標題: 在大陸網購手機，如果對方用順豐，可在福田口岸收貨(免費) [打印本頁]

---

作者: cumlaude    時間: 2015-7-3 16:46     標題: 在大陸網購手機，如果對方用順豐，可在福田口岸收貨(免費)

本帖最後由 cumlaude 於 2015-7-7 07:49 編輯

現時，全部國產大牌子（Vivo、Oppo、小米、魅族、Coolpad，中興、華為、Lenovo、 TCL） 的新出 Android phones 都只能網購，有些型號沒有引入香港，也只好在手機品牌自家的網上商城購買，而網購國產大牌子的 Android phones 又大部份都是用順豐 SF 發貨，所以我把此帖放在此區，我只是想有需要的人看到資料，讓他們知道收貨有多一個途徑選擇。這個帖的資料對網購經驗豐富或者不會考慮前往深圳收貨的師兄們未必有用。


[attach]1807169[/attach]

[attach]1806321[/attach]

[attach]1806117[/attach]

此順豐 SF 速遞直營店已經開左一年，不是新聞。是直營店來的，不是代辦點，直營店即是由順豐自己直接經營和管理，直營店好過代辦點，以下全部照片是我實地拍攝的。

由福田口岸前往此順豐 SF 速遞直營店唔洗搭車，慢慢行的話，6 分鐘就到達。
我於 2015-4-12 問過該店的經理，他說如果寄件人用順豐發貨，可以寄到他們這個分店自取，收件人可以使用這個店的地址作為收貨地址，自取是免費的（← 今年 4 月 12 日的資料）。地址寫：广东省深圳市福田区裕亨路 3 号福田口岸顺丰速运【自取】，收件人姓名和大陸手提電話寫翻你本人的資料。所屬轄區（如果要填的話）是「福保街道」，郵編是 518033。必須在收貨地址註明【自取】。

此順豐店的營業時間：Monday - Sunday  每天上午 9:30 - 晚上 9:30（是那位經理於 2015-4-12 說的）。


在福田口岸的「水立方」旁邊會看到這 ↓   (下面第 1 張照片)，進入這照片的中央位置，然後沿著棕櫚樹一路行到尾就可以看到順豐 SF 速遞直營店。


[attach]1806118[/attach]

[attach]1806119[/attach]

[attach]1806120[/attach]

[attach]1806121[/attach]

[attach]1806123[/attach]

裕亨路 3-30 = 3 號之中第 30 號舖位，但寫地址不必寫 3-30，只寫 3 號就足夠有餘了。

---

作者: cumlaude    時間: 2015-7-3 16:47

本帖最後由 cumlaude 於 2015-7-5 07:28 編輯

[attach]1806325[/attach]

福田口岸（返深圳方向）的過關情況：
自從政府於今年 5 月公佈「一週一行」新政策之後，大陸水貨客轉戰福田口岸，福田口岸（返深圳方向）每逢週一至週六 3:30 pm 至 10:30 pm 好多人過關（非常多，多左幾倍！），平時只需 6 分鐘車程的一段路要塞車塞 1 個半小時，週一至週六 3:30 pm 之前正常，週日過關反而無野，唔知點解。

過關（過大陸關，往深圳方向）
過香港關，往深圳方向無問題，但過大陸關（往深圳方向）每逢週一至週六 3:30 pm 至 10:30 pm，過關也非常之多人，排隊過關（過大陸關）要 15 分鐘起碼，越夜越多人過關越等得耐，在水貨客未轉戰福田口岸之前，即是未公佈一週一行之前，排隊過關只需兩、三分鐘。過大陸果關（返深圳方向）有時人手通道會快過自助通道，因為自助通道，前面有些人搞極都過唔到，又或者根本沒有申請自助通道過關（非廣東省的內地遊客居多，朦查查，人排隊佢又以為自己可以排），阻住後面排隊的人過關，內地人又喜歡幾個同行者分幾條龍排隊，邊條龍快 D 就擁曬過來打尖。

福田口岸（返香港方向）的過關情況：
至於從深圳返翻來香港，過關沒有異常情況，與以往一樣。

其他地點的順豐可唔可以作為收貨地點（自取）？
答：應該是所有或者絕大部份的順豐直營店（不是說「順豐授權代辦點」）都得，全深圳有數十間順豐直營店，不過，最好自己問清楚你要的那間順豐店得唔得和是否免費先。

找一間你自己方便就腳的，羅湖口岸附近有一間順豐店是得的，看下面  #6     LarSing  師兄的資料。

---

作者: cumlaude    時間: 2015-7-3 16:48

本帖最後由 cumlaude 於 2015-7-4 12:56 編輯

[attach]1806332[/attach]


[attach]1806331[/attach]


我連深圳河都畫埋出黎，如果閣下仍然唔知點行、唔知方向，我就真的無能為力了，只能親自帶你去一趟！   

---

作者: tlshum    時間: 2015-7-3 16:58

我集運寄落香港自取都是$14，搭火車就貴了点了！

---

作者: LarSing    時間: 2015-7-3 16:59

提示: 作者被禁止或刪除 內容自動屏蔽

---

作者: LarSing    時間: 2015-7-3 17:01

提示: 作者被禁止或刪除 內容自動屏蔽

---

作者: cumlaude    時間: 2015-7-3 17:07

本帖最後由 cumlaude 於 2015-7-3 19:23 編輯


LarSing 師兄網購經驗豐富（經常買「玩具」開箱分享，我也是你的讀者呢！），這些資料（舊聞）對師兄你當然無用，但 EPC 可能仍然有些會員不經常網購，只想買新出的手機，但不知道如何入手。現在大陸各大牌子的新出手機都只能網購，有些型號沒有引入香港。

此帖只是方便不經常網購的 EPC 會員，讓他們知道收貨有多一個途徑選擇。

---

作者: LarSing    時間: 2015-7-3 17:12

提示: 作者被禁止或刪除 內容自動屏蔽

---

作者: LarSing    時間: 2015-7-3 17:14

提示: 作者被禁止或刪除 內容自動屏蔽

---

作者: cumlaude    時間: 2015-7-3 17:16

本帖最後由 cumlaude 於 2015-7-7 01:00 編輯

點解會有人花車費花時間前往深圳順豐 SF 自取（手機）都唔要求手機原廠網店用順豐直寄香港？  又或者點解唔用集運？

有時不一定從金錢和時間考慮，而是從  “貨品的完整性“  （即是貨品會不會破損和被盗竊)考慮。全新手機是有被盗竊的風險的，因為從運單上的資料或者從包裝盒就已經可以知道手機的牌子、型號。在大陸，快遞公司(順豐除外)員工流動性非常大，操守不佳，貨件被盗竊時有發生。

1.   手機由廠商寄給買家，通常是不會額外加任何包裝保護的，只有原裝盒，就咁寄出。

2.   順豐管理員工是幾好的，員工的操守算 OK，盗竊貨物較少發生，貨品的完整性也是  OK 的。

3.  順豐的質素是  OK 的，但如果再經過集運，風險會高一些，那些  「細個唔讀書，大個做運輸」 未必會同你錫住、就住件貨，或者每次上貨落貨都輕輕力、慢慢來，又或者不一定會將你件貨放在最頂，即是可能有其他貨壓住。

4.  用集運，普通平嘢無所謂，但其實寄到集運公司，等同買家已經檢查過並同意 手機 condition 無問題和簽收了，這是有風險的，例如當買家在香港收貨時發現手機破損或者手機被人偷龍轉鳳變左石頭，責任誰屬很難說得清，追討困難，這種情況，手機生產商差不多 100%  不會負責的。

5.  用集運，久不久會出現一次集運公司運送貨件到香港的貨車整車被大陸海關扣關（有用開集運的人就知道），唔知幾時先至放行，雖然不是經常發生。


所以視乎買甚麼貨品，前往深圳自取並非一定是多此一舉，可能有實際原因的，國產手機大牌子幾乎全部都不會同意直寄香港，加錢補運費差價都唔得，有師兄話應該是由於順豐不接受手機這類電子物品寄往香港的訂單，是大陸海關的問題。

自己到順豐收貨，可以當面驗清楚手機才簽收或者即場拒收（順豐與其他快遞公司不同，順豐會讓收貨人開箱驗完貨先至簽收的），集運公司鬼同你驗咩，你也未必想集運公司幫你開箱驗收手機吧？

---

作者: cumlaude    時間: 2015-7-3 17:27

本帖最後由 cumlaude 於 2015-7-3 17:29 編輯


如果識得用集運就梗係集運最好。搭港鐵前往落馬洲（福田口岸）仲貴過直寄香港，並不化算。

會前往福田口岸收貨的人，一係就唔知甚麼叫「集運」；一係就唔想部全新手機經過多一手運輸公司；一係就是元朗區和北區的居民，搭小巴前往落馬洲（福田口岸）的車費不貴。

---

作者: parkie    時間: 2015-7-3 17:28



師兄d資料好有用,我試過訂手機電池,叫賣家用順豐到付香港,問過幾間都話唔得,下次叫佢寄呢度,福田過冇咁多人

---

作者: LarSing    時間: 2015-7-3 17:29

提示: 作者被禁止或刪除 內容自動屏蔽

---

作者: cumlaude    時間: 2015-7-3 17:38



不是的，現在大陸水貨客轉戰福田口岸，福田口岸（返深圳方向）每逢週一至週六 3:30 pm 至 10:30 pm 好多人過關（非常多，多左幾倍！），平時只需 6 分鐘車程的一段路要塞車塞 1 個半小時，週一至週六 3:30 pm 之前正常，週日過關反而無野，唔知點解。

---

作者: cumlaude    時間: 2015-7-3 17:45

本帖最後由 cumlaude 於 2015-7-3 17:46 編輯


唔知網購平價手機，例如 Meizu 藍碌 2，將來過關離境時有無得退稅呢？   

---

作者: parkie    時間: 2015-7-3 17:52


我會用港鐵過關冇影响掛,我淘咁耐全用順豐到付香港,有時訂2個手機套30幾蚊,運費就要38-39蚊

---

作者: enviro50042c    時間: 2015-7-3 18:00



問題港鐵1個站上水去落馬洲都廿幾蚊來回條數仲貴過順豐

---

作者: enviro50042c    時間: 2015-7-3 18:01


政府唔做野
D水貨客個倉仲搬入去洲頭村
的士就當貨VAN咁

---

作者: parkie    時間: 2015-7-3 18:05



我用八達通,唔使比現錢,冇咁覺

---

作者: cumlaude    時間: 2015-7-3 18:07

本帖最後由 cumlaude 於 2015-7-3 18:38 編輯

回覆 16# parkie

影響比較少，唔洗塞車，但福田口岸（返深圳方向）每逢週一至週六 3:30 pm 至 10:30 pm，過關也人多，排隊過關要 15 分鐘起碼，越夜越多人過關越等得耐，在水貨客未轉戰福田口岸之前，即是未公佈一週一行之前，排隊過關只需兩、三分鐘。

過大陸果關（返深圳方向）有時人手通道會快過自助通道，因為自助通道，前面有些人搞極都過唔到，又或者根本沒有申請自助通道過關（非廣東省的內地遊客居多，朦查查，人排隊佢又以為自己可以排），阻住後面排隊的人過關，內地人又喜歡幾個同行者分幾條龍排隊，邊條龍快 D 就擁曬過來打尖。

---

作者: cumlaude    時間: 2015-7-3 18:15

本帖最後由 cumlaude 於 2015-7-3 18:21 編輯


我都認為是政府唔做野，對正常過關的香港人和內地遊客（非水貨客）過關的影響非常大！  那些水貨客，一個人拖成車仔貨，車仔的貨一箱疊一箱，疊到又高又「呀詐」又重，對其他人的確構成危險。計我話，政府應該重鎚打擊！

---

作者: enviro50042c    時間: 2015-7-3 18:23



仲要好多時就企晒係條橋(巴士站上面/口岸中間果條)度等
D差佬趕極都仲有

唔係因為B1轉乘/小巴平都唔會揀果度過關

---

作者: hardness    時間: 2015-7-3 18:37

其實關Android phone咩事?

---

作者: yam138    時間: 2015-7-3 18:38

我一直都係寄到呢間自取，但貴重嘢要小心，好多時丟係門口d 籃度，好似有d 危險！

---

作者: a527692384    時間: 2015-7-3 18:43

回覆 23# hardness

方便買國產手機，多個途徑買 Android phone。
還請Ching隻眼開隻眼閉。

---

作者: C_K    時間: 2015-7-3 18:50

順豐“嘿客”站都可以貨到自取吧？

via Nexus Device

---

作者: cumlaude    時間: 2015-7-3 18:54

本帖最後由 cumlaude 於 2015-7-3 18:57 編輯


師兄對天橋的情況都好熟下，無錯，的確如此，在天橋 pack 貨分貨，又不盡量企埋一邊，嚴重影響通道的暢順！  我最近有一次路過天橋之後在 7-Eleven 向巡邏警員投訴，請他們作出勸喻，兩名警員照辦。

新田一帶的水貨客有相當一部份是幾個人夾份搭的士的， 在水貨客未轉戰福田口岸之前，即是未公佈一週一行之前，的士收費由新田往福田口岸 是 HK$80  一程（不按錶收費），現在是 HK$280 至 $350 一程（因為嚴重塞車），同樣是不按錶收費，越夜越貴，我識得有人駕駛新界的士。

---

作者: cumlaude    時間: 2015-7-3 19:07

本帖最後由 cumlaude 於 2015-7-4 13:43 編輯


有關的。

Vivo、Oppo、小米、魅族、Coolpad，中興、華為、Lenovo、 TCL 的手機幾乎全部都是  Android phones ，而且他們的新出手機都只能網購，而網購又大部份都是用順豐 SF 發貨，所以我把此帖放在此區，但可能版主未必 buy ，我只是想有需要的人看到資料，又不是要我這個帖一鳴驚人或者創造高收視率，畢竟，這個帖的資料又不是甚麼新鮮事，尤其是對經常網購的師兄們而言。

---

作者: hardness    時間: 2015-7-3 19:20


我唔係版主，決定權不在我，不過真心覺得樓主呃post, 而且網購但又走上去拎實屬不智。

---

作者: cumlaude    時間: 2015-7-3 19:32

本帖最後由 cumlaude 於 2015-7-7 01:08 編輯


師兄，我唔洗呃分啦，我 D 分夠用了。

師兄一定是九龍人或港島人。其實玩網購的香港人前往深圳自提大有人在。可能是他們本身就經常路經深圳，不必專誠前往深圳。又可能他們就住在邊境附近，例如新田、米埔、元朗，前往深圳仲方便過去九龍。

又或者有些物品根本就寄不到去香港(大陸海關不允許)。

---

作者: hardness    時間: 2015-7-3 19:43

上得深圳不如上埋去深圳網店既辦公室買，華強北有座唔記得乜名既商業大厦唔少呢啲網店office.我第一部smart phone就係咁買，任試任玩，滿意先比錢。

---

作者: cumlaude    時間: 2015-7-3 19:51



Vivo、Oppo、小米、魅族、Coolpad，中興、華為、Lenovo、 TCL 全部都沒有實體店，最多只有「體驗店」（不出售手機的），新出的手機只能網購，舊款的手機才能在街外買到。

---

作者: hardness    時間: 2015-7-3 19:59


網店既辦公室，你唔識邊個字?

---

作者: sneakaholic    時間: 2015-7-3 20:06

多謝分享
但本身我住港島區所以對我黎講冇乜用
靠集運送黎香港仲抵
同可唔可以開多篇教學點樣係淘寶/ 京東買手機最抵?

---

作者: cumlaude    時間: 2015-7-3 20:11

本帖最後由 cumlaude 於 2015-7-4 01:34 編輯


我講緊國產手機的大牌子（Vivo、Oppo、小米、魅族、Coolpad，中興、華為、Lenovo、 TCL）唔會有得畀顧客去佢地網上商城既辦公室取貨或者買機。

---

作者: cumlaude    時間: 2015-7-3 20:27

本帖最後由 cumlaude 於 2015-7-4 01:48 編輯


師兄，我在淘寶和京東買過唔少野，但未買過手機呢！
LarSing 師兄網購過唔少部手機，亦有在 EPC 開箱分享過，你問 LarSing 師兄會熟 D ，或者問下佢有甚麼可以提點一下。

如果是新出的手機，不是舊款手機，首選當然是手機品牌自家的網上商城購買最穩陣，其次才是京東，淘寶的手機我覺得絕大部份靠唔住。

京東也不是樣樣都信得過，要選擇性判斷，京東於今年 5 月 24 日被 CCTV 中央電視台《每週質量報告》節目揭發用翻新機充當全新 iPhone 出售，誠信有問題，已賣出了很多部，但一開始使用就已經出現各式各樣的毛病 （http://finance.ifeng.com/a/20150524/13727879_0.shtml）。

---

作者: kong1234    時間: 2015-7-3 20:57


但搭返大陸個程車貴

---

作者: kong1234    時間: 2015-7-3 21:03

本帖最後由 kong1234 於 2015-7-3 21:05 編輯

大公司用網購可以慳返好多人工同租, 令到實際成本冇咁高, 反之, 如果件貨有問題, 中間要做一大楂手續, 最後要寄返去都係煩到個客, 所以網購對大公司真係百利而冇一害

---

作者: LarSing    時間: 2015-7-3 21:49

提示: 作者被禁止或刪除 內容自動屏蔽

---

作者: cumlaude    時間: 2015-7-3 23:23



點解呀？   講緊福仁商場有得賣  Lenovo K3  Note 果間定先達果類手機店？

---

作者: 小伙子    時間: 2015-7-3 23:36




    SF 貨only

---

作者: hahakei    時間: 2015-7-3 23:56

請問呢個順豐站可以寄野嗎??

---

作者: cumlaude    時間: 2015-7-4 00:02

回覆 42# hahakei

當然可以！

---

作者: lionrock1    時間: 2015-7-4 00:30

自從小米用網搶起家，國產不少牌子跟風，雖然不少性價比真係抵用，但有部分唔按受直寄HK，甚至淘寶官方集運一樣唔通，所以樓主提出方案的確幾有用，順豐有近一半收發站接受代收件服務，收件後會發短訊通知你收貨，好似可以收平兩蚊雞。
另外可以試下京東，有自提櫃24小時提貨，又可以貨到才付款。

---

作者: enviro50042c    時間: 2015-7-4 00:43

本帖最後由 enviro50042c 於 2015-7-4 00:47 編輯


早前CABLE都報到了
http://cablenews.i-cable.com/web ... p?video_id=12217631

好心佢啦. 應該的士一條龍. 巴士小巴一條龍
果度左邊夠闊開多1條行車線.
至少搭巴士都唔洗塞先啦

另外回正題. 我都係唔知間順豐係邊
我以前去開福民果間

---

作者: kengz    時間: 2015-7-4 06:58

重野先上深圳取，輕便野就集運吧。

---

作者: C_K    時間: 2015-7-4 07:24


麻煩師兄可否講下京東自提櫃服務：
佢個自提櫃度係咪有人收貨款？收現金？
貨睇唔啱可以即場退貨嗎？

via Nexus Device

---

作者: cumlaude    時間: 2015-7-4 08:47

本帖最後由 cumlaude 於 2015-7-4 08:48 編輯


師兄，為方便你了解福田口岸順豐速運的位置，我已在 1 樓加左地圖。

至於師兄對福田口岸香港這邊的路面交通狀況的意見，我亦有同感，遲 D 會詳細回應。

---

作者: hanzawa    時間: 2015-7-4 09:14

提示: 該帖被管理員或版主屏蔽

---

作者: cumlaude    時間: 2015-7-4 10:04

本帖最後由 cumlaude 於 2015-7-4 14:08 編輯


師兄咁講一定未試過在大陸網購國產大牌子手機。

有時不一定從金錢和時間考慮，而是從  “貨品的完整性“  （即是會不會破損)考慮。

1.   手機由廠商寄給買家，通常是不會額外加任何包裝保護的，只有原裝盒，就咁寄出。

2.   順豐管理員工是幾好的，員工的操守算 OK，盗竊貨物較少發生，貨品的完整性也是  OK 的。

3.  順豐的質素是  OK 的，但如果再經過集運，風險會高一些，那些  「細個唔讀書，大個做運輸」 未必會同你錫住、就住件貨，或者每次上貨落貨都輕輕力、慢慢來，又或者不一定會將你件貨放在最頂，即是可能有其他貨壓住。

4.  用集運，普通平嘢無所謂，但其實寄到集運公司，等同買家已經檢查過並同意 手機 condition 無問題和簽收了，這是有風險的，例如當買家在香港收貨時發現手機破損，責任誰屬很難說得清，追討困難，這種情況，手機生產商差不多 100%  不會負責的。


所以視乎買甚麼貨品，前往深圳自取並非一定是多此一舉，可能有實際原因的，國產手機大牌子幾乎全部都不會同意直寄香港，加錢補運費差價都唔得。

自己到順豐收貨，可以當面驗清楚才簽收或者即場拒收，集運公司鬼同你驗咩，你也未必想集運公司幫你開箱驗收手機吧？


LarSing  兄，我講得啱唔啱？   我知道你會睇。

---

作者: cumlaude    時間: 2015-7-4 10:23



師兄，我認為呢，大家有不同的意見無問題的，但有時你自己認為沒有需要的嘢，有部份其他人可能有實際需要，所以言詞方面不必一支竹竿打曬成村人，我估有部份 EPC 高級會員和進階會員會覺得被你冒犯呢！

---

作者: cc55b    時間: 2015-7-4 11:17

其實，我好欣賞師兄無償花咁多時間分享經驗，雖然未必人人合用，但係對完全唔曉的人如我，會覺得學到或者知道多一樣嘢，所以係好多謝開帖既師兄的。

---

作者: a090203    時間: 2015-7-4 11:42

本帖最後由 a090203 於 2015-7-4 11:47 編輯

多謝樓主分享, 其實D資料對新手幾有用, 再補充下先:

• 之前都有CHING介紹過:福田口岸/羅湖都有其他集運/快遞自取點選擇,但要注意...
  
• 如樓主介紹:直營店比代辦點風險細少少,如代簽收貨買貴野有一定風險
  
• 順豐內地到唔可直寄手機電池落港,如唔想返內地拎就要用坊間集運
  
• 如用集運轉發到港,簽收打包發貨都要時間,如遇上查車,比平常等多一兩星期都會有
  

---

作者: hanzawa    時間: 2015-7-4 12:07



無意冒犯，唔好意思！
只係直線思維咋！
TB買機目的都係一個平字，只係覺得除非順路，否則專程上去收貨，時間金錢都值幾百至一千，雖則睇過唔掂可以拒收，但都有一定風險成本，淘機冇乜著數咁咋！

---

作者: hkwtongme    時間: 2015-7-4 12:24



遊客退稅？包唔包港澳台？17%增值稅就算退一半都幾乎等於9折，係就正呀。

---

作者: cumlaude    時間: 2015-7-4 12:31

本帖最後由 cumlaude 於 2015-7-4 12:32 編輯


師兄的回應很正面，多謝回應！    有 TCL 精神！  （TCL 昨天有一個創舉，創國產大牌子手機先河，精神和態度可嘉！）

我覺得有時九龍和港島的師兄唔係太明白其實新界有些地區的居民去深圳福田仲快過去 SSP，車費又平 D （不是說坐火車到福田口岸，是說小巴或者巴士）。

---

作者: cumlaude    時間: 2015-7-4 12:50



多謝師兄！

---

作者: cumlaude    時間: 2015-7-4 12:51



多謝師兄補充！

---

作者: ja8    時間: 2015-7-4 15:20

多謝師兄分享 !

---

作者: dio    時間: 2015-7-4 20:16

多謝師兄， 另想問問用其他集運香港， 要係報關物品寫咩， 直接寫手機嗎？

---

作者: cumlaude    時間: 2015-7-5 02:31

我唔知道呀，因為我未試過用集運寄手機。手機我只在深圳收貨。

睇下有無其他師兄幫到你。

---

作者: hardness    時間: 2015-7-5 05:22


吓????淘寶得官方店架咩?真心膠???
而且咁辛苦走上去拎機，部機有事要退就麻煩，我上人公司寫字樓任試任玩，唔啱既走人完全無損失。

---

作者: cumlaude    時間: 2015-7-5 07:01

本帖最後由 cumlaude 於 2015-7-5 07:09 編輯

淘寶有很多手機賣，但成個帖是講緊 “網購“，這個帖的  “網購“  不是指淘寶，是指從國產大牌子的手機原廠網上商城購買或者從原廠在  T Mall(天貓）開設的官方旗艦店購買或者從  “京東“  購買。

國產大牌子新出的手機，在淘寶無得賣，如果有，買家就唔洗在原廠的網店限時搶購咁麻鬼煩啦。這類手機，就算淘寶店話有得賣都可能是冒牌貨，又或者是正貨，只是淘寶店自己在原廠網店搶購了之後加價出售賺差額。

---

作者: free3sky    時間: 2015-7-5 07:05

正，又多個選擇

---

作者: free3sky    時間: 2015-7-5 07:07

如果經常出入，係幾方便
但專去取機就過關最平都around 45

---

作者: 4eyebald    時間: 2015-7-5 08:42

離題一問：有啲網店好似唔收境外visa, 又唔想充值支付寶，有無師兄會在國内銀行開户，用網銀支付，想請問有關手續。

謝謝

via HKEPC Reader for Android

---

作者: ckcleung    時間: 2015-7-5 08:49

本帖最後由 ckcleung 於 2015-7-5 08:52 編輯

即係咁,有D 公司唔係用順豐快递的.

其實東帆都有玩代收,每單貨收人仔三蚊,到貨后七天內要提貨. 落馬洲同羅湖都有站.各位有興趣可以SEARCH下.

有D貨品确實集運都可能有問題,例如液體,電池類產品, 咁就等埋一次過訂購,上去攞.

---

作者: 剋星    時間: 2015-7-5 09:04

未即係都要過關返大陸....

---

作者: 剋星    時間: 2015-7-5 09:05



點退法?

---

作者: hardness    時間: 2015-7-5 09:28


真心膠

---

作者: kcso1    時間: 2015-7-5 10:03

GOOD

---

作者: cumlaude    時間: 2015-7-5 10:43

本帖最後由 cumlaude 於 2015-7-5 11:21 編輯


我話師兄你先至係一代膠人，本來都唔想理你，但師兄你出言不遜。呢個 post 你啱睇就睇，唔啱睇就不必睇。

上去網店的辦公室？  以前賣山寨手機的淘寶店可能會畀你上去。現在國產大牌子手機自家的網店會畀你上去佢地  office？

EPC 有很多 post ，當然唔係個個 post 都對自己有用，但對某些人可能有用。

在淘寶店購買國產大牌子的新出手機，這才是真心膠！

---

作者: liyee    時間: 2015-7-5 11:00



現在佢五天內提货，到貨當天起計，即是4天，如不是另加超時費

---

作者: liyee    時間: 2015-7-5 11:08

ching我支持你，原本我是去桑達附近的順丰收貨，這間很大，不過要搭車去，唔方便，後来就發现你說這間，就改用這間到現在了。
继续發掘多D這類这址or

---

作者: cumlaude    時間: 2015-7-5 11:09

本帖最後由 cumlaude 於 2015-7-5 19:35 編輯


有玩網購的香港人通常都有在大陸開銀行户口，只須要上去深圳一次就夠，以後可以唔洗上去，幾年唔洗再上去銀行都無問題，全部嘢都可以在香港上網搞掂和查看到，只有補領銀行卡、打簿、U 盾(使用網上銀行服務的密碼器)壞左例外。如果户口唔夠錢先至要上去入錢，但亦可以在香港透過找換店滙入大陸銀行户口，唔洗親身上去。

開户手續很簡單，在全國性的銀行(建設、工商、農業、中銀、招商等，其實還有其他銀行都可以)開户就 OK 。在網上  search  “香港人淘寶小貼士“ ，這個網站有幾篇文章分享在深圳開銀行户口的手續和有關費用(有些銀行免費)，其中有一篇是我寫的，唔知而家是否仍然存在。

---

作者: hardness    時間: 2015-7-5 11:23




    你回黎回去都話要去咩自家網店買, 唔好玩啦, 淘寶深圳d 店點會無得賣, 有時官店無貨深圳先有. 又或

者唔上淘寶上京東, 深圳亦有官營自提點, 可以即場慢慢check機滿意先走,使鬼寄去順豐,

順豐簽收都係只局限外觀無事就算

我係鍾意玩踢爆, 你啱唔啱睇我理得你丫

---

作者: liyee    時間: 2015-7-5 11:33




    人地樓主系話，有新貨出，就响官網搶購，出面買到的，和淘宝有賣的，都是，都是，都是……炒黄牛贵官網幾百元，清楚未

---

作者: cumlaude    時間: 2015-7-5 11:45

本帖最後由 cumlaude 於 2015-7-5 11:57 編輯


師兄咁樣討論就好好多喇，好過用一 D 由高登發揚光大的用語。畢竟，EPC  與高登和香討是不同的，那兩個網站比較流氓。

各人的淘寶經驗不同，所以有不同的取向，無話邊個踢爆邊個，我又不是賣手機的，也不是順豐的員工，不是要推銷手機或順豐。我志在讓其他師兄知道福田口岸也有一間順豐咁解啫，對一些人可能有用。

手機方面，無論是華強北還是淘寶，都有很多古惑嘢，即場 check 和任試也未必看得出，埋安兔兔(Antutu) 都得，這我就不打算多講了。

---

作者: hardness    時間: 2015-7-5 11:47




    真係一定要搶果d 佔幾多成? 而且首先你要搶到, 然后又要上去拎一部不知好壞既電話, 反正都要冒呢d風臉, 比我就用集運收.

---

作者: liyee    時間: 2015-7-5 12:06




    好與壞就不请楚喇，難道你系實体店试完，過2日冇事，天知啊，禁隐陣，就不要買國產了。
至於集运，我以前都用開幾间，但最近，究胆死，將我八間店铺買的货，全部拆開，用佢地方式再一包過打包。可能近期檢查嚴緊卦

---

作者: gasketss    時間: 2015-7-5 13:57

回復 1 #cumlaude

多谢你的分享，我就用東x(x帆)，所有运輸公司也可帮手收件，但要錢，遂件計。

via HKEPC Reader for Android

---

作者: bbsen    時間: 2015-7-5 15:12

本帖最後由 bbsen 於 2015-7-5 20:57 編輯

回覆 70# hardness


就算你個方法可能係好d, 但都唔使不聽話人真心膠吧！
你有心的話可以寫清楚教教其他版友， 無必要做一個 condescending jerk!

---

作者: z-z    時間: 2015-7-5 15:43

如果官網搶唔到，又或者係淘寶官方自營既店度買唔到，其他店通常都要俾多啲架喎，我仲未搵間同官網價錢一樣既鋪，有既話，不如介紹下啦，如果都係要俾多啲錢既話，其實去SSP買又得，又係可以係鋪度慢慢試

---

作者: dom2007    時間: 2015-7-5 16:03

駛唔駛咁頻撲？！

---

作者: teddylo    時間: 2015-7-5 16:25

本帖最後由 teddylo 於 2015-7-5 16:29 編輯

其實我這類唔系經常玩淘寶，偶然幾個月想買下野，不論電話又好，什件又好，總之不能直接落香港，而用這個方法，只要你準備好買乜又有時間又唔怕遠，咁我覺得這個方法真系唔錯又好意見。我自己就試過想買小植物番香港，，見佢淘寶自己集運可以送，便一心想買集運番香港，結果賣家的集運話送到淘寶的集運，佢到先集體簽收，然後退回(因為違禁品不能運送到香港，我話你地官方集運又可以選？佢話你有責任清楚貨物能不能運送到香港..:P)。結果，貨去左邊連賣家都唔知，錢要照付，因為我問題(購買貨物不能托運到香港)。如果有這方法不單止電話，其他野都方便好多。咁當然某些植物唔可以入口，我當然知道，又唔系買蘭花番香港。

其實當你想買新電話，師兄提供的方法就真合用啦。如果個位師兄有上開華強，其實好多門口個間野，實際上系好大機會系老番(報紙電視都有講)，例如小米，我自己都有三部，全都系搶番黎...:p...最初系可以上小米之家自提，之後就乜叉都唔得。你或者可能找到合你自己心意的手機，但百米養百人，其他朋友就未必有實體店或者office俾佢任選任試之後才買，而個服務員會好有禮貌咁歡迎下次光臨咁講。

其實師兄覺得別人不對，或者可以先指出這位師兄那個地方有問題，從純粹購買方法到如何提貨，這位師兄提供方法對於很多人都是一個行得通的方法。至於對於師兄有好的提意或者提醒，也絕對讚同和多謝。因為我以前都是靠這裡的師兄提點才懂去搶小米和上去深圳自提。方法不怕多，最重要別人肯賜教。
各位不喜勿插，只是自己覺得應該發一點小聲。

---

作者: liyee    時間: 2015-7-5 17:26




    ching住港島區？我地住新界西北區的，就完全唔频撲，重方便出九龙，平過出市區

---

作者: lionrock1    時間: 2015-7-5 18:31



京東不是所有貨品有自提服務，要有自提標誌的才有，基本上是京東自己配送物品，應該比較有保障而且送貨都好快，通常第二日已到櫃。
小型貨件例如手機，可以在自提"櫃"自行用提款卡(大陸)付款並取貨，用法同用提款卡在櫃員機提款一般，不過提的是貨件，中型貨件例如風扇，只有在福田的自提"點"取件，應該可以現金付款。

我用自提櫃買過手機、平板，倘算妥當未試過打開櫃得舊草紙。


另外：大陸提款卡其實好易辦，去大部份國內銀行，用香港身份証半小時辦妥，我用中銀冇手續費。

---

作者: C_K    時間: 2015-7-5 22:42




    唔該師兄解答。
即係“京東自提櫃”係自助服務，有類似 ATM 機俾你碌咭（大陸“借記咭”）？
京東自提櫃係先碌咭後提貨？

師兄有冇試過“京東自提櫃”退件？
比如京東買咗支手機自提柜拎，但 check 完發覺有瑕疵，要退件，咁唔知要點搞？

---

作者: lionrock1    時間: 2015-7-6 00:06



暫時未試過退件，詳情未知。

---

作者: 偉偉偉    時間: 2015-7-6 01:11

請問樓主如果買家無國內手機號可以嗎？

---

作者: sneakaholic    時間: 2015-7-6 01:29

咁請問京東邊個自提櫃會近落馬洲或者羅湖口岸？

via HKEPC Reader for Android

---

作者: cumlaude    時間: 2015-7-6 10:56

本帖最後由 cumlaude 於 2015-7-6 11:08 編輯


順豐通知收件人通常是發 SMS 短訊通知的，如果聯絡不到收件人就會作為「問題件」（疑難件）處理，相隔幾日之後是會退回寄件人的。

任何大陸的聯通卡或者中國移動卡(非一卡兩號，是普通的一卡一號電話卡)都可以開啓漫遊，人在香港收 大陸發出的 SMS 短訊是免費的，一卡兩號亦可以免費收短訊，問朋友借用大陸手機號碼作為聯絡電話吧。145 和 147 字頭的大陸手機號碼未必收到 SMS 短訊的，其他號碼無問題。

留意，找信得過的朋友，因為到快遞公司（速遞公司）領取貨件，講得出快遞公司的運單號碼和聯絡電話就可以領取到，不會核實身份的。

---

作者: cumlaude    時間: 2015-7-6 13:01



Thank you, C~Hing !

---

作者: liyee    時間: 2015-7-6 15:59




    ching，點解顺丰，到货後次次都系电话联络我架，在香港收漫游唔聽佢电话，佢太好服務law，打幾次直到你聽為止，没有使用sms，何解呢！唔通要注明，

---

作者: cumlaude    時間: 2015-7-6 16:12

本帖最後由 cumlaude 於 2015-7-6 16:15 編輯


試下在收件人姓名之後或在地址之中註明  【不必电话通知，货到请以手机短信通知，谢谢！】

我沒有註明，我自己用順豐無師兄你咁多。       我用四通一達為主。

---

作者: liyee    時間: 2015-7-6 16:15

下次試下，如用sms联络，需否回復呢

---

作者: cumlaude    時間: 2015-7-6 16:19



唔洗回覆，只是通知你貨件已到，叫你盡快前往領取。你在地址有註明【自取】就  OK。

---

作者: zeab    時間: 2015-7-6 16:33



香港的跨境王 一卡兩號
可作為 聯絡 收sms 嗎 ?

---

作者: cumlaude    時間: 2015-7-6 16:51



應該得，但我唔肯定，我未用過跨境王，師兄可以在  Other Phones  板塊出  post 問下，應該有不少人用過。

---

作者: liyee    時間: 2015-7-6 18:20




    佢成日電話联络我，問我幾时去取的，吹漲