無晒煩惱，唔諗裝其它player咯

---

作者: bbgirl223    時間: 2024-11-20 22:43


睇黎師兄對volume同輸入制特別有興趣，可以考慮下Cello Etude，基本得個volume制同選擇制，又唔使插電，但個價錢就。。。見仁見志，東京光音個volume制都唔平，但對音質有無好聲左呢
https://auralhifi.com/products/v ... -state-preamplifier

---

作者: yanluk    時間: 2024-11-21 07:00

我套音響組合好普通,TEAC PD301 CD player (貪佢有收音機) Coaxial 出 NuPrime IDA8 -> Focal Aira 906
多數CD聽流行曲,少少Jazz 同 Classic, 有時都會用電話經USB駁Amp聽

---

作者: bbgirl223    時間: 2024-11-21 08:51


其實我套音響都係好普通係HKEPC大把高手深藏不露，用名器既已經有好多位師兄
大家純粹交流下，就得知影音器材已經轉變，一些老牌子都需要配合數碼年代，反而Microsoft 十幾年前已經搞過，將電腦同影音產品結合，當時套軟件好似係叫Windows 2005 MCE，可能無乜硬件配合而被淘汰，到了Win 7年代直接取消MCE了點知過多幾年又開始CAS，網上大量音樂收費平台，可能大把錢賺啦
師兄套音響主要聽CD，但亦有連接數碼設備都算係玩CAS，NuPrime呢個牌子好似係台灣品牌，擴音採用D類設計，記錯勿插請抖正，呢知配對法國佬既Focal 聲音如何？可能另有一番韻味，用coaxial 同fiber 有無比較過邊樣好聲啲？

---

作者: yanluk    時間: 2024-11-21 09:11

回覆 66# bbgirl223

未試過CD fiber 出amp,所以唔知有冇唔同，但CD Coaxial出amp 一定要好過CD 解碼 analog出amp.
Class D 聽落都幾好，classic 分析力唔錯.
想起中學用老豆買落 AV amp 聽流行曲已經好開心，感覺好好聲。

via HKEPC IR 5.1.14 - Android(5.1.2F)

---

作者: bbgirl223    時間: 2024-11-21 10:22


睇個呢隻機既介紹，屬於迷你型，曾幾何時我亦曾經買過Mission Cryus 2+PSU玩過，果時當然無DAC，輸出亦無咁大，感覺上只能推一些靈敏度較高既喇叭，係聽完推Roger's 3／5A同B&W DM17之後，好快就賣返出去，英國佬機係咪唔夾英國佬喇叭？我答唔到你，聽林子祥把聲真係老牛咁聲
師兄最緊要你玩得開心滿足就夠，呢部NuPrime內置DAC亦可以連接電腦聽歌，盡量玩盡每一個功能，唔好浪費，同時又可比較下邊樣好聲啲，到時又好似我煩左好耐個軟件點set，先至發揮到部機既音質出黎

---

作者: 十六夜    時間: 2024-11-21 12:47

回覆 59# bbgirl223

屋企相應該唔會比放上網, 我遲D睇下比唔比PM你分享一下 ^.^

首先我部Esoteric 其實係一部Roon ready (i.e., 支援Roon的網絡播放器) 的 Streamer + Dac + Preamp.

以我所知, Roon Server 可以裝係NAS 或電腦, 經Lan/Wifi傳去 Roon ready 的Streamer (即係我部Esoteric) 播放, 唔使再駁USB.  我呢個星期日比較得閒時試試吧 (一直唔捨得比錢買Roon...).

另外, 我聽緊D 串流平台, 其實都可以用iPad 控制/射落部Esoteric播歌.
i) Tidal 的話可以用Tidal Apps 的tidal direct 控制Esoteric播放
ii) Spotify 的話可以用Spotify Apps 的Spotify connect 控制Esoteric播放
iii) 然後Esoteric 的自家Apps都支援播放曬Tidal, Qobuz, Spotify, 同我NAS d files 等)
iii) 但Youtube music暫時只能用airplay...我發覺好似冇中高階streamer 真正支援播youtube, 都係經airplay, 或者我用電視駁光纖落部Esoteric 播

所以用平板播歌係會比較方便.

另外關於Roon, 以我所知, Roon 主要除了整合串流平台資料同NAS, 支援DSD, 重可以做DSP 數位處理器, 同埋up/down-sample, 都可以配合埋HQ Player 來用(?). 再經Network 比streamer 直播.

---

作者: 十六夜    時間: 2024-11-21 12:58

回覆 62# alextsang_tt

回覆 63# bbgirl223

師兄們都搞掂DSD512實在太好了, 等我有時間都試試 (近排唔知點解好忙...)

Minimserver同Twonky我都未試過 (抄筆記中), 有機會試試.

Lumin App未用過, 但操作介面聽說都好. 而我想轉用Roon 唔用Esoteric 自家App原因~ 最主要係~ Esoteric App的操作好唔方便...用來聽Tidal OK, 但聽Qobuz好唔掂...而Qobuz App又唔似Tidal App或Spotify App咁有Tidal director 同Spotify Connect用...

---

作者: jimswong    時間: 2024-11-21 15:03

回覆 61# marklau

以我屋企豆膶咁細都夠聽，但我覺得未推得盡，之前聽過麥景圖推係雄厚啲...

---

作者: bbgirl223    時間: 2024-11-21 16:08


我亦都爬過文睇過一些Roon+HQplayer既教學，但未曾用過難以判斷，撰寫作者講到Roon既音質....所以要配合HQplayer一齊用，但兩個軟件都係要付費

https://www.rainlain.com/index.php/2020/02/06/109/

師兄用B&W 805D4有無用腳架？如果有用既話，既然都係佔左地方，係咪應該玩高兩級會好聲啲呢？我見隔離二手網有對白銀色既坐地喇叭，我諗應該仲襯你套Esoteric
好期待師兄既Roon+HQplayer既測試，如果能同場試埋foobar 比較就正咯

---

作者: bbgirl223    時間: 2024-11-21 17:28



曾經YouTube 有人談論過，話唔係地方細就一定用細喇叭，只要放得落就有大買大，所以我同你一樣豆腐膶咁細，但我都寧願有大買大
麥景圖之前我一直認為係老鬼聲，以前聽MC2500後級總覺得澀黐黐，但力水就充足，聲底係厚，可能而家年紀大左，呢幾年音響邁向高清路線，又嘗試下換黎玩下，心想用佢黎夾我對古董喇叭應該絕配，而家聽返又幾滿意
金嗓子一直都當日本國寶級別，聲音幼滑，年輕時根本負擔唔起，只能選擇Luxman，Onkyo之類，同麥景圖比各有特色，當然都係聆聽者對音質既取向為首要

---

作者: chingkit    時間: 2024-11-21 18:47


我有朋友真係喇叭有大買大，結果人聲太出、太過明亮。

via HKEPC IR 5.1.14 - Android(5.1.2F)

---

作者: yanluk    時間: 2024-11-21 19:34

回覆 68# bbgirl223

屋企地方細，所以細機優先，如果買大機加streamer加座地speaker應該過唔到屋企海關

via HKEPC IR 5.1.14 - Android(5.1.2F)

---

作者: bbgirl223    時間: 2024-11-21 20:38


同佢去日本玩轉返黎就得啦

---

作者: bbgirl223    時間: 2024-11-21 20:52

本帖最後由 bbgirl223 於 2024-11-21 20:58 編輯

原來裝完出到聲做設定先發覺，foobar會係你usb driver度睇得返行緊ASIO係邊種
[attach]2452831[/attach]
呢個仲係行緊PCM
[attach]2452832[/attach]
呢個先係行緊Native DSD
同埋呢度有個教學幾詳細既設定，連用Ram做Buffering都有
https://diyaudioheaven.wordpress ... r-2000-for-dummies/

---

作者: 十六夜    時間: 2024-11-21 23:47

回覆 72# bbgirl223

我的B&W 805D4有用原裝腳架, 係佔佐地方.
我都想用座地, 要擺都唔係擺唔到804D4...
我都唔係唔想買802D4, 但802D4真係擺唔到!!!

但, 其實我聆聽空間大概只有62呎左右(=5.8呎寬 x 10.8呎深),
係未做進一步sound acoustic底下, 用esoteric S-05 配805D4的低音只係剛剛能在控制範圍.
所以最後都係冇用座地. (丫...其實係買佐805D4試過之後先知剛剛夠)



係囉係囉, 我都認為當然係有大買大啦 (大艦巨砲主義(?))~
但當然要睇返個聆聽環境控唔控制到,
我認為書架喇叭同座地喇叭, 都有唔同價位唔同設計, 配唔同後級輸出系數都唔同.
書架喇叭配細空間, 同座地喇叭配大空間只係基本入門概念,
睇返聆聽空間可以做到咩聲學調教, 可以擺到的喇叭都可以唔同
丫~ 但細空間買細喇叭只係冇咁煩吧
但可以放到座地喇叭應該到細極有限?



丫~~~ 海關真係好重要, 所以要揾個會聽音樂的海關

---

作者: bbgirl223    時間: 2024-11-22 13:42


通常海關最鐘意查手袋（係睇手袋先啱）
音響算係男人係屋企既玩具，佢都唔會搞你啲玩具啦你開大聲啲佢又話嘈，而且無乜幾個真係會欣賞
題外話係我都只係得二百呎聆聽環境，因為有貓所以兩隻喇叭放晒入櫃，而對喇叭濶兩呎，中間相距約5呎，每邊離側牆約兩呎，中間位置放音響同電視電腦同soundbar 既超低音，梳化距離喇叭約11呎，唔知咁樣算唔算比例最好，因為間屋係得咁大，之前大裝修就為左玩影音，能夠做到咁已經盡左能力聽歌又唔會覺得低音混濁，可能有落地厚窗簾布吸收駐波，同埋真係好少坐定定係度聽歌

---

作者: 十六夜    時間: 2024-11-22 18:10

本帖最後由 十六夜 於 2024-11-22 18:15 編輯

回覆 79# bbgirl223

我家海關最愛Nagra, 所以嚟緊要努力搵錢買Nagra比海關。

via HKEPC IR 5.1.14 - iOS(5.1.1F)

---

作者: bbgirl223    時間: 2024-11-24 10:10


師兄換得Nagra玩，會唔會聲源換埋dCS，我見佢成套齊晒乜都有，而且又係銀色添，咁配搭唔知靚唔靚聲，小弟望塵莫及繼續留係Low-end境界算了
期待師兄測試報告

---

作者: bbgirl223    時間: 2024-11-24 10:58


好彩我對喇叭有得調較，遷就返屋企聆聽環境，咁近距離聽周華健果把口好大，聽阿Lam，張學友，張信哲班男聲就唔會咯，唔知係咪以前錄音係咁
無計，我都係聽老鬼華語歌多，仲要用黎睇韓劇添
不過都有聽英文歌，全部都係冷門另類，Alan Walker，Nikko Culture，Nando Fortunato，Sia果類型既歌，所以一般書架型喇叭滿足唔到我
都係果樣，鐘意聽咩歌就搵咩喇叭先，到我鐘意聽小提琴就唔會用JBL

---

作者: derek412    時間: 2024-11-24 16:11

edge nq>E480>GT1HD

---

作者: bbgirl223    時間: 2024-11-24 17:41


師兄玩呢對喇叭算比較冷門，低音反射孔向下，感覺上低音會比背後有孔既會多啲，未認真聽過唔太清楚，但攞位確實有要求，相對又可玩下釘腳釘墊另有一番趣味。
似乎金嗓子真係多人選擇，唔知師兄聽邊類型音樂多？係咪用緊劍橋做串流？我之前都玩過部合併連DAC擴音機，聲底唔錯，玩左幾個月就放左。
師兄聆聽環境有幾大？音源通常係咩檔案？剩係用佢當串流無用前級部份？咁有無用埋hdmi接電視？DAC出唔出到Dolby？

---

作者: marklau    時間: 2024-11-25 13:52



我都係幾十呎廳，我去試下先，謝謝妳

---

作者: marklau    時間: 2024-11-25 14:02


國仁都係咁講，但我居屋廳比較細，先天不足
因放左邊喇叭位置，要放在角落頭，重要貼牆，怕有bloom聲
幸好pmc個反射孔向前面
其實我都睇中JBL L52都係反射孔向前

我配置：
Rose 201 > 膽前級 > 金仔e270 > wharfedale

---

作者: alextsang_tt    時間: 2024-11-25 14:47



以前見好多師兄吹到萬惡根源咁，原來個L-PAD喺功能上有咁大作用

仲有聽聞日本仔特別鐘情jbl舊喇叭...有唔少人房仔一擺都係12"，如果第日有機會再玩大機...都想入對4343M玩吓....聽人講呢對有質素得嚟...低音算係最易推咁話

---

作者: bbgirl223    時間: 2024-11-25 15:43


金仔真係多Fans應該係容易配搭，聲音比較討好
原來真係好多人玩CAS咁就證明好多人都好似我咁懶
wharfedale呢幾年好少聽，唔知而家屬於邊類聲底？師兄都係聽人聲多？

---

作者: bbgirl223    時間: 2024-11-25 16:28

本帖最後由 bbgirl223 於 2025-6-24 21:10 編輯

師兄講對了，日本仔的而且確特別鐘情jbl舊喇叭，應該由80年代開始，其實當時果個年代，JBL既大型Studio Monitor屬於Professional 系列，唔會咁輕易賣街，全東南亞應該只得日本當時叫發達國家，台灣都未起步，更加唔好講中國，韓國，反而香港比台灣還發達，亦有幸可以入口，但香港氣候潮濕，唔多可能保養到幾十年，而日本天氣乾燥，日本人又對JBL好神聖，當時利用開大量錄音室從美國訂返去，曾經睇過一些花邊有趣介紹，日本人訓覺要訓係對喇叭隔離，因為屋企真係好細
講到呢度，小弟係當時遲幾年有幸接觸到，一直都想擁有，但當時係我兩年既人工(啱啱出黎做野 )
做左幾十年人，就黎退休都終於忍唔住

亦係我用左幾個月，為左呢對喇叭將全部野換晒，包括音響架柱，釘腳，電源濾波同線材，而呢對喇叭同老麥就係絕配咁當然要換啦

而家聽4路喇叭真係唔同晒

---

作者: 十六夜    時間: 2024-11-25 17:56


近呢幾個月間然中都會係YouTube 睇到d日本人玩JBL喇叭，搞到我都有少少心郁。

師兄套JBL都好靚仔，過幾年如果有機會我都要研究吓！

via HKEPC IR 5.1.14 - iOS(5.1.1F)

---

作者: bbgirl223    時間: 2024-11-25 18:32


搵到咁企理JBL都要講緣份，話晒都幾十年，如果師兄聽完4路分音既喇叭，可能你會換對B＆W既田螺玩真係聽多好多野，不過都襯你套Nagra
­唔知師兄試音試成點？我試左兩日唔用DSD processor直播DSD64，發覺係最穩定，行左DSD512唔太有分別，等你用Roon報告

---

作者: qwe555175    時間: 2024-11-25 19:09

PC -> TEAC AI-301 DA -> Indiana line Nota240X
想問下如果想用1萬蚊update設備主要用usb dac接電腦, 請問各位師兄姐有咩建議, 謝謝.

---

作者: alextsang_tt    時間: 2024-11-25 19:24



對4343好靚仔呀
斷估師兄鋤dee都有一手...楷三會友...收埋煙dee慢慢睇住出
突然見到C53已經開始好奇...咁後級係乜...無理由仲係果對DIY JBL架...原來已經大洗牌
老麥JBL似乎都係經典絕配，世界通行，而就算外觀上都好鬼夾，真係睇到流哂口水
淨係幻想吓都feel到...應該會係有幼細又有氣勢

---

作者: bbgirl223    時間: 2024-11-25 20:57

本帖最後由 bbgirl223 於 2025-6-24 21:11 編輯

哈哈，呢對JBL絕對係經典公認好聲之一，4344 要搵到咁鬼靚仔都好難

買完之後洗濕左個頭，諗下搵咩Amp黎夾佢，Goldmund就一定唔諗，因為我試對喇叭就係用佢，聲音係好清好細致，音場亦好闊，但果種低音力水唔係我預期咁，Burmester同GRYPHON又放唔落個架 ，返到屋企用兩部Audiolab行 mono每邊 480w黎推，又感受唔到JBL既韻味，就唯有老麥同佢最夾，但已經無位玩Dual mono 因為要用前後級先玩得掂佢，所以就用左呢部

前級方面我唔鐘意膽味，睇返老麥網站C53用最新DAC 2而且同部後級果時評價好高，所以無諗部C55，因為我唔諗住用佢個app黎控制部前級，我全屋已經係智能家居，返屋企講句野就著電視電腦音響

---

作者: bbgirl223    時間: 2024-11-25 21:17


你既然玩開送你機組合，其實用之前有位師兄既NuPrime應該唔錯，輸出比你用緊既大得多，佢既DAC出名都靚聲，可以同果位師兄交流下，小弟對CAS都俾佢玩到頭都大

---

作者: alextsang_tt    時間: 2024-11-25 22:26



係喎...4344唔係4343...又唔識扮識添，其實比我有位有錢都唔係好敢買，怕無經驗比人搵笨
再check翻原來兩對原始型號，都真係幾廿年歷史...43/76...44/82...keep到又好...翻新都好...有咁嘅靚仔程度...真係一啲都唔簡單呀
兩台後級即係玩電分？見數字台班JBL CLUB老前輩是必要玩玩

---

作者: bbgirl223    時間: 2024-11-26 08:45


電子分音就唔打算玩咯，呢對喇叭全原裝，連接線柱都仲係舊式夾線果種老爺嘢，好多都已經換晒WBT蕉插座，之前睇過對4344 mark2，真係俾人玩到七彩，然後還原返再放出黎。之前買對4411已經領教過，所以呢一次會很小心。
閒聊中得知賣家係日本睇左好耐先搵到，安排運費花左成萬寄到香港，每隻重超過100kg，未計釘箱保護既重量添，寄到香港放入倉幾年做珍藏，疫情後先放出黎，而佢亦係錫機之人，所有一律保持原裝狀態，完全保留JBL既韻味

---

作者: nwnqht    時間: 2024-11-26 13:10

PC>Burson Audio Conductor 3XP>Focal Shape 40

放枱面聽下廣東歌 kpop jpop都足夠，dac簡簡單單可以連埋earphone，反正收工夜晚都係聽耳機多，放假先用喇叭

---

作者: bbgirl223    時間: 2024-11-26 20:58


原來大把同好者都係玩CAS
師兄部DAC用ESS9038Q2M應該係最新既，咁你PC用咩software黎播歌？係咪PC可以38bit/786khz去DAC？有無up上去DSD512黎聽歌？
Kpop我都有好多CD，唔知VIXX算唔算

---

作者: derek412    時間: 2024-11-26 21:03

回覆 84# bbgirl223


咩類型既嘅歌都有
nq淨係用緊dac部份
大部份flac 小部份hires
冇玩Dolby 冇駁hdmi

gt1hd 攞位容易
係 4.x m2 環境 出到離箱感
聽得舒舒服服

不過依家主力玩開headphone
v281/bha100+t1 2nd/awas/hd800s/hedd2