作者: mingming123 時間: 2020-10-21 00:09 標題: [學車] 轉彎點樣判斷扭幾多軚?
一時去最出面線,一時貼住自己條線扭, 分唔清
倒後鏡去到行人路一半扭,有時又唔係
死記考試路線每個彎扭幾多係唔係work?
作者: manchars 時間: 2020-10-21 01:17
其實都好講感覺，而感覺準唔準就係要靠經驗，所以兜多幾次，考試前補多啲鐘
我記得第一次學車，係街車師傅，嗰時學跑馬地，個師傅每個轉灣都有提示要扭角度幾多，例如前面轉灣扭左90度咁，跟足係 work的，但佢無 notes，每次只係講，所以只後我肥左
via HKEPC IR Pro 3.6.1 - Android(3.3.1)
作者: mingming123 時間: 2020-10-21 01:23
個師傅話我扭得太碎, 我都唔知跟唔跟番佢個扭法
一路渣緊車,佢都有講點扭,我跟本記唔到扭幾多度
我最多事前睇youtube記住人地點扭
作者: mo9394 時間: 2020-10-21 07:47
本帖最後由 mo9394 於 2020-10-21 10:53 編輯
每條路唔同, 邊有得講, 背角度更加死, 你架車唔同速度, 有少少上斜落斜, 都影響到角度. 另外, 車型, 車軚的新舊, 軚的紋理等等, 都會對轉彎的反應有影響. 有D 車反應會慢無咁直覺, 似一隻船, 有D 車反應會快咬地下咬得好靚即時有反應. 你扭幾多, 係睇架車俾番幾多反應你, 你調整番個扭軚角度, 而唔係你單方面話, 你扭幾多架車就即時去到幾多. 即係你用球拍打羽毛球, 唔係話數個球過左網 0.3秒之後擊球就得, 而係KEEP 住對位, 睇下個波速度同位置調整.
你當你自己架車係汽水罐, 有四個碌咁, 唔係得你一個人一個SEAT 咁細的範圍.
汽水罐整體有D 笨重, 你要留意番特別係左後轆同彎角的距離唔好出界. 你心目中為左後轆夠位過, 會有條路線,SET 好左路線, 就知你前轆同路的左右兩邊各有幾遠距離, 是否同你心中的路線一樣.
你車頭只會在一開始時擺好角度要留意多少少, 開始了轉後, 你只要KEEP 住同心中路線的中線咁去 (叻就用車的中間, 例如波棍位或者車頭中心去對位, 無咁叻就用司機位對), 夠就停, 唔夠就扭多少少 (真係好少少就夠). 目光望遠少少, 正如你行路係望前面, 唔會望住腳尖咁行, 望住出左彎的遠處咁去, 夠就自然反應會回軚, 應該自然地會跟到你的路線. 唔識回軚就係你反應未夠, 練多d, 回軚要用腦慢慢諗的話, 考試唔會PASS.
咁你心中條路線正唔正確, 你用birdview 想像一下先, 再問下師傅. 照計問幾個路口就要學識.
(路線無一定, 快車慢車, 有少少阻礙, 出彎後有無死車等等都會影響, 只係有D 原則會行先, 例如考慮會唔會太貼其他車輛/隔離線, 行人. 現實環境, 有時踏過線的機會都有, 有死車有垃圾你都要過界. 乜都無特別就拎中間. 有特別就要避完之後先拎中間)
例如出入停車場路窄, 你要預位, 度位, 泊左部車大大細細都唔同, 有時要拎到幾CM 位淨低, 無得背.
以前有一個 CF (我跟荃駕, 堂堂唔同CF)話, 有D 人天生感覺好D, 或者打開機, 有軚感, 唔駛教, 半個鐘就識, 出彎稍為提一提就得. 有D 唔打機嗰D, 學左三四個鐘都完全無感覺. 佢叫D 學生去機鋪打下機, 有左個軚感先, 番黎上堂會好左.
作者: 唔識電腦人 時間: 2020-10-21 09:52
本帖最後由 唔識電腦人 於 2020-10-21 09:55 編輯
一時去最出面線,一時貼住自己條線扭, 分唔清
倒後鏡去到行人路一半扭,有時又唔係
死記考試路線每個彎扭幾多 ...
mingming123 發表於 2020-10-21 00:09
我當年都有呢個問題,
到我依家揸左幾件車分享番少少,
同一個彎, 用30 50 70 KM/H 去過, 扭軚幅度都唔一樣,
仲有入彎既路線都有影響
所以重點就係扭到夠為止, 唔夠就扭多D
咩叫夠呢, 就係均速既情況下, 你轉彎既線道平唔平均, 即係轉到一半 部車有冇慢慢由行車線中間變左偏左/偏右(望遠D 感覺下周圍景物有冇偏埋一邊)
轉彎最緊要均速, 定住油門
你有呢個問題係因為你對部車既控制仲未攞到個"感覺"
其實學車最重要就係揸熟師父部車,
學望鏡擰頭打燈, 試場有咩地方要小心都係次要
唔知你識唔識踩單車, 溜冰之類 呢D同學車一樣都係口頭講左個要訣
然後靠你自己感覺
揸車就係講感覺既一樣野黎
作者: tunster 時間: 2020-10-21 09:54
一個簡單口訣 - 去邊望邊
作者: astrial 時間: 2020-10-21 10:00
我自己經驗係
望遠啲，望住你想去嘅位置
雙手就會自然配合
作者: khokk2005 時間: 2020-10-21 10:13
應該頭一二堂先有呢啲煩惱，我記得初初學車都有問過類似問題
揸多啲自然就識
作者: mo9394 時間: 2020-10-21 10:37
本帖最後由 mo9394 於 2020-10-21 10:58 編輯
近年街上見好多人有左牌之後, 行直線都飄, 轉線又好突然咁唔順. 基本功打唔好.
你跟CF 學的時間係一個好機會打好基本功. 問多D, 練多D. 未夠熟就補多幾堂. 一世受用, 呢D 錢值得駛.
有人打波, 游水, 玩風帆, 兩三個鐘搞掂. 有人學十幾堂都未得. 無話一刀切幾多堂學識, 你係運動型, 對身體操作, 時間節拍感掌握得好就快.
呢d 身體質素如果你本身唔夠, 就練多D. 去打波, 去打機, 都有幫助.
你去迫紅隧無乜劃線咁夾線, 如果你係背角度唔識睇位扭, 早少少練好佢, 好過第日過唔到海
好多新手買左車後, 停車場一出車就上駁, 刮車尾. 有D 有D 經驗的, 用開細車, 換大車都會刮後輪之類. 呢D 全部都係錢. 你早少少俾錢學好基本功, 可能日後仲慳得多.
如果你軚感唔夠, 直接同CF 講想練多D. 你搵個無乜人的停車場/空地, 放幾個雪糕筒, 去學下打八字, 學下好貼D 桶咁轉但又唔好撞到佢地之類.
駕院本身有地方, 頭幾堂通常學呢D. 出街學我唔知有無機會, 可能有D CF 一開始就練直線多, 連轉彎的感覺都未練好.
駕院頭十堂都未出街, 淨係練操控同泊車. 唔係好理解已經出左街行緊, 但唔識回軚的感覺.
可能有人覺得越快出街行越抵, 停車場兜圈係CF 呃鐘之類, 變左D CF 唔敢叫你地練好多. 但如果回軚唔得, 我覺得有D 野唔係鬥快, 練好左先.
作者: kckong99 時間: 2020-10-21 10:53
我當年都有呢個問題,
到我依家揸左幾件車分享番少少,
同一個彎, 用30 50 70 KM/H 去過, 扭軚幅度都 ...
唔識電腦人 發表於 21/10/2020 09:52
去邊望邊 X2
作者: pc5 時間: 2020-10-21 11:05
你問揸開個d多數只會答你係憑感覺, 因為唔同考泊車, 你轉每過彎時, 速度/刹幾多都影響你轉幾多, 無咩可能會背到. 真係靠學多幾堂揸多d, 慢慢累積個感覺
作者: GUILDWARS 時間: 2020-10-21 15:40
憑感覺
用視覺睇車有冇偏移
再用手調整修正角度
控制車輛留係行車道上唔好越線
作者: kckong99 時間: 2020-10-21 16:19
本帖最後由 kckong99 於 2020-10-21 16:22 編輯
2013 年時, 我雪了一年牌後有朋友俾了架 SUNNY N16 我. 我喺第一城收車, 順便開了兩轉熟下架車性能.
在河伴花園大十字路口, 我行緊 60 -70 咁右轉灣去沙田工業學院, 響哂胎, 嚇到我朋友.....
所以樓主慢慢感受下架車性能, 轉灣唔好用太快車速, 入灣前收油.
作者: kiyam 時間: 2020-10-21 16:33
係呀, 想當年師傅教落 "車快軚慢, 車慢軚快" 一啲都冇錯.
作者: mingming123 時間: 2020-10-22 13:02
本帖最後由 mingming123 於 2020-10-22 13:20 編輯
其實我係個cfu 吸收到既野好少
比埋marker我學泊車，我理解唔到做緊d咩， 上網睇番先知
同埋我覺得佢教得有d adhoc, 上堂教完我調頭， 番屋企背段野，下一堂又叫番我泊車， 我預備d野冇晒用
我唔明減速，係應該淨係停比油， 定係次次都踩殺車制
via HKEPC Reader for Android
作者: mo9394 時間: 2020-10-22 15:25
本帖最後由 mo9394 於 2020-10-22 15:33 編輯
其實我係個cfu 吸收到既野好少
比埋marker我學泊車，我理解唔到做緊d咩， 上網睇番先知
同埋我覺得佢教得 ...
mingming123 發表於 2020-10-22 13:02
人夾人, 試下開口問下佢, 如果唔啱傾唔啱style 唯有換CF
以前年代無咁多野internet search 到都係咁學. 你番屋企search 野自學有少少做多左. 一般唔會咁做. 越多野諗就越亂, 越多資料唔明就越唔信CF
你對D 名詞唔熟, 以為自己睇得明, 但我覺得你睇唔明多.
你要學游水唔識去睇書. 你學到有基本之後改進先去睇書.
brake 同油門, 係要練到唔駛用腦去諗. 睇住前車, 睇住錶版速度, 就去做, 你問我有無踩brake, 唔夠慢咪要拖少少LOR, 夠咪唔駛LOR. 你要學同架車溝通, 感受佢feedback 俾你的野.
作者: Athlon神64 時間: 2020-10-22 15:49
人夾人, 試下開口問下佢, 如果唔啱傾唔啱style 唯有換CF
以前年代無咁多野internet search 到都係咁學. ...
mo9394 發表於 2020-10-22 15:25
我諗起我朋友
駕院學左兩皮
街師父補堂又一皮
仲不停youtube睇片
仲買埋軚盤係屋企揸咩city driving幾十個鐘
最後考牌肥左
係我識嘅入面準備得最誇張嘅人
反而我覺得佢自學學壞左手勢
via HKEPC Reader for Android
作者: ekchk 時間: 2020-10-22 16:17
同一個彎,你早少少轉就90度,你遲少少已經120度,無得記
予期記扭幾多度,不如搵軚盤最岩自己放手既地方
左右手都係相同位置,豬腸先容易摔,齊上齊落,一個放就一個捉
有D大彎就由佢去,佢會KEEP住轉,唔夠先補軚,
總結:一切都係講FEEL......
作者: mo9394 時間: 2020-10-22 17:26
本帖最後由 mo9394 於 2020-10-22 17:46 編輯
我諗起我朋友
駕院學左兩皮
街師父補堂又一皮
仲不停youtube睇片
仲買埋軚盤係屋企揸咩city driving幾十 ...
Athlon神64 發表於 2020-10-22 15:49
早幾個REPLY 都提過, 當年我學車堂堂唔同CF, 叫做夾過唔同的人, 知道每個CF STYLE 好唔同.
有D 放心俾你去, 唔多講野
有D 會畫下圖教下你諗野, 有D 就唔識有效地表達想表達的野, 講完都唔太明, 淨係手指指, 但新手連佢指緊邊都未跟到
有D 好用心教你但會罵人之類, 你踏BRAKE 遲 0.3 秒都鬧你, 一開始有D 難受, 但依家諗番其實又多謝咁教, (正如打波遲 0.3 秒打波都打唔中), 有D 轉波/停車之類都係準時啱啱好先得, HANG 機停一停諗一諗兩秒先做, 就死得. 當然如果態度好少少咁教就更好, 但咁緊張咁嚴的人, 性格又好少會咁柔
每堂教D 乜? 真係無乜好固定系統. 試下你邊樣未得, 咪教多少少. 上堂教過乜? 佢問你一兩句, 自己講得出幾多, 佢咪知幾多, 但一定好大個GAP
只能自己主動提下問下, 拿多D 料
上網學下拖BRAKE 點拖得好, 但其實連幾時要踩BRAKE 都未明, 就諗得太多野反而連基本都做到好. 用心聽下engine 聲, 用心感受到輪胎, 軚盆同地面的Feedback 好過
作者: mo9394 時間: 2020-10-22 17:51
本帖最後由 mo9394 於 2020-10-22 17:55 編輯
平時行路, 唔多駛留意好多野, 淨係睇前面. 習慣左自己的身型, 唔容易撞到人.
駕車就唔同喇, 要將心中要睇的野, 前方, 幾塊倒後鏡的景象組合, 以及聽engine 聲, 感受軚盤的feedback 等等, 將自己的感觀擴展平時的兩三倍, 體型放大幾倍. 新手用多左力, 更加可能要五倍的精神.
要時間適應, 身體要適應
番屋企只要用心回憶下上堂, 上完堂之後的兩三日內, 坐在普通椅上, 未忘記晒之前, 模擬做多兩三次, 增加自己記憶就夠了
身體的學習, 唔係用書本去學, 而係FEEL 同 經驗. 你做得番上一堂做到的野的八成已經好好, CF 就識幫你溫習, 或者教你新野. 你做唔番, 仲去諗多左新野, 佢可能以為你識得多, 教得更快, 但無一樣扎實.
作者: (朗尼) 時間: 2020-10-22 23:56
眼望出彎路就自然轉到
眼望路壆就自然撞埋去
作者: lome 時間: 2020-10-23 00:22
其實我係個cfu 吸收到既野好少
比埋marker我學泊車，我理解唔到做緊d咩， 上網睇番先知
同埋我覺得佢教得 ...
mingming123 發表於 2020-10-22 13:02
師兄咁樣，其實基本功未得
都未識判斷距離同車身的動態
真係識揸車，係唔會背or死記，因為路面千變萬化
練習正正就係攞個感覺
你講個兩種剎車，係兩種都會，睇距離，車速同前車位置
你如果未掌握，咪兩種都試下睇睇有咩分別
記著唔會有咩黃金formula去教到你
就算你背完去考牌，有牌後都係一個馬路炸彈
作者: 0kcal 時間: 2020-10-23 11:50
Throttle Steering
作者: ryan_cheung 時間: 2020-10-23 15:19
過灣轉幾多有得背既咩
呢啲野係靠感覺, 你望住果度架車就會去果度, 同踏單車一樣
幾時轉呢啲咪一般私家車側鏡到灣位開始扭就包無死
千奇唔好諗住背.. 渣車係以不變應萬變, 下次個灣多佐個人企係度你點轉
作者: EvilKo 時間: 2020-10-23 15:38
個師傅話我扭得太碎, 我都唔知跟唔跟番佢個扭法
一路渣緊車,佢都有講點扭,我跟本記唔到扭幾多度
我最多事前 ...
mingming123 發表於 2020-10-21 01:23
拎隻同軚盤差唔多嘅碟練
作者: ChungSon 時間: 2020-10-23 17:28
其實真係無得學
我個唯一建議就係，唔熟路就盡量慢
作者: wct 時間: 2020-10-23 18:41
跟着感覺走。
未攞到"感覺"之前，入灣先減到慢慢，等自己有時間同空間修正。
個個都係咁樣浸番嚟，冇理由你唔可以嘅，最多試多幾次。
如果咁都仲唔得，就唔好出去害人喇。
作者: Dcup 時間: 2020-10-24 21:22
本帖最後由 Dcup 於 2020-10-24 21:26 編輯
踩過單車未，你要諗轉幾多，你己經飛左出去俾車車死了
望向邊轉向邊，你手自然會跟，如果點都唔跟，係你人體感觀同肌肉唔協調，無得搞
正如你行跑都係望邊行邊，你有無諗過你轉邊到你隻腳行左幾多CM先夠轉？
家下d車個太呎好，空程少，己經做到好好線性比例，如果你FEEL唔到，OR打算用角度背法過關，保証肥多十次
唔好學車，踩下單車己經練到，再唔係手推車囉，前面推你都知點轉彎掛