標題: [其他] Microsoft Store 氣數已盡？（未盡！ChatGPT上架） [打印本頁]

---

作者: ARM    時間: 2021-5-11 18:48     標題: Microsoft Store 氣數已盡？（未盡！ChatGPT上架）

本帖最後由 ARM 於 2024-11-29 16:32 編輯

就算依家Win32 app都可以上架
上面嘅app重係寥寥可數
自己經Microsoft Store裝嘅software都係得Whatsapp同iTunes
Google、Adobe、7-zip嗰堆常用嘅嘢都冇
新Edge飛起埋Microsoft Store
Office直頭2019年已經轉返用獨立Installer
連自家嘢都唔參佢玩相信都氣數已盡

本身好鍾意App store呢個concept
作為end user
可以統一自動更新
又唔使驚下載來源有問題(防毒都慳埋)
軟件品質又可以受到監管
重裝Windows之後又可以輕鬆裝返哂全部app

有時係到諗
如果當年Windows XP SP2就開始有Windows Store
個結果又會唔會好唔同呢？
真係好可惜

名又改得衰
好地地叫返Windows Store / Marketplace唔得嘅
改做Microsoft Store一聽重以為好似Apple Store咁實體舖賣hardware

更新
2021-10-07 #27 未盡！小畫家都有更新啦
2022-02-09 #33 原來Firefox同Adobe Reader DC都上咗架
2022-03-02 #164 連記事本都有更新
2023-06-17 #168 準備加入人工智能評價
2024-04-06 #169 Arcade遊戲大廳功能正式上線

-------------------------------------------------------------------------------------------
總結一吓我依家會經由Microsoft Store裝嘅APP

1. 7-ZIP (已落架)
2. WhatsApp
3. Telegram
4. Firefox
5. Microsoft 踏地雷
6. HEIF Iamage Extensions
7. Mp3tag (已經好少用，聽歌用youtube算)
8. Adobe reader (已經好少用，依家習慣用Chrome/Edge開pdf算)
9. Python
10. Windows Media Player (貪佢唔會gen一堆album縮圖)
11. Apple TV
12. Netflix
13. Disney+ (就快唔續，都冇野睇)
14. Discord
15. iCloud
16. ChatGPT

---

作者: ARM    時間: 2021-5-11 19:01

本帖最後由 ARM 於 2023-6-3 13:22 編輯

UWP又係
俾新Edge一次過放棄埋

Microsoft重話要淘汰Win32
但依家點睇都係UWP玩完先，之後就焗住繼續用過時嘅Win32
Windows係咪注定要俾developer，甚至呢個世界唾棄？

=========================================

更新：
Microsoft已經正式放棄咗UWP
真係對安全有好大考慮嘅唯有用VM/sandbox裝app

---

作者: x37    時間: 2021-5-11 20:50

提示: 作者被禁止或刪除 內容自動屏蔽

---

作者: louislam    時間: 2021-5-12 00:14

App Store 係好嘅概念，兩大Smartphone 系統都証明咗
係可惜 M$ 無心搞好佢

講真個M$ Store 體驗差到一個點,  用親都出事, 成日下載唔到, 又出啲咩 0x000XXXX 嘅 Error
跟住明明用緊粒嘅快嘅CPU, 成個 Store 都好似塞塞地咁
啲排版又亂到七彩
跟住啲 App 睇睇下又唔對路，你會發現個 Store 大部份都係啲九流 App
結果搵 Software 寧願 Google 搵官方 exe 唔好煩

另外其實 Win8 已經証明咗 UWP 係唔 Work
不過過咗差唔多10年, M$ 都仲要繼續行一條錯嘅路

---

作者: Okt04175    時間: 2021-5-12 00:44

本帖最後由 Okt04175 於 2021-5-12 13:31 編輯

Windows上面一向都興啲公司自己直接賣程式畀客人直接提供下載，咁樣好處係收益直接入自己袋/客人唔使付擔中間平台抽水嗰筆​費用。
叫人喺M$ Store度賣程式咪即係叫人畀M$抽水/要嗰客畀多啲錢。
我做客緊係想用最抵嘅途徑買野，做公司就當然唔鍾意畀人瓜分啲收益，Windows上面已成定局。

UWP根本就係扮Android平板APP框架扮唔足優點又多一堆怪Bug，Win32一開始就係為PC而設計已經發展咗咁多年相容性高又少Bug，UWP根本唔適合喺PC度用。

Tablet同PC用同一套野只會兩頭唔到岸，就得Touchscreen操作就唔到Mouse操作。半數Windows使用者都係用緊Mouse係不爭嘅事實。M$ Store同UWP早啲入土為安同Windows Phone相聚好過繼​續獻世。

---

作者: a39g99    時間: 2021-5-12 03:49



其實touchscreen同mouse又唔係真係咁水火不容
你整平板模式,會唔會考慮程式全部自動最大化,放棄多視窗應用方式
學iPad四指/下方切換程式(再一步步人性化)
M$果種掃指方法完全唔人性化...
第三方程式就管唔到,至少自己系統做好基本輕觸體驗再講

不過M$真係好似做唔到兩者共存...佢連具體方向都好似無咁樣
(當然啦,M$搞到整得touch就一定會影響mouse體驗既話,不如直接放棄touch算啦)
Windows Store唯一方便係可以容易下載免費應用,唔洗特登去每一個官網下載囉...
其實Windows Store主力搵錢都應該係gaming方面,但係同steam爭...
你咁既Store都係算吧啦

---

作者: Okt04175    時間: 2021-5-12 10:01

本帖最後由 Okt04175 於 2021-5-12 10:05 編輯

而家Win10嘅UI排版係衰到用手篤Mon會嫌啲野太細粒，但係用Mouse撳又會嫌啲野太大舊，好嘅PC程式UI排版設計係唔應該要人經常用Mouse滾輪碌上碌落，要人用Mouse模仿掃Mon操作係相當差嘅體驗。舉例講Win10設定APP喺呢方面都已經做得相當差，所以先話唔應該夾硬溝埋兩種操作用同一套UI，分開兩個版本嚟做先至係路。

講遊戲配套服務Steam真係完善到其他平台有排都追唔上，連Epic Store都追唔上何況M$ Store 。

至於程式方面，單講Github啲免費開源程式唔少都高質過M$ Store嗰啲免費APP，如果係考慮程式更新問題嘅話其實就算係啲Win32程式都可以加入自動檢查下載更新功能。好似PS3同Switch嘅模擬器咁一早就可以直接喺Github度檢查新版檔案等使用者同意更新之後就由更新器下載同解壓縮新檔案去取代舊檔案過程簡單流暢。
反而M$ Store就好易安裝/更新失敗，而且下載同安裝嘅過程都慢到完全係同系統裝更新嗰時一樣慢都係同一套過時嘅更新檔安裝機制，冇善用過新硬體嘅IO效能擺明當電腦係P3 CPU同IDE HDD年代嘅機咁冇善用多執行緒(線程)同埋啲更新Patch仲係將一個已經好細Size嘅檔案再分成更加細Size嘅一堆散碎嘅分割壓縮檔咁封裝，搞到使用者焗住不必要咁浪費時間喺安裝更新嘅過程度。

M$係好想學人食平板電腦條水，但係佢又冇認真做好使用體驗嘅部份，乜嘢都做得唔及人哋好佢點同人哋嘅Store競爭？

---

作者: it_jobs    時間: 2021-5-12 10:06



touch 同 mouse 咁大衝突架咩?

---

作者: it_jobs    時間: 2021-5-12 10:29



講錢真係失感情,

我用開個 picture editor,
上佢個網可以免費 dl, 使用, 喜歡可以捐錢.
上 ms store 要付費,  但無講啲錢比邊個袋.

我見到第一時間就想 xyz ms 啦.
咁去官網 dl, 安裝咪算, 洗鬼經 ms store.

MS 可能大雞唔食細米, 比晒成個市場所有 app 都經佢賣.
都可能只佔佢0.01%銷售額.

早幾年見人人有 store, 佢咪開返個, 自然有人做軒頭.
燒左幾年錢, 發覺洗得大賺得少, 咪唔玩.
啲人調嘅調, 走嘅走, 留下嘅都無心戀戰, 就會造成今日嘅局面.

---

作者: ARM    時間: 2021-5-12 11:48

本帖最後由 ARM 於 2021-5-12 12:08 編輯

明明大多數都係local嘢又唔需要跨平台但走去用web based
Facebook手機app好多年前已經證明咗唔work但Microsoft係都要作死

Windows 8 嗰陣嘅UWP得full screen可以用當然係必須死啦
但UWP嘅權限控制係Win32做唔到嘅嘢

---

作者: ARM    時間: 2021-5-12 12:59

本帖最後由 ARM 於 2021-5-12 13:17 編輯

同意Tablet同PC用同一套野只會兩頭唔岸(不過iPad OS好似做得幾好)
但UWP又唔代表UI設計一定要配合Tablet
舊Edge就係desktop UWP一個好好嘅例子

Win32其中一個問題係隨便一個app就算冇admin right都可以有極大權力
剩係任意讀寫user所有檔案都已經係落後時代嘅表現

UWP嘅失敗可以睇到其實developers都冇心係Windows上投入更多
亦都意味Windows已經冇條件去改進
暫時重可以食多陣老本
但繼續落去只會愈來愈落後
遲早都會俾人唾棄

---

作者: Okt04175    時間: 2021-5-12 13:29

本帖最後由 Okt04175 於 2021-5-13 18:44 編輯

其實Win32嘅權限控制可以透過一啲第三方防毒去控制間接做到差唔多效果，UWP只係變咗直接從系統層面上支援埋權限控制，不過UWP同啲Win32底嘅輸入法八字唔係咁夾，但係Windows始終係Win32嘅主場。

如果Win10可以單獨分出Win10 Touch版本附帶UWP APP同Store專做平板電腦，而其他Win10 Home/Pro嗰啲版本將UWP APP同Store變成自選安裝同埋改返Win7嗰種UI風格同UI排板專做普通PC，咁會好過而家<攞你命3000咁款>好多。

---

作者: ARM    時間: 2021-5-12 14:24

本帖最後由 ARM 於 2021-5-12 14:27 編輯

就好似IE咁
太多歷史包袱根本難以改進
再加埋之前行錯路錯過最佳時機
感覺Windows已經係死局
可能Microsoft一早已經睇到呢個結局所以調走哂啲人手

---

作者: Kin_2012    時間: 2021-5-12 17:30

鍾意 PC 上行 App Store 加減 software 的人應該去用 Linux!

---

作者: gnuek    時間: 2021-5-12 21:33

提示: 作者被禁止或刪除 內容自動屏蔽

---

作者: Okt04175    時間: 2021-5-13 09:28

本帖最後由 Okt04175 於 2021-5-13 09:30 編輯

有Windows Phone失敗例子喺度，我覺得M$ Store仍然有機會好似Windows Phone咁完全摺埋，但係如果M$為硬推M$ Store而封鎖啲人自己上網下載嘅EXE安裝程式咁又會即時趕走一大堆客，始終講錢傷感情喺Store上架要畀M$食水而自己起網站嚟賣就直接賺畀自己上架費都唔使，用Windows嘅人一早慣咗自己上網站買野，打機嘅話Steam已經有晒慣性收視，爭櫈仔遊戲已經播完音樂仲有冇下一回合都難講。

Win10啲使用體驗差到兩頭唔到岸咁，特別係PC上面使用操作體驗差過平板真係幫嗰Store倒晒米。一般人就係先喺PC用Win10評估過先決定買唔買預裝Win10嘅平板同埋好唔好喺M$ Store度買野，偏偏Win10嘅開發方向錯鬼晒一開始就想出盡力討好用平板班人當正用PC班人係臭4，有最多數嗰堆客唔服侍好走去對極少數嗰啲客狗仔擺尾咁款，M$咁樣做咪同電訊公司當舊客係臭4冇分別。

M$而家恃住自己係大台就趕緊客轉台都仲唔肯回頭是岸係得M$ Fans先會無限包容，如果Win10再唔做返PC使用體驗我估到Wine出8.0嗰期或者連UWP APP都行到嗰時應該會有堆人轉台。

M$想做CCTVB嘅話睇下佢可以撐到幾多年。

---

作者: daemongmong    時間: 2021-5-13 10:10


Edge基於Chromium，Chrome不等於Chromium。

via HKEPC Reader for Android

---

作者: javacomhk    時間: 2021-5-13 11:12

摺唔摺埋都唔關事啦。都唔會對佢有乜期望啦。

---

作者: Okt04175    時間: 2021-5-14 13:01

本帖最後由 Okt04175 於 2021-5-14 13:23 編輯

其實摺埋仲好，咁樣Win10嘅開發方向先機會傾向返PC就返Mouse整返好啲UI排版。

---

作者: justiceice    時間: 2021-5-14 14:13

本帖最後由 justiceice 於 2021-5-14 14:32 編輯

新版 Edge 建基於 Chromium，又繼續有支援 Windows 7，跟返 Chromium 個更新手法都係無可厚非
Office 以前喺 Store 嘅版本係 Windows Phone 8/10 時代嘅遺物，依家唔擺落 Store 嘅原因都係一樣要支援舊版嘅 Windows，例如 Windows 8.1

Windows 安裝軟件嘅新格式係 MSIX，完全使用 container 設計，呢個格式係 Windows 10 先用到，Windows 8.1 用唔到，Microsoft 自家出品搬去用 MSIX 睇嚟都要等到 2023 年 Windows 8.1 停止支援先得
https://docs.microsoft.com/en-us/windows/msix/overview

你睇 Microsoft 連 Notepad 都要搬去 Store 就知道佢依然有心繼續搞 Microsoft Store
https://mspoweruser.com/notepad-microsoft-store-new-icon/

仲未計依家好多硬件嘅 DCH 版 driver，都係使用 Microsoft Store 去更新

---

作者: Okt04175    時間: 2021-5-14 23:52

本帖最後由 Okt04175 於 2021-5-15 03:38 編輯

講到尾係嗰死人印度佬管緊嘅M$死要臉唔肯認衰所以先唔認自己衰咗唔肯放棄M$ Store，DCH Driver將Driver同Driver控制程式分開要人另外下載後者本身已經係反智嘅概念，咁出力推DCH講到尾就係為咗谷多啲人用Store(明明要雲吞河居然唔跟河粉要人另外落Order)嘅手段。

近年連用MSI做安裝器格式嘅程式都少過以往好多，而家唔止遊戲連啲程式都已經興整做免安裝版咁解完壓縮擺埋邊就用得(MacOS喺呢方面真係行得好前)，真係唔覺等到2023會有幾多野特登去用MSIX呢種格式。
XLSX/DOCX呢啲新格式都有咗好多年，但今日仲有唔少公司啲電子檔案仍然係用緊XLS/DOC呢啲傳統格式。

---

作者: toylet    時間: 2021-5-15 03:13

提示: 作者被禁止或刪除 內容自動屏蔽

---

作者: Okt04175    時間: 2021-5-17 09:38


而家唔少Software都係ZIP格式將要用嘅包埋一齊係咁而壓下就有一個免安裝版畀人用，用免安裝要轉移都方便過安裝版。
似Anydesk/GPU-Z咁仲方便，嗰程式既可以免安裝即時用又可以當做安裝器咁安裝埋。

---

作者: ARM    時間: 2021-10-6 15:33

本帖最後由 ARM 於 2021-10-6 15:52 編輯

啱啱上Windows 11發現Notepad、小畫家嗰啲已經由System32搬哂去Program Files\WindowsApps
睇嚟真係仲未放棄個Store

---

作者: CMZ    時間: 2021-10-6 21:25

買 Game係咪去返 Steam買？

---

作者: ARM    時間: 2021-10-7 09:18


睇你本身有冇steam fd
冇嘅就冇所謂

---

作者: ARM    時間: 2021-10-7 09:19

本帖最後由 ARM 於 2021-10-7 09:21 編輯



話口未完小畫家就有更新

---

作者: fung_peace    時間: 2021-10-7 15:57

Microsoft Store 介面如果肯執,其實都有佢的價值
始終唔少新人都係靠Store認識個系統同軟件
(Linux 的APP Store係一個好例子,
不過佢的界面較保守,唔知有咩新/好軟件)


呢家手機APP主導,Microsoft Store一定大落後,
但如果將來玩到Android APP,可能又有DD生機的

---

作者: CMZ    時間: 2021-10-8 23:11




    玩開 Forza ，依家有埋 steam 版，唔知有咩分別
同埋個 account 依家好似可以響 game bar 入面 link 埋 steam 嗰個

---

作者: javacomhk    時間: 2021-10-9 01:17

其實的Store 最搵錢就係遊戲，你睇 iOS App Store 就知。
Apple 個 Mac Store 都係麻麻地。
如果第日 Windows 11 個 Android 唔比 side load android app 咁樣的 game 響 Amazon Store 就搵到真銀啦。

---

作者: Okt04175    時間: 2021-10-9 16:51

本帖最後由 Okt04175 於 2021-10-11 13:55 編輯

依家啲人多數習慣買Software直接上人哋公司網站買，買Game就慣咗除非買Ubisoft啲Game先喺Uplay度買EA啲Game就喺Origin度買否則就多數喺Steam度買，咁樣買亦係最直接、慳到錢同簡單嘅做法。

UWP野係M$ Store主要Sell嘅野，不過普遍寫GAME/程式嘅人自從Windows Phone宣告失敗之後都對UWP反應冷淡晒，M$家下根本係因為印度佬CEO死要臉先死頂繼續推UWP，M$ Store最大用處咪用嚟更新UWP版系統附屬應用程式除之以外根本冇野說服到人去依賴M$ Store。

---

作者: Aÿ    時間: 2021-10-15 08:53

本帖最後由 Aÿ 於 2021-10-15 09:09 編輯

依家好似唔係UWP嘅App都有喺Store搵到
我有裝 Notepad/Crystal Disk Info
其中Crystal Disk Info裝完之後，喺 "更新及下載" 唔會出現
但cmd打winget list會見到可以用winget upgrade

---

作者: ARM    時間: 2022-2-9 15:46

啱啱發現原來Firefox同Adobe Reader DC都上咗架

https://www.microsoft.com/zh-hk/ ... b=pivot:overviewtab

---

作者: java2    時間: 2022-2-9 16:17

當年應係配合windows phone 而搞app store. phone 都收左檔, app store 價值..

---

作者: wunit    時間: 2022-2-9 22:15



exe定UWP版先

---

作者: dls2046    時間: 2022-2-10 00:46

我個 win 11 虧嘅，所有 UWP app 連埋個 store 都係彈 app 嘅……
但都無影響，因為 M$ office、pdf reader, editor、Qsync, RaiDrive等工作常用軟件都裝到用到，加上我咁多年都係主力用 portable 軟件，連 firefox, thunderbird 都係用 portable，只要搵到 portable 都唔會安裝。而家跟本運作如常。
唯一真係唔方便嘅，係無咗小算盤 拎起手要計數都好煩
由此可見個 store 有幾有用。

---

作者: l0001    時間: 2022-2-10 02:33

提示: 作者被禁止或刪除 內容自動屏蔽

---

作者: l0001    時間: 2022-2-10 02:35

提示: 作者被禁止或刪除 內容自動屏蔽

---

作者: Okt04175    時間: 2022-2-10 15:30

本帖最後由 Okt04175 於 2022-2-10 17:09 編輯

暫時極其量只改變晒到2021之前未用過Windows嘅人啲習慣，正正常常咁多年有用開Windows嘅人根本唔會So M$ Store(當然有啲2019開始用Win10嘅或者會改變)，我做野嗰啲公司Win10機全部係從官方網站下載Chrome 、Skype 、Adobe Reader同Firefox冇人理嗰M$ Store，有啲公司/機構整OS Image直頭Hide埋嗰M$ Store。

Win32程式都一樣可以直接支援DX12同Vulkan。
程式執行效率方面UWP高極都會超過Win32<至少UWP底相片APP始終慢過Win32底相片檢視器>，除非M$下定決心完全用UWP重寫NT核心，可惜M$自己都對UWP唔夠信心出到Win11嗰NT核心仲係Win32基礎上加建一層UWP。
UWP版APP冇得 喺開始功能表撳兩下整桌面捷徑 同埋 開啟APP實際所在資料夾 唔夠Win32程式方便。

---

作者: l0001    時間: 2022-2-10 20:27

提示: 作者被禁止或刪除 內容自動屏蔽

---

作者: Okt04175    時間: 2022-2-10 22:59

本帖最後由 Okt04175 於 2022-2-10 23:26 編輯

等NT核心再大改寫先算，UWP最初係整落ARM架構為主Windows Phone度後來先搬上X86_64架構為主嘅Windows效率會高過Win32至奇，UWP化咗嘅中文輸入法反應已經明顯慢過Win32版。

工作列嘅空間唔會多過桌面嘅空間，捷徑係可以改成單擊開啟(Win9X年代已經可以)。

用滑鼠去Control想改設計畀Touchscreen用手指篤又改唔好嘅介面只會搞到手指同手臂勞損仲嚴重，成日要大幅度Scroll加上指標要長距離移動。

New從來唔等如Better，講得出 Win8/8.1開始螢幕(勁食螢幕空間垃圾磚牆)好過XP/Vista/Win7開始功能表、UWP版速成倉庫好過Win32版速成倉頡 之類嘅野嘅人唔係抖M就係M$利益網相關人士。

---

作者: l0001    時間: 2022-2-11 01:09

提示: 作者被禁止或刪除 內容自動屏蔽

---

作者: Okt04175    時間: 2022-2-11 01:33

本帖最後由 Okt04175 於 2022-2-11 09:16 編輯

回覆 42# l0001
我唔係懷念Win7介面而係Win7嘅設計啲掣有掣樣又唔會大粒過滑鼠指標幾倍適合我用滑鼠去Control，起碼啲掣嘅設計係合理，確認同取消都係掣嘅樣。用滑鼠根本係需要Win7嗰種介面。
我最憎Win10/11度有啲唔想畀人揀嘅選項整成普通文字嘅樣玩偽裝搏人睇唔到去撳佢整做掣樣嘅選項，反直覺嘅設計係降低咗操作效率。呢種改變唔係Better係Worst。
我用Win10/11要搞一大堆野先改得返「似」Win7嘅UI版面，但係始仍然有唔反滑鼠設計嘅UI版面改唔到，我用Win7唔使搞一大堆野嗰UI版面已經啱使。

Win11嘅出現或多或少係M$想人徹底遺忘Windows Phone，Win10當初話會係最後一個發行版本又強調同Windows Phone聯動嘅部份連介面主題都改到完全一樣，咁Windows Phone失敗退市之後M$緊係想出過新嘅Windows去同Windows Phone嘅一切徹底割蓆。
雖然Win11少咗啲Windows Phone嘅Feel稍為好睇返啲，可惜Win11改極都仲係想優先遷就少數用Touchscreen嘅人，仲係當大多數用Mouse嘅人係陪襯，我唔得閒拎我部普通檯機去做Surface平板電腦嘅陪襯。

希望UWP追上Win32嘅執行效率會早得過中國攞到世界盃第一名啦。

當初M$對老翻隻眼開隻眼閉就為咗令大部份人慣用佢啲野繼而令啲公司為咗就人而買佢啲野，有份用M$新野嘅人就等如有份幫M$做間接推廣，咁咪形成咗無形嘅利益鏈。

而家用緊Win7嘅人入面有人識移植新野落Win7同埋修復啲程式嘅相容問題自然唔怕冇M$支援服務，我部電腦用緊嘅通用USB3 Driver正正就係Win8/8.1/10用緊嘅Driver，只要掃除人為障礙嘅部份就可以畀Win7照用。我自己都識修復一啲新Game畀Win7去Run，我用電腦上下網聽下歌睇下片打下機根本用Win7都滿足晒使用需要，我冇用Win10/11先滿足到嘅使用需要。

一個系統做得夠好自然會有人去為佢延續支援，Win10搞到不倫不類咁，我覺得喺2025年10月14號過後冇咗M$支援服務都唔會有幾多人願意為Win10咁做。

---

作者: l0001    時間: 2022-2-11 02:13

提示: 作者被禁止或刪除 內容自動屏蔽

---

作者: Okt04175    時間: 2022-2-11 03:19

本帖最後由 Okt04175 於 2022-2-11 08:20 編輯

回覆 44# l0001
而家用Win10成日要search and exec咪就係衰Win10嘅開始功能表根本唔係真正嘅開始功能表，只不過係開始螢幕縮細返加「所有程式列表」App扮返開始功能表，但係啲排序根本唔係以前嗰種排法冇得自己執排序而且每一行又大塊又排得鬆散搞到由頂Scroll到底要Scroll嘅幅度大過Vista/Win7，下下打名搵野都係麻煩。

有硬體防火牆亦有第三方收費電腦保護程式(各種Total Security可以做到)可以防到漏洞入侵，我而家有硬體防火牆加上BitDefender Total Security兩層措施根本唔會增加咗風險，反而旨意M$佢嘅Windows Defender就死得，M$自己可以一個SMB v1漏洞留到SMB v3都出埋都未塞好要到爆鑊先做嘢。

我冇責任去成就M$盤生意，用心整出真正吸引舊產品使用者願意主動去轉用嘅新產品係M$嘅責任，舊產品使用者係冇責任去主動幫襯新產品夾份助養M$班混吉友。

如果Windows開發部已經江才浪盡冇Idea真正咁改到啲野更加好，咁Windows都值得畀設計更好嘅系統淘汰。

---

作者: l0001    時間: 2022-2-11 03:54

提示: 作者被禁止或刪除 內容自動屏蔽

---

作者: Okt04175    時間: 2022-2-11 09:04

本帖最後由 Okt04175 於 2022-2-11 09:25 編輯

回覆 46# l0001
首先Total Security顧名思義唔止係防火牆亦係防毒，即係病毒、木馬、流氓程式、廣告程式、勒索程式 同埋 網絡攻擊 都會防，之前BitDefender主動防護功能擋到WannaCry採用嘅漏洞(包括Eternal Darkness漏洞即係SMB v3漏洞)係用Machine Learning同埋Hypervisor Introspection嘅技術就做到，M$嘅Windows Defender擋唔到Eternal Darkness漏洞入侵，賣Windows嘅M$居然唔及人哋BitDefender高效真係瘀到死。
https://businessinsights.bitdefe ... -escalation-exploit
https://www.techbang.com/posts/7 ... to-patch-it-now.amp

新Windows並非更安全反而會樹大招風就真，舊Windows唔存在SMB v3功能自然唔會受SMB v3漏洞影響，當SMB v1漏洞塞咗班人渣自然會轉戰SMB v3漏洞，新功能自然多漏洞未塞，呢個時候完全係體現咗多個香爐多隻鬼。

另外出Patch更新唔使M$都出到，XP有非官方SP4、Vista有非官方SP3，Win7 ESU(收費更新服務)一完結自然會有非官方更新。
https://ryanvm.net/forum/viewtopic.php?f=5&t=10321
https://msfn.org/board/topic/176 ... 17/#comment-1162412

Linux市場佔有率低係因為Linux社群從來都係多做實事唔會好似M$咁做鋪天蓋地嘅廣告宣傳推廣，Windows就相反唧牙膏改少少野都可以走去搵網上寫手出宣傳文章咁多宣傳少做實事，多人用嘅野唔一定係最好嘅野，Linux嘅慳資源程度同埋穩定程度長期遠超Windows。

---

作者: l0001    時間: 2022-2-11 12:44

提示: 作者被禁止或刪除 內容自動屏蔽

---

作者: Okt04175    時間: 2022-2-11 16:38

本帖最後由 Okt04175 於 2022-2-11 16:50 編輯

回覆 48# l0001
你當硬體防火牆冇到？人哋同樣可以更新入侵特徵資料同埋Block List，明知嗰連線係嚟放毒自然會Block咗佢，硬體防火牆本身就可以直接Block咗一堆專登嚟放毒嘅IP。就算靠電腦自己去擋都耗緊少到唔會覺嘅電腦資源，如果你認為咁樣都要耗唔少電腦資源咁只好講係你部電腦嘅規格太舊或太Cheap。

Windows Defender如果係完美嘅話早就打冧埋BitDefender、Fortinet、Kaspersky、Norton、Sophos呢類Band1牌子，但係家陣只係贏咗AVG同紅兩遮嗰啲Band2牌子就喺度大做文章講到贏晒所有牌子咁款，M$嘅推廣部門真係同中宣部有得Fight。

BitDefender Machine Learning技術唔係喺客嘅電腦度出完事再分析，人哋係喺BitDefender嘅Server採樣完喺知時間內自動分析出各種變種嘅可能預先整定特徵檔畀客去預防。

VM技術唔係得M$一家亦唔係M$嘅專利，唔係一講Hypervisor就係講緊M$舊野。
https://zh.m.wikipedia.org/wiki/Hypervisor



Linux核心可以自由配上各種發行版的介面又可以自由更換係優點嚟，好似我咁從一開始就唔唔鍾意Win10逼人對住套死人Windows Phone介面風格咪去裝定Ubuntu過幾年之後完全轉過去，Ubuntu雖然有自己風格但係我可以再改成其他系統擬物化版嘅風格，最緊要係啲掣同UI版面係可以控制到唔會大舊浪費晒螢幕空間。

唔好用十幾年前看待Linux Desktop系統嘅眼光看待而家嘅Linux Desktop系統，家陣已經有Flatpak同AppImage兩種通用嘅程式封裝格式唔使再擔心要邊個發行版先用到嗰程式。
另外Linux系統晨早就用Wine可以直接行埋Windows版程式/Game係出到GUI，嗰Wine家陣都已經發展到7.1版。
反而Windows整到WSL2仲要用Win11先至係初步出到Linux程式嘅GUI。

Linux透過Wine照用M$ O365程式
https://www.reddit.com/r/linux/c ... oft_office_365_via/

目前可以玩到幾百款Game嘅PS4模擬器都係得Linux版冇Windows版，由Linux社群開發嘅AMD Vulkan Driver「RADV」執行效率仲高過AMD自己開發嘅AMD Vulkan Driver「amdvlk」，AMD嘅ROCm(NVIDIA CUDA嘅競爭者)都係得Linux版冇Windows版，CUDA喺Linux上面執行都高效過喺Windows執行。
所以我先話Linux嗰邊只係少做宣傳，人哋Linux做到嘅野係做得好過Windows係好實際，特別係自己定位係Desktop系統時就唔會為咗遷就Touchscreen改出一堆反滑鼠反人類嘅操作介面辛苦大多數用滑鼠嘅人。

玩士多(Store)概念Linux喺十幾年前都已經做到，士多之喺90年代已經有程式來源List概念，只要打一句簡單指令就可以一口氣更新晒第一方同第三方程式。



M$而家同NVIDIA都一樣鍾意執人哋唔新嘅野重新包裝重新推廣，有如Apple自己Cut走手提電腦磁力吸附叉電頭到近期再加返就換個新名重新包裝重新推廣，Sony電話嘅3.5mm音訊插位都係咁。

---

作者: l0001    時間: 2022-2-11 17:27

提示: 作者被禁止或刪除 內容自動屏蔽

---

作者: l0001    時間: 2022-2-11 17:36

提示: 作者被禁止或刪除 內容自動屏蔽

---

作者: Okt04175    時間: 2022-2-11 18:22

本帖最後由 Okt04175 於 2022-2-11 18:24 編輯

回覆 50# l0001
我係話返畀你知直至今日仍然有方法保護到Win7唔一定要靠M$，我冇話其他牌子防護程式有打冧Windows Defender你唔好扭曲我意思。

家陣Windows唔係唔畀其他Type 1 Hypervisor存在，係佢嗰Hyper-V霸住成間廁所，停用Hyper-V組件其他Type 1 Hypervisor就正常用得返，將廁所霸王趕出去其他人咪有得用。



另外，我講我嘅Ubuntu使用體驗啦，我裝完Ubuntu 21.10之後再安裝Linux版Steam(同裝Windows版Steam冇分別)，Steam偵測到A卡會幫我裝埋Mesa(包埋RADV)，喺Steam設定啟用埋Proton選項已經可以同Windows直接下載Windows版Game照開嚟玩，最終幻想15呢種大型Game我都係咁照玩。

RADV同amdvlk呢啲Vulkan Driver係由Vulkan API call嚟用唔需要啲Game專登去支援。仲有Doom、Red Dead Redemption 2、Detroit: Become Human呢啲大Game都係原生Vulkan底，出名Unreal 4引擎一早加入咗Vulkan支援，仲有一堆Game加入埋Vulkan支援。你都未曾去了解過Vulkan喺Linux上面發展成點，OpenGL已經唔再係Linux嘅API一哥嚟。
https://www.pcgamingwiki.com/wiki/List_of_Vulkan_games

你自己睇埋人哋Linux上面玩Dying Light 2已經同Windows一樣條片先啦。
[youtube]D5rwi6cMvHc[/youtube]

係你自己電腦規格唔掂又用XP時期眼光看待Linux系統就懶係Linux打機唔掂。


順便講埋而家PlayStation總部喺美國唔再喺日本，美國法例用模擬器本身冇問題，係下載人哋DUMP嘅GAME檔就有問題，最簡單講規舉就係「想用模擬器玩Game就要自己買Game再自己DUMP嚟玩」。


一樣米本來就會養出百樣人，出新野唔係問題實用就冇問題，出親都係雕花野又想焗所有客去受咁就係問題，M$做得生意嘅諗辦法滿足客人係作為生意佬嘅基本責任。

---

作者: Okt04175    時間: 2022-2-11 18:37

本帖最後由 Okt04175 於 2022-2-11 19:01 編輯

應該話4GB RAM唔夠用嘅時候M$仲唔開發X64版Windows啲人遲早去用X64版Linux，算M$識驚XP時期就去開發X64版XP鋪定後路先。市場唔係單方面主導嘅。

M$有時都會背棄盟友，X86_64或者叫X64準確嚟講係AMD64，X86係IA32，Intel嘅IA64同IA32唔相通整定會失敗，結果M$有出AMD64版Vista都冇出IA64版Vista。M$就係咁平時偏幫Intel同Intel夾埋玩壟斷，到形勢不利嗰陣就去磅住AMD，原本話Win10係最後嘅版本同埋限時舊系統免費上Win10 結果反應不似如期就冇了期免費上再跟手出Win11，我睇死M$之後又會冇了期免費上Win11，M$就係正契弟(條印度CEO本身都契弟)，一開始凶狠冇人買帳就縮沙。

---

作者: l0001    時間: 2022-2-11 19:22

提示: 作者被禁止或刪除 內容自動屏蔽

---

作者: l0001    時間: 2022-2-11 19:36

提示: 作者被禁止或刪除 內容自動屏蔽

---

作者: Okt04175    時間: 2022-2-11 20:52

本帖最後由 Okt04175 於 2022-2-11 21:57 編輯

大公司轉Win10唔係因為防毒信心問題先轉，主要係因為新買批OEM機啲OEM廠冇提供Win7版晶片組Driver或者係底板冇插顯示卡UEFI唔畀開CSM咁先轉用Win10。

要一機多OS做Server唔係新鮮野，Vista時期用VMware Workstation已經做到，只係Intel Core 2 CPU效能唔夠用冇乜人會咁樣用電腦，家陣Zen3 Ryzen 5都夠用嚟一機同時行3個OS(1主2VM副)，唔用Hyper-V都做到。

Linux度打機不嬲係A卡順過N卡，NVIDIA整Linux版Driver整CUDA部份積極整Vulkan部份漏油，Vulkan同CUDA一樣可以做通用運算同Machine Learning兩者係有競爭關係，NVIDIA整Vulkan部份漏油私心推CUDA都唔意外，OpenGL同CUDA係NVIDIA最得意自豪嘅領域，NVIDIA係遲過唔少廠開始整Vulkan Driver。
1080Ti喺Linux行FF15 PC版唔順更加係NVIDIA需要去反省，FF15 PC版係NVIDIA有份出錢又提供技術支援協助隻Game移植上PC嘅。
AMD係靠Vulkan喺Linux嗰度發圍，打機同通用運算推Vulkan而Machine Learning就推ROCm，至少AMD整Driver嗰Vulkan部份唔會漏油咁款。

順便話埋你知，由Steam間公司Valve出錢整嘅Proton(算係改版Wine)即係為咗改善行Game體驗會優先用一啲Patch之後不定期合併上Wine度，DXVK呢個DX9-11轉Vulkan Wrapper初時係個人專案後來變成Valve贊助專案，VKD3D呢個DX12轉Vulkan Wrapper係由Wine開發團隊嘅分支團隊整嘅需要依賴Wine去用，VKD3D-Proton係從VKD3D團隊其中一位主力不幸意外身亡令開發進度長時間停泄之後由DXVK團隊部份人接力改寫成無需依賴Wine而且有持續改良。
Linux嘅打機市場有Valve喺度出力發展緊，用Linux打機根本唔會差得去邊，未來仲會有Intel加入顯示卡市場，Windows開發部再掛住將Windows改到更加似iPad OS唔做啲實際啲嘅野遲早連一啲玩家都轉會。

用3080Ti喺Fedora 35(Linux系統)行FF7重製版1440P 90FPS：
[youtube]c3LHElIKb_M[/youtube]

Wine喺6.1x嗰時行Game嘅DX9-11模式已經順過Windows，而家Wine出到7.1可以掉返轉講Windows最佳化做唔好令顯示卡出現效能損失。我用A卡RX 6900XT喺Linux行Game完全係順過喺Windows行，根本Windows就係衰多野爭IO資源同爭運算資源。
https://openforeveryone.net/arti ... linux-than-windows/
https://www.pcgamer.com/red-dead ... ux-than-windows-10/

玩Switch嗰啲咪有人咁做，真機GPU廢行720P都上唔到60FPS咪用模擬器上4K行60FPS，真機效能廢咪成就咗模擬器。

用Win10/11唔用第三方工具幫手根本冇得拒絕自動更新，啲Icon話改就改都可以忍，更新完收起咗一啲原本仲用緊嘅控制台設定組件呢下就想剷佢，不過Win11肯放返管理網路介面卡嗰控制台組件畀人呢個位算佢啦，但係仍然有唔少地方嘅設計對管理電腦嘅人好唔友善，不過Windows開發部班混吉友唔使佢哋去管理大量電腦冇切身體會過係唔會明管理公司同學校電腦嘅人到底需要點樣嘅設計架喇。

---

作者: Okt04175    時間: 2022-2-11 21:15

本帖最後由 Okt04175 於 2022-2-11 21:56 編輯

回覆 55# l0001
唔好咁689思維啦，問題解決咗就當問題冇發生過，AMD未出Ryzen CPU同埋Vega顯示卡之前Server市場同埋OEM電腦市場近乎冇AMD機嘅影，壟斷一直都存在，AMD爭氣同埋Intel壟斷係可以同時存在，DIY零售市場係AMD贏咗，但係OEM市場仍然係Intel佔緊大多數。

另外唔同Linux系統只係皮唔同嗰核心仍然同一個Linux核心，一款車底盤配唔同車身，全部Linux系統裝更新都係裝緊同樣嘅核心更新、關鍵系統組件更新，分別只在各自配唔同嘅桌面介面程式、登入/登出介面程式、套件管理程式 同埋 介面聲音主題，而家大部Linux程式除咗出.deb同.rpm格式安裝檔就會出埋AppImage格式通用封裝執行檔，即係想簡單出嗰Linux程式出AppImage格式已經搞掂唔使煩，已經好多Linux程式有AppImage格式執行檔包括埋PS2、PS3、NDS、3DS同Switch嘅模擬器「再講明法例上唔可以玩人哋Dump嘅Game 但係可以玩自己Dump嘅Game」，你唔花時間浸下Linux嗰邊咪會覺得Linux仲好似以前咁

Linux嗰邊每次有改動都循序漸進有得Fallback，邊似Windows呢邊由Win8打後鍾意就一刀切大改仲要話改就改冇Fallback選項，想人接受就應該要有過渡性措施。

---

作者: l0001    時間: 2022-2-11 21:56

提示: 作者被禁止或刪除 內容自動屏蔽

---

作者: l0001    時間: 2022-2-11 22:08

提示: 作者被禁止或刪除 內容自動屏蔽

---

作者: Okt04175    時間: 2022-2-11 22:56

回覆 58# l0001
度縮上Win10唔等如對其他防毒冇信心，我間公司用Win10都用Kaspersky唔用Windows Defender。

而家用Type 2都做到想做嘅野就冇需要專登用Type 1，何況同時係Type 1/2嘅Hyper-V會干擾到其他Type 2 VM程式我冇必要留佢喺度阻住晒。
我同公司嘅原則都係盡量減少對M$嘅依賴。


流串玩Windows版Game 同 直接執行Windows版Game咁玩 係兩回事，舊嘅Steam OS未整合Proton，嚟緊Steam Deck嘅跟機新Steam OS會唔會整合就唔知，但係Linux版Steam本身就有全部Windows版Game啟用Proton嘅選項只係冇特登宣傳，何況一般用Windows嘅人冇幾多會留意遊戲技術新聞，選項就喺度識開就有得照玩Windows版Game。


如果平板電腦市場咁重要 需要滑鼠使用者去忍受唔適合滑鼠嘅介面操作，咁樣直接轉去用Linux係善待自己手臂同手指，等下次新Windows重視返滑鼠先考慮用唔用。M$想大局為重，可惜我喺M$嘅大局外，咁分道揚鑣先係正常選擇。


另外模擬器一向有種玩法叫「提升內部Render解像度 & 使用自訂Texture」， 舉例PS2啲Game實際上Render 3D模型都唔足640×480咁Render咗先再拉伸畫面做640×480對位所以清極有限(即假480P/480I)，Switch就係好多Game都係720P/900P做Render嘅假1080P，而模擬器可以用足1080P甚至上4K做Render，仲可以DUMP啲Textures出嚟做高清化處理到玩嘅時候Load高清化咗嘅Texture做4K Render，所以模擬器畫面最終係清晰過真機，係唔需要隻Game去支援高解像模擬器可以自己去處理Render處理同Texture使用去改善畫質。用模擬器主要係想要享受更好畫質。

寵物小精靈 阿爾宙斯 用模擬器上4K 60FPS嘅畫質：
[youtube]gAnLz1hcjwo[/youtube]


一個人行過條就冧嘅橋無事 唔代表 其他人 都必然會咁好彩。


做野都講效率，滑鼠撳幾下做完 VS 鍵盤打完一推字又打一推字咁先做得完 緊係寧願要前者套做嘢方式，前者手指勞損冇咁嚴重，滑鼠嘅出現已經減少咗持續打字嘅需要，有得撳滑鼠仲去打一堆字咪即係同自己手指過唔去。勞損咗又唔會有額外補償不如盡量鍚住自己對手。

---

作者: l0001    時間: 2022-2-11 23:22

提示: 作者被禁止或刪除 內容自動屏蔽

---

作者: Okt04175    時間: 2022-2-11 23:33

本帖最後由 Okt04175 於 2022-2-12 00:29 編輯

回覆 58# l0001
咁講下近期MSIX漏洞MSIX ms-appinstaller協議又係新Windows先有嘅問題，M$嘅解決方法係斬腳趾避沙蟲做法，咁樣其實唔係叫解決係叫逃避。
https://www.ithome.com.tw/news/149240


KDE Gnome咪即係唔同版本嘅Windows Explorer，X11同Wayland即係XPDM同WDDM咁，想寫Windows版3D Game嘅人連WDDM都唔識可以返去學下野先。
而家Linux度已經有晒共識轉去Wayland，NVIDIA喺呢方面又係動作慢過AMD幾拍，NVIDIA已經唔係第一次畀人鬧佢冇心整好Linux Driver又唔肯公開部份整開源Driver需要嘅資料，Linux社群都係靠NVIDIA嘅二五仔員工同一班獨立工程師摸石過河咁做官方閉源Driver逆向工程分析整出開源NVIDIA Linux Driver「nouveau」。我用A卡係因為唔想習慣用CUDA畀NVIDIA捆綁住。


用返你嘅話M$近年改野冇做UAT之餘又要冇Fallback方案/選項咁係好抵畀人剷。

我做過UAT先咁留意Windows嗰啲會影響日常使用操作嘅改變。

---

作者: l0001    時間: 2022-2-11 23:56

提示: 作者被禁止或刪除 內容自動屏蔽

---

作者: Okt04175    時間: 2022-2-12 00:21

回覆 61# l0001
效能問題喺硬體換代自然會間接解決，反而越近底層嘅野出問題時影響範圍就越大。

Proton同Wine已經唔係模擬執行而係直接執行，係預先將Windows啲組件(.exe檔 同.dll檔)轉譯甚至重寫過做Linux/MacOS嘅組件(.so檔 同 .dll檔)，咁樣Linux/MacOS收到程式/Game嘅指令會做返Windows會做嘅相應行為，啲Game要用嘅部份重寫得好嗰時咪行得順過Windows。

FF7重製版喺Linux行FPS高過Windows


RDR2喺Linux行FPS高過Windows



有樣野叫AI Upscale，只要原本嘅Texture 2D像素夠多唔係太曚太花都可以修復出近似原生HD版Texture，3D模型本身係一堆數式只要唔係太夠少Detail都可以修復出HD版3D模型，HD版修復做4K版會修得更加準確。只要Texture同模型處理得好舊Game畫質仲可以再好啲。

FF13本身係PS3 Game，PC版修復過Texture同模型之後一樣可以好似新Game咁清晰：
[youtube]T8VIlX1u5Lg[/youtube]


有樣野叫網路推送，新電腦可以透過網路接收系統安裝Image自動裝系統同埋自動加入網域，喺網域控制器Server度Set好(群組原則物件)GPO套用落新舊電腦度咁就唔使逐部電腦Set野，正常管咁多電腦都要識善用GPO，逐部Set完全係自虐。

---

作者: l0001    時間: 2022-2-12 00:40

提示: 作者被禁止或刪除 內容自動屏蔽

---

作者: Okt04175    時間: 2022-2-12 01:14

回覆 63# l0001
落Patch補到鑊就冇問題，越補越多鑊就唔得掂，以往Win10發生過好多次越落Patch越Bug係2020年尾開始先少咗呢種情況，Win10再遲多一年至補好鑊就真係拖到Final版(21H2)先至係正式版，因為咁2025年之前我都會視Win11正式版係Beta版先。

Linux最後都會係Gnome(GTK)做主導，QT商用要買授權，GTK完全免費，Ubuntu原版就係用緊Gnome，其實想寫面向個人同公司嘅Linux程式先就Gnome去寫就搞掂，可以得閒先再去就KDE執過Linux程式，Ubuntu社群活躍嘅人係最多，個人用電腦揀Ubuntu就夠穩陣。

又咁講唔係全世界都用Windows平板電腦，有啲Bug只會出喺平板電腦嗰邊冇理由話係使用者問題要佢哋忍受，多與少人中招唔係重點，解除安裝更新可以令問題喺部電腦上面消失就即係更新嘅問題M$應該要去解決。如果知道有問題都不作為就會變咗係錢又賺咗鑊又唔補冇負起基本售後責任，換轉係Google出Pixel電話系統更新有鑊唔補都會畀客剷到上天花板。



對香港公司網站唔好太高期望，今日連啲官都冇勇氣認錯，一個腦場鋪員工更加唔會有勇氣認公司嗰網有Bug，公司/機構越大間越唔肯認錯去補鑊，香港就畀呢種風氣陀衰家。

---

作者: Okt04175    時間: 2022-2-12 01:47

本帖最後由 Okt04175 於 2022-2-12 02:01 編輯

回覆 65# l0001
正確講Wine行Windows版嘅野就同64Bit Windows行32bit Windows版嘅野一樣唔係模擬執行係真實執行，64bit Windows入面有埋32bit Windows啲組件喺度，如果係模擬嘅話64Bit Windows行32Bit Benchmark程式嗰分數相比32Bit Windows會低咗好多，用VM方式去行先係模擬執行。

一向唔同系統或者唔同硬體做比較就係主要睇FPS平均數另外睇絕少數時刻最低FPS同埋絕大多數時刻FPS維持喺幾多，平均數已經反映咗系統嘅效率大致係如何，做多一批Game嘅比較測試就可以計出更準嘅效率差距。

FF7原版係Lego模型加上平面場景Texture修復完都唔符合現代大型3D遊戲嘅最低標準所以咁先要完全重製，Lego模型修復完都只係HD Lego模型，平面場景修復完仍然只係HD咗嘅平面場景。

AI改變唔到Game嘅系統同埋底層。

FF13 PC版只係DX9底做唔到DX11嘅特效好正常，起碼修復過睇起冇乜鋸齒感已經追得上新Game嘅清晰度，要有新特效就要用新API做底去做畫質修復/重製，啲PS3 Game出PS4版多數都係畫質修復只要極少數係完全重製，等到PS4 Pro停產PS6出咗差唔多再一次拉高咗現代大型3D遊戲嘅最低標準就有機會見到FF13重製版。

Depoly預先Set好嘅Image係用嚟Set好全公司通用嘅部份，倒GPO係用嚟Set野畀特定嘅部門，GPO係可以一次過倒落全部電腦或者一組電腦又或者一啲使用者群組，唔使逐部或者逐個人Set嘅，群組原則就係攞嚟咁用。

---

作者: l0001    時間: 2022-2-12 02:13

提示: 作者被禁止或刪除 內容自動屏蔽

---

作者: l0001    時間: 2022-2-12 02:22

提示: 作者被禁止或刪除 內容自動屏蔽

---

作者: Okt04175    時間: 2022-2-12 02:35

回覆 68# l0001
緊記歷史汲取歷史教訓係會行少好多冤枉路，好了傷疤忘了痛就好容易重蹈覆轍犯歷史錯誤。

唔係寫程式嚟賣嘅話用QT當然更好，雖然可以寫完程式再募捐然後夠數再更新再Loop，不過比起遊走灰色地帶想透過程式賺錢又想慳一筆咁都係用GTK寫完直接賣比較正路。

Win10有棘住喺平板模式嘅Bug，呢個Bug咪為用滑鼠鍵盤嘅人帶嚟麻煩，Win11都存在而且Win11仲懶醒覺得自己唔會出錯只可以由佢控制模式切換收起咗手動切換掣。呢種影響到操作嘅Bug係好困擾嘅。
https://wethegeek.com/windows-11-stuck-on-tablet-mode/

3間C鋪有穩定嘅貨源同客量自然會高高在上咁，好難見到佢哋認衰仔。

---

作者: l0001    時間: 2022-2-12 02:45

提示: 作者被禁止或刪除 內容自動屏蔽

---

作者: Okt04175    時間: 2022-2-12 03:27

本帖最後由 Okt04175 於 2022-2-12 03:36 編輯

回覆 69# l0001
效能耗損主要係衰就咁包啲組件就收工冇做改良，人哋Wine/Proton都做到行同樣嘅Game可以FPS高過Windows，行慢咗定行快咗講到尾係做嘢態度問題事在人為，Apple唔想去執好堆組件要Cut咗佢係可惜。

AI係做到1像素變4個像素，前提係圖像解像度唔好低過200×200，有足夠資訊畀佢就會估算到HD版嘅樣，AI係可以用大量參考資料去訓練佢提升估算準確程度，AI可以隨意估亦可以貼近原版咁估。
[youtube]0G3Vdusha88[/youtube]

FF13條片係修復計劃1.0時候嘅樣當時都未修復好啲人物同場景嘅Texture自然差啲，上個月已經更新4.0版執咗好多野。PS4本身最多係做到真1080P，PS4 Pro最盡係1440P Render嘅假4K，FF13修復到介乎PS4同PS4 Pro之間嘅觀感已經算唔錯，要去到PS5嘅程度就要人手重製Texture同圖形部份底層同埋模型再加新特效。

---

作者: Okt04175    時間: 2022-2-12 04:10

本帖最後由 Okt04175 於 2022-2-12 06:28 編輯

回覆 71# l0001
人哋要重覆歷史控制唔到，但係至少自己可以去避免。

QT唔係平，如果用佢啲野又唔做修改咁就唔使畀錢佢又唔使公開晒程式碼，一但修改過佢啲野咁用一係要每個月畀459美金佢賺一係就公開晒程式碼，有心整專業程式嘅人點會用QT預設介面咁兒戲，就算嗰程式賺到錢都難保證Keep住個個月賺1000美金以上，電腦程式一向興一筆過買斷嘅，唔係大公司寫嘅程式開價貴啲都賣唔出好難長期供養住QT班人

回帶返Linux史可以見Linux嘅KDE同Gnome兩派一早有共識兩邊早喺2007/2008年已經實現咗互相相容，各自有自己風格但係唔會互相排斥，今時今日兩邊啲野可以掉轉環境如常使用最多只係介面風格唔襯。即係寫Linux程式喜歡寫GTK版定QT版都冇所謂橫掂兩邊通用，我之前試過喺Gnome環境開MPC-QT的確係可以正常用到。
咁樣Linux嗰邊寫程式已經冇技術野好煩，要煩嘅只係點樣推廣自己作品，Linux嘅相容處理係做得好過Windows真係做到求同存異KDE同Gnome啲野相通用AppImage格式發佈就唔使用專登就唔同派系發行版出各種格式嘅安裝檔。
https://codertw.com/%E7%A8%8B%E5%BC%8F%E8%AA%9E%E8%A8%80/620244/

話明Tablet Mode Bug係Win11會繼承嘅Bug即係M$都唔了解嘅Bug，回帶一下呢個Bug曾經逼過Desktop機嘅人用Tablet Mode，M$根本冇徹底Fix好唔係嘅話Win11都唔會繼承埋，即係用Win11唔好彩又突然發作嘅話冇切換模式粒掣畀人撳焗住Reboot。
https://winbuzzer.com/2020/06/15 ... mode-on-pcs-xcxwbn/
https://read01.com/zy7mmxK.amp

順便回帶返2022年M$第一次抄車，落完Patch反而令Win10/11抄VPN、Hyper-V同埋抄埋到Domain Server不斷Reboot，呢啲鑊咪令人對新Windows冇信心。
https://netmag.tw/2022/01/20/%E5 ... 7%E5%95%8F%E9%A1%8C

---

作者: l0001    時間: 2022-2-12 12:04

提示: 作者被禁止或刪除 內容自動屏蔽

---

作者: l0001    時間: 2022-2-12 12:19

提示: 作者被禁止或刪除 內容自動屏蔽

---

作者: Okt04175    時間: 2022-2-12 15:34

回覆 75# l0001
政府谷針都唔會谷一世嘅，而家搞到隔離、打針同埋驗有冇中招嘅地方全部Full晒排長龍仲有人賣排隊籌，即係政府已經玩到DDoS咗自己。

一年使99美金同一年使5508美金差別好大，除咗M$、Apple同埋Google有老本食嘅大企業可以寫一個程式之後瞓喺度都賺到5500美金嘅N倍，其他公司都唔係一個程式就必然可以賺咁多，Gigapixel AI係好用有商業價值又以全球市場為目標都成日要減價希望多啲人幫襯，市道好嗰陣一年使5508美金冇乜嘢但係呢兩年嚟肯定市道唔好得邊，如果連續3年都係咁又要一年使幾千美金咁咪越嚟越肉赤。


KDE同Gnome唔係Windows咁，佢哋做嘅互相相容係包埋對方用嘅Runtime兩邊都有GTK同QT嘅組件分別在於跟配嘅附屬應用程式嗰底唔同一邊係QT底另一邊係GTK，一早講過佢哋都知各自為政會造成大分裂要兩邊互相照住對方先至有助Linux陣營繼續發展，UI風格同API底可以唔一樣但係可以Run嘅野要一樣。

.deb同.rpm嘅安裝檔格式遲早都會過渡晒去通用嘅AppImage格式，.deb同.rpm係唔算煩睇自己用乜派系嘅就下載返相應格式，Fedora/CentOS/RedHat同埋其他同系衍生嘅係用.rpm 而Debian/Ubuntu同埋其他同系衍生嘅就係用.deb，正常自己裝一個系統都會從官方簡介知道係邊一個派系，唔鍾意安裝咪下載AppImage唔使安裝又唔使分系統嘅派系又包晒需要用嘅組件同其他野。
Linux陣營做到和而不同家陣咪唔使煩啲程式喺派系之間嘅相容問題，Linux一早已經識得喺裝一啲程式需要用冇預裝到嘅野時下載裝埋，Windows差唔多要到Win7時期先至係大部份程式識得下載要額外安裝嘅野。

而家Linux方便嘅係近年新版核心已經包晒常見裝置啲Driver(就算N卡都有基本顯示功能，想打機可以用「額外驅動程式」功能去撳幾下自動安裝返官方閉源Driver)。

講免安裝下載完唔使爆一堆野出嚟即開即用方面做得最好始終係MacOS一，不過Linux已經追緊上去，AppImage就係做緊呢樣野但係需要時間去普及，反觀Windows家陣仲係唔少程式嘅免安裝版要先爆一堆野出嚟再喺入面開執行檔，Windows而家除咗外觀追近咗MacOS其他方面仲係追唔上嘅。

---

作者: l0001    時間: 2022-2-12 16:04

提示: 作者被禁止或刪除 內容自動屏蔽

---

作者: Okt04175    時間: 2022-2-12 16:25

本帖最後由 Okt04175 於 2022-2-12 18:28 編輯

回覆 74# l0001
取消相容組件其實唔係最好做法，原本嗰系統收到程式指令要做4個動作先完成到程式指令，如果改良到相容組件收到同樣嘅程式指令做2-3個動作就完成到程式指令咁就係效率提升，Wine/Proton喺打機方面已經咁嘅例子，Apple係懶啫所謂最好只係對佢啲員工嚟講就係唔使做，出面啲工程師就要OT大執堆程式一啲都唔好。
Wine/Proton只要繼續簡化執行Windows版程式/Game指令要做嘅動作流程就可以做到行更多程式/Game都高效過Windows。

AI訓練方法其實啲Machine Learning Framework嘅說明檔案有寫但係水蛇春咁長，AI模型就係AI喺訓練過程自己產生嘅學習心得亦可以理解為AI自己寫畀自己嘅估算算法，普通人只需要理解AI係同人一樣有越多參考資料畀佢學習就越容易訓練到佢識得估出最接近正確答案嘅結果，由於係主觀野所以有時AI估出嚟嘅結果仲會好過人估嘅結果，有時甚至連作者諗唔到要點樣補嘅細節AI都可以補埋。

AI雖然取代唔到人，但係可以幫人減少工作量，張圖修復得好話咪唔使返手再執，有邊張圖修復得唔夠好咪返手再執一下，之後又可以儲夠一組返手執過嘅圖再用嚟訓練下嗰AI等佢下次做修復更加符合自己要求。

Real-ESRGAN係效果唔錯嘅AI。
https://github.com/xinntao/Real-ESRGAN

---

作者: l0001    時間: 2022-2-12 16:38

提示: 作者被禁止或刪除 內容自動屏蔽

---

作者: Okt04175    時間: 2022-2-12 17:30

本帖最後由 Okt04175 於 2022-2-12 18:52 編輯

回覆 77# l0001
KDE同Gnome兩班人都係整合咗QT同GTK之後用自己要用嗰樣組件去整配套程式，佢哋唔使寫Runtime係用Runtime。

Windows係去到VC2008即係同Vista配套嘅VC 開發工具先有識得從網上下載其他需要用組件嘅安裝程式官方示範實例，以前要整咁樣嘅安裝程式要自己寫大堆程式碼去做又冇乜人想咁做，所以2006以前大部份Windows版嘅野都係叫人自己裝咗要用嗰啲野先。

Linux嗰堆系統只不過係同一個車底盤同一組機件又唔同外殼唔同座位分配嘅巴士，駕駛方法一樣只係望落唔同色座位多啲或者少啲，只係頂層各有各特色但係核心底層同埋系統組件完全一樣啲野其實相通。
裝另一個系統嘅野嚟用都冇問題，一個系統可以有多個桌面環境介面咁先好，我唔係用平板電腦唔使硬食平板電腦系統設計嘅介面。

最簡單咁寫Linux程式根本唔需要考慮使用者嘅Linux系統係邊種，只需要用Linux核心同系統組件支援嘅運作方式去寫就得。

用開Windows嘅人係一時三刻理解唔到Linux，但係用開MacOS嘅人用兩下就理解到Linux，始終Linux同MacOS係親戚關係啲概念野近乎一樣，Windows係自己獨立個體。

MacOS啲程式本身既係一個執行檔(等同EXE)又係一個資料夾嚟，所以啲人慣咗用DMG方式包住嚟放上網畀人下載，其實直接上載都得，Windows係要用VMware嗰啲第三方工具整免安裝版程式先整到一個大型程式封裝單一執行檔，始終有差距。

論整合程度其實Mac機同MacOS係做得更好，MacOS同MacEFI係做到無縫銜接，Mac機開機時嗰MacEFI嘅音量、螢幕亮度、網路設計、藍牙設計都係同MacOS同步，PC嘅UEFI同PC系統始終係有縫銜接，最明顯就係UEFI開入系統時會有一下IO中斷晒(畫面冇訊號黑咗一下、USB裝置熄咗一下之類)而且藍牙裝置喺UEFI度係用唔到。

Mac機唔係全部都打唔到機，只係算平價嗰啲效能唔掂，Mac Pro用同RX 580/RX5700/RX6800/RX6900XT同等級嘅專業卡就夠力打機，行Wine/Proton打機同普通PC一樣係流暢嘅，加上Mac Pro仲用緊Intel CPU真係想用Windows嘅話可以照裝返。
Mac機打唔到機係一啲人嫌貴就唔當Mac Pro係自欺欺人，可恨嘅係做傳媒嘅人都係有份欺人嘅一份子。

---

作者: Okt04175    時間: 2022-2-12 18:04

本帖最後由 Okt04175 於 2022-2-12 18:29 編輯

回覆 79# l0001
Mac版M$ Office都唔係Apple整係M$自己整，係M$唔想Linux威脅到Windows先整Mac版都唔整Linux版，唔係Linux陣營唔想發展係M$唔想地位受動搖，要喺Linux用M$ Office咪唯有攞Wine或者VM嚟搞掂佢，Wine高效咪用Wine唔用VM。

elementary OS屬於Ubuntu派系又有自己一套擬物化介面風格同埋接近MacOS嘅配套程式又有埋設計指南教人點整同佢一樣風格嘅程式介面，呢種Linux系統咪幫到Linux陣營吸咗一啲新力軍，喺外國有啲電腦廠仲會出預裝Ubuntu之類Linux系統嘅機，係台港中三地啲代理唔肯行呢一步啫。

RADV呢種支援Vulkan指令集多過完善過AMD整嘅amdvlk嘅開源Vulkan Driver都係由Linux陣營新力軍做主力。Linux之父佢從來冇參與過圖形領域嘅開發，但係佢喺核心底層做最佳化嘅功力就全世界有目共睹。


低解像相入面有啲Detail其實係Noise，Noise要唔要當Detail保留從來視乎人嘅意願無標準，呢個AI修復時本身會做DeNoise，唔鍾意佢DeNoise可以自己餵一啲清晰又有Noise嘅相畀佢教佢唔好DeNoise或者DeNoise輕手啲。
我用Real-ESRGAN修復DVD畫質嘅片就唔介意佢做埋DoNoise，AI做野風格可以透過訓練材料去逐步調整。

如無意外過多幾年就會見到多媒體行業大量使用AI減少人手工作量，大量處理意外影到失焦嘅相、採光不足/過度曝光嘅相、有多餘遮擋物件嘅相、手震太勁嘅片都係適合用AI幫手。

---

作者: l0001    時間: 2022-2-12 19:37

提示: 作者被禁止或刪除 內容自動屏蔽

---

作者: l0001    時間: 2022-2-12 19:48

提示: 作者被禁止或刪除 內容自動屏蔽

---

作者: Okt04175    時間: 2022-2-12 20:50

回覆 82# l0001
Linux做到支援新野同時用HDD裝系統行都唔Lag，Vista打後嘅Windows已經Lag晒。
如果Linux可以直接用Linux版M$ Office，咁啲Office舊電腦實會轉裝Linux而唔係換SSD甚至加RAM去頂多排。今日嘅1%市佔同10年前嘅1%市佔都好唔同，1000萬嘅1%係10萬，10億嘅1%係1000萬，全球電腦數量有繼續大增即使係維持1%其實都係多咗使用者。

我已經話過Linux啲野係相通嘅，核心同系統組件係分開更新同時各種風格系統都係用樣嘅野，就算elementary OS團隊唔繼續更新elementary OS都可以轉裝Ubuntu啲附屬應用程式 同埋 桌面環境介面管理程式 轉變成Ubuntu變Debian又得，與此同時Debiy/Ubuntu亦隨時可以轉變成elementary OS/Steam OS呢啲自訂OS，呢樣就係Linux可以走到嚟今日嘅原因，核心同系統組件亦冇固定版本配搭隨時可以按需要裝想用嘅版本。
根本唔會有自訂OS冇開發團隊打理變孤兒棘咗喺度嘅問題。
冇一個中心嘅系統先唔會有一Team人冧咗就成個Linux陣營跟住冧晒，各有各做但係適當時刻互相照應咁樣係將風險降到最低嘅做法。

反而係Windows同MacOS都係單一企業打理，又有邊個可以保證M$同Apple永世不倒，蘇聯都有倒台嘅一日。


一般自動化處理仲係用緊人普通嘅運算算法，運算算法係固定方式處理有特殊情況係處理唔好，AI嘅估算算法會透過訓練材料參透使用者嘅要求同喜好再模仿人嘅估計推測方式去估算出最接近使用者想要嘅結果。
AI就係要嚟彌補返運算算法死板咁處理一啲好主觀野處理唔好嘅缺陷。又或者咁講，要人手將一啲複雜嘅主觀要求化成可以100%正確處理到各種情況嘅運算算法近乎係冇可能嘅事，人諗唔到就交畀電腦去推測要點樣先做到唔使煩。

而家AI技術未廣泛應用係因為主流電腦規格未跟得上AI估算嘅效能需求，跟得上之後就自然會廣泛應用。
而家用CPU去做AI估算嘅聲音處理叫做勉強夠快，一做影片處理就跪低咗慢到唔想等，要用RTX 3070以上效能級數嘅顯示卡先有合理嘅處理速度訓練過程仍然慢到煉丹咁款。唯有望呢幾年硬體換代嗰效能增長幅度會大過以前，即係Keep住幾年換代時Ryzen 3打得過上代Ryzen 7嘅幅度好快就會普及AI估算應用。

---

作者: l0001    時間: 2022-2-12 22:30

提示: 作者被禁止或刪除 內容自動屏蔽

---

作者: Okt04175    時間: 2022-2-13 00:02

本帖最後由 Okt04175 於 2022-2-13 00:38 編輯

回覆 85# l0001
事實上我間公司有批機係同一型號(HDD都係一樣)一啲行XP一啲行Win7，行XP就唔LAG行Win7就LAG跟住都試埋行Linux都唔LAG，唔好屈HDD食死貓，係NT核心自6.0版開始一直過份Chur儲存裝置。

我用elementary OS係轉到做Ubuntu，用Ubuntu加裝elementary OS啲野都用到冇問題，Linux陣營早就知互相唔相容對方遲早會玩串嗰Party，互相相容由2009年開始實行，主流發行版已經做到好多年，其他發行版用新版Ubuntu/Fedora/Debian去改自訂發行版咪一樣得，即係有人拎Win11去改造嘅話Win11原版基本做到嘅野改造版Win11都一樣做到。
Linux陣營係求同存異，唔係求同滅異，要滅異嘅話嗰陣營一早就玩完。Linux一直係電腦去就人，Windows同MacOS都係生意做大咗要人去就返電腦，電腦發明出嚟係為咗方便人做嘢，要人就返轉頭就違反咗電腦發明出嚟嘅原意。

被遺棄嘅嗰40幾個Linux發行版大多數都係超過10年前停止開發嘅，當時互相相容只係得少數自訂發行版有做到，都係嗰句唔好用XP時期眼光睇今日嘅Linux陣營，家陣已經唔同嗰陣時。以前M$仲視Linux為癌細胞嘅存在，今日M$都要去令Windows相容Linux程式。

睇返DistroWatch啦，elementary OS係頭十名熱門嘅，elementary OS網站每日有過千次點擊。
https://distrowatch.com/table.php?distribution=elementary


elementary OS嗰Team人係採用Pay you want方式提供安裝檔下載，$0下載都得，佢哋仲有Patreon每個月有$576美金贊助。之前AppCenter for Everyone計劃收到成$19000美金嘅贊助。elementary OS仲有排玩。做免費野做得好一樣有錢搵。
https://elementary.io/
https://www.patreon.com/elementary

唔知M$同Apple會有幾長命，但係可以肯定Linux會更加長命。
Linux核心同啲Linux發行版每日都有逐漸改良緊，Windows同MacOS會變Linux都會變，係你覺得Linux係50年都唔會變啫。

---

作者: l0001    時間: 2022-2-13 01:53

提示: 作者被禁止或刪除 內容自動屏蔽

---

作者: l0001    時間: 2022-2-13 02:01

提示: 作者被禁止或刪除 內容自動屏蔽

---

作者: Okt04175    時間: 2022-2-13 02:58

本帖最後由 Okt04175 於 2022-2-13 03:00 編輯

回覆 87# l0001
講到口水乾而家Linux啲野係相通嘅，Gnome同KDE環境都可以同時用到QT同GTK底嘅Linux程式，AppImage格式係通用嘅任何一個Linux發行版都開到，你Loop完Linux桌面程式相容呢個<過去式>問題未？

Elementary OS係人哋業餘興趣Project，興趣野都搵到錢好過一啲人乜都唔去了解用過去嘅眼光看待其他競爭者。

我就係憎格硬統一套介面逼人硬食唔適合滑鼠嘅設計，我用Linux就係因為Linux細食而且用乜介面我有得揀，喺Linux我乜介面唔關寫程式班人事佢哋只要跟住QT或GTK標準去寫嗰程式我就用到。

係咪活喺一黨專政嘅世界就理解唔到多黨執政嘅世界啫？

大把人係人云亦云，多人用Windows都唔代表Windows係最好。

對Windows你就係咁叫人唔好再提過咗去嘅問題，對Linux你又掉返轉係咁提住過咗去嘅問題，唔好雙重標準啦。
你係要講到Linux Desktop系統好似仲係10年前咁廢都唔肯面對承認Linux已經做到好多你認為做唔到嘅野，何必呢？

你咁樣嘅心態做M$宣傳部門嘅話，公司真係多得你唔少，原本想要改善人哋對公司同產品嘅印像都搞到人哋有負面印像。

認真咁試用一排Linux Desktop系統了解一下Linux嗰邊發展成點好難做咩？
知己知彼百戰不殆，不知彼而知己一勝一負。

有心想推廣Win11就應該去了解Win11之餘都去了解下MacOS 12.2同Ubuntu 21.10先，了解競爭者有乜做得更好有乜做得未夠好咁先真正推廣到Win11，本住<Win11點都多人用過其他系統，係咁Loop過咗去嘅問題嚟貶低其他系統抬舉Win11就得啦>心態咁樣唔係幫手推廣而係倒緊米，用親Win11就諗起一啲<係咁Loop過咗去嘅問題嚟貶低其他系統抬舉Win11>嘅人咁樣用Win11嗰Feel都唔好得去邊。

P.S.好可惜HDD行Win10已經Lag過Win7，Win11係基於Win10再加野上去用HDD行只會Lag上加Lag。

---

作者: l0001    時間: 2022-2-13 03:38

提示: 作者被禁止或刪除 內容自動屏蔽

---

作者: l0001    時間: 2022-2-13 03:59

提示: 作者被禁止或刪除 內容自動屏蔽

---

作者: Okt04175    時間: 2022-2-13 05:34

本帖最後由 Okt04175 於 2022-2-13 05:41 編輯

回覆 90# l0001
照你講只要喺唔同版本嘅系統都開到就叫相通，咁Ubuntu16到Ubuntu21都行到嘅Linux程式唔係相通係乜？
AppImage跨到環境又免安裝直接開係性質同MacOS啲野一樣，「用起上嚟」咪同單個EXE一樣。

好心M$冇心出Linux版M$ Office就咪鬼出Linux版嘅Skype同M$ Teams啦。
https://support.skype.com/zh-Hant/skype/linux/
https://techcommunity.microsoft. ... -linux/ba-p/1056267

乜你都認為開發完野應該要自己去Test架？M$班友好耐冇咁做喇喎，佢哋直接塞畀客做白老鼠幫手Test架啦。
Windows同Linux差咁遠係「慣性收視問題」，普遍人都冇主動留意其他台一味追住大台，大台唔連續行錯梯嘅時候其他台近乎搶唔到收視率。

我冇否認過Windows最多人用呢個事實唔好下下乘機搵位砌人啦，係你自己唔願見到Windows畀人批評，Windows有乜野問題你都冇所謂，反而其他系統少少野你都覺得好唔掂好有所謂咁，你咁樣根本唔係同人正常溝通。連其他網友都話過你一唔妥人傾唔埋欄就想乘機搵位砌人，好心你改下啦。你咁樣搞到我以後對住啲Win11電腦都會諗起你好唔開胃呀，我真係恭喜你呀。

對住你冇野好傾喇，係咁先啦。

---

作者: l0001    時間: 2022-2-13 13:02

提示: 作者被禁止或刪除 內容自動屏蔽

---

作者: l0001    時間: 2022-2-13 13:08

提示: 作者被禁止或刪除 內容自動屏蔽

---

作者: Okt04175    時間: 2022-2-13 18:50

本帖最後由 Okt04175 於 2022-2-13 19:06 編輯

回覆 93# l0001
唔好扮唔識安裝檔同執行檔嘅分別啦。

你又想乘機搵位屈人砌人，我一路以改嘅係Win7我自己電腦唔會用Win10又何來改Win10出問題入M$數，我冇攞過嘅Win7問題嚟入M$數，我講嘅Update問題全部係話緊Win10，冇去講過Win7 Update嘅問題，一路同你講緊嘅係Win10問題，你唔好扮晒野借頭借路嚟屈人啦，改下你啲壞習慣啦。

講返確實有出現過嘅問題就叫抵毀，咁你不如直接話你心目中M$係神聖不可犯侵你唔會接收人哋對M$近期產品半句批評啦。
就同你講前幾日到今日未解決嘅Win11問題，Win11嘅KB5010414更新裝完令CPU異常發熱。
https://www.gameapps.hk/news/48925/Windows-11-BUG-CPU

我講啲野唔係你諗咁廢，你當人講到啲野識飛，根本溝通唔到。

話你會屈人砌人係講事實，唔好再屈人砌人嚟令自己覺得好似企喺高地咁，會爬文嘅人都知你係咩料。

---

作者: l0001    時間: 2022-2-13 20:29

提示: 作者被禁止或刪除 內容自動屏蔽

---

作者: thomas6681    時間: 2022-2-13 20:41

本帖最後由 thomas6681 於 2022-2-13 20:48 編輯

Win11嘅KB5010414更新裝完令CPU異常發熱似乎個別問題,國內論壇暫時未見有人反映,我4代cpu未見有異常發熱,可能今日天氣比較涼.



圖片附件: 螢幕擷取畫面 2022-02-13 203158_副本.jpg (2022-2-13 20:41, 145.3 KB) / 下載次數 155
https://h1.hkepc.com/forum/attachment.php?aid=2306642&k=c215c26fba4948ed70a6f831a82f87d6&t=1781394703&sid=38c1ug09OI



圖片附件: 螢幕擷取畫面 2022-02-13 203158_副本.jpg (2022-2-13 20:48, 145.76 KB) / 下載次數 164
https://h1.hkepc.com/forum/attachment.php?aid=2306645&k=5755b5c1e95d8821e7563ceda51dbb91&t=1781394703&sid=38c1ug09OI

---

作者: Okt04175    時間: 2022-2-13 21:11

本帖最後由 Okt04175 於 2022-2-13 21:41 編輯

回覆 96# l0001
乜野Linux發行版都可以Build嗰AppImage出嚟畀所有Linux發行版直接用嗰Linux程式架啦，你估仲係以前咁下下要裝咗先嘅咩，現代人。前面己經唔止一次提過喇。

指出你喺度屈我係講事實唔係人身攻擊，我還自己清白係應該嘅。

將Win7同Win10啲問題一視同仁之前最好Win7係有齊晒Win10「啲新加野」先再講啦，一時就Win7同Win10各還各，一時就要一視同仁，既然你主張系統有改過任何一忽嚟咁之後有乜問題都改嗰個人嘅問題，咁Win7同Win10相比M$係做咗唔少修改咁之後有乜問題係Win10有而Win7冇呢咪就係M$嘅問題囉。矛盾嘅係你。

Beta版Win11就唔係Win11咩？原來休班警係另一個職業嚟架？

咁麻煩你提下啲Win11嘅Bug同不足之處，唔好令人以為Win11係完美嘅，好嗎？

---

作者: l0001    時間: 2022-2-13 21:31

提示: 作者被禁止或刪除 內容自動屏蔽

---

作者: Okt04175    時間: 2022-2-13 21:57

本帖最後由 Okt04175 於 2022-2-13 21:59 編輯

回覆 99# l0001
Linux啲.sh/.run/.bin咪就係執行檔乜野發行版都可以直接執行，如果你知又何解你一開始要咬住.deb/.rpm呢個位呢？

有咩事都係即刻釐清返好啲。

所以Win7停咗M$免費支援服務咪一樣可以照常咁用，咁好心你都唔好放大冇M$免費支援服務之後啲小問題。
你自己都講Win11好嘅地方唔講Win11唔好嘅地方，又冇提到UWP方式重寫系組件衍生嘅問題。

捉人打錯字，叻喇威喇。咁再問一次「Beta版Win11就唔係Win11咩？」

我都冇講過Linux Desktop完美冇缺架。
Linux版已經有介紹Post，我只係講返嗰現況。Linux版都會有人講Windows，呢度又講下Linux好公平。