本帖最後由 akao 於 2016-5-18 23:27 編輯
Synology DS216+是一款2bay, 主打家用或中小企市場的NAS, 特點是採用Celeron N3050雙核心CPU以及 1GB DDR3 記憶體, 運算效能提升至支援實時4K硬體影像轉碼和AES-NI加密, 估用細小空間和慳電, 適合全日無間斷運作, 可以將常用的影音, 相片文件等集中存放, 任何地方都可存取, 或用超連結傳給朋友, 讓我為各位略作介紹.
外觀:
DS216+ 前面有膠鏡面外蓋, 防塵美觀, 右面有一系列LED狀態指示燈, USB3.0埠, 一按Copy制和外關, 原本外殼留有SD Card卡槽位置, 但此功能已經移除.
機背有兩個USB2.0埠, Gigabit Ethernet, eSATA插槽, 有8cm風扇散熱
拆開鏡面外蓋, 內裡有兩個3.5吋硬碟托架, 拉出裝上硬碟,套上兩條膠邊固定位置, 推入放回即可, 非常簡便, 若要用2.5吋硬碟/SSD, 則要在托架上螺絲.
我原本對這類網絡產品有點抗拒, 驚太複雜唔識用, 不過原來好簡單, 插上Ethernet線連接Router, 開機後在瀏覽器輸入 http://find.synology.com , 就可以在家居本地網絡找尋NAS, 啟動安裝DSM6.0系統, 格式硬碟等程序
安裝完成後有quickconnect.to 獨有指向自己的NAS, 無論身處何地要連線回家中的NAS, 輕鬆享受私有雲樂趣
DSM6.0 是一套模組化系統, 全部功能可以在瀏覽器上使用, 圖形化的系統介面有豐富應用程式, 可按需要安裝程式. 主打功能有下載, 聽歌, 相片和影音串流
首先開啟EZ-internet, 按自己習慣剔選常用程式,並在Router set 番對應的port forwarding, 否則不能從互聯網連接NAS
在控制台測試對外連接情況
一切準備就緒, 第一個想試係用SD讀卡器複製相片至NAS, 因為平時影完相儲存都幾混亂, 現在一按面板前C制就可將卡內所有檔案存至NAS, 傳送其間對應提示燈會不斷閃, 傳送完畢熄燈斷電, 保證拔讀卡器時唔會整壞卡, 有時出街影相前將相片過一次, 唔洗開電腦又幾方便.之後將張卡Erase, 咁咪唔驚影影吓爆卡.
呢個Copy制適用於一般USB儲存裝置, 不過手機唔得
在DSM6.0開啟File Station, 將USBCopy資料夾拉動至Photo根目錄,
由於相片是RAW格式, 自動轉檔需時
轉檔完畢, 開啟Photo Station 可看到全部相片縮圖, 按入去放大, 可看到相片額外訊息, 亦可分享連結, 下載, 修圖, 幻燈片放影等, 雖然轉檔後的jpeg相只有1920*1080解像度, 但通過網絡可用類似photoshop介面的修圖相當不錯 ( share photo link )
有時旅行完和同伴分享相片都幾麻煩, 幾百張相上傳至公共雲需時, 加上免費容量有限, 現在只要將相片夾連結傳給他們, 讓他們自行瀏覽下載, 加上自動Raw轉Jpeg, 實在慳不少時間.
如果用手機App: DS Photo, 功能和桌面版Photo Station相約, 除了沒有內置修圖軟件, 不過手機己有太多修圖app, 所以沒所謂.
接著試用Audio Station, 我平常聽歌對音質有追求, 多數聽DSD高清音樂, 貪佢取樣高, 音色圓潤, 層次分明, 呢部DS216+原來可以實時轉檔至mp3, 不須預先轉檔實在方便. SACD-ISO就未支援到, 所以聽歌前要用ISO2DSD將音樂檔分開才上傳至NAS
而且Audio Station有歌詞插件, 自動跟檔案名稱尋找對應歌詞, 一面聽歌一面睇歌詞感覺更佳, 用私有雲聽歌唔受手機容量限制, 又不須月費, 想同朋友快速分享只要send條link俾佢就得實在方便 Audio Link
用手機App: DS Audio 都有歌詞, 聽過嘅歌自動下載至手機內存, 再聽唔使嘥數據
如果用藍芽接收器或USB音效卡, 甚至於可用NAS直接播歌聽電台, 不須開著電腦, 聽本地網台都幾方便
到戲肉, 呢部NAS用到Celeron 雙核心處理器, 內置影象引擎iGPU支援實時硬解轉碼, 可同時為一條4k H264 或3 條1080P轉碼功能, 4K轉碼的高中低profiles分別是1080p, 720p, 464p, 保證適合唔同頻寬和終端播放; Video Station 版面整齊, 依據影片名稱自動下載封面, IMDB電影訊息和字幕, 睇片時可由頻寬多少選擇播放畫質, 減少停頓等待時間, 亦可預先轉碼.
轉碼相當快, 一條2個鐘頭影片, 十多分鐘轉完, 不過最高支援到4K h264 30fps影片, 至於HEVC/H.265編碼的影片就做唔到硬體iGPU轉碼, 用CPU轉碼會非常慢
播放介面相當貼心亦完善, 有智能書籤, 從上次中斷位置繼續播放, 在家中看到中途外出可用手機繼續睇, 另外選擇畫質, 字幕有齊晒
用手機睇片可以用DS Video, 就似有大量片庫隨時想睇都得, 降低畫質播更流暢和減少數據用量
趁部機未還住, 呢度有幾條片可以分享, 家中只用100M寬頻, 加上WifiN Router 只是10M/100M, 限制了DS216+的GigaEthernet傳送速度.
4K Demo:
1080p Demo
除了是影音串流好幫手, NAS因為有低功耗特點, 好適合用來下載影音檔, 省卻先用電腦下載再傳至NAS步驟, 呢部DS216+已經支援Torrent, Magnet Link 等常用下載功具, 甚至有Cloud Sync 從公共雲端自動Sync至NAS硬碟, 不過有些資源網站下載時要Captcha或認圖就未有支援. 公共雲端雖然方便, 但免費容量有限, 從各個雲端硬碟備份至NAS感覺更安心
如果用手機下載或分享, 可用手機App: DS File就可瀏覽NAS全部檔案
至於上載同樣簡單, 用手機app DS File, DS photo 都可以, 如果有朋友都想上傳檔案給你, 可以在File Station 按右鍵 "create file request",
但呢個方法只可遂一上傳, 更快捷方法是在DSM為朋友或家人開戶, 令他們無論桌面或手機使用DSM6強大功能
除了影音下載功能, DSM 6.0 亦有Cloud Station Sync, 提供高效率的檔案同步和備份, 令你用電腦時不會因意外覆蓋, 斷電或system crash, 工作中的文件檔或PSD不能開啟化為烏有, 從新做過真係欲哭無淚, 現在用了Cloud Station Drive, 只要sync了資料夾, 裡面的檔案每save一次都會backup去NAS, 保留好多個version, 想回復番幾多次以前修改都得, 見到藍畫面唔會咁驚嚇.
而且DS216+用了btrfs檔案系統, 更安全可靠, 可自動偵測檔案是否有損壞,並由快照還原, 而快照最多有256層, 隨時將檔案復原到特定時間, 使用時更安心
DS216+可以較熄機時間, 凌晨時冇野下載, 並實都無需要開著, 等朝早要用時才自動著番
另外 風扇轉速和指示燈光度都可調教, 如果部NAS放在睡房, 瞓覺時有燈閃爍影響睡眠, 呢個選項夠貼心
因為每個DS216+都可以免費用synology.me 呢個DDNS服務, 架設mail server或web server變得簡單, Mail Station 甚至可整合Gmail, Yahoo, QQ等收發郵件整合如果個人或中小企想setup 網站連收發郵件, 有部NAS就攬掂
如果對Mail Station介面有興趣, 可以黎呢個網站自己試用:
在手機瀏覽器開啟DSM6, 會顯示流動版本, 可以增加使用者, 遠端reboot或熄機, 最常用的影音, 相片,下載等功能給分開給獨立DS App, 令使用起來更便捷.
至於DSM6其他程式眾多, 時間所限, 恕未能逐一測試, 如果對NAS有興趣, 睇完咁多網友開箱文都未肯定DS216+ NAS是否適合自己, 可以去呢個網站親自試用.
https://www.synology.com/en-us/dsm/live_demo
部NAS使用了十多天, 現在還用緊, DSM6圖型介面易上手, 加上使用X86處理器, 可安裝的程式比ARM更多, 功能更強
有問題隨便發問, 盡力解答, 謝謝觀看. |
簡體版
訂閱頻道
訂閱電子報
發表於 2016-5-18 20:14
| 
