作者: SOU 時間: 2014-2-24 11:39 標題: 單車徑限速 不宜作訓練 公路操車 五鐵人被控
本帖最後由 SOU 於 2014-2-24 11:46 編輯
http://hk.apple.nextmedia.com/news/art/20140224/18636000
有「少女車神」之稱的單車運動員馮郁淇因在馬路上進行訓練，被警方檢控未有使用單車徑，原來運動員誤墮法網不止一宗，一批體育學院的三項鐵人運動員早前在大埔汀角路進行單車訓練，亦同樣被警方檢控未有使用單車徑。學者指單車徑根本不適宜進行比賽訓練，警方執法應酌情處理。
根據道路交通條例，在設有單車徑的道路，若單車不使用單車徑，而在馬路上行駛便屬違法，最高可被罰款2,000元。
少女車神亦誤墮法網
港隊單車運動員、有「少女車神」之稱的馮郁淇，去年8月在設有單車徑的汀角路進行單車訓練時被警方檢控未使用單車徑，案件正審理中。
體育學院證實，學院一批三項鐵人項目運動員去年10月5日在汀角路進行單車訓練時亦被警方檢控。當時為早上10時半，共有五名體院學員在教練帶領下，於汀角路進行單車訓練，突然被警員截停，之後全隊人被帶返警署，最後被控未有使用單車徑，今天在粉嶺裁判法院提堂。
根據警方數字，在設有單車徑的道路，因未有使用單車徑騎單車而被檢控的個案近年大幅增加，由2012年的9宗，增至2013年共34宗，增幅近三倍。
其實單車徑有車速限制及安全規定，運動員若在單車徑上進行訓練同樣犯法。運輸署發言人表示，單車徑車速限制為每小時50公里；騎單車者在單車徑上亦應靠左行駛，並讓其他騎單車者從右方超車。若單車在單車徑上高速超車，可能觸犯「魯莽騎踏單車」或「不小心騎踏單車」罪，違者可處罰款及監禁。
浸會大學體育學系副教授雷雄德表示，運動員需在公路上「操車」，才能在距離及速度上達到比賽要求，訓練時單車時速可能達60至100公里，單車徑設計根本不宜進行訓練，亦會影響其他騎單車者及行人安全；政府正擴展單車徑網絡，設有單車徑的公路將越來越多，警方執法時宜考慮運動員的訓練需要而酌情處理。
------
留名睇警方係單車徑捉超速的人多,定捉到歩行跑步的人多.......
作者: hkarmy01 時間: 2014-2-24 20:34
回復 1# SOU
其實我覺得如果政府有心支持單車運動既話
應該適量地給予港隊單車運動員豁免權係馬路上踩車練習...(包括旁邊有單車徑路段)
話哂港隊...點都會有番一定程度自律同紀律以及技術...
著住 HKG 衫代表港隊橫衝直撞呢D事佢地應該唔會亦唔敢做
但現階段既措施黎睇...政府理得你死...照拉可也...庫房又多一千幾百...
作者: shingzhk 時間: 2014-2-24 21:17
樓上講既, 專業人仕持牌可豁免係好
不過一日未有呢條例,就應該見幾多捉幾多
要知道香港缺乏常識既人多, 免得一個係感個個係感,
要自殺都算, 慘係慘著揸汽車再比你自殺式撞既果位
作者: hkarmy01 時間: 2014-2-24 21:53
本帖最後由 hkarmy01 於 2014-2-24 22:30 編輯
回復 3# shingzhk
最主要人既問題...
條友係守規則既..渣咩車踩咩車都守規則
唔守規則既...渣車 或 電單車一樣係害死人...
所以唔好標籤左落馬路踩車就一定係衰格
4個轆同兩個轆用油既一樣可以好衰格!
港隊佢地入得隊...各種單車技術/救車等訓練必不可少
至少會比一般人黎得要好,心態問題要靠紀律(樹大係有枯枝,但不能一竹桿打沉一船人!)
如果真係有豁免
係豁免前要求佢地參加道路守則考試...好似考車牌甘,訂下規則,不守規舉者立即登報兼逐出港隊
再者佢地只有三幾十人....可以限制佢地係特定路段練習...甘樣對駕駛人士既影響有限...(又唔係全民豁免!)
睇怕甘做佢地唔敢亂黎瓜?
作者: shingzhk 時間: 2014-2-24 22:45
回復 shingzhk
最主要人既問題...
條友係守規則既..渣咩車踩咩車都守規則
唔守規則既...渣車 或 電單車 ...
hkarmy01 發表於 2014-2-24 21:53
又唔係話係馬路踩單車就一定衰
不過比起汽車, 單車出事起上黎小事極有限, 而且無論邊面錯都好, 傷既8成係單車
所以出得馬路就一定要比常人更有戒心
而且汽車尚算有法可依, 要考牌有分扣, 出馬路前起碼上過幾廿個鐘堂
相比之下, 馬路上踩緊單車既人可以乜都冇
所以我話應該有返相應既持牌 / 部份專業人仕豁免制度
作者: sunhikari 時間: 2014-2-24 23:04
回復 shingzhk
最主要人既問題...
條友係守規則既..渣咩車踩咩車都守規則
唔守規則既...渣車 或 電單車 ...
hkarmy01 發表於 2014-2-24 21:53
呢樣我反對
好老實，點解港隊可以豁免？
你提出呢個論點其實好危險，即係變相要求非法賽車合法化
即係用返話「香港無賽車場，香港賽車手係馬路時豁免起訴」一樣道理
仲有，其實報道有一點係好誤導人的
浸會大學體育學系副教授雷雄德表示，運動員需在公路上「操車」，才能在距離及速度上達到比賽要求，訓練時單車時速可能達60至100公里
用環法做例子，夠晒權威吧？點講都係大型公路賽
你查返環法的資料，即使跑第一的，平均車速約為45-50公里
即使你講最高速，翻查資料係約110公里，但條件係落斜中，仲要唔係經常出現
咁想問，以呢個做基礎的話，根本都無需馬路，一般單車徑就已經做到訓練
但相對的，我倒讚成係發牌比單車人士，豁免不用附近單車徑的權利，主因真係有d單車徑真係設計上有問題，迫人用馬路，呢個係事實，只要單車友遵守馬路上的規則，單車用馬路我絕不反對
作者: hkarmy01 時間: 2014-2-24 23:24
本帖最後由 hkarmy01 於 2014-2-24 23:36 編輯
回復 6# sunhikari
不如反問一下,點解港隊唔可以豁免? 點解要豁免/發牌俾其他公眾人士?
港隊講緊為數幾十人....其他公眾人士講緊幾千..幾萬...什至數十萬人
樹大有枯枝,你覺得豁免港隊幾十人既枯枝會多D定係所有公眾人士?
豁免有訓練既三幾十人個炸彈會大得過龍蛇混雜既幾千幾萬幾十萬人?
我上面講得好清楚,只要有訂立規則,指定特定路段才獲豁免,已經可以減少對其他駕駛人士既影響
你到底知唔知乜野叫"操練",乜野係賽車?...操練一定要鬥快鬥爆車鬥衝刺鬥左穿右插?
單車既操練同四轆賽車係有明顯分別,單車操練係操耐力同提升平均速度,而唔係賽車甘操左穿右插既技術同能力!
只要車隊一條直線靠左行駛(基本上一定係,因為後邊果班人要食風尾!),而且係較為寬闊及少車既指定路段,影響到其他駕駛人士既機會亦好輕微
單車徑做一般訓練...我真係笑左....
甘多神主牌同落車推車牌/減速博...大部份路面都唔夠寬闊!(條單車徑唔係你及你team 人玩哂,OK?)
仲有其他老人/兒童踩單車..再加埋放狗,散步,發緊夢既路人...單車徑係適合訓練既地方?
香港單車徑甘多障礙物及隱憂,唔好話高速...就算係keep速都做唔到..點訓練呀!!??
如果係甘不如返屋企踩訓練台好過!不切實際
作者: sunhikari 時間: 2014-2-24 23:44
回復 sunhikari
不如反問一下,點解港隊唔可以豁免? 點解要豁免/發牌俾其他公眾人士?
港隊講緊為數 ...
hkarmy01 發表於 2014-2-24 23:24
首先係公平性
上面已經講左，個想法好危險，好易變成非法賽車合法化
另外，政府係真心改緊單車徑，已經由神主牌漸漸變成兩條軟性膠條
條路夠闊之餘，即使撞到亦較以前無咁傷
仲有，如果照你咁講，如果單純只要練耐力同均速的，請多善用將軍澳的單車館，我相信會比出街練好
出街操，最主要係訓練路面的各種變化如平路、斜路等的耐力及體力分配
出外玩公路賽，唔係只係得平路同灣路，仲有上斜同落斜，呢d位亦係訓練重點
另外訓練亦可於晚間進行，單車數絕對係日間時間少
如果話，叫政府為公路單車手做好配套的，我讚成
但如果因為「運動員」呢個身份豁免部份法律追究權利，我絕對係反對，那「運動員」的身份不就變成特權階層？
作者: hkarmy01 時間: 2014-2-24 23:50
回復 8# sunhikari
豁免並唔係指佢唔需要負上撞車或事故既責任喎!
你諗得太遠啦
針對番新聞...家陣係告班港隊"未有使用單車徑,因為馬路旁有單車徑而不使用被檢控"
豁免係豁免佢地係有單車徑既路段一定只能踩單車徑既規定
邊個話係指豁免因不小心駕駛等問題既法律責任??
正如警車/消防車豁免左佢地係緊急事故之下等待燈號,可以響號衝燈,但係出左事一樣要負上法律責任!
你搞清楚個概念同單新聞講乜先啦~
作者: sunhikari 時間: 2014-2-24 23:58
本帖最後由 sunhikari 於 2014-2-24 23:59 編輯
回復 sunhikari
豁免並唔係指佢唔需要負上撞車或事故既責任喎!
你諗得太遠啦
針對番新聞...家陣係 ...
hkarmy01 發表於 2014-2-24 23:50
咁就係另一個問題-公平性
咁點解般巿民唔可以用考牌型式使用馬路？
咁咪又做成特權階級
同埋照你咁講再加埋上面報道某教授咁講，班港隊一定日日犯法都似
因為交通規例訂明左，如果係無任何車速限制指示的情況之下，最高時速均為50公里
呢個絕非老作，可以查下交通規例
所以你話豁免其實仲不切實際
作者: 新遺失戰艦 時間: 2014-2-25 00:09
本帖最後由 新遺失戰艦 於 2014-2-25 00:13 編輯
外國真係無咁多呢D 麻煩法例
佢地既宗旨永遠係 Take your own risk~
===========================
>>>2013年共34宗，增幅近三倍
如果將警力放係濫用單車路既"行人"
我相信增幅係3000倍
作者: hkarmy01 時間: 2014-2-25 00:17
本帖最後由 hkarmy01 於 2014-2-25 00:45 編輯
回復 10# sunhikari
果個教授講既野都好信?
長 keep or over 50 既唔止出戰東亞運/奧運啦...直頭要去環法
佢地既 Average 車速一定係 50 公里以下,所以大部份路線都唔會犯超速既法例
(突然爆車者或落斜另計,但可以靠規則限制)
再強調一次:
針對番新聞...家陣係告班港隊"未有使用單車徑,因為馬路旁有單車徑而不使用被檢控"
如果豁免係豁免佢地係有單車徑既路段一定只能踩單車徑既規定
你走左去講咩超速/咩事故責任做乜姐?
對代表香港出戰既港隊運動員作出甘樣適量既豁免支援竟然可以被稱作特權?
甘我無野好講了...你繼續自說自話吧!
作者: 新遺失戰艦 時間: 2014-2-25 00:21
本帖最後由 新遺失戰艦 於 2014-2-25 00:23 編輯
用環法做例子，夠晒權威吧？點講都係大型公路賽
你查返環法的資料，即使跑第一的，平均車速約為45-50公里
即使你講最高速，翻查資料係約110公里，但條件係落斜中，仲要唔係經常出現
咁想問，以呢個做基礎的話，根本都無需馬路，一般單車徑就已經做到訓練
sunhikari 發表於 2014-2-24 11:04 PM
我相信比賽中, 唔會有joe joe, 逆線行車, U Turn, 減速泊, 欄杆, 又或者帶狗散步既人士係比賽中出現
唔係速度既問題, 係路面變數太多既問題
相比之下, 其實跑路面反而安全得多~
作者: tomming 時間: 2014-2-25 09:28
簡單 D, 考牌先可以出馬路踩, 仲要大大個 駕照 number 貼係背面, 咁要影快相/衝紅燈都易捉 D.
作者: volante8657 時間: 2014-2-25 10:15
emptyyy
作者: volante8657 時間: 2014-2-25 10:18
本帖最後由 volante8657 於 2014-2-25 10:20 編輯
回復 sunhikari
果個教授講既野都好信?
長 keep or over 50 既唔止出戰東亞運/奧運啦...直頭要去環 ...
hkarmy01 發表於 2014-2-25 00:17
road bike求其搵條茂利都踩到30+
用比賽嘅pace去到50有乜咁出奇?
PS.我山地車响馬路都係keep住20, 而且我架車已經係當旅行車咁踩
作者: hkarmy01 時間: 2014-2-25 10:43
回復 16# volante8657
唔好離題ok?與超唔超速無關，跟本係兩件事，唔駛甘急住抽水喎
針對番新聞...家陣係告班港隊"未有使用單車徑,因為馬路旁有單車徑而不使用被檢控"
如果豁免係豁免佢地係有單車徑既路段一定只能踩單車徑既規定
作者: volante8657 時間: 2014-2-25 10:50
回復 volante8657
唔好離題ok?與超唔超速無關，跟本係兩件事，唔駛甘急住抽水喎
針對 ...
hkarmy01 發表於 2014-2-25 10:43
唔係講緊單車徑係不合適場地咩?
作者: SOU 時間: 2014-2-25 11:41
針對番新聞...家陣係告班港隊"未有使用單車徑,因為馬路旁有單車徑而不使用被檢控"
如果豁免係豁免佢地係有單車徑既路段一定只能踩單車徑既規定
hkarmy01 發表於 2014-2-25 10:43
有豁免,就有其他車友話不公平,港隊大哂
無架啦,晤想被檢控,港隊去D無單車徑的路訓練或改下訓練時間....
這就是香港的對侍體育比賽運動友善政策.....自求多福.....
作者: easoneric 時間: 2014-2-25 11:47
本帖最後由 easoneric 於 2014-2-25 11:50 編輯
...keep 25你都想殺死前面果堆人...一係一字排開, 一係路口停車....平時踩開都已經講粗口feel....港隊講緊keep30-40...重要避車? 神人啊? 甘練乜Q.....
作者: SOU 時間: 2014-2-25 12:13
...keep 25你都想殺死前面果堆人...一係一字排開, 一係路口停車....平時踩開都已經講粗口feel....港隊講緊k ...
easoneric 發表於 2014-2-25 11:47
周六日去踩單車徑真係媽媽聲....
講緊keep30-40...重要避車>>>新增訓練項目:單車徑閃避障礙賽
作者: hkarmy01 時間: 2014-2-25 12:36
回復 21# SOU
成功安全無穿無爛抵達元洲仔為之成功